Éxodo 37
37
Jëtu'un yaj'oytyuuny ja kaaxë mëti'ipë ja käjpxytyu'unën myë'ijtypyën
1Yë Besalel ojts t'oytyuny ja kaaxë, mëti'ipë ja käjpxytyu'unën myë'ijtypyën, yë acacië kepy ojts tyajtuny, jä'ä y'ayenyëty mäjtsk kë'ënux ja kujkm ets myëjwiinëty tu'kkë'ënux ja kujkm ets kyëjxm'atëty tu'kkë'ënux ja kujkm. 2Ojts tukniwitsy yë pu'ts pujxn, jëtu'un nëkëjxytsyow ets jootjotytsyow, ojts näjyëtu'un yajxon t'awitsy yë pya'a mëët yë pu'ts pujxn. 3Ojts t'oytyuny yë nyitëyë'ëky taxk aak pu'ts pujxnpë, tu'ukjaty ojts tpëjktä'äky ma ja nyitekyën, mäjtskjaty pa'a pa'ajëty. 4Ojts t'oytyuny ja witsë, jä'ä ja acacië kepy mëti'ipë yajtukëëyë'ëkëpën ets tukniwijtsy yë pu'ts pujxn. 5Tääts jap tjë'pnajxy ma ja nyitëëyë'ëkën ets jëtu'un yajkëëyë'ëkëty.
6Tä ojts tyajkojy näjyëtu'un ja nyi'akë'ë, aak pu'ts pujxn mëët t'oytyuuny, jä'ä y'ayenyëty mäjtsk kë'ënux ja kujkm ets myëjwiinëty tu'kkë'ënux ja kujkm. 7Mäjtsk ja tsajpjotmëtë kukäjpxy ojts jam tyajkëxkojy aak pu'ts pujxn jëjp'am pa'apa'a. Yajxon tka'tstëëy tpëjktëëy mëët yë pujxnkuwojpën. 8Ja nyi'akë'ë mëët mäjtsk ja tsajpjotmëtë kukäjpxy mëti'ipë ojts jam kyëxkojyën, tu'ukyë mëët y'akojmujky, tu'uk jam jëjp'am ojts wyi'imy ets näjyëtu'un ja tu'uk. 9Tääts yajxon nyäy'a'ijxmukyë, nimäjtskëty aak winta'ak tyiiynyëtë, aakjam kyëx'ixtë ma ja kaaxë ja y'akë'ëjën ets ja kyäkn txajwa'kxtë jëtu'unts tni'äpkëtë.
Yaj'oytyuny ja tsajpkääky ja nyikaaypyäjn mëti'ipë ja Tios yajmoopyën
Ex 25:23-30
10Besalel ojts tu'uk yë kaaypyäjn t'oytyuny yë'ë ojts tyajtuny yë acacië kepy, jä'ä tyaj'ayeny'äjty mäjtsk kë'ënux ets tyajmëjwiin'ajty tu'kkë'ënux ets kyëjxmëty tu'kkë'ënux ja kujkm. 11Ojts tukniwijtsta'ay yë pu'ts pujxn ets ojts yë pya'a näjyëtu'un tkooyë nän mëët yë pu'ts pujxn. 12Ojts yë pya'a tpëjktakë jä'ä myëjwiinëty wëxtujk kë'ë'u'unk ets ojts näjyëtu'un tpa'akooytyä'äy mëët yë pu'ts pujxn. 13Tääts ojts t'oytyuny näjyëtu'un yë nyitëëyë'ëky, taxk tyaj'o'oyëy, aakyë'ë pu'ts pujxn yajtuun ets ojts tu'ukjaty jam tkëxpëjkta'ay ma ja tyäkën ma ja nyiteky mëët nyämyajts'ityën, 14jam winkon tkëxpëjky ma nyäjyëjpkëyën ets jam yajjë'pnaxëty ja kepy mëti'ipë mëët yajkëëyë'ëkëtyën.
15Ja nyikepy mëti'ipë mëët yajkëëyi'ikyën ja kaaypyäjn yë'ë ojts yajtuk'oytyuny yë acacië kepy ets ojts tukniwijtsta'ay yë pu'ts pujxn. 16Ojts näjyëtu'un yë apëjk atu'unën tyaj'oyë, mëti'ipë ënety jam itaanpën ma ja kaaypyäjnën, aak pu'ts pujxn ojts tuk'oytyuny, ja texy, ja mëj jä'pn, ja nyitu'ts ets ja a'ukën; ma yajpëjkta'akëtyën ja ayajk ako'onën mëti'ipë nëëjëtyën.
Yaj'oytyuny ja mëj jëëntooytyakn aak pu'ts pujxnpë
17Besalel ojts näjyëtu'un tyaj'oyë yë jëëntooytyakn aak pu'ts pujxn, yë'ë ojts tuk'oytyuny yë pujxnkuwojpën ets twojptëëy tka'tstëëy mëët; tu'ukyë ojts tyaj'akojmuky yë y'ëjx mëët yë myox, mëët yë tyo'k, yë y'a'ukën ets mëët y'ääy. 18Jam myoxkëjxy tëtujk ja kyë'ë jam xyajpëtsëmy, tëkëëkjaty pa'apa'a. 19Ja tëtujkpë ja kyë'ë pyëtsimyën myoxkëjxy, ja tu'ukpë tëkëëk ja tyo'k tmëëtëty mëët tu'uk ja nyi'ëjx ets ja nyi'aay, jëtu'un kyëxë'ëky tä tu'uk yë ujtsën mëti'ipë xyëëwajtypyën almendrë. 20E ja nyiteky taxk tmëëtëty ja tyo'k, jëtu'un kyëxë'ëky tä yë almendrë pëjyën, mëët ja nyi'ëjx ets ja nyi'aay. 21Ja tëkëëk pëkpyë ja kyë'ë ma mäjtsk nyämyukyën mëti'ipë pëtsëëmpën ma jëëntooytyaknën, tu'ukjaty ja nyi'ëjx tmëëtëty jëtu'unpë kyëxë'ëkyën të a'ukënën. 22Ja nyi'ëjx ets ja nyikë'ë tu'ukyë mëët nyämyätsyë ja mëj jëëntooytyakn, aak pu'ts pujxn mëët y'oytyunyëty ets yë'ë pujxnkuwojpën yajtuk'oytyuun. 23Pu'tspujxn ojts tuk'oytyuny ja nyikutë'kxn, aakjëtu'un wëxtujkëty, näjyëtu'un ja mëti'ipë yajtijtëpën pujxnmä'tn ets ayä'äptexy. 24Ko ya'atë mëj jëëntooytyakn yaj'oytyuuny ets tëkokyë jënu'un ënety mëët tyuna'anyën, jä'ä ojts yë pu'ts pujxn tyuny i'px majktëkëëk tsim.
Yaj'oytyuny ja poom ja nyiwintsë'këntyakn
25Besalel ojts tyajkojy yë poom yë wyintsë'këntyakn, yë'ë yajtuun yë acacië kepy, taxktatsk y'ixëty, tu'kkë'ënux myëjwiinëty ets jä'ä kyëjxmëty tu'kkë'ënux, tu'knax kyijpxyëty yë pya'a, ja nyiwaj tu'ukyë mëët nyämyätsyë ja wintsë'këntyakn. 26Ojts ja nyini'kx tukniwijtsta'ay yë pu'ts pujxn, näjyëtu'un ja pya'a majktaxkëty ets ja nyiwaj ets ojts tpa'atwitsy näjyëtu'un mëët yë pu'ts pujxn. 27Ojts tpëjktä'äky yë nyitëëyë'ëk aak pu'ts pujxnpë ma ja y'awits ja pya'tkën, mäjtsk tpëjktäky ma ja tyatskën, mëti'ipë yajpatpën ma ja mëjjatypë ja pya'ajën, näjyëtu'un ja tu'k'it, jap yajtijnaxëty ja nyikepy mëti'ipë yajtukëëyë'ëkëpën ja wintsë'këntyakn ko muum yajmënëjkxa'anëty. 28Yë witsë yë'ë mëët t'oytyuuny yë acacië kepy ets ojts tukniwitsy yë pu'ts pujxn.
Yaj'oytyuny yë on mëti'ipë yajtukkënu'kxpën
29Yë Besalel ojts näjyëtu'un tyaj'oyë ja kënu'kxy on, mëti'ipë winë yajtukkënu'kxpën ets ja poom mëti'ipë janty'oy pa'akxu'kpën, jëtu'un tuunk'ajty tä yë pa'akxu'kpë oytyuunpë tyaj'oyën yë tsooy.
Currently Selected:
Éxodo 37: QUETZMIXE
Highlight
Share
Copy
Want to have your highlights saved across all your devices? Sign up or sign in
Biblia Dc en Mixe de Quetzaltepec, Oaxaca México © Sociedad Bíblica de México, A.C.
Éxodo 37
37
Jëtu'un yaj'oytyuuny ja kaaxë mëti'ipë ja käjpxytyu'unën myë'ijtypyën
1Yë Besalel ojts t'oytyuny ja kaaxë, mëti'ipë ja käjpxytyu'unën myë'ijtypyën, yë acacië kepy ojts tyajtuny, jä'ä y'ayenyëty mäjtsk kë'ënux ja kujkm ets myëjwiinëty tu'kkë'ënux ja kujkm ets kyëjxm'atëty tu'kkë'ënux ja kujkm. 2Ojts tukniwitsy yë pu'ts pujxn, jëtu'un nëkëjxytsyow ets jootjotytsyow, ojts näjyëtu'un yajxon t'awitsy yë pya'a mëët yë pu'ts pujxn. 3Ojts t'oytyuny yë nyitëyë'ëky taxk aak pu'ts pujxnpë, tu'ukjaty ojts tpëjktä'äky ma ja nyitekyën, mäjtskjaty pa'a pa'ajëty. 4Ojts t'oytyuny ja witsë, jä'ä ja acacië kepy mëti'ipë yajtukëëyë'ëkëpën ets tukniwijtsy yë pu'ts pujxn. 5Tääts jap tjë'pnajxy ma ja nyitëëyë'ëkën ets jëtu'un yajkëëyë'ëkëty.
6Tä ojts tyajkojy näjyëtu'un ja nyi'akë'ë, aak pu'ts pujxn mëët t'oytyuuny, jä'ä y'ayenyëty mäjtsk kë'ënux ja kujkm ets myëjwiinëty tu'kkë'ënux ja kujkm. 7Mäjtsk ja tsajpjotmëtë kukäjpxy ojts jam tyajkëxkojy aak pu'ts pujxn jëjp'am pa'apa'a. Yajxon tka'tstëëy tpëjktëëy mëët yë pujxnkuwojpën. 8Ja nyi'akë'ë mëët mäjtsk ja tsajpjotmëtë kukäjpxy mëti'ipë ojts jam kyëxkojyën, tu'ukyë mëët y'akojmujky, tu'uk jam jëjp'am ojts wyi'imy ets näjyëtu'un ja tu'uk. 9Tääts yajxon nyäy'a'ijxmukyë, nimäjtskëty aak winta'ak tyiiynyëtë, aakjam kyëx'ixtë ma ja kaaxë ja y'akë'ëjën ets ja kyäkn txajwa'kxtë jëtu'unts tni'äpkëtë.
Yaj'oytyuny ja tsajpkääky ja nyikaaypyäjn mëti'ipë ja Tios yajmoopyën
Ex 25:23-30
10Besalel ojts tu'uk yë kaaypyäjn t'oytyuny yë'ë ojts tyajtuny yë acacië kepy, jä'ä tyaj'ayeny'äjty mäjtsk kë'ënux ets tyajmëjwiin'ajty tu'kkë'ënux ets kyëjxmëty tu'kkë'ënux ja kujkm. 11Ojts tukniwijtsta'ay yë pu'ts pujxn ets ojts yë pya'a näjyëtu'un tkooyë nän mëët yë pu'ts pujxn. 12Ojts yë pya'a tpëjktakë jä'ä myëjwiinëty wëxtujk kë'ë'u'unk ets ojts näjyëtu'un tpa'akooytyä'äy mëët yë pu'ts pujxn. 13Tääts ojts t'oytyuny näjyëtu'un yë nyitëëyë'ëky, taxk tyaj'o'oyëy, aakyë'ë pu'ts pujxn yajtuun ets ojts tu'ukjaty jam tkëxpëjkta'ay ma ja tyäkën ma ja nyiteky mëët nyämyajts'ityën, 14jam winkon tkëxpëjky ma nyäjyëjpkëyën ets jam yajjë'pnaxëty ja kepy mëti'ipë mëët yajkëëyë'ëkëtyën.
15Ja nyikepy mëti'ipë mëët yajkëëyi'ikyën ja kaaypyäjn yë'ë ojts yajtuk'oytyuny yë acacië kepy ets ojts tukniwijtsta'ay yë pu'ts pujxn. 16Ojts näjyëtu'un yë apëjk atu'unën tyaj'oyë, mëti'ipë ënety jam itaanpën ma ja kaaypyäjnën, aak pu'ts pujxn ojts tuk'oytyuny, ja texy, ja mëj jä'pn, ja nyitu'ts ets ja a'ukën; ma yajpëjkta'akëtyën ja ayajk ako'onën mëti'ipë nëëjëtyën.
Yaj'oytyuny ja mëj jëëntooytyakn aak pu'ts pujxnpë
17Besalel ojts näjyëtu'un tyaj'oyë yë jëëntooytyakn aak pu'ts pujxn, yë'ë ojts tuk'oytyuny yë pujxnkuwojpën ets twojptëëy tka'tstëëy mëët; tu'ukyë ojts tyaj'akojmuky yë y'ëjx mëët yë myox, mëët yë tyo'k, yë y'a'ukën ets mëët y'ääy. 18Jam myoxkëjxy tëtujk ja kyë'ë jam xyajpëtsëmy, tëkëëkjaty pa'apa'a. 19Ja tëtujkpë ja kyë'ë pyëtsimyën myoxkëjxy, ja tu'ukpë tëkëëk ja tyo'k tmëëtëty mëët tu'uk ja nyi'ëjx ets ja nyi'aay, jëtu'un kyëxë'ëky tä tu'uk yë ujtsën mëti'ipë xyëëwajtypyën almendrë. 20E ja nyiteky taxk tmëëtëty ja tyo'k, jëtu'un kyëxë'ëky tä yë almendrë pëjyën, mëët ja nyi'ëjx ets ja nyi'aay. 21Ja tëkëëk pëkpyë ja kyë'ë ma mäjtsk nyämyukyën mëti'ipë pëtsëëmpën ma jëëntooytyaknën, tu'ukjaty ja nyi'ëjx tmëëtëty jëtu'unpë kyëxë'ëkyën të a'ukënën. 22Ja nyi'ëjx ets ja nyikë'ë tu'ukyë mëët nyämyätsyë ja mëj jëëntooytyakn, aak pu'ts pujxn mëët y'oytyunyëty ets yë'ë pujxnkuwojpën yajtuk'oytyuun. 23Pu'tspujxn ojts tuk'oytyuny ja nyikutë'kxn, aakjëtu'un wëxtujkëty, näjyëtu'un ja mëti'ipë yajtijtëpën pujxnmä'tn ets ayä'äptexy. 24Ko ya'atë mëj jëëntooytyakn yaj'oytyuuny ets tëkokyë jënu'un ënety mëët tyuna'anyën, jä'ä ojts yë pu'ts pujxn tyuny i'px majktëkëëk tsim.
Yaj'oytyuny ja poom ja nyiwintsë'këntyakn
25Besalel ojts tyajkojy yë poom yë wyintsë'këntyakn, yë'ë yajtuun yë acacië kepy, taxktatsk y'ixëty, tu'kkë'ënux myëjwiinëty ets jä'ä kyëjxmëty tu'kkë'ënux, tu'knax kyijpxyëty yë pya'a, ja nyiwaj tu'ukyë mëët nyämyätsyë ja wintsë'këntyakn. 26Ojts ja nyini'kx tukniwijtsta'ay yë pu'ts pujxn, näjyëtu'un ja pya'a majktaxkëty ets ja nyiwaj ets ojts tpa'atwitsy näjyëtu'un mëët yë pu'ts pujxn. 27Ojts tpëjktä'äky yë nyitëëyë'ëk aak pu'ts pujxnpë ma ja y'awits ja pya'tkën, mäjtsk tpëjktäky ma ja tyatskën, mëti'ipë yajpatpën ma ja mëjjatypë ja pya'ajën, näjyëtu'un ja tu'k'it, jap yajtijnaxëty ja nyikepy mëti'ipë yajtukëëyë'ëkëpën ja wintsë'këntyakn ko muum yajmënëjkxa'anëty. 28Yë witsë yë'ë mëët t'oytyuuny yë acacië kepy ets ojts tukniwitsy yë pu'ts pujxn.
Yaj'oytyuny yë on mëti'ipë yajtukkënu'kxpën
29Yë Besalel ojts näjyëtu'un tyaj'oyë ja kënu'kxy on, mëti'ipë winë yajtukkënu'kxpën ets ja poom mëti'ipë janty'oy pa'akxu'kpën, jëtu'un tuunk'ajty tä yë pa'akxu'kpë oytyuunpë tyaj'oyën yë tsooy.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Dc en Mixe de Quetzaltepec, Oaxaca México © Sociedad Bíblica de México, A.C.