Éxodo 38
38
Yaj'oytyuny yë wintsë'këntyakn mëti'ipë tsuxkpujxn mëët y'oytyunyëtyën
1Besalel ojts yë wintsë'këntyakn t'oytyuny, acacië kepy yajtuun, yë'ë yajtuknikojëy ma ja jëyujk yajnino'okëtyën. Taxk täk ojts t'oytyuny, jä'ä pya'a ja taxkpëkpyë tyaj'ayeny'äjty tu'kxajpk ja kujkm ets tyajkëjxm'ajty mäjtsk kë'ënux ja kujkm. 2Ojts ja wyaj tpëjktakë maajaty ja tyatskën; majktaxk ojts tpëjktä'äky, tu'ukyë mëët tyajnäymyajtsë ja wintsë'këntyakn ets tukniwijtsy yë tsuxkpujxn. 3Tu'kë'ëyë ja apëjk atu'unën, mëti'ipë ënety tunaanpën ma ja wintsë'këntyaknën aakmëët yë tsuxkpujxn t'oytyuuntaay, tä ja pujx'akën ma ja jaam yaj'ako'owëtyën ets ja nyijä'pn, ja a'ukën mëjjatyëtypë ets ja wo'kn mëti'ipë ja jëënpajk mëët yajka'apë'ëkëtyën. 4Ojts t'oytyuny näjyëtu'un yë atënaayë'ëk aak tsuxkpujxnpë, mëti'ipë ojts ja wintsë'këntyakn tukpa'awopën, jëtu'un ojts kujkwä'kxy tukniwopy ja pya'a. 5Ojts näjyëtu'un t'oytyuny taxk yë nyitëëyë'ëk, mëti'ipë ojts tpëjktä'äkyën maajaty ja tyatskën, ja atënaayë'ëk majktaxkëty aak tsuxkpujxn ets jap ja nyikepy yajtijnaxëty, mëti'ipë yajtijpën witsë. 6Ënet t'oytyuuny ja witsë mëti'ipë tunaanpën mëët ja wintsë'këntyakn, yë'ë acacië kepy yajtuun ets tuknikooy yë tsuxkpujxn. 7Tääts tijnajxy ma ja nyitëëyë'ëky ënety të tpëjktä'äkyën ets yë'ë mëët yajkëëyë'ëkëty ya'atë wintsë'këntyakn mëti'ipë ojts tyajkojyën, tukwa'ats ojts t'oytyuny ets ojts yë kepy näjyëtu'un tyajtuny.
Yaj'oytyuny ja akë'ëpujën aak tsuxkpujxnpë
8Yë Besalel ojts ja akë'ëpujën tu'uk tyajkojy aak tsuxkpujxn, yë'ë ojts mëët tyaj'oyë ja to'oxytyëjkëty ja y'ijxnëty, mëti'ipë ënety nätyuk'ijxëtëpën ja jampë kyëwent'atën ma ja wit tëjk yajnitëkën ma ja näpyaatë y'ityën mëët ja Dios, ojts ja nyi'ëjx näjyëtu'un tyajkojë, aakyë'ë tsuxkpujxn yajtuun.
Yaj'oytyuny ja nyitëja'aw ja tsajptëjk
9Yë Besalel ojts tu'uk yë tëja'aw tyaj'oyë ma ja tsajptëjkën, ëpa'tkë'ëy'äämpy ojts tpëjktä'äky ets ojts ja nyiwit'atëëytyuk tukpa'awitsë, jä'ä tyajtuuny i'px majk xajpk ja linë wit awiity. 10Ja i'pxpë ja nyixeny ets ja i'pxpë ja nyi'ëjx aakyë'ë tsuxkpujxn mëët y'oytyunyëty, ja mëjjo'kn ets ja mutsk jo'kn poop pujxn tyuk'oytyuun. 11Näyjyëtu'un ja wit'atëëytyuk mëti'ipë jam pyëjktakën anëkëjxytsow, jä'ä y'ayenyëty i'px majk xajpk, i'px ojts tpëjktä'äky ja nyixeny ets ja nyi'ëjx i'px näjyëtu'un, aakyë'ë tsuxkpujxn mëët y'oytyunyëty. Ojts näjyëtu'un ja mëjjo'kn ets ja mutsk jo'kn tyajkojy, aak poop pujxn yajtuun. 12E ma ja anajnytsyowpën jä'ä jam tyuuny ja wit'atëëytyuk majkmokx xajpk, mëët majk ja nyixeny ets majk ja nyi'ëjx. Ja xeny ja myëj jo'kn ets ja myutsk jo'kn aak poop pujxn mëët y'oytyunyëty. 13Näyjyëtu'un ja a'oytsyowpë yajpaatyën, majkmokx xajpk ojts jam ja wit'atëëytyuk tyuny. 14Ma ja tu'kpa'apë ja tëjkëtyaknën, jä'ä jam ja wit'atëëytyuk tyuuny taxk xajpk ja mäjtsk kë'ënux, tëkëëk ja nyixeny ets tëkëëk ja nyi'ëjx. 15Ets ja tu'kpa'a ma ja tëjkëtyaknën, taxk xajpk ja mäjtsk kë'ënux ja wit atëëytyuk ënety tmëëtëty. Tëkëëk ja nyixeny ets näjyëtu'un ja nyi'ëjx. 16Tukë'ëyë ja wit'atëëytyuk mëti'ipë ojts yajtuknatëyën ja tsajptëjk ja nyitëja'aw, aakyë'ë tuun ja linë wit awiity. 17E ja xeny ëjx aakyë'ë ja tsuxkpujxn mëët y'oytyunyëty e ja xeny ja myëj jo'kn ets ja myutsk jo'kn aakyë'ë poop pujxn mëët y'oytyunyëty, mëti'ipë yajtukniwijtstën yë'ë ja poop pujxn ojts tyuny. Tu'uktu'uk ja xeny ojts ja nyimëj jo'kn ets ja nyimutsk jo'kn yajpëjktä'äky.
18Ja wit'atëëytyuk mëti'ipë jam tuunën ma ja tsajptëjk ja nyitëja'aw yajnitëkën, yajxon ojts janty'oy yajjo'oky ets yajxuy, kanaak ujkën ja wit'atëëytyuk y'ijty: tam tsu'unkpë, ukpyë, tsaptspë ets ja linë wit awiity. Jä'ä y'ayenyëty tëtujk xajpk ets kyëjxmëty tu'kxajpk ja kujkm, näjyëtu'un tä ja mëti'ipë nyatëy'äjtypyën ja tëja'aw. 19Jä'ä ja nyixeny tmëëtëty taxk ets näjyëtu'un ja nyi'ëjx, yë nyi'ëjx yë'ë mëët y'oytyunyëty yë tsuxkpujxn e ja nyimëj jo'kn ets ja nyimutsk jo'kn yë'ë mëët y'oytyunyëty yë poop pujxn, ja xeny yë'ë ojts yajtukniwitsy yë poop pujxn. 20Tëkokyë ja nyikepy ma yajkutsuumtën ja wit'atëëytyuk, mëti'ipë yajtijpën akujpë'ëk, aakyë'ë ojts mëët t'oytyuny yë tsuxkpujxn.
Kanaakpëky ja pujxn ojts tyuny ma ja Tios ja jyëën tyëjkën
21Yë Moisés ojts tni'ënä'ämë ets yë'ë ojts tuknipëky yë Itamar, yë teety Aarón yë myaank ets yë'ë tyu'uwinwowëty ma ja Leví ja'ayëtyën ets tmëtyoowmujkta'atëty tëkokyë ja pujxn mëti'ipë ënety të tyunyën ma Dios ja jyëën tyëjkën, mëti'ipë myë'ijtypyën ja käjpxytyu'unën.
22Ja Besalel yë myaank, yë Urí, yë y'ok'u'unk yë Hur, Judá yë jyä'äy, ojts tëkokyë tuunta'ay mëti'ipë ënety ja Moisés ja Dios të tyuk'ëne'emyën. 23Ojts pyutëkëty ja ja'ay mëti'ipë xyëëwajtypyën Oholiab, yë'ë myaank yë Ahisamac ets yë'ë yë jyä'äy yë Dan, mëti'ipë yë'ë tyimtuunk'ajtypyën ma tii winëjaty kyojyën aakpujxn, tyukjajtyp wi'ix janty'oy yë wit tjo'okëtyën ets tyaj'ijxëntëkëty, tä ja witën mëti'ipë ja y'ujkën tsu'unk, uky, tsapts ets linë wit.
24Tëkokyë yë pu'ts pujxn mëti'ipë tuunën ma ënety ja tsajptëjk të kyojyën yë'ë tuun mëti'ipë ja'ay yajktën, tä tu'uk yë ayajk ako'onën ma Tiosën. Ko yajkijpxmujktaay, jä'ä ojts wyinë'aty taxtujk mëko'px ja tëkë'px mëkoxk tsim ets jä'ä ojts kyijpxën'aty mëti'ipë jap tuunpën ma tsajptëjkën.
25Ja poop pujxn mëti'ipë ojts myukyën, ma ja jaaymyujkën pyëti'kyën, jä'ä wyinë'ajty tëkëëk mil ja tëkëëk mëko'px ja majkmokx majktaxk tsim ets ojts jyaak ni'ikë i'px mëkoxk nikonë, yë'ë ojts kyijpxën'aty mëti'ipë jap tsajptëkoty tuunpën. 26Ja ja'ayëty mëti'ipë ja xyëëw yajkëxjaaytyën ma ja jaaymyujkën y'ijtyën, aakyë'ë mëti'ipë ënety tëë ja jyëmëjt t'apetyën I'px tu'uk ets jä'ä nyiwinë'ajtë tëtujk mëko'px ja tëkëëk mil ja mëkoxk mëko'px ja wëxtyikxy majk, nitu'ukjaty ojts tyaktë ja poop pujxn këëk mëkoxk ja kujkm nikonë, yë'ë tuun ja kijpxën mëti'ipë jap tsajptëkoty tuunpën. 27Tap ënety ëpëky y'ity näjyëtu'un yë poop pujxn, tëkëëk mil ja tëkëëk mëko'px tsim, yë'ë ojts yajtuk'ëjx'aty ja tsajptëjk ets ma ja wit'atëëytyuk y'ityën. Tu'kë'ëyë ya'atë poop pujxn jam tyuuntaay ma mëko'px yaj'oytyuunyën ja xeny y'ëjx; ma tu'ukjaty ja y'ëjx yaj'oytyuunyën, jä'ä ja poop pujxn jam tyuuny i'px majktëkëëk tsim. 28E ja poop pujxn mëti'ipë ënety të myukyën ma ja naax kajpnën, jam ojts ja Besalel tyajtuny ma ja xeny ja nyijo'kn ojts tyajkojyën, ja nyikukë'ë ets ja nyimutsk jo'kn.
29Ja tsuxkpujxn mëti'ipë ja Dios myooytyën tä yë ayajk ako'onën, jä'ä wyinmujky: mäjtsk mil ja tëkëëk mëko'px ja i'px majkmokx tu'uk tsim ets ojts jyaak ni'ikë taxk mëko'px nikonë. 30Ya'atë tsuxkpujxn jëtu'un ojts yajtuk'oytyuny ma ojts yajmo'oyën ja y'ëjx ja nyitëjk'aaw ya'atë wit tëjk, ma ja näpyaatë y'ityën; näjyëtu'un ja wintsë'këntyakn ets ja y'atënaayë'ëk ets tëkokyë ja apëjk atu'unën mëti'ipë tuunën ma ja wintsë'këntyaknën, 31näjyëtu'un ja nyi'ëjx, ja nyikupë mëti'ipë nyakäm'ajtypyën ja tëja'aw, ma jap yajpaatyën ja Dios ja jyëën tyëjk ets ja y'ëjx ma kyëxwä'äkyën ja nyi'akaj ja tëja'aw.
Currently Selected:
Éxodo 38: QUETZMIXE
Highlight
Share
Copy
Want to have your highlights saved across all your devices? Sign up or sign in
Biblia Dc en Mixe de Quetzaltepec, Oaxaca México © Sociedad Bíblica de México, A.C.
Éxodo 38
38
Yaj'oytyuny yë wintsë'këntyakn mëti'ipë tsuxkpujxn mëët y'oytyunyëtyën
1Besalel ojts yë wintsë'këntyakn t'oytyuny, acacië kepy yajtuun, yë'ë yajtuknikojëy ma ja jëyujk yajnino'okëtyën. Taxk täk ojts t'oytyuny, jä'ä pya'a ja taxkpëkpyë tyaj'ayeny'äjty tu'kxajpk ja kujkm ets tyajkëjxm'ajty mäjtsk kë'ënux ja kujkm. 2Ojts ja wyaj tpëjktakë maajaty ja tyatskën; majktaxk ojts tpëjktä'äky, tu'ukyë mëët tyajnäymyajtsë ja wintsë'këntyakn ets tukniwijtsy yë tsuxkpujxn. 3Tu'kë'ëyë ja apëjk atu'unën, mëti'ipë ënety tunaanpën ma ja wintsë'këntyaknën aakmëët yë tsuxkpujxn t'oytyuuntaay, tä ja pujx'akën ma ja jaam yaj'ako'owëtyën ets ja nyijä'pn, ja a'ukën mëjjatyëtypë ets ja wo'kn mëti'ipë ja jëënpajk mëët yajka'apë'ëkëtyën. 4Ojts t'oytyuny näjyëtu'un yë atënaayë'ëk aak tsuxkpujxnpë, mëti'ipë ojts ja wintsë'këntyakn tukpa'awopën, jëtu'un ojts kujkwä'kxy tukniwopy ja pya'a. 5Ojts näjyëtu'un t'oytyuny taxk yë nyitëëyë'ëk, mëti'ipë ojts tpëjktä'äkyën maajaty ja tyatskën, ja atënaayë'ëk majktaxkëty aak tsuxkpujxn ets jap ja nyikepy yajtijnaxëty, mëti'ipë yajtijpën witsë. 6Ënet t'oytyuuny ja witsë mëti'ipë tunaanpën mëët ja wintsë'këntyakn, yë'ë acacië kepy yajtuun ets tuknikooy yë tsuxkpujxn. 7Tääts tijnajxy ma ja nyitëëyë'ëky ënety të tpëjktä'äkyën ets yë'ë mëët yajkëëyë'ëkëty ya'atë wintsë'këntyakn mëti'ipë ojts tyajkojyën, tukwa'ats ojts t'oytyuny ets ojts yë kepy näjyëtu'un tyajtuny.
Yaj'oytyuny ja akë'ëpujën aak tsuxkpujxnpë
8Yë Besalel ojts ja akë'ëpujën tu'uk tyajkojy aak tsuxkpujxn, yë'ë ojts mëët tyaj'oyë ja to'oxytyëjkëty ja y'ijxnëty, mëti'ipë ënety nätyuk'ijxëtëpën ja jampë kyëwent'atën ma ja wit tëjk yajnitëkën ma ja näpyaatë y'ityën mëët ja Dios, ojts ja nyi'ëjx näjyëtu'un tyajkojë, aakyë'ë tsuxkpujxn yajtuun.
Yaj'oytyuny ja nyitëja'aw ja tsajptëjk
9Yë Besalel ojts tu'uk yë tëja'aw tyaj'oyë ma ja tsajptëjkën, ëpa'tkë'ëy'äämpy ojts tpëjktä'äky ets ojts ja nyiwit'atëëytyuk tukpa'awitsë, jä'ä tyajtuuny i'px majk xajpk ja linë wit awiity. 10Ja i'pxpë ja nyixeny ets ja i'pxpë ja nyi'ëjx aakyë'ë tsuxkpujxn mëët y'oytyunyëty, ja mëjjo'kn ets ja mutsk jo'kn poop pujxn tyuk'oytyuun. 11Näyjyëtu'un ja wit'atëëytyuk mëti'ipë jam pyëjktakën anëkëjxytsow, jä'ä y'ayenyëty i'px majk xajpk, i'px ojts tpëjktä'äky ja nyixeny ets ja nyi'ëjx i'px näjyëtu'un, aakyë'ë tsuxkpujxn mëët y'oytyunyëty. Ojts näjyëtu'un ja mëjjo'kn ets ja mutsk jo'kn tyajkojy, aak poop pujxn yajtuun. 12E ma ja anajnytsyowpën jä'ä jam tyuuny ja wit'atëëytyuk majkmokx xajpk, mëët majk ja nyixeny ets majk ja nyi'ëjx. Ja xeny ja myëj jo'kn ets ja myutsk jo'kn aak poop pujxn mëët y'oytyunyëty. 13Näyjyëtu'un ja a'oytsyowpë yajpaatyën, majkmokx xajpk ojts jam ja wit'atëëytyuk tyuny. 14Ma ja tu'kpa'apë ja tëjkëtyaknën, jä'ä jam ja wit'atëëytyuk tyuuny taxk xajpk ja mäjtsk kë'ënux, tëkëëk ja nyixeny ets tëkëëk ja nyi'ëjx. 15Ets ja tu'kpa'a ma ja tëjkëtyaknën, taxk xajpk ja mäjtsk kë'ënux ja wit atëëytyuk ënety tmëëtëty. Tëkëëk ja nyixeny ets näjyëtu'un ja nyi'ëjx. 16Tukë'ëyë ja wit'atëëytyuk mëti'ipë ojts yajtuknatëyën ja tsajptëjk ja nyitëja'aw, aakyë'ë tuun ja linë wit awiity. 17E ja xeny ëjx aakyë'ë ja tsuxkpujxn mëët y'oytyunyëty e ja xeny ja myëj jo'kn ets ja myutsk jo'kn aakyë'ë poop pujxn mëët y'oytyunyëty, mëti'ipë yajtukniwijtstën yë'ë ja poop pujxn ojts tyuny. Tu'uktu'uk ja xeny ojts ja nyimëj jo'kn ets ja nyimutsk jo'kn yajpëjktä'äky.
18Ja wit'atëëytyuk mëti'ipë jam tuunën ma ja tsajptëjk ja nyitëja'aw yajnitëkën, yajxon ojts janty'oy yajjo'oky ets yajxuy, kanaak ujkën ja wit'atëëytyuk y'ijty: tam tsu'unkpë, ukpyë, tsaptspë ets ja linë wit awiity. Jä'ä y'ayenyëty tëtujk xajpk ets kyëjxmëty tu'kxajpk ja kujkm, näjyëtu'un tä ja mëti'ipë nyatëy'äjtypyën ja tëja'aw. 19Jä'ä ja nyixeny tmëëtëty taxk ets näjyëtu'un ja nyi'ëjx, yë nyi'ëjx yë'ë mëët y'oytyunyëty yë tsuxkpujxn e ja nyimëj jo'kn ets ja nyimutsk jo'kn yë'ë mëët y'oytyunyëty yë poop pujxn, ja xeny yë'ë ojts yajtukniwitsy yë poop pujxn. 20Tëkokyë ja nyikepy ma yajkutsuumtën ja wit'atëëytyuk, mëti'ipë yajtijpën akujpë'ëk, aakyë'ë ojts mëët t'oytyuny yë tsuxkpujxn.
Kanaakpëky ja pujxn ojts tyuny ma ja Tios ja jyëën tyëjkën
21Yë Moisés ojts tni'ënä'ämë ets yë'ë ojts tuknipëky yë Itamar, yë teety Aarón yë myaank ets yë'ë tyu'uwinwowëty ma ja Leví ja'ayëtyën ets tmëtyoowmujkta'atëty tëkokyë ja pujxn mëti'ipë ënety të tyunyën ma Dios ja jyëën tyëjkën, mëti'ipë myë'ijtypyën ja käjpxytyu'unën.
22Ja Besalel yë myaank, yë Urí, yë y'ok'u'unk yë Hur, Judá yë jyä'äy, ojts tëkokyë tuunta'ay mëti'ipë ënety ja Moisés ja Dios të tyuk'ëne'emyën. 23Ojts pyutëkëty ja ja'ay mëti'ipë xyëëwajtypyën Oholiab, yë'ë myaank yë Ahisamac ets yë'ë yë jyä'äy yë Dan, mëti'ipë yë'ë tyimtuunk'ajtypyën ma tii winëjaty kyojyën aakpujxn, tyukjajtyp wi'ix janty'oy yë wit tjo'okëtyën ets tyaj'ijxëntëkëty, tä ja witën mëti'ipë ja y'ujkën tsu'unk, uky, tsapts ets linë wit.
24Tëkokyë yë pu'ts pujxn mëti'ipë tuunën ma ënety ja tsajptëjk të kyojyën yë'ë tuun mëti'ipë ja'ay yajktën, tä tu'uk yë ayajk ako'onën ma Tiosën. Ko yajkijpxmujktaay, jä'ä ojts wyinë'aty taxtujk mëko'px ja tëkë'px mëkoxk tsim ets jä'ä ojts kyijpxën'aty mëti'ipë jap tuunpën ma tsajptëjkën.
25Ja poop pujxn mëti'ipë ojts myukyën, ma ja jaaymyujkën pyëti'kyën, jä'ä wyinë'ajty tëkëëk mil ja tëkëëk mëko'px ja majkmokx majktaxk tsim ets ojts jyaak ni'ikë i'px mëkoxk nikonë, yë'ë ojts kyijpxën'aty mëti'ipë jap tsajptëkoty tuunpën. 26Ja ja'ayëty mëti'ipë ja xyëëw yajkëxjaaytyën ma ja jaaymyujkën y'ijtyën, aakyë'ë mëti'ipë ënety tëë ja jyëmëjt t'apetyën I'px tu'uk ets jä'ä nyiwinë'ajtë tëtujk mëko'px ja tëkëëk mil ja mëkoxk mëko'px ja wëxtyikxy majk, nitu'ukjaty ojts tyaktë ja poop pujxn këëk mëkoxk ja kujkm nikonë, yë'ë tuun ja kijpxën mëti'ipë jap tsajptëkoty tuunpën. 27Tap ënety ëpëky y'ity näjyëtu'un yë poop pujxn, tëkëëk mil ja tëkëëk mëko'px tsim, yë'ë ojts yajtuk'ëjx'aty ja tsajptëjk ets ma ja wit'atëëytyuk y'ityën. Tu'kë'ëyë ya'atë poop pujxn jam tyuuntaay ma mëko'px yaj'oytyuunyën ja xeny y'ëjx; ma tu'ukjaty ja y'ëjx yaj'oytyuunyën, jä'ä ja poop pujxn jam tyuuny i'px majktëkëëk tsim. 28E ja poop pujxn mëti'ipë ënety të myukyën ma ja naax kajpnën, jam ojts ja Besalel tyajtuny ma ja xeny ja nyijo'kn ojts tyajkojyën, ja nyikukë'ë ets ja nyimutsk jo'kn.
29Ja tsuxkpujxn mëti'ipë ja Dios myooytyën tä yë ayajk ako'onën, jä'ä wyinmujky: mäjtsk mil ja tëkëëk mëko'px ja i'px majkmokx tu'uk tsim ets ojts jyaak ni'ikë taxk mëko'px nikonë. 30Ya'atë tsuxkpujxn jëtu'un ojts yajtuk'oytyuny ma ojts yajmo'oyën ja y'ëjx ja nyitëjk'aaw ya'atë wit tëjk, ma ja näpyaatë y'ityën; näjyëtu'un ja wintsë'këntyakn ets ja y'atënaayë'ëk ets tëkokyë ja apëjk atu'unën mëti'ipë tuunën ma ja wintsë'këntyaknën, 31näjyëtu'un ja nyi'ëjx, ja nyikupë mëti'ipë nyakäm'ajtypyën ja tëja'aw, ma jap yajpaatyën ja Dios ja jyëën tyëjk ets ja y'ëjx ma kyëxwä'äkyën ja nyi'akaj ja tëja'aw.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Dc en Mixe de Quetzaltepec, Oaxaca México © Sociedad Bíblica de México, A.C.