Hechos 4
4
Ja Pedro sok ja Juani
1Ja Pedro sok ja Juani, ti'to wa'ne lo'il ajyi sok ja kristyano jumasa, waj yil'e ti ochume och cha' oxe pagre jumasa, sok chab' oxe saduseo sok ja ma' niwan ya'tel yuj ja ma' wa stalna ja snajtsil tsomjeli. 2Jelxa tajkele yuj ja wax yalawe ja Pedro sok ja Juan ja ma chamelxa ke oj b'i cho sak'wuk jastal sak'wi ja Jesusi. 3Ja'yuj ja Pedro sok ja Juani; yamjiye yuj ja wa'nxa ochel ja a'kwali, ja'yuj ti wa lutjuke kana, manto otro k'ak'u a'ji eluke.
4Jasa, yajni ch'ak smaklaye ja jas yalawe ja neb'uman jumasa jawi, jel jitsan ja ma' sk'u'an ja Kajwaltik Jesusi. Ja mismo k'ak'u jaw ja nole nochuman ja Kajwaltik Jesusi, k'ot mojan jo'e mil winike.
5Jaxa otro k'ak'u ti sk'u'lane ja niwan tsomjel b'a Jerusalen, ja ma' ti ajyi b'a tsomjel jawi, ja ma'tik ay ya'tel b'a chonab'i, sok ja ma'tik wax yalawe jastal oj ajyukotiki, cho jach'ni ja ma'tik wa sje'a ja mandar it a'ji yi ja Moisesi. 6Cho ti' ajyiye ja Anas it ye'n niwan ya'tel yuj ja pagre jumasa, ja Caifasi, ja Juani, ja Alejandro sok ja tuk pagre jumasa ma' niwan ya'tele'i. 7Ja Pedro sok ja Juani, ti i'ji ye och b'a tsoman spetsanil ja it jumasa, ti och sjob' juk yi'e'a:
—¿Ma' yala wabyex ke ay jas oj ja wa'wex sneb' ja kristyano jumasa b'a? ¿Ma ya' wa wipex b'a oj ja k'u'lukex ja milagro jumasa b'a?
8Jaxa Pedro, tey sok ja yip ja Espiritu Santo, ti yal yab' ja ma'tik ay ya'tel sok ja ma'tik wax yalawe jastal oj ajyukotiki:
—Winike jumasa, 9ja we'nlexi ja waxa job'owexki'tikon yuj ja winik it mi lek ay ajyi, yuj ja lekxa ay ja ya'n. 10Ja we'nlex sok spetsanil ja israelenio, jel t'ilan oj ja na'ex ja winik jawi, tey ili, lekxa ay lek, sts'akatal ja yip ja Kajwaltik Jesús b'a Nazareti, cho ye'nani ja Mesiasi. Ja we'nlexi, a walawex tix cham lokan b'a jun Cruz, jaxa Dyosi, ya'ni sak'wuka. 11Ja we'nlexi jach' a k'ulayex jastal sk'u'lan ja k'ulu na'its ay jun ton mi skisawe'i, jaxa tsa'an ja' ton jaw ja ya' lek yip spetsanil ja na'itsi. 12Kechan ye'n ay yip ja Kajwaltik Jesús b'a oj koltanuk. Kechan ye'n jekji yuj ja Dyosi, jaxa b'a lu'um iti, kechani ye'n ay yip b'a oj skoltayotika, —xchi ja Pedro.
13Spetsanil ja ma' tey b'a tsomjeli, jel cham sk'ujole ja yajni yabye jas yalawe ja Pedro sok ja Juan yuj ja mini t'un jas xiwel yi'oje'i, mi yuj ay jas jel wa sna'awe, mi yuj wa sna'awe ju'un. Ti sna'awe k'inal tiw ja kristyano yuj ja smojane ek' b'ejyel ja Jesusi. 14Sok mini jun smul sta'a we yi'a, cho ti tek'an ek' soke tiw ja winik ma' tojb'ita.
15Ti yala ja matik tey b'a tsomjeli, a ya'we eluk ja ma' wa'ne sle'jel yi smuli, ti och lo'lanuke ye'nle ita'a. 16¿Jasunk'a oj k'u'luktikik b'a?, xchiye. —Mi oj b'ob' loktik yuj wa'ne le'uj ab'al, yuj ja jas k'u'lane yi ja winik jawi, ja' smeranili, juni milagro merana, sok spetsanil ja swinkil ja Jerusaleni, wani sna'awe'a—.
Jaxa tuki, ti wax yalawe'a: 17—La jtimtike, b'a jach' mixa jas oj yalwe ek' yab' ja kristyano jumasa. Jel t'ilan oj xiwtatike b'a jach' ojxa ya'we kan sta'jel ti' ja yip ja Jesús jawi, xchiye.
18Jachuk ti'xa spayawe jana, ti yalwe yabye'a:
—Mok ma' a wal'ex yab' ja jastal ch'ak ek'uki, cho aktayikan sje'jel yi ja kristyano ja jastal wa sje'a ja yip ja Jesusi, —xchiye.
19Ti yalawe ja Pedro sok ja Juani:
—Ta yuj k'a jach' jastal jawi, alawik kab'tikon: ¿Sb'ej a ma, ja' b'ajtan oj k'u'uktikon ja jas waxa wala ja we'nlex yuj ja jas wax yala ja Dyos b'a?, 20—Ja ke'ntikoni mi oj ka'tikon kan yaljel spetsanil ja jas kilatikonta sok ja jas kab'tikonta, xchiye ja Pedro sok ja Juani.
21-22Jaxa ma'tik niwak ya'tel tey b'a tsomjeli, ti yalawe'a, t'ilan oj ya'wekan sta'jel ti' ja sb'i'il ja Jesusi. Tsa'an ti'xa sijpaji ye'a, mixanix b'ob' a'juk yi'e mini jun wokol yuj ja spetsanil ja kristyano wa stoyowe ja Dyos yuj ja jel tsamal ja jastal ya tojb'uk ja winik it ek'elxa yuj ja chab' tajb'e (40) ja sjab'ili.
Ja sneb'uman ja Jesusi, sk'umane ja Dyosi
23Yajni sijpajiye ja Pedro sok ja Juani, ti stsomo sb'aje sok ja tuk neb'uman jumasa, ti ch'ak yal'e spetsanil ja jastik ch'ak aljuk yabye ja b'a stsomjele'i ja ma'tik ay ya'teli. 24Yajni ch'ak smaklaye ja smoje jumasa, spetsanile ti' och sk'umuke lajan ja Dyosi:
—Dyos kujtikon, we'n a k'u'lan ja satk'inal sok ja lu'umi cho we'nani ja niwan paman ja' sok spetsanil ja jas ayi. 25-26—Ja we'n, yuj ja Espiritu Santo, a wi'aj yi majan ja sti' ja mandaranum David ja ma' ek' paxta kujtikoni. Ti' a wal yab' jastal ita:
¿Jasyuj ja mi lek xyilawe ja Dyos
ja swinkil ja niwak chonab' jumasa sok ja ch'in chonab' b'a?
¿Jasyuj wa sle'awe jastal
mi oj yil lek ja Dyos
sok ja Mesiasi it ye'n a tsa'unej b'a?
—Mini jun ya'tel ja jas wa slajawe
ja mandaranum jumasa b'a lu'um ita—.
27—Smeranil ma ja ti stsomo sb'aje b'a chonab' it ja Herodes Antipas, sok ja Poncio Pilato, ja swinkil ja Roma sok ja israelenio jumasa, ja yajni schapawe yab'alil oj smil'e ja Jesusi, ja' ma we'n a tsa'a b'a ye'n oj och jmandaranumiltikoni. 28Ja ye'nle'i kechan ja wa'ne sk'u'lajel ja jas najate lek a walunej oj a k'uluki.
29—Jaxa ya'n, Dyos kujtikon, k'elawil jastal was xiwtayotikone. Koltayotikon b'a mi oj xiwkotikon oj k'umanukotikon b'a sti' sat chikan mach'a. 30Koltayotikon b'a oj ka'tikon tojb'uk ja ma'tik mi lek ayi, sok a cho jk'u'ltikon ja tsamal milagro jumasa. K'u'lan jachuk b'a oj yil'e' ja kristyano ja yip ja wa wunin Jesús ja ma we'n a tsa'uneji, xchiye.
31Yajni ch'ak sk'umuke ja Dyosi, nijki ja lu'um b'a tsomane'i, spetsanil ja janek' aye'i, ch'ak b'ut' ke yuj ja Espiritu Santo. Man k'ak'u jawi mini jun xiwel wa sta'awe ti' ja Jesusi.
Ja jastal ek' yujile ja sneb'uman jumasa ja Jesusi
32Spetsanil ja sneb'uman jumasa ja Jesusi, junxta ja jas wa sna'awe sok ja jastal wax yab' sb'aje'i. Spetsanil ja jas yi'oje'i, lajan wax ch'ak spila sb'aje, sok mi max yala kechan ye'n sb'aj ja jas yi'oje'i.
33Jel ja yip ja sjekab'anum jumasa wax yalawe k'e sak'wini ja Jesusi. Jel lek wax iljiye yuj ja Dyosi, 34sok mi jas mey yi'oje, ja ma' ay jun snaj sok slu'um wa schonowe 35jaxa ts'akoli, wax ch'ak ya'we yi b'a sk'ab' ja jekab'anum jumasa, ye'nxa wa spilawe yi b'a kada jujune ja ma' ay swokoli.
36Ja jastal iti, cho sk'u'lani jun winik b'a sk'ole ja Levi, ja winik jawi, ti manxi b'a xe'n yal lu'um b'a niwan paman ja' b'a Chipre. Ja sb'i'ili, Jose jaxa sjekab'anum jumasa wax yalwe yab' Bernabe, wa sk'ana yal ja b'i'ilal iti, —wax ya kulan sk'ujolal—. 37Ja Bernabeji, schono xe'n slu'um, spetsanil ja sts'akol ja slu'um jawi, ch'ak ya b'a sk'ab' ja jekab'anum jumasa.
Currently Selected:
Hechos 4: YABD
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México 2021
Hechos 4
4
Ja Pedro sok ja Juani
1Ja Pedro sok ja Juani, ti'to wa'ne lo'il ajyi sok ja kristyano jumasa, waj yil'e ti ochume och cha' oxe pagre jumasa, sok chab' oxe saduseo sok ja ma' niwan ya'tel yuj ja ma' wa stalna ja snajtsil tsomjeli. 2Jelxa tajkele yuj ja wax yalawe ja Pedro sok ja Juan ja ma chamelxa ke oj b'i cho sak'wuk jastal sak'wi ja Jesusi. 3Ja'yuj ja Pedro sok ja Juani; yamjiye yuj ja wa'nxa ochel ja a'kwali, ja'yuj ti wa lutjuke kana, manto otro k'ak'u a'ji eluke.
4Jasa, yajni ch'ak smaklaye ja jas yalawe ja neb'uman jumasa jawi, jel jitsan ja ma' sk'u'an ja Kajwaltik Jesusi. Ja mismo k'ak'u jaw ja nole nochuman ja Kajwaltik Jesusi, k'ot mojan jo'e mil winike.
5Jaxa otro k'ak'u ti sk'u'lane ja niwan tsomjel b'a Jerusalen, ja ma' ti ajyi b'a tsomjel jawi, ja ma'tik ay ya'tel b'a chonab'i, sok ja ma'tik wax yalawe jastal oj ajyukotiki, cho jach'ni ja ma'tik wa sje'a ja mandar it a'ji yi ja Moisesi. 6Cho ti' ajyiye ja Anas it ye'n niwan ya'tel yuj ja pagre jumasa, ja Caifasi, ja Juani, ja Alejandro sok ja tuk pagre jumasa ma' niwan ya'tele'i. 7Ja Pedro sok ja Juani, ti i'ji ye och b'a tsoman spetsanil ja it jumasa, ti och sjob' juk yi'e'a:
—¿Ma' yala wabyex ke ay jas oj ja wa'wex sneb' ja kristyano jumasa b'a? ¿Ma ya' wa wipex b'a oj ja k'u'lukex ja milagro jumasa b'a?
8Jaxa Pedro, tey sok ja yip ja Espiritu Santo, ti yal yab' ja ma'tik ay ya'tel sok ja ma'tik wax yalawe jastal oj ajyukotiki:
—Winike jumasa, 9ja we'nlexi ja waxa job'owexki'tikon yuj ja winik it mi lek ay ajyi, yuj ja lekxa ay ja ya'n. 10Ja we'nlex sok spetsanil ja israelenio, jel t'ilan oj ja na'ex ja winik jawi, tey ili, lekxa ay lek, sts'akatal ja yip ja Kajwaltik Jesús b'a Nazareti, cho ye'nani ja Mesiasi. Ja we'nlexi, a walawex tix cham lokan b'a jun Cruz, jaxa Dyosi, ya'ni sak'wuka. 11Ja we'nlexi jach' a k'ulayex jastal sk'u'lan ja k'ulu na'its ay jun ton mi skisawe'i, jaxa tsa'an ja' ton jaw ja ya' lek yip spetsanil ja na'itsi. 12Kechan ye'n ay yip ja Kajwaltik Jesús b'a oj koltanuk. Kechan ye'n jekji yuj ja Dyosi, jaxa b'a lu'um iti, kechani ye'n ay yip b'a oj skoltayotika, —xchi ja Pedro.
13Spetsanil ja ma' tey b'a tsomjeli, jel cham sk'ujole ja yajni yabye jas yalawe ja Pedro sok ja Juan yuj ja mini t'un jas xiwel yi'oje'i, mi yuj ay jas jel wa sna'awe, mi yuj wa sna'awe ju'un. Ti sna'awe k'inal tiw ja kristyano yuj ja smojane ek' b'ejyel ja Jesusi. 14Sok mini jun smul sta'a we yi'a, cho ti tek'an ek' soke tiw ja winik ma' tojb'ita.
15Ti yala ja matik tey b'a tsomjeli, a ya'we eluk ja ma' wa'ne sle'jel yi smuli, ti och lo'lanuke ye'nle ita'a. 16¿Jasunk'a oj k'u'luktikik b'a?, xchiye. —Mi oj b'ob' loktik yuj wa'ne le'uj ab'al, yuj ja jas k'u'lane yi ja winik jawi, ja' smeranili, juni milagro merana, sok spetsanil ja swinkil ja Jerusaleni, wani sna'awe'a—.
Jaxa tuki, ti wax yalawe'a: 17—La jtimtike, b'a jach' mixa jas oj yalwe ek' yab' ja kristyano jumasa. Jel t'ilan oj xiwtatike b'a jach' ojxa ya'we kan sta'jel ti' ja yip ja Jesús jawi, xchiye.
18Jachuk ti'xa spayawe jana, ti yalwe yabye'a:
—Mok ma' a wal'ex yab' ja jastal ch'ak ek'uki, cho aktayikan sje'jel yi ja kristyano ja jastal wa sje'a ja yip ja Jesusi, —xchiye.
19Ti yalawe ja Pedro sok ja Juani:
—Ta yuj k'a jach' jastal jawi, alawik kab'tikon: ¿Sb'ej a ma, ja' b'ajtan oj k'u'uktikon ja jas waxa wala ja we'nlex yuj ja jas wax yala ja Dyos b'a?, 20—Ja ke'ntikoni mi oj ka'tikon kan yaljel spetsanil ja jas kilatikonta sok ja jas kab'tikonta, xchiye ja Pedro sok ja Juani.
21-22Jaxa ma'tik niwak ya'tel tey b'a tsomjeli, ti yalawe'a, t'ilan oj ya'wekan sta'jel ti' ja sb'i'il ja Jesusi. Tsa'an ti'xa sijpaji ye'a, mixanix b'ob' a'juk yi'e mini jun wokol yuj ja spetsanil ja kristyano wa stoyowe ja Dyos yuj ja jel tsamal ja jastal ya tojb'uk ja winik it ek'elxa yuj ja chab' tajb'e (40) ja sjab'ili.
Ja sneb'uman ja Jesusi, sk'umane ja Dyosi
23Yajni sijpajiye ja Pedro sok ja Juani, ti stsomo sb'aje sok ja tuk neb'uman jumasa, ti ch'ak yal'e spetsanil ja jastik ch'ak aljuk yabye ja b'a stsomjele'i ja ma'tik ay ya'teli. 24Yajni ch'ak smaklaye ja smoje jumasa, spetsanile ti' och sk'umuke lajan ja Dyosi:
—Dyos kujtikon, we'n a k'u'lan ja satk'inal sok ja lu'umi cho we'nani ja niwan paman ja' sok spetsanil ja jas ayi. 25-26—Ja we'n, yuj ja Espiritu Santo, a wi'aj yi majan ja sti' ja mandaranum David ja ma' ek' paxta kujtikoni. Ti' a wal yab' jastal ita:
¿Jasyuj ja mi lek xyilawe ja Dyos
ja swinkil ja niwak chonab' jumasa sok ja ch'in chonab' b'a?
¿Jasyuj wa sle'awe jastal
mi oj yil lek ja Dyos
sok ja Mesiasi it ye'n a tsa'unej b'a?
—Mini jun ya'tel ja jas wa slajawe
ja mandaranum jumasa b'a lu'um ita—.
27—Smeranil ma ja ti stsomo sb'aje b'a chonab' it ja Herodes Antipas, sok ja Poncio Pilato, ja swinkil ja Roma sok ja israelenio jumasa, ja yajni schapawe yab'alil oj smil'e ja Jesusi, ja' ma we'n a tsa'a b'a ye'n oj och jmandaranumiltikoni. 28Ja ye'nle'i kechan ja wa'ne sk'u'lajel ja jas najate lek a walunej oj a k'uluki.
29—Jaxa ya'n, Dyos kujtikon, k'elawil jastal was xiwtayotikone. Koltayotikon b'a mi oj xiwkotikon oj k'umanukotikon b'a sti' sat chikan mach'a. 30Koltayotikon b'a oj ka'tikon tojb'uk ja ma'tik mi lek ayi, sok a cho jk'u'ltikon ja tsamal milagro jumasa. K'u'lan jachuk b'a oj yil'e' ja kristyano ja yip ja wa wunin Jesús ja ma we'n a tsa'uneji, xchiye.
31Yajni ch'ak sk'umuke ja Dyosi, nijki ja lu'um b'a tsomane'i, spetsanil ja janek' aye'i, ch'ak b'ut' ke yuj ja Espiritu Santo. Man k'ak'u jawi mini jun xiwel wa sta'awe ti' ja Jesusi.
Ja jastal ek' yujile ja sneb'uman jumasa ja Jesusi
32Spetsanil ja sneb'uman jumasa ja Jesusi, junxta ja jas wa sna'awe sok ja jastal wax yab' sb'aje'i. Spetsanil ja jas yi'oje'i, lajan wax ch'ak spila sb'aje, sok mi max yala kechan ye'n sb'aj ja jas yi'oje'i.
33Jel ja yip ja sjekab'anum jumasa wax yalawe k'e sak'wini ja Jesusi. Jel lek wax iljiye yuj ja Dyosi, 34sok mi jas mey yi'oje, ja ma' ay jun snaj sok slu'um wa schonowe 35jaxa ts'akoli, wax ch'ak ya'we yi b'a sk'ab' ja jekab'anum jumasa, ye'nxa wa spilawe yi b'a kada jujune ja ma' ay swokoli.
36Ja jastal iti, cho sk'u'lani jun winik b'a sk'ole ja Levi, ja winik jawi, ti manxi b'a xe'n yal lu'um b'a niwan paman ja' b'a Chipre. Ja sb'i'ili, Jose jaxa sjekab'anum jumasa wax yalwe yab' Bernabe, wa sk'ana yal ja b'i'ilal iti, —wax ya kulan sk'ujolal—. 37Ja Bernabeji, schono xe'n slu'um, spetsanil ja sts'akol ja slu'um jawi, ch'ak ya b'a sk'ab' ja jekab'anum jumasa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México 2021