Hechos 5
5
Ja Ananias sok ja Safira
1Jel tuk ja jas ek' yuj ja winik sb'i'il Ananiasi, ja winik it sok ja sche'um Safira ti slajawe oj schono'e xe'n slu'ume. 2Jasa, yi'aje kan snalan ja sts'akol ja slu'ume'i. Kechan snalan ya'we b'a sk'ab' ja jekab'anum jumasa, 3Ja'yuj ja Pedro ti yal yab' ja Ananiasi:
¿Jas lom a k'ulan ja jas yala wab' ja tan pukuj b'a? wan a maxa wala oj ja lo'la ja Espiritu Santo yuj ja a wi'a kan snalan ja sts'akol wa lu'um a chono. 4Ja yajni me'xa chono wa lu'umi, spetsanil a b'ajni we'nlex ajyi sok wa che'uma. Jaxa yajni a chonota, cho jach'ni spetsanil ja sts'akoli, a b'ajni we'nlexa, ¿Jas lom jach' a k'u'lan b'a? mi ke'nuktikon ja a lo'layotikoni, ja'ni a lo'la ja Dyosi, —xchi ja Pedro.
5-6Jaxa Ananiasi, yajni ch'ak yab' ja jastal iti, ti mok'a toj chamel waji. Ja'yuj chab' oxe keremtik sb'ech'awe k'uts ja skwerpo'i ti waj smuk e' kana. Spetsanil ja ma' tey tiwi, jel xiwye.
7Ek' ma mojan oxe ora ti cho k'ot ja Safira, mini t'un wa sna'a jasunk'a ek'ta. 8Ja'yuj ti job'ji yi yuj ja Pedro:
—Ala kab'i, ¿Jach'ni sts'akolan jastal it wa lu'um a chonowexa?
—Jach'ni'a —Jach'ni sts'akolan jastal jawa, —xchi ja ye'ni.
Ja'yuj ti alji yab' yuj ja Pedro:
9—¿Jasyuj ja a laja a b'ajex oj a lo'layex ja Espiritu Santo b'a? K'elawile, ti'xa jakume jan ja keremtik jumasa ma' waj smuk e' kan ja wa tatami, cho ye'nle'ni ja ma' oj waj smuk a kan ja we'ni, —xchi ja Pedro.
10Wego mok' ja Safira toj chamel waji, jachuk ti'xa ochye ja keremtik jumasa, yi'aje'a b'a waj smuk e' kani, ti smukuwe b'a mojan ja kan ja statami. 11Spetsanil ja jmoj alijeltik jumasa, sok spetsanil ja ma yab' ja jastal ch'ak ek'uki, jel xiwye.
Jel tsamal ja jas wa sk'u'lan ja Dyosi
12Cho jach'ni, b'a sjekab'anum jumasa ja Jesusi, ti wa sk'u'lan jitsan milagro ja Dyosi, jel tsamal ja jas wax k'u'la jiyi'e ja kristyano jumasa. Spetsanil k'ak'u ja sneb'uman jumasa ja Jesusi, ti wa stsomo sb'aje b'a niwan pwerta wax och ja Salomoni, 13Jaxa ma'tik mi smojuk sb'aje soki, mix och ta'juke mojan, spetsanil ja kristyano jumasa b'a slechanal ja lu'umi, wax kisji ye sok jel lek xk'umaji ye.
14Ja'yuj kada k'ak'u, wa'n pojxel ja ma' wa sk'u'an ja Jesusi, ixuk winik wa'n ya'jel sb'aje. 15Ja kristyano jumasa, ch'ak ya'we el spetsanil ja ma mi lek ay yujile'i, ti ya'awe b'a kaye b'a oj ek'uk ja Pedro, ay sniwanil sk'ujole oj tojb'uke a'nima ja'uk ita ja yaxub'il ja Pedro oj ek'uk ja b'a'ye'i.
16Jitsan kristyano jumasa ja ma mojan yi'oj sb'aj sok ja chonab' Jerusaleni, cho yi'aje och ja ma mi lek ay yujile ja ye'nle'i, sok ja ma wa'n ixtalajel yuj ja tan pukuji, spetsanil ch'akni tojb'uke'a.
Ja sneb'uman ja Jesusi, ti ajyiye b'a junta
17Ja ma' niwan ya'tel yuj ja pagre jumasa sok spetsanil ja saduseo jumasa ma' wax mojtaji yuji, jel och yil k'ujoluke ja sjekab'anum jumasa Ja Kajwaltiki. 18Ja'yuj ti sjekawe yamumana, ti lutan b'a chonab'.
19Jaxa b'a yoj a'kwali, jun yanjel ja Kajwaltiki sje'a sb'a sjama ja pwerta jumasa, ch'ak ya eluke libre. Ti'xta'a ti alji yabye yuj ja: 20—Ka'axik b'a snajtsil tsomjel alawik yab' ja kristyano jumasa ja jastal oj sta' ja skoltajele'i—.
21Mojanxa oj sakb'uk k'inal ja k'otye ja jekab'anum jumasa, b'a sti' snajtsil tsomjeli, ti och yalwe yab' ja kristyano'i.
Ja'xa ma' niwan ya'tel yuj pagre jumasa sok ja skoltanume jumasa, ti stsomowe b'a jun sjunta'e ja ma'tik ni k'ajyel wa stsomo sb'aje'i, sok ja ma'tik ay ya'tel b'a chonab'i. Tsa'an ti sjekawe spayjel ja sneb'uman jumasa ja Kajwaltiki, 22yajni k'otye ja talna preso jumasa, mi ma' sta'awe. Jachuk kumxiye ti yalawe'a: 23—Ja b'a preso, lutan lek jta'atikon, jaxa yajni jamatikon ja pwerta, mini jun ma jta'atikona.
24Yajni yab' ja ma niwan ya'tel yuj ja ma' wa stalna ja snajtsil tsomjel sok ja ma'tik ma' niwak ya'tel yuj ja pagre jumasa, mi sna'a jas oj sk'u'luke, sok mini t'un jak sk'ujole ja jas ek'i.
25Ti'xta'a, ti k'ot jun ma alji yabye yuj ja: —Ja winike jumasa it a lutuwexi cho ti'xa aye k'ot b'a sti snajtsil tsomjel, wa'ne sje'jel yi ja yab'al ja Dyos ja kristyano jumasa—.
26Ja'yuj ti cho wajye ja ma'tik niwak ya'tel yuj ja talnanum sok ja skoltanume jumasa cho waj syam'e otro bwelta ja sneb'uman ja Kajwaltik Jesusi; mixani yixtalane'a, yuj ja wa xiwye lek xwaj ch'ojuke ton yuj ja kristyano'i. 27Yajni k'otye b'a yoj junta, jaxa ma' niwan ya'tel yuj ja pagre jumasa, ti alji yabye yuj ja:
28—Kalatikonta a wabyex mokxa a wal'ex mas ja sb'i'il ja tan Jesusi, mini a k'u'anexa. Ch'aktani a wal'ex yab' spetsanil ja swinikil b'a sutanal ja Jerusaleni, wax cho a lokowotikonex ab'al yuj ke'n jmilatikon a wi'ex.
29Ti yalawe ja Pedro sok ja tuk jekab'anum jumasa:
—Ja ke'ntikoni ja wax k'u'antikon b'ajtan ja jas wax yala ja Dyosi, tsa'an wax k'u'antikon ja jas wa sk'ana ja winiki. 30We'n a milawex ja Jesús b'a jun cruz, jaxa Dyos it wa stoyowe ja ma' ek' paxta kujtikoni, ya sak'wuk. 31Ti ya' kulan b'a stojol sk'ab' ja Dyos b'a kulan koti, sok ya'yi niwan ya'tel b'a oj koltanuk b'a jach' oj ya'we kan sle'jel ja smule ja israelenio jumasa, jaxa Dyosi, oj ch'ayjuk yi'e' yuj ja smule'i. 32Ja ke'ntikon ja smeranili ch'ak kiltikon ja jastik ch'ak ek'uki, cho jach'ni ja Espiritu Santo. Yuj ja Dyosi wanix ya'yi ja Espiritu Santo ja ma wax k'u'aji yuj ji.
Jun tsamal ab'al
33Yajni yabye ja junta'anum jumasa, sok ja smoje jumasa, jel tajkiye wa sk'ana oj milwanuke. 34Jun fariseo Gamaliel sb'i'il yala a eluke t'an juts'in ja jekab'anum jumasa. Ja Gamalieli, jun je'uman ja mandar it a'ji yi ja Moisesi, jaxa judio jumasa jel wa skisawe, 35Jachuk ti yala yab' ja smoj jumasa:
—Israelenio jumasa na'awik lek, ja jas waxa k'ana oj ja k'u'lkex yi ja winike jumasa iti. 36A jak t'un a k'ujolex ja ayxa jan k'ak'u, ajyi jun winik Teudas sb'i'il, ja ye'n wa stoyo sb'aj yuj jel wa sna'a, ja'yuj mojan chane syen (400) winik k'u'aji yuj ja ye'n. Jaxa tsa'ani milji, spetsanil ja ma'tik wax nochji yuji ch'ak spak e ajnel, mixani t'un sta'awe ti' ja tan winik jawa. 37Tsa'an, ja yajni wa'n ochel ju'un spetsanil ja israelenio jumasa, cho sje'a sb'aj ja tan Judas sb'a Galilea, jitsan ja ma cho nochji yuji. Cho miljini ja ye'n, spetsanil ja ma'tik nochji yuji ch'ak spak e ajnel.
38—Jaxa sok ja iti, ja ke'n oj kala wabyex, sijpayik ja winike jumasa iti, mok chamuk a k'ujolex. Ja jas wa'ne sk'ulajeli, yuj k'a ye'n ita wa'ne yaljel, mi oj alb'uk, 39ta jak'a ja jas wa sk'ana ja Dyosi, mini ma oj b'ob' komjuke yuj ja, jaxa we'nlexi, yujni ja wa'nex tiro'anel sok ja Dyosi, —xchi ja Gamalieli.
Spetsanile jel lek yabye ja jas alji yabye'i. 40Ja'yuj ti sjekawe spayjel ja chawane jekab'anum jawi, yalawe a'b'i mak'juke lek. Ti cho yalawe yabye mokxa je sta'e ti ja sb'i'il ja Jesusi, Tsa'an ti'xa sijpane'a. 41Jaxa neb'uman jumasa jawi, jel tsamal elye ja tiwi, yuj ja jach'ni wa sk'ana ja Dyos oj yi'e wokol yuj ja wa sk'u'ane ja Jesusi.
42Ja'yuj ja ma'tik wa snocho ja Jesusi kada k'ak'u wa stsomo sb'aje b'a snajtsil tsomjel sok b'a na'its jumasa, mix ya'we kan yaljel ja jas jel tsamal wax yala ja Jesús it Mesias yuj ja Dyosi.
Currently Selected:
Hechos 5: YABD
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México 2021
Hechos 5
5
Ja Ananias sok ja Safira
1Jel tuk ja jas ek' yuj ja winik sb'i'il Ananiasi, ja winik it sok ja sche'um Safira ti slajawe oj schono'e xe'n slu'ume. 2Jasa, yi'aje kan snalan ja sts'akol ja slu'ume'i. Kechan snalan ya'we b'a sk'ab' ja jekab'anum jumasa, 3Ja'yuj ja Pedro ti yal yab' ja Ananiasi:
¿Jas lom a k'ulan ja jas yala wab' ja tan pukuj b'a? wan a maxa wala oj ja lo'la ja Espiritu Santo yuj ja a wi'a kan snalan ja sts'akol wa lu'um a chono. 4Ja yajni me'xa chono wa lu'umi, spetsanil a b'ajni we'nlex ajyi sok wa che'uma. Jaxa yajni a chonota, cho jach'ni spetsanil ja sts'akoli, a b'ajni we'nlexa, ¿Jas lom jach' a k'u'lan b'a? mi ke'nuktikon ja a lo'layotikoni, ja'ni a lo'la ja Dyosi, —xchi ja Pedro.
5-6Jaxa Ananiasi, yajni ch'ak yab' ja jastal iti, ti mok'a toj chamel waji. Ja'yuj chab' oxe keremtik sb'ech'awe k'uts ja skwerpo'i ti waj smuk e' kana. Spetsanil ja ma' tey tiwi, jel xiwye.
7Ek' ma mojan oxe ora ti cho k'ot ja Safira, mini t'un wa sna'a jasunk'a ek'ta. 8Ja'yuj ti job'ji yi yuj ja Pedro:
—Ala kab'i, ¿Jach'ni sts'akolan jastal it wa lu'um a chonowexa?
—Jach'ni'a —Jach'ni sts'akolan jastal jawa, —xchi ja ye'ni.
Ja'yuj ti alji yab' yuj ja Pedro:
9—¿Jasyuj ja a laja a b'ajex oj a lo'layex ja Espiritu Santo b'a? K'elawile, ti'xa jakume jan ja keremtik jumasa ma' waj smuk e' kan ja wa tatami, cho ye'nle'ni ja ma' oj waj smuk a kan ja we'ni, —xchi ja Pedro.
10Wego mok' ja Safira toj chamel waji, jachuk ti'xa ochye ja keremtik jumasa, yi'aje'a b'a waj smuk e' kani, ti smukuwe b'a mojan ja kan ja statami. 11Spetsanil ja jmoj alijeltik jumasa, sok spetsanil ja ma yab' ja jastal ch'ak ek'uki, jel xiwye.
Jel tsamal ja jas wa sk'u'lan ja Dyosi
12Cho jach'ni, b'a sjekab'anum jumasa ja Jesusi, ti wa sk'u'lan jitsan milagro ja Dyosi, jel tsamal ja jas wax k'u'la jiyi'e ja kristyano jumasa. Spetsanil k'ak'u ja sneb'uman jumasa ja Jesusi, ti wa stsomo sb'aje b'a niwan pwerta wax och ja Salomoni, 13Jaxa ma'tik mi smojuk sb'aje soki, mix och ta'juke mojan, spetsanil ja kristyano jumasa b'a slechanal ja lu'umi, wax kisji ye sok jel lek xk'umaji ye.
14Ja'yuj kada k'ak'u, wa'n pojxel ja ma' wa sk'u'an ja Jesusi, ixuk winik wa'n ya'jel sb'aje. 15Ja kristyano jumasa, ch'ak ya'we el spetsanil ja ma mi lek ay yujile'i, ti ya'awe b'a kaye b'a oj ek'uk ja Pedro, ay sniwanil sk'ujole oj tojb'uke a'nima ja'uk ita ja yaxub'il ja Pedro oj ek'uk ja b'a'ye'i.
16Jitsan kristyano jumasa ja ma mojan yi'oj sb'aj sok ja chonab' Jerusaleni, cho yi'aje och ja ma mi lek ay yujile ja ye'nle'i, sok ja ma wa'n ixtalajel yuj ja tan pukuji, spetsanil ch'akni tojb'uke'a.
Ja sneb'uman ja Jesusi, ti ajyiye b'a junta
17Ja ma' niwan ya'tel yuj ja pagre jumasa sok spetsanil ja saduseo jumasa ma' wax mojtaji yuji, jel och yil k'ujoluke ja sjekab'anum jumasa Ja Kajwaltiki. 18Ja'yuj ti sjekawe yamumana, ti lutan b'a chonab'.
19Jaxa b'a yoj a'kwali, jun yanjel ja Kajwaltiki sje'a sb'a sjama ja pwerta jumasa, ch'ak ya eluke libre. Ti'xta'a ti alji yabye yuj ja: 20—Ka'axik b'a snajtsil tsomjel alawik yab' ja kristyano jumasa ja jastal oj sta' ja skoltajele'i—.
21Mojanxa oj sakb'uk k'inal ja k'otye ja jekab'anum jumasa, b'a sti' snajtsil tsomjeli, ti och yalwe yab' ja kristyano'i.
Ja'xa ma' niwan ya'tel yuj pagre jumasa sok ja skoltanume jumasa, ti stsomowe b'a jun sjunta'e ja ma'tik ni k'ajyel wa stsomo sb'aje'i, sok ja ma'tik ay ya'tel b'a chonab'i. Tsa'an ti sjekawe spayjel ja sneb'uman jumasa ja Kajwaltiki, 22yajni k'otye ja talna preso jumasa, mi ma' sta'awe. Jachuk kumxiye ti yalawe'a: 23—Ja b'a preso, lutan lek jta'atikon, jaxa yajni jamatikon ja pwerta, mini jun ma jta'atikona.
24Yajni yab' ja ma niwan ya'tel yuj ja ma' wa stalna ja snajtsil tsomjel sok ja ma'tik ma' niwak ya'tel yuj ja pagre jumasa, mi sna'a jas oj sk'u'luke, sok mini t'un jak sk'ujole ja jas ek'i.
25Ti'xta'a, ti k'ot jun ma alji yabye yuj ja: —Ja winike jumasa it a lutuwexi cho ti'xa aye k'ot b'a sti snajtsil tsomjel, wa'ne sje'jel yi ja yab'al ja Dyos ja kristyano jumasa—.
26Ja'yuj ti cho wajye ja ma'tik niwak ya'tel yuj ja talnanum sok ja skoltanume jumasa cho waj syam'e otro bwelta ja sneb'uman ja Kajwaltik Jesusi; mixani yixtalane'a, yuj ja wa xiwye lek xwaj ch'ojuke ton yuj ja kristyano'i. 27Yajni k'otye b'a yoj junta, jaxa ma' niwan ya'tel yuj ja pagre jumasa, ti alji yabye yuj ja:
28—Kalatikonta a wabyex mokxa a wal'ex mas ja sb'i'il ja tan Jesusi, mini a k'u'anexa. Ch'aktani a wal'ex yab' spetsanil ja swinikil b'a sutanal ja Jerusaleni, wax cho a lokowotikonex ab'al yuj ke'n jmilatikon a wi'ex.
29Ti yalawe ja Pedro sok ja tuk jekab'anum jumasa:
—Ja ke'ntikoni ja wax k'u'antikon b'ajtan ja jas wax yala ja Dyosi, tsa'an wax k'u'antikon ja jas wa sk'ana ja winiki. 30We'n a milawex ja Jesús b'a jun cruz, jaxa Dyos it wa stoyowe ja ma' ek' paxta kujtikoni, ya sak'wuk. 31Ti ya' kulan b'a stojol sk'ab' ja Dyos b'a kulan koti, sok ya'yi niwan ya'tel b'a oj koltanuk b'a jach' oj ya'we kan sle'jel ja smule ja israelenio jumasa, jaxa Dyosi, oj ch'ayjuk yi'e' yuj ja smule'i. 32Ja ke'ntikon ja smeranili ch'ak kiltikon ja jastik ch'ak ek'uki, cho jach'ni ja Espiritu Santo. Yuj ja Dyosi wanix ya'yi ja Espiritu Santo ja ma wax k'u'aji yuj ji.
Jun tsamal ab'al
33Yajni yabye ja junta'anum jumasa, sok ja smoje jumasa, jel tajkiye wa sk'ana oj milwanuke. 34Jun fariseo Gamaliel sb'i'il yala a eluke t'an juts'in ja jekab'anum jumasa. Ja Gamalieli, jun je'uman ja mandar it a'ji yi ja Moisesi, jaxa judio jumasa jel wa skisawe, 35Jachuk ti yala yab' ja smoj jumasa:
—Israelenio jumasa na'awik lek, ja jas waxa k'ana oj ja k'u'lkex yi ja winike jumasa iti. 36A jak t'un a k'ujolex ja ayxa jan k'ak'u, ajyi jun winik Teudas sb'i'il, ja ye'n wa stoyo sb'aj yuj jel wa sna'a, ja'yuj mojan chane syen (400) winik k'u'aji yuj ja ye'n. Jaxa tsa'ani milji, spetsanil ja ma'tik wax nochji yuji ch'ak spak e ajnel, mixani t'un sta'awe ti' ja tan winik jawa. 37Tsa'an, ja yajni wa'n ochel ju'un spetsanil ja israelenio jumasa, cho sje'a sb'aj ja tan Judas sb'a Galilea, jitsan ja ma cho nochji yuji. Cho miljini ja ye'n, spetsanil ja ma'tik nochji yuji ch'ak spak e ajnel.
38—Jaxa sok ja iti, ja ke'n oj kala wabyex, sijpayik ja winike jumasa iti, mok chamuk a k'ujolex. Ja jas wa'ne sk'ulajeli, yuj k'a ye'n ita wa'ne yaljel, mi oj alb'uk, 39ta jak'a ja jas wa sk'ana ja Dyosi, mini ma oj b'ob' komjuke yuj ja, jaxa we'nlexi, yujni ja wa'nex tiro'anel sok ja Dyosi, —xchi ja Gamalieli.
Spetsanile jel lek yabye ja jas alji yabye'i. 40Ja'yuj ti sjekawe spayjel ja chawane jekab'anum jawi, yalawe a'b'i mak'juke lek. Ti cho yalawe yabye mokxa je sta'e ti ja sb'i'il ja Jesusi, Tsa'an ti'xa sijpane'a. 41Jaxa neb'uman jumasa jawi, jel tsamal elye ja tiwi, yuj ja jach'ni wa sk'ana ja Dyos oj yi'e wokol yuj ja wa sk'u'ane ja Jesusi.
42Ja'yuj ja ma'tik wa snocho ja Jesusi kada k'ak'u wa stsomo sb'aje b'a snajtsil tsomjel sok b'a na'its jumasa, mix ya'we kan yaljel ja jas jel tsamal wax yala ja Jesús it Mesias yuj ja Dyosi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México 2021