Hechos 6
6
Ja juke a'tijumi
1Ja k'ak'u jumasa jawi, jel wa'n pojxel ja ma wa snocho ja Kajwaltik Jesusi, ti'xta'a, och k'e' yujile jun k'umal ja ma'tik ti nochan sok ja judio jumasa ma'tik wax k'umani griego sok ja ma'tik wax k'umaniye arameo. Ja k'ole jumasa ma' wax k'umaniye griego, wax yalawe jel t'usan ja swa'ele wax a'ji yi'e' ja b'a kada k'ak'u.
2Ja'yuj ja sjekab'anum jumasa ja Kajwaltik Jesusi, ch'ak sjek e' spayjel spetsanil b'a jun tsomjel, ti yalawe tiwi:
—Ja jchol ja ke'ntiki, ja oj kaltik ek' ja yab'al ja Dyosi, ja'yuj mi sb'ejuk ja' ke'n oj k'ep tik jastal oj pilxuk ja tak'in sok ja wa'elal jumasa. 3Le'awik jastal oj a tsa'ex juke winik b'a ye'n oj ya'teltaye ja a'tel jumasa jawi. Kechan wa sk'ana yuj lek wax ch'aka wila ab'ajex a petsanilex, a sna'e lek ja jas oj sk'u'luke'i, a sje'e tsamal ja jas wa sk'u'lane'i, wa sk'ana yuj tey soke ja yip Espiritu Santo. 4Ja ke'ntikoni, kechan ja oj waj k'ujoltikon oj k'umtikon ja Dyosi, sok b'a oj cho kaltikon ja ab'al it oj ya jta jkoltajeltiki.
5Spetsanil ja kristyano'i, jel lek yabye ja jas alji yabye'i, ti stsa'awe ja Estebani jun winik jel wa sk'u'an ja Dyosi, cho ti'ni yi'oj ja yip ja Espiritu Santo. Cho stsa'awe ja otro wake'i: Tey ja Felipe, Procoro, Nicanor, Timon, Parmenas sok ja Nicolasi. Ja Nicolas iti, ti sb'aj b'a Antioquia ajyi, yujni b'ajtanxa tey sok ja srelijyon ja judio jumasa. 6Tsa'an ti'xa yi'aje och ja b'a sti sat ja sjekab'anum jumasa ja Kajwaltiki, jaxa ye'nle'i, ti ya kajan ja sk'ab'e b'a s'olome b'a kada jujune ja ye'nle'i, ti och sk'umuke ja Dyosi.
7Jaxa jekab'anum jumasa mini ya'we kan yaljel ja yab'al ja Dyosi, ja'yuj jel jitsan ja ma sutxi ja sk'ujol snocho ja Kajwaltik Jesusi, cho jel jitsan ja spagre'e ja judio jumasa snochowe'i.
Yamji ja Estebani
8Ja Estebani a'jiyi jun yip yuj ja Dyos b'a tsa'ub'al, b'a jach' oj b'ob' sk'u'luk ja milagro jumasa, sok ja jastik jel tsamal oj yil ja kristyano'i. 9Jasa, ay chab' oxe judio ja b'a chonab' Cirene, ochye ab'al k'umal sok ja Estebani, cho jach'ni ay chab' oxe judio jumasa b'a chonab' Alejandria, ja it jumasa ti aye sok ja b'a wa stsomo sb'aje, ja winike jumasa it mixa moso ayuke'i, cho jach'ni, slo'ilane sok ja Esteban ja chab' oxe it ti jakele b'a Cilisia sok ja b'a slujmal Asia, 10Jasa, mini june ma' b'ob' k'okxuk yujile'a, yuj ja spetsanil ja jas wax yala ja ye'n ja wax a'ji sna' yuj ja Espiritu Santo. 11Ja'yuj ja judio jumasa jawi, stupuwe ja ma oj sle' ab'ali. —T'ilan jach' oj yal'e jastal iti: —Ja Estebani mi lek sta'unej ti' ja Dyosi, sok ja Moises ma' ek' paxta kujtiki. Ke'n jchikin kab'tikon ja jas wa'n yaljeli, —Oj b'i chi'uke.
12Jach' sjomowe yi s'olom jastal it ja kristyano jumasa, ja ma'tik ay ya'tel b'a chonab'i, sok ja ma'tik wa sje'awe ja mandar it a'ji yi ja Moisesi, tsa'an ti syamawe ja Estebani. Ti yi'aje och b'a yoj niwan tsomjel. 13Ti cho spayawe chab' oxe winik b'a oj sle'e tuk ab'ala. June ja ye'nle'i, ti yala'a: —Ja winik iti mini t'un lek sta'a ti' ja snajtsil tsomjel it mi kwalkyera'uki, cho jach'ni ja mandar it a'ji yi ja Moises yuj ja Dyosi. 14Kab'tikonta wa'n yaljel ja tan Jesús sb'a Nazareti, oj b'i sjom ko ja snajtsil tsomjeli, sok oj b'i sch'ay ja jastal kulan it sje'a ki'tik ja Moisesi, —xchiyexta.
15Spetsanil ja matik aye b'a niwan tsomjeli, ti sk'elawe ja Estebani, ti yilawe ja sati, jach' wa slaja jastal sat jun anjel.
Currently Selected:
Hechos 6: YABD
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México 2021
Hechos 6
6
Ja juke a'tijumi
1Ja k'ak'u jumasa jawi, jel wa'n pojxel ja ma wa snocho ja Kajwaltik Jesusi, ti'xta'a, och k'e' yujile jun k'umal ja ma'tik ti nochan sok ja judio jumasa ma'tik wax k'umani griego sok ja ma'tik wax k'umaniye arameo. Ja k'ole jumasa ma' wax k'umaniye griego, wax yalawe jel t'usan ja swa'ele wax a'ji yi'e' ja b'a kada k'ak'u.
2Ja'yuj ja sjekab'anum jumasa ja Kajwaltik Jesusi, ch'ak sjek e' spayjel spetsanil b'a jun tsomjel, ti yalawe tiwi:
—Ja jchol ja ke'ntiki, ja oj kaltik ek' ja yab'al ja Dyosi, ja'yuj mi sb'ejuk ja' ke'n oj k'ep tik jastal oj pilxuk ja tak'in sok ja wa'elal jumasa. 3Le'awik jastal oj a tsa'ex juke winik b'a ye'n oj ya'teltaye ja a'tel jumasa jawi. Kechan wa sk'ana yuj lek wax ch'aka wila ab'ajex a petsanilex, a sna'e lek ja jas oj sk'u'luke'i, a sje'e tsamal ja jas wa sk'u'lane'i, wa sk'ana yuj tey soke ja yip Espiritu Santo. 4Ja ke'ntikoni, kechan ja oj waj k'ujoltikon oj k'umtikon ja Dyosi, sok b'a oj cho kaltikon ja ab'al it oj ya jta jkoltajeltiki.
5Spetsanil ja kristyano'i, jel lek yabye ja jas alji yabye'i, ti stsa'awe ja Estebani jun winik jel wa sk'u'an ja Dyosi, cho ti'ni yi'oj ja yip ja Espiritu Santo. Cho stsa'awe ja otro wake'i: Tey ja Felipe, Procoro, Nicanor, Timon, Parmenas sok ja Nicolasi. Ja Nicolas iti, ti sb'aj b'a Antioquia ajyi, yujni b'ajtanxa tey sok ja srelijyon ja judio jumasa. 6Tsa'an ti'xa yi'aje och ja b'a sti sat ja sjekab'anum jumasa ja Kajwaltiki, jaxa ye'nle'i, ti ya kajan ja sk'ab'e b'a s'olome b'a kada jujune ja ye'nle'i, ti och sk'umuke ja Dyosi.
7Jaxa jekab'anum jumasa mini ya'we kan yaljel ja yab'al ja Dyosi, ja'yuj jel jitsan ja ma sutxi ja sk'ujol snocho ja Kajwaltik Jesusi, cho jel jitsan ja spagre'e ja judio jumasa snochowe'i.
Yamji ja Estebani
8Ja Estebani a'jiyi jun yip yuj ja Dyos b'a tsa'ub'al, b'a jach' oj b'ob' sk'u'luk ja milagro jumasa, sok ja jastik jel tsamal oj yil ja kristyano'i. 9Jasa, ay chab' oxe judio ja b'a chonab' Cirene, ochye ab'al k'umal sok ja Estebani, cho jach'ni ay chab' oxe judio jumasa b'a chonab' Alejandria, ja it jumasa ti aye sok ja b'a wa stsomo sb'aje, ja winike jumasa it mixa moso ayuke'i, cho jach'ni, slo'ilane sok ja Esteban ja chab' oxe it ti jakele b'a Cilisia sok ja b'a slujmal Asia, 10Jasa, mini june ma' b'ob' k'okxuk yujile'a, yuj ja spetsanil ja jas wax yala ja ye'n ja wax a'ji sna' yuj ja Espiritu Santo. 11Ja'yuj ja judio jumasa jawi, stupuwe ja ma oj sle' ab'ali. —T'ilan jach' oj yal'e jastal iti: —Ja Estebani mi lek sta'unej ti' ja Dyosi, sok ja Moises ma' ek' paxta kujtiki. Ke'n jchikin kab'tikon ja jas wa'n yaljeli, —Oj b'i chi'uke.
12Jach' sjomowe yi s'olom jastal it ja kristyano jumasa, ja ma'tik ay ya'tel b'a chonab'i, sok ja ma'tik wa sje'awe ja mandar it a'ji yi ja Moisesi, tsa'an ti syamawe ja Estebani. Ti yi'aje och b'a yoj niwan tsomjel. 13Ti cho spayawe chab' oxe winik b'a oj sle'e tuk ab'ala. June ja ye'nle'i, ti yala'a: —Ja winik iti mini t'un lek sta'a ti' ja snajtsil tsomjel it mi kwalkyera'uki, cho jach'ni ja mandar it a'ji yi ja Moises yuj ja Dyosi. 14Kab'tikonta wa'n yaljel ja tan Jesús sb'a Nazareti, oj b'i sjom ko ja snajtsil tsomjeli, sok oj b'i sch'ay ja jastal kulan it sje'a ki'tik ja Moisesi, —xchiyexta.
15Spetsanil ja matik aye b'a niwan tsomjeli, ti sk'elawe ja Estebani, ti yilawe ja sati, jach' wa slaja jastal sat jun anjel.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México 2021