Lucas 4
4
Ja Jesusi sk'ulan ganar ja tan pukuji
(Mt 4:1-11; Mr 1:12-13)
1Ja Jesusi b'ut'el sok ja Yespiritu ja Dyosi. Ja'yuj ja yajni el ja b'a niwan ja' Jordani, ti i'ji yuj ja Espiritu Santo b'a chayan lugar.
2Ja tiwi alb'i chab' tajb'e (40) k'ak'u ja tan pukuji ti sle'a jastal oj sk'ul probar ja Jesusi, spetsanil ja k'ak'u jumasa jawi, mini jas yab' ja Jesusi, jaxa ek' ja chab' tajb'e k'ak'u jawi, ti'xa och wa'in yab'a.
3Ti alji yab' yuj ja tan pukuji:
—Ta yuj meran we'n yunina ja Dyosi, a pax panil ja ton jumasa iti.
4Ti yala ja Jesusi:
—Ja b'a ts'ijb'anub'al ja yab'al ja Dyosi, jach' wax yala jastal iti: —Mi kechanuk sok pan oj ajyuk sak'anil ja kristyano'i.
5Tsa'an ja tan pukuji, ti yi'aj ja Jesús b'a jun cha'anil wits. Man tiwi, ch'ak sje'yi spetsanil ja jastik yi'oj ja chonab' jumasa sok ja jastal jel tsatse b'a slechanal ja lu'um k'inali, 6Ti yal yab'a:
—Spetsanil ja chonab' jumasa it waxa wila, ke'n ak'ub'al ki b'a jk'ab' oj b'ob' ka'yi jama wax k'ana. 7Oj ka'wi, spetsanil, kechan ko'an mek'an b'a sti jsat toy'owon, —xchi ja tan pukuji.
8Ti yala ja Jesusi:
—Ja b'a ts'ijb'anub'al ja yab'al ja Dyosi, jach' wax yala jastal iti: Kechan ye'n ja Dyos oj toyxuki, sok kechan ye'n oj k'u'axuk, —xchi ja Jesusi.
9Tsa'an ja tan pukuji, ti cho yi'aj ja Jesús b'a chonab' Jerusalen, ti ya k'e'uk b'a scha'anil s'olom ja snajtsil tsomjeli, ti yal yab'a:
—Yuj k'a meran ja yunina Dyosi, jipa ko' a b'aj man ili, 10yuj ja jach' ts'ijb'anub'al ja yab'al ja Dyosi, jach' wax yala jastal iti:
Ja Dyosi, oj sjek ja yanjel jumasa
b'a oj stalnaya.
11Ja ye'nle'i, oj syam a lek
b'a mi oj ja
k'ojchuk ton wa woki.
12Ti yala ja Jesusi:
—Ja b'a ts'ijb'anub'al ja yab'al ja Dyosi, wax cho yala: Mi lomxa kulan probar ja Dyosi.
13Yajni mi ja sb'ob' sk'ulyi ja Jesús ja tan pukuji, sok mixa sta'a jas oj yal yab'i, ti'xa spilaj sb'aj soka.
Ja Jesusi k'e stul ja ya'teli
(Mt 4:12-17; 13:53-58; Mr 1:14-15; 6:1-6)
14-15Yajni k'ot ja b'a Galilea ja Jesusi, b'ut'el sok ja Yespiritu ja Dyosi. Waj b'a spetsanil ja chonab' jumasa wa sje' yi ja kristyano ja yab'al ja Dyos b'a yoj snajtsil wax neb'xi ja yab'al ja Dyosi, spetsanil ja kristyano'i, jel wa stoyowe. Ja'yuj jel wego na'ji sb'a ja Jesús b'a spetsanil ja chonab' jumasa. 16Tsa'an ti'xa kumxi b'a Nazaret, ja'ni b'a chonab' k'i'i.
Jun sk'ak'u'il jijlel jach' k'ajyel ja Jesusi, ja'yuj ti waj b'a snajtsil tsomjeli. Yajni k'e tek'an b'a oj sk'umuk ja yab'al ja Dyosi, 17ti a'aji yi ja sju'un ja aluman Dyos Isaiasi. Jaxa Jesusi, ti sjama ja ju'uni, ti och sk'umuka:
18—Ja Yespiritu ja Dyosi, ti' ay jmoka,
yuj ja stsa'awon, sok sjekawon
b'a oj lo'ilta yabye ja yab'al ja Dyos ja ma'tik jel ajula sb'aji,
b'a oj kal ke oj eluke libre ja ma lutani,
b'a oj ka yil k'inal ja ma'tik mix yila k'inali,
b'a oj kolta ja ma jel ch'in wax ilji'i
19B'a oj cho kal yab' spetsanil ja kristyano:
—Ja k'ak'u it ja tsa'ub'al yuj ja Dyos
b'a oj skoltayotiki—.
20Jaxa Jesusi yajni ch'ak sk'umuk ja yab'al ja Dyosi, ti'xa slutu ja sju'unil ja yab'al ja Dyosi, ya kumxukyi ja ma' ay ya'tel ja b'a na'its wa stsomo sb'aje'i, ti'xa ko' kulana. Spetsanil ja ma' tey yoj snajtsil tsomjeli ti ch'ak kanuke k'elana. 21Ja'yuj ti yala ja Jesusi: —B'a sti' a sat ja we'nlexi, ti k'ot smeranil ja jastal a wabyex jk'umani.
22Spetsanile, jel lek wa sta'we ti' ja Jesusi, yuj ja jelni xcham sk'ujole yuj ja jastik jel lek sok jel tsamal b'a wa'n sje'jeli. Ja kristyano'i wa sjob'owe:
¿Mi'ma ja'uk ja yunin ja Jose ja it b'a?
23Ti yala ja Jesusi:
—Ja we'nlex ja smeranili, jach' oj a wal'ex jb'aj ja jastal wax yala jun lo'ili: —ta yuj k'a loktora, ajna a b'aj a tuch'il—.
—Ja we'nlexi, waxa na'awex spetsanil ja jas jk'u'lan b'a Cafernaumi, ja'yuj ja yan waxa k'anawex ki, jach' oj cho jk'u'luk ja ili. 24Wax na'a lek mini jun aluman Dyos oj i'juk lek ja b'a mismo schonab'ili. 25Ayxa lek k'ak'u ja yajni sak'anto ja aluman Dyos Eliasi, oxe jab'il sok snalan mini jun t'uje ja' ya'a, jaxa kristyano'i jel wa'ne chamel wa'in. 26A'nima ay jitsan viwuda ja b'a schonab'il ja israelenio, ja Dyosi mi sjeka ja aluman Dyos Elias b'a oj ch'a skolta spetsanile, kechan jun viwuda skolta ja b'a chonab' Sarepta, b'a mojan sok ja chonab' Sidoni. 27Ja k'ak'u jawi, jel ja ma' wan k'a'el ja sb'ak'teli, jaxa Eliseo kechan ja ya tojb'uk ja Naaman it ti sb'a b'a chonab' Siria.
28Yajni yabye ja jastal it ja ma' ti' aye b'a snajtsil tsomjeli, jel tajki ye. 29Ja'yuj ti ya'we eluk ja Jesús ja tiwi, ti yi'aje b'a jun cha'anil wits ja'ni ja switsil ja schonab'ile'i, ti wa sk'ana oj sjip'e' kon tiwi. 30Jaxa Jesusi ti ek' och b'a snalane, ti waj b'a Nazaret.
Jun winik tey sok jun tan pukuj
(Mr 1:21-28)
31Ja Jesusi ti waj b'a Cafernaum jun chonab' sb'a Galilea. Jun sk'ak'u'il jijlel ti sje'a yi tiw ja yab'al ja Dyos ja kristyano jumasa. 32Spetsanile jel wax cham sk'ujole yuj ja jastal wa sje'a, yuj ja spetsanil yip wax yala.
33Ja b'a yoj snajtsil tsomjeli, tey jun winik wa'n ixtalajel yuj jun tan pukuj je malo. Ja tan pukuj jawi, ti yawa ja Jesusi, ti wax yala'a:
34—Jesús sb'a Nazaret—, ¿Jasunk'a waxa k'ana oj ja k'u'lk'itikon ja ke'ntikon b'a? ¿yuj a ma jakela b'a oj ja ch'ay jnajeltikon? Ja ke'n wax na'a a b'aj. —We'n ja yunina ja Dyos tak—.
35Jaxa Jesusi, ti sk'ak'lan ja tan pukuji, ti yal yab'a:
—Ch'ab'anan, elan ja b'a winik iti.
B'a sti' sat spetsanile, ja tan pukuji, ti sjipa b'a lu'um ja winik jawi, ti yaktan kana, mini ja sk'u'lan yi'a.
36Jaxa kristyano'i jel cham sk'ujole, ti wax yala sb'aje'a: —¿Ja swinikil ja it ja jel ja yipi? sok spetsanil yip wax ya eluk ja tan pukuj it jel malo ke a eluke', —Jaxa ye'nle'i wani sk'u'ane'a—.
37B'a spetsanil ja lu'um k'inali, slo'iltaye ek' ja jas wa'n sk'u'lajel ja Jesusi.
Ja Jesusi, ya tojb'uk jitsan kristyano
(Mt 8:14-17; Mr 1:29-34)
38Yajni el ja b'a snajtsil tsomjel ja Jesusi, ti waj b'a snaj ja Simoni.
Yajni k'ot ja b'a snaji, yalawe yab' ja sni'al ixuk ja Simoni, jel b'i ja sk'ajk'ali. 39Ja Jesusi ti waj yila, ti yal yab' ja sk'ak'al ke a lamxuk lamxini'a, jaxa sni'al ja Simoni, ti'xa k'e'a k'e ya'yi swa'el ja ma' tey b'a snaje'i.
40Yajni och ja k'ak'u yi'aje och yi ja Jesús, jitsan kristyano ja ma'tik ay sok tuktukil chameli. Jaxa Jesusi ti ya' kajan ja sk'ab' b'a kada jujune ja ma malo ayi, ch'akni ya tojb'uka. 41Ja tantik pukuj jumasa, wa'n yaktajel kan ja kristyano'i, ti wax awaniye'a:
—Ja we'n yuninani ja Dyosi.
Jaxa Jesusi wa skomo ja tantik pukuj jumasa minix a'ji k'umanuke'a, yuj ja wa sna'awe ke ye'na ni ja Mesiasi.
Ja Jesusi slo'ilta ja yab'al ja Dyosi
(Mr 1:35-39)
42Sajto sakb'el el ja Jesús ja b'a chonab'i, ti waj b'a jun chonab' stuch'il ay. Jaxa kristyano'i man sle'awe, wa sk'anawe yi mok jipjuke kani. 43Ti yala ja Jesusi: —Ja'yuj sjekawon ja Dyosi, b'a oj kal ek' ja jastal jel tsamal wa'n yaljeli. Ja'yuj t'ilan oj wajkon b'a tuktukil chonab'.
44Ja'yuj ja Jesusi, ti waj slo'ilta ek' ja yab'al ja Dyos b'a snajtsil wax neb'xi ja yab'al ja Dyosi b'a spetsanil ja niwak chonab'i.
Currently Selected:
Lucas 4: YABD
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México 2021
Lucas 4
4
Ja Jesusi sk'ulan ganar ja tan pukuji
(Mt 4:1-11; Mr 1:12-13)
1Ja Jesusi b'ut'el sok ja Yespiritu ja Dyosi. Ja'yuj ja yajni el ja b'a niwan ja' Jordani, ti i'ji yuj ja Espiritu Santo b'a chayan lugar.
2Ja tiwi alb'i chab' tajb'e (40) k'ak'u ja tan pukuji ti sle'a jastal oj sk'ul probar ja Jesusi, spetsanil ja k'ak'u jumasa jawi, mini jas yab' ja Jesusi, jaxa ek' ja chab' tajb'e k'ak'u jawi, ti'xa och wa'in yab'a.
3Ti alji yab' yuj ja tan pukuji:
—Ta yuj meran we'n yunina ja Dyosi, a pax panil ja ton jumasa iti.
4Ti yala ja Jesusi:
—Ja b'a ts'ijb'anub'al ja yab'al ja Dyosi, jach' wax yala jastal iti: —Mi kechanuk sok pan oj ajyuk sak'anil ja kristyano'i.
5Tsa'an ja tan pukuji, ti yi'aj ja Jesús b'a jun cha'anil wits. Man tiwi, ch'ak sje'yi spetsanil ja jastik yi'oj ja chonab' jumasa sok ja jastal jel tsatse b'a slechanal ja lu'um k'inali, 6Ti yal yab'a:
—Spetsanil ja chonab' jumasa it waxa wila, ke'n ak'ub'al ki b'a jk'ab' oj b'ob' ka'yi jama wax k'ana. 7Oj ka'wi, spetsanil, kechan ko'an mek'an b'a sti jsat toy'owon, —xchi ja tan pukuji.
8Ti yala ja Jesusi:
—Ja b'a ts'ijb'anub'al ja yab'al ja Dyosi, jach' wax yala jastal iti: Kechan ye'n ja Dyos oj toyxuki, sok kechan ye'n oj k'u'axuk, —xchi ja Jesusi.
9Tsa'an ja tan pukuji, ti cho yi'aj ja Jesús b'a chonab' Jerusalen, ti ya k'e'uk b'a scha'anil s'olom ja snajtsil tsomjeli, ti yal yab'a:
—Yuj k'a meran ja yunina Dyosi, jipa ko' a b'aj man ili, 10yuj ja jach' ts'ijb'anub'al ja yab'al ja Dyosi, jach' wax yala jastal iti:
Ja Dyosi, oj sjek ja yanjel jumasa
b'a oj stalnaya.
11Ja ye'nle'i, oj syam a lek
b'a mi oj ja
k'ojchuk ton wa woki.
12Ti yala ja Jesusi:
—Ja b'a ts'ijb'anub'al ja yab'al ja Dyosi, wax cho yala: Mi lomxa kulan probar ja Dyosi.
13Yajni mi ja sb'ob' sk'ulyi ja Jesús ja tan pukuji, sok mixa sta'a jas oj yal yab'i, ti'xa spilaj sb'aj soka.
Ja Jesusi k'e stul ja ya'teli
(Mt 4:12-17; 13:53-58; Mr 1:14-15; 6:1-6)
14-15Yajni k'ot ja b'a Galilea ja Jesusi, b'ut'el sok ja Yespiritu ja Dyosi. Waj b'a spetsanil ja chonab' jumasa wa sje' yi ja kristyano ja yab'al ja Dyos b'a yoj snajtsil wax neb'xi ja yab'al ja Dyosi, spetsanil ja kristyano'i, jel wa stoyowe. Ja'yuj jel wego na'ji sb'a ja Jesús b'a spetsanil ja chonab' jumasa. 16Tsa'an ti'xa kumxi b'a Nazaret, ja'ni b'a chonab' k'i'i.
Jun sk'ak'u'il jijlel jach' k'ajyel ja Jesusi, ja'yuj ti waj b'a snajtsil tsomjeli. Yajni k'e tek'an b'a oj sk'umuk ja yab'al ja Dyosi, 17ti a'aji yi ja sju'un ja aluman Dyos Isaiasi. Jaxa Jesusi, ti sjama ja ju'uni, ti och sk'umuka:
18—Ja Yespiritu ja Dyosi, ti' ay jmoka,
yuj ja stsa'awon, sok sjekawon
b'a oj lo'ilta yabye ja yab'al ja Dyos ja ma'tik jel ajula sb'aji,
b'a oj kal ke oj eluke libre ja ma lutani,
b'a oj ka yil k'inal ja ma'tik mix yila k'inali,
b'a oj kolta ja ma jel ch'in wax ilji'i
19B'a oj cho kal yab' spetsanil ja kristyano:
—Ja k'ak'u it ja tsa'ub'al yuj ja Dyos
b'a oj skoltayotiki—.
20Jaxa Jesusi yajni ch'ak sk'umuk ja yab'al ja Dyosi, ti'xa slutu ja sju'unil ja yab'al ja Dyosi, ya kumxukyi ja ma' ay ya'tel ja b'a na'its wa stsomo sb'aje'i, ti'xa ko' kulana. Spetsanil ja ma' tey yoj snajtsil tsomjeli ti ch'ak kanuke k'elana. 21Ja'yuj ti yala ja Jesusi: —B'a sti' a sat ja we'nlexi, ti k'ot smeranil ja jastal a wabyex jk'umani.
22Spetsanile, jel lek wa sta'we ti' ja Jesusi, yuj ja jelni xcham sk'ujole yuj ja jastik jel lek sok jel tsamal b'a wa'n sje'jeli. Ja kristyano'i wa sjob'owe:
¿Mi'ma ja'uk ja yunin ja Jose ja it b'a?
23Ti yala ja Jesusi:
—Ja we'nlex ja smeranili, jach' oj a wal'ex jb'aj ja jastal wax yala jun lo'ili: —ta yuj k'a loktora, ajna a b'aj a tuch'il—.
—Ja we'nlexi, waxa na'awex spetsanil ja jas jk'u'lan b'a Cafernaumi, ja'yuj ja yan waxa k'anawex ki, jach' oj cho jk'u'luk ja ili. 24Wax na'a lek mini jun aluman Dyos oj i'juk lek ja b'a mismo schonab'ili. 25Ayxa lek k'ak'u ja yajni sak'anto ja aluman Dyos Eliasi, oxe jab'il sok snalan mini jun t'uje ja' ya'a, jaxa kristyano'i jel wa'ne chamel wa'in. 26A'nima ay jitsan viwuda ja b'a schonab'il ja israelenio, ja Dyosi mi sjeka ja aluman Dyos Elias b'a oj ch'a skolta spetsanile, kechan jun viwuda skolta ja b'a chonab' Sarepta, b'a mojan sok ja chonab' Sidoni. 27Ja k'ak'u jawi, jel ja ma' wan k'a'el ja sb'ak'teli, jaxa Eliseo kechan ja ya tojb'uk ja Naaman it ti sb'a b'a chonab' Siria.
28Yajni yabye ja jastal it ja ma' ti' aye b'a snajtsil tsomjeli, jel tajki ye. 29Ja'yuj ti ya'we eluk ja Jesús ja tiwi, ti yi'aje b'a jun cha'anil wits ja'ni ja switsil ja schonab'ile'i, ti wa sk'ana oj sjip'e' kon tiwi. 30Jaxa Jesusi ti ek' och b'a snalane, ti waj b'a Nazaret.
Jun winik tey sok jun tan pukuj
(Mr 1:21-28)
31Ja Jesusi ti waj b'a Cafernaum jun chonab' sb'a Galilea. Jun sk'ak'u'il jijlel ti sje'a yi tiw ja yab'al ja Dyos ja kristyano jumasa. 32Spetsanile jel wax cham sk'ujole yuj ja jastal wa sje'a, yuj ja spetsanil yip wax yala.
33Ja b'a yoj snajtsil tsomjeli, tey jun winik wa'n ixtalajel yuj jun tan pukuj je malo. Ja tan pukuj jawi, ti yawa ja Jesusi, ti wax yala'a:
34—Jesús sb'a Nazaret—, ¿Jasunk'a waxa k'ana oj ja k'u'lk'itikon ja ke'ntikon b'a? ¿yuj a ma jakela b'a oj ja ch'ay jnajeltikon? Ja ke'n wax na'a a b'aj. —We'n ja yunina ja Dyos tak—.
35Jaxa Jesusi, ti sk'ak'lan ja tan pukuji, ti yal yab'a:
—Ch'ab'anan, elan ja b'a winik iti.
B'a sti' sat spetsanile, ja tan pukuji, ti sjipa b'a lu'um ja winik jawi, ti yaktan kana, mini ja sk'u'lan yi'a.
36Jaxa kristyano'i jel cham sk'ujole, ti wax yala sb'aje'a: —¿Ja swinikil ja it ja jel ja yipi? sok spetsanil yip wax ya eluk ja tan pukuj it jel malo ke a eluke', —Jaxa ye'nle'i wani sk'u'ane'a—.
37B'a spetsanil ja lu'um k'inali, slo'iltaye ek' ja jas wa'n sk'u'lajel ja Jesusi.
Ja Jesusi, ya tojb'uk jitsan kristyano
(Mt 8:14-17; Mr 1:29-34)
38Yajni el ja b'a snajtsil tsomjel ja Jesusi, ti waj b'a snaj ja Simoni.
Yajni k'ot ja b'a snaji, yalawe yab' ja sni'al ixuk ja Simoni, jel b'i ja sk'ajk'ali. 39Ja Jesusi ti waj yila, ti yal yab' ja sk'ak'al ke a lamxuk lamxini'a, jaxa sni'al ja Simoni, ti'xa k'e'a k'e ya'yi swa'el ja ma' tey b'a snaje'i.
40Yajni och ja k'ak'u yi'aje och yi ja Jesús, jitsan kristyano ja ma'tik ay sok tuktukil chameli. Jaxa Jesusi ti ya' kajan ja sk'ab' b'a kada jujune ja ma malo ayi, ch'akni ya tojb'uka. 41Ja tantik pukuj jumasa, wa'n yaktajel kan ja kristyano'i, ti wax awaniye'a:
—Ja we'n yuninani ja Dyosi.
Jaxa Jesusi wa skomo ja tantik pukuj jumasa minix a'ji k'umanuke'a, yuj ja wa sna'awe ke ye'na ni ja Mesiasi.
Ja Jesusi slo'ilta ja yab'al ja Dyosi
(Mr 1:35-39)
42Sajto sakb'el el ja Jesús ja b'a chonab'i, ti waj b'a jun chonab' stuch'il ay. Jaxa kristyano'i man sle'awe, wa sk'anawe yi mok jipjuke kani. 43Ti yala ja Jesusi: —Ja'yuj sjekawon ja Dyosi, b'a oj kal ek' ja jastal jel tsamal wa'n yaljeli. Ja'yuj t'ilan oj wajkon b'a tuktukil chonab'.
44Ja'yuj ja Jesusi, ti waj slo'ilta ek' ja yab'al ja Dyos b'a snajtsil wax neb'xi ja yab'al ja Dyosi b'a spetsanil ja niwak chonab'i.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México 2021