Lucas 5
5
Ja milagro yilawe ja yama chayi
(Mt 4:18-22; Mr 1:16-20)
1Jun k'ak'u ja Jesusi, tey b'a sti' paman ja' b'a Galilea, jaxa kristyano'i jakyexta b'ots'an sb'aj yuj ja wa sk'ana oj smaklaye ja yab'al ja Dyosi. 2Ja Jesusi, ti yila chab' barco b'a sti' ja'i. Me'y sb'a'al ja yama chay jumasa wa'ne sji'jel ja yenub'e'i. 3June ja barco jawi, ja sb'a ja Simon Pedro. Ti k'e' ja Jesusi ti yal yab' ja Pedro a ya jits och t'un yoj ja', ti och kulana och sje' yi ja kristyano ja yab'al ja Dyosi.
4Yajni ch'ak sje' ja Jesusi, ti yal yab' ja Pedro:
—Ochan och sok wa barco b'a scha'anil ja ja'i, ti'xa jipa ko' tiw wa wenub'ex b'a oj ja yam'ex ja chayi.
5Ti yala ja Pedro:
—Je'uman, snajtil a'kwal tsats lek wa'ntikon a'tel mini jas wax ta'atikona. Yuj ja we'n waxa wala, ojni jk'u'uka.
6Ja jastal alji yab' yuj ja Jesusi, jach'ni sk'u'lane'a, jel jitsan syamawe ja chayi, b'ut' lek ja yenub'e'i, lajan sok ojxa cha k'utsuk. 7Ja'yuj ti spayawe ja tuk smoje b'a pilan barco, b'a oj koltajuke. Jaxa ye'nle'i waj ye'ni'a b'ut' schab'il ja sbarco'e'i, wanxa sk'ana ib'el ja'axuke.
8Yajni yila ja Pedro ja jastal iti, ti ko' mek'an b'a sti' sat ja Jesusi, ti yala'a:
—Kajwal, pila a b'aj jmok, ja ke'n jun mulanumon—.
9-10Jaxa Santiago sok ja Juan yuntikil ja Zebedeo, ja Pedro sok spetsanil ja tuk jumasa, jel xiwye yuj ja jel jitsan syamawe ja chayi, jaxa Jesusi, ti yal yab' ja Pedro:
—Mi lom la xiwi. Ja wa wa'tel ja ya'n mixa yamuj ch'ayuk, ke'n oj je'a wi jastal oj a le'jan ki jitsan kristyano b'a oj snochon.
11Jaxa yama chay jumasa, ti'xa ya'we el b'a sti' ja' ja sbarco'e'i, ch'ak ya'wekan spetsanil ja jas yi'oje'i, ti'xa wajye sok ja Jesusi.
Ja Jesusi, ya tojb'uk jun winik
(Mt 8:1-4; Mr 1:40-45)
12Jun k'ak'u ja Jesusi tey b'a jun chonab'. Ti k'ot jun winik ay yi'oj jun chamel ja wan k'a'el ja sb'ak'teli, ti snujts'in sb'aj b'a sti sat ja Jesusi, man sta'a ja lu'um ja spatani, ti sk'ana yi pabora:
—Kajwal, ja ke'n wax na'a ojni b'ob' wa tojb'ukona. ¿Wan maxa k'ana oj ja k'u'luk?
13Ja Jesusi, ti ya' kajan ja sk'ab' b'a skwerpo ja ma' mi lek ay ajyi, ti yal yab'a:
—Wan wax k'ana. —Ja ya'n lekxa aya, xchi ja Jesusi.
Jaxa winik jawi, wego tojb'i'a. 14Tsa'an ja Jesusi, ti yala yab'a:
—Mok ma' a wal yab' ja jas ek'i kechan kax je'a b'ajyi ja pagre. I'aj och wa limosna ja jastalni wax yala ja Moisesi; ti oj yil ja pagre jumasa yuj ja lekxa aya.
15Ja Jesusi jel niwan wan iljel yuj ja ya'teli, ja'yuj jitsan lek ja kristyano wax jak smaklaye ja jas wax yala, jaxa tuki wax jakye ja b'a oj a'ji tojb'uke sok ja schamele'i. 16Jaxa Jesusi, tola bida wa sle'a jun lugar b'a tuch'il oj sk'umuk ja Dyosi.
Ja winik it mix b'ob' b'ejyuk ajyi
(Mt 9:1-8; Mr 2:1-12)
17Jun k'ak'u ja Jesusi, ti wa'n sje'jel ja yab'al ja Dyos b'a jun na'its. Cho ti kulane ek' chab' oxe fariseo sok chab' oxe ja ma'tik wa sje'a ja mandar it ajiyi ja Moises yuja ja Dyosi. Ti jakele b'a spetsanil ja chonab' jumasa b'a Galilea b'a Judea sok b'a Jerusalen jak smaklaye ja jas wax yala ja Jesusi.
Ja ye'n yujni ti yi'oj ja yip ja Dyos b'a oj ya tojb'uk ja ma'tik mi lek ayi, 18ti k'otye chab' oxe winike yi'oje och jun winik b'a jun ch'ajtil te' yuj mix b'ob' b'ejyuk. Ti' wa sk'ana oj ya'we b'a sti' sat ja Jesús ja ma' mi lek ayi, 19jasa mi b'ob' ochuke ja b'a yoj na'its yuj ja jel ja kristyano'i, ja'yuj ti k'e'ye b'a s'olom ja na'itsi. Sjamawe b'a ti yawe ko' tiw sok ja sch'ajtil te' ja ma mi lek ayi, man ti ya'awe b'a snalan ja kristyano ja b'a'y ja Jesusi.
20Yajni yila ja Jesús jastal wax k'u'aji yuj ja winik jumasa jawi, ti yal yab' ja ma' mi lek ayi: —Tata jawa mul jumasa jch'ayata a wi', —xchi ja Jesusi.
21Ja ma'tik wa sje'awe ja mandar it ajiyi ja Moises yuja ja Dyos sok ja fariseo jumasa, ti ek' sk'ujole'a: —¿Jaxa iti, machunk'a wax yala sb'aji? —Mi ik'b'en sb'ej ja jastal wa sta'a ti' ja Dyos tak, —Kechan ye'n ja Dyos wax b'ob' sch'ay ja mulal jumasa, —xchiye.
22Ja Jesusi sna'a ja jas wan ek'el sk'ujole'i, ti job'ji yi'e'a: ¿Jasyuj ja jach' wa'n ek'el a k'ujolex b'a? 23Alawik kab'i: ¿B'a'ya ja mas mi wokoluk yaljeli? ¿Ja ma sch'ayjel yi ja smuli ma' ja' ya'jel tojb'uki? 24Oj je'awi' ex, ja ke'n ja yuninon ja winiki cho ay kip ja b'a lu'um it b'a oj ch'ay ja mulal jumasa—.
Ja'yuj ti yal yab' ja winik it mix b'ejyi ajyi: —Tulu ab'aj, i'aj wa waynub'i, ka'xa b'a wa naj—.
25Ja ora jawi, ti b'a sti' sate spetsanile ti k'e' tek'an ja winiki, yi'aj ja swaynub'i, waj b'a snaj wa'n stoyjel ja Dyosi.
26Spetsanile jel cham k'ujol sok jel xiwel kanye, och stoy'e ja Dyosi, ti wax yalawe'a: —Jel tsamal ja jas wa'ntik yiljel ja ya'ni, xchiyexta.
Ja Jesusi, tsa'a ja Mateo
(Mt 9:9-13; Mr 2:13-17)
27Tsa'an yuj ja iti, ti'xa el ja tiw ja Jesusi. B'a b'eji ti yila jun winik sb'i'il Mateo wa'n stab'ajel kontribusyon yuj ja ma' ay ya'tel b'a Roma. Ti yala ja Jesusi: —Nochowon—.
28Jaxa Mateo, ti stulu sb'aja, ya'kan spetsanil ja jas yi'oji, snocho ja Jesusi.
29Ja k'ak'u jawi, ja Mateo sk'u'lan jun niwan k'in b'a snaj yuj ja jel niwan wax yila ja Jesusi. Ja tiwi, jel jitsan ti wa'ne wa'el tiw ja tajb'a kontribusyon jumasa sok tuktukil ma' teya. 30Chab' oxe fariseo jumasa sok ja ma was je'a ja mandar it ajiyi ja Moises yuja ja Dyosi, och sk'e'naye ja sneb'uman jumasa ja Jesusi, ti wax yalawe'a.
¿Jasyuj ja ti' wala wa'yex sok lajan ja tantik tajb'a kontribusyon sok spetsanil ja ma'tik mini jun sb'ej ja jastal ay b'a?
31Ti yala ja Jesusi:
—Ja ma' lek ayi mix makuni yuj loktor, ja ma' mi lek ayi, wanix makuni yuj ja. 32Ja ke'n ja'ni jak jle' ja ma ch'ayeli, b'a oj sk'u'uke ja Dyosi, mi ja'uk jak jle' ja ma wa sk'u'an sb'aj jel toj ayi.
Ja Jesusi, sje'a jastal ja skomjel ja wa'eli
(Mt 9:14-17; Mr 2:18-22)
33Chab' oxe kristyano ti yalwe yab' ja Jesusi:
—Ja sneb'uman jumasa ja Juan it wax ya'a yijel ja'i, sok ja sneb'uman ja fariseo jumasa, wa sk'umane ja Dyosi, sok wa skomo ja swa'ele'i. Jaxa wa neb'uman jumasa we'n mi skomo ja swa'ele' tak.
34Ti yala ja Jesusi:
—Ja lok jumasa b'a k'in sb'a ch'ak ab'ali, mi skomo ja swa'ele yuj ja ti'to ay soke ja kerem ma oj nupanuki. 35Ojni k'otuk ja k'ak'u oj i'juk ja kerem jawi, ja k'ak'u jawi ojni skom jas swa'el ja lok jumasa'a.
36Ti cho yala pilan lo'il ja Jesusi:
—Jun poko k'u'al mi oj b'ob' maktontaxuk sok ajk'ach k'u'uts. Ta jach' k'a jastal jawi oj ch'ay sna'jel ja ajk'ach k'u'utsi. Sok jach'ni ja ajkach' maktoni jel kistal sk'eljel ja poko k'u'al jawi.
37—Cho jach'ni mi oj jb'ob' wa och yajk'achil pajal yalel ts'usub' b'a jun poko ye'tal, ta jach' k'a waxa k'u'lan oj b'ob' ch'ay sna'jel ja ye'tali, cho jach'ni ja pajal yalel ts'usub'i. 38Ja'yuj jun yajk'achil pajal yalel ts'usub', ti oj wa och b'a jun yajk'achil ye'tal.
39Jach'ni, ay k'a jun ma yab'ta yajb'al ja pajal ya'lel ts'usub' b'a ayxa k'ak'u tojb'eli, mixa ojto sk'an oj yuj ja b'a ajk'ach yuj ja ayxani jas neb'unejani.
Currently Selected:
Lucas 5: YABD
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México 2021
Lucas 5
5
Ja milagro yilawe ja yama chayi
(Mt 4:18-22; Mr 1:16-20)
1Jun k'ak'u ja Jesusi, tey b'a sti' paman ja' b'a Galilea, jaxa kristyano'i jakyexta b'ots'an sb'aj yuj ja wa sk'ana oj smaklaye ja yab'al ja Dyosi. 2Ja Jesusi, ti yila chab' barco b'a sti' ja'i. Me'y sb'a'al ja yama chay jumasa wa'ne sji'jel ja yenub'e'i. 3June ja barco jawi, ja sb'a ja Simon Pedro. Ti k'e' ja Jesusi ti yal yab' ja Pedro a ya jits och t'un yoj ja', ti och kulana och sje' yi ja kristyano ja yab'al ja Dyosi.
4Yajni ch'ak sje' ja Jesusi, ti yal yab' ja Pedro:
—Ochan och sok wa barco b'a scha'anil ja ja'i, ti'xa jipa ko' tiw wa wenub'ex b'a oj ja yam'ex ja chayi.
5Ti yala ja Pedro:
—Je'uman, snajtil a'kwal tsats lek wa'ntikon a'tel mini jas wax ta'atikona. Yuj ja we'n waxa wala, ojni jk'u'uka.
6Ja jastal alji yab' yuj ja Jesusi, jach'ni sk'u'lane'a, jel jitsan syamawe ja chayi, b'ut' lek ja yenub'e'i, lajan sok ojxa cha k'utsuk. 7Ja'yuj ti spayawe ja tuk smoje b'a pilan barco, b'a oj koltajuke. Jaxa ye'nle'i waj ye'ni'a b'ut' schab'il ja sbarco'e'i, wanxa sk'ana ib'el ja'axuke.
8Yajni yila ja Pedro ja jastal iti, ti ko' mek'an b'a sti' sat ja Jesusi, ti yala'a:
—Kajwal, pila a b'aj jmok, ja ke'n jun mulanumon—.
9-10Jaxa Santiago sok ja Juan yuntikil ja Zebedeo, ja Pedro sok spetsanil ja tuk jumasa, jel xiwye yuj ja jel jitsan syamawe ja chayi, jaxa Jesusi, ti yal yab' ja Pedro:
—Mi lom la xiwi. Ja wa wa'tel ja ya'n mixa yamuj ch'ayuk, ke'n oj je'a wi jastal oj a le'jan ki jitsan kristyano b'a oj snochon.
11Jaxa yama chay jumasa, ti'xa ya'we el b'a sti' ja' ja sbarco'e'i, ch'ak ya'wekan spetsanil ja jas yi'oje'i, ti'xa wajye sok ja Jesusi.
Ja Jesusi, ya tojb'uk jun winik
(Mt 8:1-4; Mr 1:40-45)
12Jun k'ak'u ja Jesusi tey b'a jun chonab'. Ti k'ot jun winik ay yi'oj jun chamel ja wan k'a'el ja sb'ak'teli, ti snujts'in sb'aj b'a sti sat ja Jesusi, man sta'a ja lu'um ja spatani, ti sk'ana yi pabora:
—Kajwal, ja ke'n wax na'a ojni b'ob' wa tojb'ukona. ¿Wan maxa k'ana oj ja k'u'luk?
13Ja Jesusi, ti ya' kajan ja sk'ab' b'a skwerpo ja ma' mi lek ay ajyi, ti yal yab'a:
—Wan wax k'ana. —Ja ya'n lekxa aya, xchi ja Jesusi.
Jaxa winik jawi, wego tojb'i'a. 14Tsa'an ja Jesusi, ti yala yab'a:
—Mok ma' a wal yab' ja jas ek'i kechan kax je'a b'ajyi ja pagre. I'aj och wa limosna ja jastalni wax yala ja Moisesi; ti oj yil ja pagre jumasa yuj ja lekxa aya.
15Ja Jesusi jel niwan wan iljel yuj ja ya'teli, ja'yuj jitsan lek ja kristyano wax jak smaklaye ja jas wax yala, jaxa tuki wax jakye ja b'a oj a'ji tojb'uke sok ja schamele'i. 16Jaxa Jesusi, tola bida wa sle'a jun lugar b'a tuch'il oj sk'umuk ja Dyosi.
Ja winik it mix b'ob' b'ejyuk ajyi
(Mt 9:1-8; Mr 2:1-12)
17Jun k'ak'u ja Jesusi, ti wa'n sje'jel ja yab'al ja Dyos b'a jun na'its. Cho ti kulane ek' chab' oxe fariseo sok chab' oxe ja ma'tik wa sje'a ja mandar it ajiyi ja Moises yuja ja Dyosi. Ti jakele b'a spetsanil ja chonab' jumasa b'a Galilea b'a Judea sok b'a Jerusalen jak smaklaye ja jas wax yala ja Jesusi.
Ja ye'n yujni ti yi'oj ja yip ja Dyos b'a oj ya tojb'uk ja ma'tik mi lek ayi, 18ti k'otye chab' oxe winike yi'oje och jun winik b'a jun ch'ajtil te' yuj mix b'ob' b'ejyuk. Ti' wa sk'ana oj ya'we b'a sti' sat ja Jesús ja ma' mi lek ayi, 19jasa mi b'ob' ochuke ja b'a yoj na'its yuj ja jel ja kristyano'i, ja'yuj ti k'e'ye b'a s'olom ja na'itsi. Sjamawe b'a ti yawe ko' tiw sok ja sch'ajtil te' ja ma mi lek ayi, man ti ya'awe b'a snalan ja kristyano ja b'a'y ja Jesusi.
20Yajni yila ja Jesús jastal wax k'u'aji yuj ja winik jumasa jawi, ti yal yab' ja ma' mi lek ayi: —Tata jawa mul jumasa jch'ayata a wi', —xchi ja Jesusi.
21Ja ma'tik wa sje'awe ja mandar it ajiyi ja Moises yuja ja Dyos sok ja fariseo jumasa, ti ek' sk'ujole'a: —¿Jaxa iti, machunk'a wax yala sb'aji? —Mi ik'b'en sb'ej ja jastal wa sta'a ti' ja Dyos tak, —Kechan ye'n ja Dyos wax b'ob' sch'ay ja mulal jumasa, —xchiye.
22Ja Jesusi sna'a ja jas wan ek'el sk'ujole'i, ti job'ji yi'e'a: ¿Jasyuj ja jach' wa'n ek'el a k'ujolex b'a? 23Alawik kab'i: ¿B'a'ya ja mas mi wokoluk yaljeli? ¿Ja ma sch'ayjel yi ja smuli ma' ja' ya'jel tojb'uki? 24Oj je'awi' ex, ja ke'n ja yuninon ja winiki cho ay kip ja b'a lu'um it b'a oj ch'ay ja mulal jumasa—.
Ja'yuj ti yal yab' ja winik it mix b'ejyi ajyi: —Tulu ab'aj, i'aj wa waynub'i, ka'xa b'a wa naj—.
25Ja ora jawi, ti b'a sti' sate spetsanile ti k'e' tek'an ja winiki, yi'aj ja swaynub'i, waj b'a snaj wa'n stoyjel ja Dyosi.
26Spetsanile jel cham k'ujol sok jel xiwel kanye, och stoy'e ja Dyosi, ti wax yalawe'a: —Jel tsamal ja jas wa'ntik yiljel ja ya'ni, xchiyexta.
Ja Jesusi, tsa'a ja Mateo
(Mt 9:9-13; Mr 2:13-17)
27Tsa'an yuj ja iti, ti'xa el ja tiw ja Jesusi. B'a b'eji ti yila jun winik sb'i'il Mateo wa'n stab'ajel kontribusyon yuj ja ma' ay ya'tel b'a Roma. Ti yala ja Jesusi: —Nochowon—.
28Jaxa Mateo, ti stulu sb'aja, ya'kan spetsanil ja jas yi'oji, snocho ja Jesusi.
29Ja k'ak'u jawi, ja Mateo sk'u'lan jun niwan k'in b'a snaj yuj ja jel niwan wax yila ja Jesusi. Ja tiwi, jel jitsan ti wa'ne wa'el tiw ja tajb'a kontribusyon jumasa sok tuktukil ma' teya. 30Chab' oxe fariseo jumasa sok ja ma was je'a ja mandar it ajiyi ja Moises yuja ja Dyosi, och sk'e'naye ja sneb'uman jumasa ja Jesusi, ti wax yalawe'a.
¿Jasyuj ja ti' wala wa'yex sok lajan ja tantik tajb'a kontribusyon sok spetsanil ja ma'tik mini jun sb'ej ja jastal ay b'a?
31Ti yala ja Jesusi:
—Ja ma' lek ayi mix makuni yuj loktor, ja ma' mi lek ayi, wanix makuni yuj ja. 32Ja ke'n ja'ni jak jle' ja ma ch'ayeli, b'a oj sk'u'uke ja Dyosi, mi ja'uk jak jle' ja ma wa sk'u'an sb'aj jel toj ayi.
Ja Jesusi, sje'a jastal ja skomjel ja wa'eli
(Mt 9:14-17; Mr 2:18-22)
33Chab' oxe kristyano ti yalwe yab' ja Jesusi:
—Ja sneb'uman jumasa ja Juan it wax ya'a yijel ja'i, sok ja sneb'uman ja fariseo jumasa, wa sk'umane ja Dyosi, sok wa skomo ja swa'ele'i. Jaxa wa neb'uman jumasa we'n mi skomo ja swa'ele' tak.
34Ti yala ja Jesusi:
—Ja lok jumasa b'a k'in sb'a ch'ak ab'ali, mi skomo ja swa'ele yuj ja ti'to ay soke ja kerem ma oj nupanuki. 35Ojni k'otuk ja k'ak'u oj i'juk ja kerem jawi, ja k'ak'u jawi ojni skom jas swa'el ja lok jumasa'a.
36Ti cho yala pilan lo'il ja Jesusi:
—Jun poko k'u'al mi oj b'ob' maktontaxuk sok ajk'ach k'u'uts. Ta jach' k'a jastal jawi oj ch'ay sna'jel ja ajk'ach k'u'utsi. Sok jach'ni ja ajkach' maktoni jel kistal sk'eljel ja poko k'u'al jawi.
37—Cho jach'ni mi oj jb'ob' wa och yajk'achil pajal yalel ts'usub' b'a jun poko ye'tal, ta jach' k'a waxa k'u'lan oj b'ob' ch'ay sna'jel ja ye'tali, cho jach'ni ja pajal yalel ts'usub'i. 38Ja'yuj jun yajk'achil pajal yalel ts'usub', ti oj wa och b'a jun yajk'achil ye'tal.
39Jach'ni, ay k'a jun ma yab'ta yajb'al ja pajal ya'lel ts'usub' b'a ayxa k'ak'u tojb'eli, mixa ojto sk'an oj yuj ja b'a ajk'ach yuj ja ayxani jas neb'unejani.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México 2021