Luka̱ 1
1
1-4Jí ku̱a̱ Teo̱filo xi ndá kichꞌaña xingiña:
Xuku nga jí, yíni nga tjin xu̱ta̱ xi je inchakji én jma inchachjaya najmi xi je kumá kꞌui ngajínña. Ku̱a̱cha kiski xukúcha kitsuyáña xu̱ta̱ xi kisꞌematje̱ngíre Jesuu̱ janda nga tjutsꞌin. Kui ja, xi kitsingiya Jesuu̱ nga ngatjaikatetsaju enꞌen.
Án tekuácha tuxi jé ndá tsaseyána ngieje najmi xi kumá, ku ndára tjin texinꞌa̱n nga xu̱ju̱n fatꞌa, xukúcha kumá nga kju̱a̱xikjain. Ku̱a̱cha kuma nga cheiji tsa kjáin najmi xi kitsuyári xu̱ta̱.
Kjinditsje Ngabrie ku Sakaria̱
5Nga kumá xta̱xá xi itexumare̱ xu̱ta̱ judio̱ Erode̱ xi kꞌa xáꞌe, kjia kisꞌebixí ngasunde chanaꞌmi xi kiꞌmi Sakaria̱. Ni̱ngu̱xi̱ kitsiꞌin xki̱ tjiujun tjiꞌñuꞌen xu̱ta̱ xi chja̱ chanaꞌmi Abia̱. Nasabe kiꞌmi chjunꞌen ku tjeꞌe̱ chanaꞌmi Aron jindibá. 6Nasabe ku Sakaria̱ tuxi ndá xu̱ta̱ kuma ku tutsjai nga cha̱n kitsiꞌin xki̱ manda xi kitsjuá Namiña Diuu̱. 7Kisꞌejíre kjindi, nga̱tꞌa Nasabe ngují ni̱tjin kumá tsaꞌá kjindi ku je ku changa.
8Ku kumá nga ngu ni̱tjin, nga ja chanaꞌmi xi chja̱ Sakaria̱ tsejénre̱ nga kitsiꞌin xki̱ Namiña Diuu̱ ngaya ni̱ngu̱xi̱ judio̱. 9Tuxá kuácha ngare̱ ja chanaꞌmi nga ngu xu̱ta̱ mangitsjái xi basꞌen ni̱ngu̱xi̱ꞌe̱ Namiña Diuu̱ nga fuekꞌetíre̱ tjiungu jma tje̱n nachan. Ku kui ni̱tjin Sakaria̱ tsejénre nga kikꞌetí tjiungu, 10ku kjindetsin sindu na̱xi̱nanda ku Namiña Diuu̱ inchaminengire̱ kju̱a̱ndá.
11A tu̱ trátse kube Sakaria̱ ngu kjinditsje nga̱tjen ngandá jmá kjitje̱n nachan. 12Ku tuxi ndá kixinchatkiun Sakaria̱ nga kube kui kjinditsje ku tu̱beji mí xi kitsiꞌin. 13Ta̱nga ku̱i̱cha kitsúre̱ xi tjitsixatꞌare Namiña Diuu̱:
—¡Ngatu̱ tkinjin Sakaria̱! Je tsitꞌéri Namiña Diuu̱ nga tutsjai nga tjichjinengi kju̱a̱ndá. Nasabe, xi chjunri ma, ngu kjindi ꞌbére, ku Jua tsubáre nikꞌin. 14Tuxi ꞌñu tse kju̱a̱tsjua tsjuáre anima̱ri kui kjindi, ku kjín xu̱ta̱ xi tekuácha tsjua kumáre̱ nga̱tꞌaꞌe. 15Tuxi ꞌñu chjiꞌe kuma kjindiri ngakjáin Namiña Diuu̱. Najmí bino ku najmi xán ꞌbijí, ku Asen Nitjinꞌe̱n Namiña Diuu̱ kitjian jún nga kjia tukjají.
16»Kui kjindi xi tsiꞌín nga kjín xu̱ta̱ xi chja̱ Israe tsjuentꞌa ndiya xi xaba ku kuitꞌeꞌénre Namiña Diuu̱. 17Kui tjún faꞌi xi jajin Namiña Diuu̱ nga ꞌBatsjsengiña ku tekuácha kꞌuére ngaꞌñu. Ku ngundsijin kuma ngaya asenꞌen xuku xi kisꞌere Elia̱ xi chjine Enꞌen Namiña Diuu̱ kumá. Enꞌen xi tsiꞌín nga tsikjie kjuati ku nda te̱ ku̱a̱ꞌáni xikjin, ku xu̱ta̱ teya xi tꞌejí én kukjínre nga ndáji ndiya xi tjima ku ndiyaꞌe xu̱ta̱ xi tꞌeꞌen kjabe. Ku kuí xi ꞌbenda anima̱ꞌen na̱xi̱nanda Israe ku tsiꞌinre xki̱ nga fichu xi jajin Namiña Diuu̱ kui xi ꞌBatsjengiña.
18Ku kitsú Sakaria̱ nga tsichjáju kui kjinditsje:
—Xi chjunꞌna ma ku a̱n je kuchangajni̱. Kúcha beꞌan tsa kjáin nga ku̱a̱cha kuma xukúcha tjibixi.
19—Án xi ꞌmína Ngabrie, kjinditsje xi kjibaseju̱n Namiña Diuu̱ nga tsiꞌin xá xi ꞌñu machjénre. 20Ta̱nga nga kisꞌejinjínri énꞌna, ni̱ma̱ én uyéiji kjatꞌe janda nga bitjusún én xi texínra.
21Ku kjindetsín sindu ngieje xu̱ta̱, nga inchakuyare̱ Sakaria̱ ku incha minengiya mí xá bitjují ngaya ni̱ngu̱xi̱.
22Ta̱nga ngite majínre én Sakaria̱ nga itju ku tu̱ tsjatse tsikjaniya ngisa nga tsikjínña mí xi mejénre tsú. Kjiátse janda kukjínre xu̱ta̱ nga tjin najmi ngaꞌasén xi kube Sakaria̱.
23Nga itjusúnre̱ Sakaria̱ chu̱ba̱ xi tsejénre nga kitsiꞌin xki̱ ni̱ngu̱xi̱ kijíni niꞌyaꞌe̱. 24Chubátse ni̱tjin jaꞌa ku tsaꞌáni kjindi chjunꞌen; ta̱nga ón sá kumáre nga itjují niꞌyaꞌe̱, nga̱tꞌa kitsikjo: 25«¡Namiña Diuu̱ xi ku̱a̱cha kitsꞌijúnna tuxi ngite chꞌoji béna xu̱ta̱!»
Kjinditsje Ngabrie ku Maria̱
26Nga je tjínre jun sá nga yaꞌa kjindi Nasabe, Namiña Diuu̱ kitsingiya kjinditsje Ngabrie jmá ꞌmí Nasare, ngu ngande xi chja̱ nangi Ngalilea̱. 27Én yaꞌáre kjinditsje Ngabrie tsakjin xungu̱ xi ꞌmí Maria̱. Kuí chjun je kuendaꞌe̱ Kuse kjitjián nga bixantsjajo, xi tjeꞌe̱ xta̱xá Ndabi̱ jindibá.
28Tsasꞌen kjinditsje jmá kjitjián Maria̱, kitsikunda ku ku̱i̱cha kitsúre̱:
—¡Namiña Diuu̱ xi kitsichakunnéri nga̱tꞌa kui xi jajinri! Ndia̱ña xi kjitjenjúnri.
29Tukua kumáre Maria̱ nga tsitꞌe kui én ku kukjinjínre̱ mí xi mejénre tsú.
30Ku te̱ tsichjani kjinditsje:
—Ngatu tkinjín Maria̱, Namiña Diuu̱ xi tjitsjuári kui kju̱a̱ndá. 31Kjindi chꞌei; ku kjindi ꞌbéri, Jesuu̱ nikꞌinji̱ kui kjindi. 32Kui kjindi tuxi xu̱ta̱ tkun kuma ku “Kjindiꞌe Namiña Diuu̱ xi ꞌñu kꞌa ngisa”. Ku̱i̱tsu̱re̱ xu̱ta̱. Xta̱xá xi batexuma tsikꞌuya Namiña Diuu̱ xuku Ndabi̱ xu̱ta̱ changaꞌe̱; 33kuí xi kuatexumare ngieje ni̱tjin na̱xi̱nanda Israe ku kju̱e̱tjaji nga kui tsiꞌín manda.
34Ku te̱ tsichjani Maria̱ nga tsinengiyare̱ kjinditsje:
—Kúcha kuma kui najmi, nga kje bixantsjajiꞌa̱n.
35Ku ku̱i̱cha skengi kjinditsje:
—Ngayaꞌasen xi Tsjé mangitsjáiri; Namiña Diuu̱ xi ꞌñu kꞌa ngisa tsjuári ngaꞌñuꞌen. Kui kju̱a̱ kui kjindi tujma Namiña Diuu̱tse tsiꞌín xki̱ ku “Kjindiꞌe Namiña Diuu̱” kuitsúre xu̱ta̱. 36Ndichjaji xtiu xi ꞌmí Nasabe ndatsa je changa tekuácha ꞌbére ngu kjindi. Je ku̱a̱cha inchachja̱ xu̱ta̱ nga ngite ngují ni̱tjin te̱ kꞌuére kjindi, ta̱nga je jun sá tjínre nga sakure kjindi. 37Xi mejénre tsú nga Namiña Diuu̱ ma xi tsiꞌin tu̱ najmi xi mejénre.
38Ku skengi Maria̱:
—Kꞌui tejñaꞌan nga musuꞌe Ndi̱a̱ñaꞌan ku ku̱a̱cha ngatuma xukúcha tjibixíni.
Ku kijí ngani kjinditsje.
Maria̱ kikasére Nasabe
39Chubatse ni̱tjin jaꞌa ku kijíni Maria̱ ngu nga̱nde xi kjitjián nangi na̱xi̱ xi chja̱ Judea̱. 40Tsasꞌen ngaya niꞌyaꞌe̱ Sakaria̱ ku kitsikunda Nasabe. 41Nga tsitꞌe Nasabe nga tjibaꞌíre̱ kunda, ndaxi skikꞌa nga tsjua kumáre kjindi xi kjitjiá nga̱tsꞌua.
Ku Nasabe Ngayaꞌasen xi Tsje kjitsuꞌbajin yajo̱ꞌe, 42ku ꞌñu tsichja nga tsichjaju̱ Maria̱:
—¡Namiña Diuu̱ xi ndá kitsichakunnéri nga ngieje yachjin xi tjin! Ku tekuácha kui xi ndá kitsichakunné kjindi xi ꞌbei. 43Mí xá nga án kjuaꞌichaseina, jí xi na máre ji xi Ndia̱ꞌna̱. 44Tu̱ tsitꞌétsere nga jí xi tjinikundáina, ndaxi skikꞌa kjindi xi kjitjiá ngatsꞌuaꞌan. 45¡Namiña Diuu̱ xi ndá kitsichakunnéri nga̱tꞌa kisꞌejínri én xi kitsúri!
Maria̱ kubetkun Namiña Diuu̱
46Skengi Maria̱:
«¡Tsjuána nikꞌuechji Namiña Diuu̱
nga ngieje anima̱ꞌna,
47ku tsjuatjínna
nga̱tꞌa kui xi ꞌbatsjengiña!
48»Ndá tjitsiꞌinna xki̱ Namiña Diuu̱,
nga̱tꞌa musuꞌe xi ni̱ma̱kju̱a̱ꞌan.
»Skanda kjatꞌei ngieje xu̱ta̱ ku̱i̱cha kuitsu̱na:
“¡Maria̱, Namiña Diuu̱ xi ndá kitsichakunnéri!”
49»Namiña Diuu̱ xi tjingatsja ngieje ngaꞌñu
je tse kju̱a̱ndá xi tjitsjuána.
¡Jínꞌen xi ꞌñu tsjé!
50»Ngují ni̱tjin tsa tsitjaoji
ngieje xu̱ta̱ xi betkun.
51»Baku ngaꞌñu xi tjínre Namiña Diuu̱
ku mangatjengire xi se̱n máre yajo̱ꞌe.
52»Kjebaꞌáre̱ xáꞌe xu̱ta̱ xi tjínre ngaꞌñu,
ku tsjuáre ngaꞌñu xu̱ta̱ xi ni̱ma̱.
53»Tsjuáre najmi xi ndá
xi inchafesún kjindia,
ta̱nga yaja tiya tsja xi tjínre taon
nga tsikjai.
54»Tsjuáre kju̱a̱ndá xu̱ta̱ Israe,
xi inchatsiꞌinre xki̱,
ku tutsjai nga ndá xu̱ta̱
nga baseñajúnre.
55»Ku̱a̱cha kitsjuáre én
xu̱ta̱ cha̱nga̱ña,
Abran kju̱ ngieje tje̱ꞌe̱,
nga tutsjai nga tsiꞌin xki.»
56Ku ján sá kumáre̱ Maria̱ nga kisꞌejñajun Nasabe. Ku kjiátse janda kíjíni niꞌyaꞌe̱.
Nga kitjukja Jua xi Batenda
57Nga kitjukja kjindiꞌe Nasabe, 58ngieje xu̱ta̱ xi ngandai niꞌya kju̱ xi xikjin ma tuxi tsjua kumáre, nga̱tꞌa kube nga ndá xu̱ta̱ itsjé yajo̱ꞌe Namiña Diuu̱ ngatꞌaꞌe.
59Xi ma jin ni̱tjin tsangiju nga kichjujénre̱ tjiuxin yajo̱ꞌe kui kjindi. Xu̱ta̱ xi kꞌi̱a̱ tjima, mejénre nga Sakaria̱ ꞌbetajínre nga̱tꞌa ku̱a̱cha ꞌmí namiꞌen. 60Tanga kuyujíre̱ Nasabe:
—¡Junjín! Jua ꞌmí jín xi ꞌbetꞌare, kitsú.
61Ku ku̱i̱cha skengi xu̱ta̱:
—Ngují xu̱ta̱ xi tje̱ri xi ku̱a̱cha ꞌmí.
62Ku ndsañatse kinikjaniyare nga kichjinengiyare Sakaria̱ mi jín xi mejénre tsikaꞌa kjindiꞌe. 63Ngu yate tsinengi Sakaria̱ ku kꞌi̱a̱ ꞌyetꞌa jín xi «Jua». Tsú. Ngieje xu̱ta̱ nga kuijí jín inchakuyare. 64Tekuíni chu̱ba̱ kumánire̱ én Sakaria̱ ku kuma tsichjani, ku kitsitsju̱a̱ju nga kubetkun Namiña Diuu̱.
65Ngieje xi ngandai niꞌya sindu tuxi tsjua kumáre̱ ku ngieje nangi na̱xi̱ xi tiñare nangi Judea̱ tukui én tsichja. 66Xu̱ta̱ xi tsitꞌe kui én minengiyare yajo̱ꞌe: «Mí xi tsiꞌin kui kjindi nga kúcha». Nga̱tꞌa ngieje xu̱ta̱ bé nga Namiña Diuu̱ kitje̱njun.
Kitsitsjua ku kubétkun Namiña Diuu̱ Sakaria̱
67Sakaria̱, nga je tsuꞌbajín ngieje yajo̱ꞌe Ngayaꞌasen xi Tsje, ku̱i̱cha tsu én xi yeꞌe:
68«¡Sitsjuáña ku chatkunña Namiña Diuu̱ xi chja̱ Israe,
nga̱tꞌa ñá kju̱a̱ꞌikjatsjengiña!
69»Kitsjuáña ngu xi ꞌbatsjengiña xi tjínre ngaꞌñu,
xi tje̱ꞌe̱ ma xta̱xá Ndabi̱, xi tjitsiꞌin xki̱.
70»Je tsé tjínre
nga kitsjua kui én,
nga tsichja
xu̱ta̱ tsje xi kitsuya enꞌen:
71nga kui xi ꞌbatsjengiña
ngaya tsja xu̱ta̱ xi tonre ña
kju̱ ngieje
xi makutꞌajíña.
72»Kuí xi kitsjua én nga tsjuáre̱ kju̱a̱ndá na̱xi̱nandaꞌe,
ku nga tsikitjusún én tsje xi kitsjua.
73»Kuí xi kitsjuáre én xu̱ta̱ changaña Abran,
74nga ꞌbatsjengiña
ngaya tsja xi táonre ñá.
»Ku̱a̱cha kuma nga ngujíña tkun
nga ñaꞌánña xki̱,
75ku ꞌbemaña nga tukuítse ñaꞌánña xki̱,
nga tu̱chu̱ba̱ jnunejínña xu̱ta̱
ngieje ni̱tjin nga tjimaña nga̱sunde.
76»Ku ji, kjindiꞌna, kui jín chꞌéji:
“Jí kua Chji̱ne Enꞌen Namiña Diuu̱ xi ꞌñu kꞌa”.
»Ji xi ꞌmáitetjúinri xi ꞌBatsjengiña,
77»Bixuyéri na̱xi̱nandaꞌe
nga je tjínre kúcha bitjungi,
nga̱tꞌa Namiña Diuu̱ tsichatꞌáre jeꞌe.
78»Tuxi tjáoreña Namiña Diuu̱,
nga janda ndiu̱jmi
kitsingiyaña xi ꞌBatsjengiña,
xuku ngu tsuꞌbi
xi chja̱ ni̱tjin tjatse.
79»Kuí xi ꞌbatsjengi
xi je tsju inchabajá nga fesún.
»Xuku ngu ndiꞌi
xi tsitsejen jma jñu,
ku kui xi tsuyáña kúcha ꞌbema
ngaya ndiyáꞌe kju̱a̱chꞌan.»
80Nga kjimachá kjimachá tichi̱ Jua, tekuácha kjimesún kjimesún ngaꞌñu xi tjínre ngayaꞌa̱senꞌen. Ku ngajín nangi kixí kisꞌebixí janda nga kitsiꞌínre manda Namiña Diuu̱ nga je jichú chu̱ba̱ꞌe̱ nga tsuyare̱ na̱xi̱nanda Israe én xi yaꞌa.
Currently Selected:
Luka̱ 1: MZI
Highlight
Share
Copy
Want to have your highlights saved across all your devices? Sign up or sign in
México © Sociedad Bíblica de México, A.C. AÑO
Luka̱ 1
1
1-4Jí ku̱a̱ Teo̱filo xi ndá kichꞌaña xingiña:
Xuku nga jí, yíni nga tjin xu̱ta̱ xi je inchakji én jma inchachjaya najmi xi je kumá kꞌui ngajínña. Ku̱a̱cha kiski xukúcha kitsuyáña xu̱ta̱ xi kisꞌematje̱ngíre Jesuu̱ janda nga tjutsꞌin. Kui ja, xi kitsingiya Jesuu̱ nga ngatjaikatetsaju enꞌen.
Án tekuácha tuxi jé ndá tsaseyána ngieje najmi xi kumá, ku ndára tjin texinꞌa̱n nga xu̱ju̱n fatꞌa, xukúcha kumá nga kju̱a̱xikjain. Ku̱a̱cha kuma nga cheiji tsa kjáin najmi xi kitsuyári xu̱ta̱.
Kjinditsje Ngabrie ku Sakaria̱
5Nga kumá xta̱xá xi itexumare̱ xu̱ta̱ judio̱ Erode̱ xi kꞌa xáꞌe, kjia kisꞌebixí ngasunde chanaꞌmi xi kiꞌmi Sakaria̱. Ni̱ngu̱xi̱ kitsiꞌin xki̱ tjiujun tjiꞌñuꞌen xu̱ta̱ xi chja̱ chanaꞌmi Abia̱. Nasabe kiꞌmi chjunꞌen ku tjeꞌe̱ chanaꞌmi Aron jindibá. 6Nasabe ku Sakaria̱ tuxi ndá xu̱ta̱ kuma ku tutsjai nga cha̱n kitsiꞌin xki̱ manda xi kitsjuá Namiña Diuu̱. 7Kisꞌejíre kjindi, nga̱tꞌa Nasabe ngují ni̱tjin kumá tsaꞌá kjindi ku je ku changa.
8Ku kumá nga ngu ni̱tjin, nga ja chanaꞌmi xi chja̱ Sakaria̱ tsejénre̱ nga kitsiꞌin xki̱ Namiña Diuu̱ ngaya ni̱ngu̱xi̱ judio̱. 9Tuxá kuácha ngare̱ ja chanaꞌmi nga ngu xu̱ta̱ mangitsjái xi basꞌen ni̱ngu̱xi̱ꞌe̱ Namiña Diuu̱ nga fuekꞌetíre̱ tjiungu jma tje̱n nachan. Ku kui ni̱tjin Sakaria̱ tsejénre nga kikꞌetí tjiungu, 10ku kjindetsin sindu na̱xi̱nanda ku Namiña Diuu̱ inchaminengire̱ kju̱a̱ndá.
11A tu̱ trátse kube Sakaria̱ ngu kjinditsje nga̱tjen ngandá jmá kjitje̱n nachan. 12Ku tuxi ndá kixinchatkiun Sakaria̱ nga kube kui kjinditsje ku tu̱beji mí xi kitsiꞌin. 13Ta̱nga ku̱i̱cha kitsúre̱ xi tjitsixatꞌare Namiña Diuu̱:
—¡Ngatu̱ tkinjin Sakaria̱! Je tsitꞌéri Namiña Diuu̱ nga tutsjai nga tjichjinengi kju̱a̱ndá. Nasabe, xi chjunri ma, ngu kjindi ꞌbére, ku Jua tsubáre nikꞌin. 14Tuxi ꞌñu tse kju̱a̱tsjua tsjuáre anima̱ri kui kjindi, ku kjín xu̱ta̱ xi tekuácha tsjua kumáre̱ nga̱tꞌaꞌe. 15Tuxi ꞌñu chjiꞌe kuma kjindiri ngakjáin Namiña Diuu̱. Najmí bino ku najmi xán ꞌbijí, ku Asen Nitjinꞌe̱n Namiña Diuu̱ kitjian jún nga kjia tukjají.
16»Kui kjindi xi tsiꞌín nga kjín xu̱ta̱ xi chja̱ Israe tsjuentꞌa ndiya xi xaba ku kuitꞌeꞌénre Namiña Diuu̱. 17Kui tjún faꞌi xi jajin Namiña Diuu̱ nga ꞌBatsjsengiña ku tekuácha kꞌuére ngaꞌñu. Ku ngundsijin kuma ngaya asenꞌen xuku xi kisꞌere Elia̱ xi chjine Enꞌen Namiña Diuu̱ kumá. Enꞌen xi tsiꞌín nga tsikjie kjuati ku nda te̱ ku̱a̱ꞌáni xikjin, ku xu̱ta̱ teya xi tꞌejí én kukjínre nga ndáji ndiya xi tjima ku ndiyaꞌe xu̱ta̱ xi tꞌeꞌen kjabe. Ku kuí xi ꞌbenda anima̱ꞌen na̱xi̱nanda Israe ku tsiꞌinre xki̱ nga fichu xi jajin Namiña Diuu̱ kui xi ꞌBatsjengiña.
18Ku kitsú Sakaria̱ nga tsichjáju kui kjinditsje:
—Xi chjunꞌna ma ku a̱n je kuchangajni̱. Kúcha beꞌan tsa kjáin nga ku̱a̱cha kuma xukúcha tjibixi.
19—Án xi ꞌmína Ngabrie, kjinditsje xi kjibaseju̱n Namiña Diuu̱ nga tsiꞌin xá xi ꞌñu machjénre. 20Ta̱nga nga kisꞌejinjínri énꞌna, ni̱ma̱ én uyéiji kjatꞌe janda nga bitjusún én xi texínra.
21Ku kjindetsín sindu ngieje xu̱ta̱, nga inchakuyare̱ Sakaria̱ ku incha minengiya mí xá bitjují ngaya ni̱ngu̱xi̱.
22Ta̱nga ngite majínre én Sakaria̱ nga itju ku tu̱ tsjatse tsikjaniya ngisa nga tsikjínña mí xi mejénre tsú. Kjiátse janda kukjínre xu̱ta̱ nga tjin najmi ngaꞌasén xi kube Sakaria̱.
23Nga itjusúnre̱ Sakaria̱ chu̱ba̱ xi tsejénre nga kitsiꞌin xki̱ ni̱ngu̱xi̱ kijíni niꞌyaꞌe̱. 24Chubátse ni̱tjin jaꞌa ku tsaꞌáni kjindi chjunꞌen; ta̱nga ón sá kumáre nga itjují niꞌyaꞌe̱, nga̱tꞌa kitsikjo: 25«¡Namiña Diuu̱ xi ku̱a̱cha kitsꞌijúnna tuxi ngite chꞌoji béna xu̱ta̱!»
Kjinditsje Ngabrie ku Maria̱
26Nga je tjínre jun sá nga yaꞌa kjindi Nasabe, Namiña Diuu̱ kitsingiya kjinditsje Ngabrie jmá ꞌmí Nasare, ngu ngande xi chja̱ nangi Ngalilea̱. 27Én yaꞌáre kjinditsje Ngabrie tsakjin xungu̱ xi ꞌmí Maria̱. Kuí chjun je kuendaꞌe̱ Kuse kjitjián nga bixantsjajo, xi tjeꞌe̱ xta̱xá Ndabi̱ jindibá.
28Tsasꞌen kjinditsje jmá kjitjián Maria̱, kitsikunda ku ku̱i̱cha kitsúre̱:
—¡Namiña Diuu̱ xi kitsichakunnéri nga̱tꞌa kui xi jajinri! Ndia̱ña xi kjitjenjúnri.
29Tukua kumáre Maria̱ nga tsitꞌe kui én ku kukjinjínre̱ mí xi mejénre tsú.
30Ku te̱ tsichjani kjinditsje:
—Ngatu tkinjín Maria̱, Namiña Diuu̱ xi tjitsjuári kui kju̱a̱ndá. 31Kjindi chꞌei; ku kjindi ꞌbéri, Jesuu̱ nikꞌinji̱ kui kjindi. 32Kui kjindi tuxi xu̱ta̱ tkun kuma ku “Kjindiꞌe Namiña Diuu̱ xi ꞌñu kꞌa ngisa”. Ku̱i̱tsu̱re̱ xu̱ta̱. Xta̱xá xi batexuma tsikꞌuya Namiña Diuu̱ xuku Ndabi̱ xu̱ta̱ changaꞌe̱; 33kuí xi kuatexumare ngieje ni̱tjin na̱xi̱nanda Israe ku kju̱e̱tjaji nga kui tsiꞌín manda.
34Ku te̱ tsichjani Maria̱ nga tsinengiyare̱ kjinditsje:
—Kúcha kuma kui najmi, nga kje bixantsjajiꞌa̱n.
35Ku ku̱i̱cha skengi kjinditsje:
—Ngayaꞌasen xi Tsjé mangitsjáiri; Namiña Diuu̱ xi ꞌñu kꞌa ngisa tsjuári ngaꞌñuꞌen. Kui kju̱a̱ kui kjindi tujma Namiña Diuu̱tse tsiꞌín xki̱ ku “Kjindiꞌe Namiña Diuu̱” kuitsúre xu̱ta̱. 36Ndichjaji xtiu xi ꞌmí Nasabe ndatsa je changa tekuácha ꞌbére ngu kjindi. Je ku̱a̱cha inchachja̱ xu̱ta̱ nga ngite ngují ni̱tjin te̱ kꞌuére kjindi, ta̱nga je jun sá tjínre nga sakure kjindi. 37Xi mejénre tsú nga Namiña Diuu̱ ma xi tsiꞌin tu̱ najmi xi mejénre.
38Ku skengi Maria̱:
—Kꞌui tejñaꞌan nga musuꞌe Ndi̱a̱ñaꞌan ku ku̱a̱cha ngatuma xukúcha tjibixíni.
Ku kijí ngani kjinditsje.
Maria̱ kikasére Nasabe
39Chubatse ni̱tjin jaꞌa ku kijíni Maria̱ ngu nga̱nde xi kjitjián nangi na̱xi̱ xi chja̱ Judea̱. 40Tsasꞌen ngaya niꞌyaꞌe̱ Sakaria̱ ku kitsikunda Nasabe. 41Nga tsitꞌe Nasabe nga tjibaꞌíre̱ kunda, ndaxi skikꞌa nga tsjua kumáre kjindi xi kjitjiá nga̱tsꞌua.
Ku Nasabe Ngayaꞌasen xi Tsje kjitsuꞌbajin yajo̱ꞌe, 42ku ꞌñu tsichja nga tsichjaju̱ Maria̱:
—¡Namiña Diuu̱ xi ndá kitsichakunnéri nga ngieje yachjin xi tjin! Ku tekuácha kui xi ndá kitsichakunné kjindi xi ꞌbei. 43Mí xá nga án kjuaꞌichaseina, jí xi na máre ji xi Ndia̱ꞌna̱. 44Tu̱ tsitꞌétsere nga jí xi tjinikundáina, ndaxi skikꞌa kjindi xi kjitjiá ngatsꞌuaꞌan. 45¡Namiña Diuu̱ xi ndá kitsichakunnéri nga̱tꞌa kisꞌejínri én xi kitsúri!
Maria̱ kubetkun Namiña Diuu̱
46Skengi Maria̱:
«¡Tsjuána nikꞌuechji Namiña Diuu̱
nga ngieje anima̱ꞌna,
47ku tsjuatjínna
nga̱tꞌa kui xi ꞌbatsjengiña!
48»Ndá tjitsiꞌinna xki̱ Namiña Diuu̱,
nga̱tꞌa musuꞌe xi ni̱ma̱kju̱a̱ꞌan.
»Skanda kjatꞌei ngieje xu̱ta̱ ku̱i̱cha kuitsu̱na:
“¡Maria̱, Namiña Diuu̱ xi ndá kitsichakunnéri!”
49»Namiña Diuu̱ xi tjingatsja ngieje ngaꞌñu
je tse kju̱a̱ndá xi tjitsjuána.
¡Jínꞌen xi ꞌñu tsjé!
50»Ngují ni̱tjin tsa tsitjaoji
ngieje xu̱ta̱ xi betkun.
51»Baku ngaꞌñu xi tjínre Namiña Diuu̱
ku mangatjengire xi se̱n máre yajo̱ꞌe.
52»Kjebaꞌáre̱ xáꞌe xu̱ta̱ xi tjínre ngaꞌñu,
ku tsjuáre ngaꞌñu xu̱ta̱ xi ni̱ma̱.
53»Tsjuáre najmi xi ndá
xi inchafesún kjindia,
ta̱nga yaja tiya tsja xi tjínre taon
nga tsikjai.
54»Tsjuáre kju̱a̱ndá xu̱ta̱ Israe,
xi inchatsiꞌinre xki̱,
ku tutsjai nga ndá xu̱ta̱
nga baseñajúnre.
55»Ku̱a̱cha kitsjuáre én
xu̱ta̱ cha̱nga̱ña,
Abran kju̱ ngieje tje̱ꞌe̱,
nga tutsjai nga tsiꞌin xki.»
56Ku ján sá kumáre̱ Maria̱ nga kisꞌejñajun Nasabe. Ku kjiátse janda kíjíni niꞌyaꞌe̱.
Nga kitjukja Jua xi Batenda
57Nga kitjukja kjindiꞌe Nasabe, 58ngieje xu̱ta̱ xi ngandai niꞌya kju̱ xi xikjin ma tuxi tsjua kumáre, nga̱tꞌa kube nga ndá xu̱ta̱ itsjé yajo̱ꞌe Namiña Diuu̱ ngatꞌaꞌe.
59Xi ma jin ni̱tjin tsangiju nga kichjujénre̱ tjiuxin yajo̱ꞌe kui kjindi. Xu̱ta̱ xi kꞌi̱a̱ tjima, mejénre nga Sakaria̱ ꞌbetajínre nga̱tꞌa ku̱a̱cha ꞌmí namiꞌen. 60Tanga kuyujíre̱ Nasabe:
—¡Junjín! Jua ꞌmí jín xi ꞌbetꞌare, kitsú.
61Ku ku̱i̱cha skengi xu̱ta̱:
—Ngují xu̱ta̱ xi tje̱ri xi ku̱a̱cha ꞌmí.
62Ku ndsañatse kinikjaniyare nga kichjinengiyare Sakaria̱ mi jín xi mejénre tsikaꞌa kjindiꞌe. 63Ngu yate tsinengi Sakaria̱ ku kꞌi̱a̱ ꞌyetꞌa jín xi «Jua». Tsú. Ngieje xu̱ta̱ nga kuijí jín inchakuyare. 64Tekuíni chu̱ba̱ kumánire̱ én Sakaria̱ ku kuma tsichjani, ku kitsitsju̱a̱ju nga kubetkun Namiña Diuu̱.
65Ngieje xi ngandai niꞌya sindu tuxi tsjua kumáre̱ ku ngieje nangi na̱xi̱ xi tiñare nangi Judea̱ tukui én tsichja. 66Xu̱ta̱ xi tsitꞌe kui én minengiyare yajo̱ꞌe: «Mí xi tsiꞌin kui kjindi nga kúcha». Nga̱tꞌa ngieje xu̱ta̱ bé nga Namiña Diuu̱ kitje̱njun.
Kitsitsjua ku kubétkun Namiña Diuu̱ Sakaria̱
67Sakaria̱, nga je tsuꞌbajín ngieje yajo̱ꞌe Ngayaꞌasen xi Tsje, ku̱i̱cha tsu én xi yeꞌe:
68«¡Sitsjuáña ku chatkunña Namiña Diuu̱ xi chja̱ Israe,
nga̱tꞌa ñá kju̱a̱ꞌikjatsjengiña!
69»Kitsjuáña ngu xi ꞌbatsjengiña xi tjínre ngaꞌñu,
xi tje̱ꞌe̱ ma xta̱xá Ndabi̱, xi tjitsiꞌin xki̱.
70»Je tsé tjínre
nga kitsjua kui én,
nga tsichja
xu̱ta̱ tsje xi kitsuya enꞌen:
71nga kui xi ꞌbatsjengiña
ngaya tsja xu̱ta̱ xi tonre ña
kju̱ ngieje
xi makutꞌajíña.
72»Kuí xi kitsjua én nga tsjuáre̱ kju̱a̱ndá na̱xi̱nandaꞌe,
ku nga tsikitjusún én tsje xi kitsjua.
73»Kuí xi kitsjuáre én xu̱ta̱ changaña Abran,
74nga ꞌbatsjengiña
ngaya tsja xi táonre ñá.
»Ku̱a̱cha kuma nga ngujíña tkun
nga ñaꞌánña xki̱,
75ku ꞌbemaña nga tukuítse ñaꞌánña xki̱,
nga tu̱chu̱ba̱ jnunejínña xu̱ta̱
ngieje ni̱tjin nga tjimaña nga̱sunde.
76»Ku ji, kjindiꞌna, kui jín chꞌéji:
“Jí kua Chji̱ne Enꞌen Namiña Diuu̱ xi ꞌñu kꞌa”.
»Ji xi ꞌmáitetjúinri xi ꞌBatsjengiña,
77»Bixuyéri na̱xi̱nandaꞌe
nga je tjínre kúcha bitjungi,
nga̱tꞌa Namiña Diuu̱ tsichatꞌáre jeꞌe.
78»Tuxi tjáoreña Namiña Diuu̱,
nga janda ndiu̱jmi
kitsingiyaña xi ꞌBatsjengiña,
xuku ngu tsuꞌbi
xi chja̱ ni̱tjin tjatse.
79»Kuí xi ꞌbatsjengi
xi je tsju inchabajá nga fesún.
»Xuku ngu ndiꞌi
xi tsitsejen jma jñu,
ku kui xi tsuyáña kúcha ꞌbema
ngaya ndiyáꞌe kju̱a̱chꞌan.»
80Nga kjimachá kjimachá tichi̱ Jua, tekuácha kjimesún kjimesún ngaꞌñu xi tjínre ngayaꞌa̱senꞌen. Ku ngajín nangi kixí kisꞌebixí janda nga kitsiꞌínre manda Namiña Diuu̱ nga je jichú chu̱ba̱ꞌe̱ nga tsuyare̱ na̱xi̱nanda Israe én xi yaꞌa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
México © Sociedad Bíblica de México, A.C. AÑO