Mateo̱ 28
28
¡Tjikun Jesuu̱, kꞌienjín!
(Mr 16.1-8; Lk 24.1-12; Jua 20.1-10)
1Nga kuꞌasen ni̱tjin ndumingu tꞌajñu, nga je jaꞌa ni̱tjin nga nikjaya, Maria̱ Lena kju̱ Maria̱ xingu kikasere̱ jma kjiñajín Jesuu̱. 2Trátse jaꞌa ngu chaon ꞌñu. Ngu xi tsixatꞌare Namiña Diuu̱ jindiba janda ndi̱u̱jmí, skebaꞌa ndi̱a̱jo̱ xi tjitiu kjinde̱tju̱a̱ꞌe̱ tixaꞌe ndi̱a̱jo̱ jma kikjaya yajo kꞌienꞌen Jesuu̱, ku kui kisꞌejñasún. 3Xuku nga fatꞌái ku̱a̱chá kjifatꞌái xi tsixatꞌare Namiña Diuu̱ ku xuku chꞌán tiaba najñu xi yajá. 4Nga kube, jún xi inchakunda ti̱xa̱ꞌe̱ ndi̱a̱jo̱ jma kikjaya yajo kꞌienꞌe̱n Jesuu̱ tuxi ndá kitsakjún ku jatse, ku xuku xi je jesún kisꞌendu. 5Xi tjitsixatꞌare Namiña Diuu̱, ku̱i̱cha kitsúre̱ nga tsichjajo̱ yachjin:
«Nga tu̱ tkujínjnu. Béꞌa̱n nga Jesuu̱ tjiminchitsjaijnu, kui xi kꞌientꞌa kru. 6Kꞌuijí kjiꞌi ngisa; je jiyánire̱, xukúcha kitsú. Jabu chaséjnu nga̱nde jma kikjaña yajo̱ꞌe. 7Ku kjatꞌei, tjeꞌñu tangijnu nga tjaikixuyájnu ja xi ikuyare̱ nga je jiyánire̱, ku nga je ndiya Ngalilea̱ je tsuꞌba tuxi kui tjún fichú nga kui ja. Kꞌi̱a̱ menkjajnu. Kuitse én xi tsjuájnu.»
8Tuxi ꞌñu kitsakjún yachjin, tanga tekuácha tsjua kumáre̱, ku tje̱ꞌñu tsanga nga kitsuyáre̱ kui én ja xi ikuyáre̱ Jesuu̱. 9Ta̱nga Jesuu̱ ikúre̱ yajo̱ꞌe ku kitsikunda. Kitsitiñáre yajo̱ꞌe kui yachjin jma sián Jesuu̱, kitsubekja ndatajaꞌe ku kubetki̱u̱n. 10Ku ku̱i̱cha kitsúre̱ Jesuu̱: «Ngatu̱ tkunjíjnu. Tiyújnu nga tjaikixuyájnu ja xi ikuyana, tuxi ma nga ngatjai Ngalilea̱; kꞌi̱a̱ ma nga béna.»
Kju̱a̱ndesu xi yeꞌé ja jún
11Kijí yachjín nga kikangitsjai ja xi ikuyáre̱ Jesuu̱. Ku kui jajún xi inchakundá tsjuꞌe Jesuu̱ kijíni na̱xi̱nanda. Ku kꞌi̱a̱ kitsuyáre̱ ja chanaꞌmi xi tetjún ngieje najmi xi kumá. 12Kui nga ja chanaꞌmi ku xi inchatetjúnre̱ na̱xi̱nanda kitsindsiji̱n yajo̱ꞌe nga tuxi tsé ton ꞌyechjíre jajún, tuxi tsuyají najmi xi kju̱a̱xikjain nga kuma. 13Ku ku̱i̱cha kitsúre̱:
«Tangijnu ku tixújnu xu̱ta̱ nga ja xi ikuyáre̱ Jesuu̱ jichú nga jñun, nga tisuféjnu, ku kiju̱chejé yajo̱ꞌe Jesuu̱. 14Tsa tꞌe xitetjún kui én, ku ji̱n nukju̱ajójni̱, ku jún ngují jee sa̱kújnu.»
15Ja jun kitsijaꞌo tao̱n ku kuácha kitsuyáre̱ xu̱ta̱ xukúcha kitsúre̱ ja chanaꞌmi. Ku tu̱ku kui kju̱a̱ndesu xi inchabeꞌére xikjin xu̱ta̱ judio̱ janda ni̱tjin nga kiskiꞌan kui én xukúcha nga kumá najmi.
Xá xi kisꞌejñáre̱ ja xi ikuyáre̱ Jesuu̱
(Mr 16.14-18; Lk 24.36-49; Jua 20.19-23)
16Ngieje xi tengu ja xi ikuyáre̱ Jesuu̱, kijí Ngalilea̱, kui na̱xi̱ xi kitsúre̱ Jesuu̱. 17Nga tsenkja xikjín ku kitsikixantꞌa Jesuu̱ kui ja, ndatsa yajín xi cha̱njín inchasꞌejinre tsanga xi kju̱a̱xikjain nga kui.
18Tanga kitsitiña yajo̱ꞌe Jesuu̱ ku ku̱i̱cha kitsúre̱:
«Namiña Diuu̱ xi kitsjuána ngieje ngaꞌñu nga án batexumana ngieje nga̱sunde. 19Tangíjnu ku tinchitsjáijnu kjín xu̱ta̱ xi ma bakuyajnu nga ngieje na̱xi̱nanda teya xi tjin nga̱sun kui nangi. Ta̱tendájnu ngieje xu̱ta̱ ngajoꞌe̱ Namiña Diuu̱, Kjindiꞌe kju̱ Ngaya Asen xi Tsje. 20Takuyájnu nga tsikitjusun én xi je ikuyájnu. Án sa tu̱tsjai nga fabixijujnu, skanda nga fe kui nga̱sunde.»
Currently Selected:
Mateo̱ 28: MZI
Highlight
Share
Copy
Want to have your highlights saved across all your devices? Sign up or sign in
México © Sociedad Bíblica de México, A.C. AÑO
Mateo̱ 28
28
¡Tjikun Jesuu̱, kꞌienjín!
(Mr 16.1-8; Lk 24.1-12; Jua 20.1-10)
1Nga kuꞌasen ni̱tjin ndumingu tꞌajñu, nga je jaꞌa ni̱tjin nga nikjaya, Maria̱ Lena kju̱ Maria̱ xingu kikasere̱ jma kjiñajín Jesuu̱. 2Trátse jaꞌa ngu chaon ꞌñu. Ngu xi tsixatꞌare Namiña Diuu̱ jindiba janda ndi̱u̱jmí, skebaꞌa ndi̱a̱jo̱ xi tjitiu kjinde̱tju̱a̱ꞌe̱ tixaꞌe ndi̱a̱jo̱ jma kikjaya yajo kꞌienꞌen Jesuu̱, ku kui kisꞌejñasún. 3Xuku nga fatꞌái ku̱a̱chá kjifatꞌái xi tsixatꞌare Namiña Diuu̱ ku xuku chꞌán tiaba najñu xi yajá. 4Nga kube, jún xi inchakunda ti̱xa̱ꞌe̱ ndi̱a̱jo̱ jma kikjaya yajo kꞌienꞌe̱n Jesuu̱ tuxi ndá kitsakjún ku jatse, ku xuku xi je jesún kisꞌendu. 5Xi tjitsixatꞌare Namiña Diuu̱, ku̱i̱cha kitsúre̱ nga tsichjajo̱ yachjin:
«Nga tu̱ tkujínjnu. Béꞌa̱n nga Jesuu̱ tjiminchitsjaijnu, kui xi kꞌientꞌa kru. 6Kꞌuijí kjiꞌi ngisa; je jiyánire̱, xukúcha kitsú. Jabu chaséjnu nga̱nde jma kikjaña yajo̱ꞌe. 7Ku kjatꞌei, tjeꞌñu tangijnu nga tjaikixuyájnu ja xi ikuyare̱ nga je jiyánire̱, ku nga je ndiya Ngalilea̱ je tsuꞌba tuxi kui tjún fichú nga kui ja. Kꞌi̱a̱ menkjajnu. Kuitse én xi tsjuájnu.»
8Tuxi ꞌñu kitsakjún yachjin, tanga tekuácha tsjua kumáre̱, ku tje̱ꞌñu tsanga nga kitsuyáre̱ kui én ja xi ikuyáre̱ Jesuu̱. 9Ta̱nga Jesuu̱ ikúre̱ yajo̱ꞌe ku kitsikunda. Kitsitiñáre yajo̱ꞌe kui yachjin jma sián Jesuu̱, kitsubekja ndatajaꞌe ku kubetki̱u̱n. 10Ku ku̱i̱cha kitsúre̱ Jesuu̱: «Ngatu̱ tkunjíjnu. Tiyújnu nga tjaikixuyájnu ja xi ikuyana, tuxi ma nga ngatjai Ngalilea̱; kꞌi̱a̱ ma nga béna.»
Kju̱a̱ndesu xi yeꞌé ja jún
11Kijí yachjín nga kikangitsjai ja xi ikuyáre̱ Jesuu̱. Ku kui jajún xi inchakundá tsjuꞌe Jesuu̱ kijíni na̱xi̱nanda. Ku kꞌi̱a̱ kitsuyáre̱ ja chanaꞌmi xi tetjún ngieje najmi xi kumá. 12Kui nga ja chanaꞌmi ku xi inchatetjúnre̱ na̱xi̱nanda kitsindsiji̱n yajo̱ꞌe nga tuxi tsé ton ꞌyechjíre jajún, tuxi tsuyají najmi xi kju̱a̱xikjain nga kuma. 13Ku ku̱i̱cha kitsúre̱:
«Tangijnu ku tixújnu xu̱ta̱ nga ja xi ikuyáre̱ Jesuu̱ jichú nga jñun, nga tisuféjnu, ku kiju̱chejé yajo̱ꞌe Jesuu̱. 14Tsa tꞌe xitetjún kui én, ku ji̱n nukju̱ajójni̱, ku jún ngují jee sa̱kújnu.»
15Ja jun kitsijaꞌo tao̱n ku kuácha kitsuyáre̱ xu̱ta̱ xukúcha kitsúre̱ ja chanaꞌmi. Ku tu̱ku kui kju̱a̱ndesu xi inchabeꞌére xikjin xu̱ta̱ judio̱ janda ni̱tjin nga kiskiꞌan kui én xukúcha nga kumá najmi.
Xá xi kisꞌejñáre̱ ja xi ikuyáre̱ Jesuu̱
(Mr 16.14-18; Lk 24.36-49; Jua 20.19-23)
16Ngieje xi tengu ja xi ikuyáre̱ Jesuu̱, kijí Ngalilea̱, kui na̱xi̱ xi kitsúre̱ Jesuu̱. 17Nga tsenkja xikjín ku kitsikixantꞌa Jesuu̱ kui ja, ndatsa yajín xi cha̱njín inchasꞌejinre tsanga xi kju̱a̱xikjain nga kui.
18Tanga kitsitiña yajo̱ꞌe Jesuu̱ ku ku̱i̱cha kitsúre̱:
«Namiña Diuu̱ xi kitsjuána ngieje ngaꞌñu nga án batexumana ngieje nga̱sunde. 19Tangíjnu ku tinchitsjáijnu kjín xu̱ta̱ xi ma bakuyajnu nga ngieje na̱xi̱nanda teya xi tjin nga̱sun kui nangi. Ta̱tendájnu ngieje xu̱ta̱ ngajoꞌe̱ Namiña Diuu̱, Kjindiꞌe kju̱ Ngaya Asen xi Tsje. 20Takuyájnu nga tsikitjusun én xi je ikuyájnu. Án sa tu̱tsjai nga fabixijujnu, skanda nga fe kui nga̱sunde.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
México © Sociedad Bíblica de México, A.C. AÑO