San Mateo 18
18
¿Nono za'akarhe?
(Mc 9.33-37; Lc 9.46-48)
1Tina'agsizi bene lachhile'anke le' gbigake kuita Jesús te gnabekene le':
—¿Nono naka mazirhe yajlo lo yelarne'abe'a ki Diozo?
2Na'arhe Jesús bledze to bindo, bze'ebi gatzajlawe ga' dzake 3Na gne':
—Talite'a chen lén labi rtzalhe pensarhe malha rhonle te yakalhe ka' naka ka bindo ni, labi yeyo'olhe lo yelarne'abe'a ki Diozo. 4Bene mazirhe za'aka lo yelarne'abe'a ki Diozo naka bene rexaj kuinhe kan rheyaka ka' bindo ni. 5Kan no rzi'i lo lawa ka' to bindo ni, rzi'i ne'adia.
Taze'adi tan chexajrha lo dolaxhkia'
(Mc 9.42-48; Lc 17.1-2)
6Notite'azi gon nonga chexajka lo dolaxhkia' ka bindo ni rheajkebiye'a ne'adia, wenkalha gaka kie' gzetajke le' lo nisado' garhe'adzo le'an to guiaj xhen ki molin naga lobe'e. 7¡Baye'achi naka kika bene tan dia ta zen lo lichhileyo' ni ta rhon nonga chexajke lo dolaxhkia'! Labi zoa naka gonrha, te ¡xhle'ankse bene ko'oyele bene kinda gonhe ta malha!
8Tanka, chen na'alho o nia'alho rhon nonga chexajlho lo dolaxhkia', gchogoka te gro'on zito; nakarhe chhia'a yo'olho lo yelanaban le'an tzala'azi na'alho o tzala'azi nia'alho, ka' ta zoa rhopate'a na'alho o rhopate'a nia'alho cho'onke loe' lo gui'i ga' bigsla rheyolha. 9Na chen yiajlolho rhon nonga chexajlho lo dolaxhkia', gleaj te gro'on zito; nakarhe chhia'a yo'olho lo yelanaban le'an tozi yiajlolho, te laga le'an rhopa yiajlolho cho'onke loe' lo gui'i gabila.
Xhkodza didza ki bekoxhilha nanitiba
(Lc 15.3-7)
10Bigsla gonle nexaj nito' ka bindo zingo ni. Le'a rhapa lén lo yeba' ka angle ryoke le'akabi ryoke tolizi lo Xoza chhie'e yeba'.
11Le'a Xhi'in bene bguio' bide' desle'e tan chignitika. 12¿Nonaka rhe'akielhe? Chen to bene nape togayoa bekoxhilha te rnitiba toba, ¿xha labi ska'anhe bea' tapagalaj che'anaj lo guia', kinda tzeajlhe zadilhajlhe bekoxhilha nanitiba? 13Te chen yedzelheneba, talite'a wayebeguezene ki bekoxhilha na ka' bea tapa galaj che'anaj labi gnitiba. 14Kanteka, Xozilhe chhie'e yeba' labi rhe'anhene sniti nito' ka bindo bixhaj ni.
Nonaka rhala yezixhenrha ki bene bichileza'arha
(Lc 17.3)
15Chen bene bichilho rhonhe kio' malha, btzalajle'anhe nan ze'alhe rhopasle te be'an nonga ye'akiebene dola' kie'. Chen rze'anague kio', chi be'anlo gan bichilho. 16Chen labi gze'anague kio', bledza yeto' chopa bene, kinda tan rdelhone snisie ye chopa o tzona bene. 17Chen nikan birze'anague kie'ake, gochhi bene yechhi; na chen labi rze'anague ki bene yechhi, na'arhe rhala sgonlone ka' to bene labi noxenlachhie Diozo o ka' to bene rkixhaje domi ta gon chhin Roma.
18Talite'a yogote'a ta gonle gan lo lichhileyo' ni, le'aksikan gonle gan lo yeba', kan tan labi gonle gan lo lichhileyo' ni, le'aksikan gaka yeba'.
19Ten rhapa lén: Chen chopalhe lo lichhileyo' ni skoalhe tozi didza chen bi snabalhe gledzalhe Diozo, Xoza chhie'e yeba' wagone. 20Le'a ga' rhedobike chopake o tzonake rla'ake ne'adia, na' zea' ne'adia gatzajlawe le'an le'ake.
21Na'arhe Pedro guiaje te gnabenhe Jesús:
—Xanha, ¿nobala niaa rhala sixhenha ki bene bichia', ¿chen bita malha rhonhe kia'? ¿A gachhi niaakaga?
22Jesús bochhie' kie':
—Labi rhapa loe' gachhi niaa, le'a gachhi de tzona galaj chi.
Xhkodza didza ki to bene we'anchhin labi go'onhene sixhenhe
23Tanka, kin rhaka lo yelarne'abe'a ki Diozo ka' to bene rne'abe'a go'onhenhe yenabe kuenda kika bene we'anchhin kie'. 24Kati gzolawe rhebeaje kuenda yajoake to bene rhale tixe millon 25Na tan bene we'anchhin na labi dia kie' domi yeguixhaje, bene rne'abe na gochhie bene we'anchhin kie' na go'otike le' ka' to bene we'anchhin, tzaxhen le'an nigolha kie', le'an ka bin kie' kan yogote'a tan dia kie', kinda yeyaxhaj tan rhale. 26Bene we'anchhin na bze'acho xhibe lo bene rne'abe, te gotayoe' le': Be'ana kia' yetroa tiembo le'a wayonasa diarha tan rhala kio'. 27Te bene rne'abe beye'achilachhie bene na; na kan gxhixhenhe tan rhale kie' te bosle'e le'.
28Te nan berhoaje, bene we'anchhin ni bedzague to bene xhkompe te rhale kie' troa'a domi. Gxhenhe lobe'e te gzolhoe rchogüe be'e kie, te rhe le': ¡Beyona tan rhalalo kia'! 29Bene xhkompe, bze'achoe xhibe lo bene ni, te gotayoe' le': Be'ana kia' tiembo le'a wayonasa diarha tan rhala kio'. 30Zan bigo'onhe bene yetoe', te gloe' le' lichhiguia kati yeguixhajrhe tan rhale. 31Te goka ye'achi ka bene we'anchhin yebalake, te yajtixaje'ekene bene rne'abe'a yogote'a ka goka. 32Na'arhe bene rne'abe'a gsele ka bene zajledzake bene na, te gochhie le': ¡Bene malha! Ne'adia gxhixhenha diarha tan rhalalo kia' le'a tan gotayolho ne'adia. 33Le'a le'aksikan loe' gola ye'achilachhilho bene xhkompalho, kateka ne'adia beye'achilachhieda loe'. 34Te bdza'agazi bene rne'abe, te gochhie ka bene gsakaya'ake le' kati yeguixhajrhe diarha tan rhale.
35Jesús gne':
—Kanteka gon Xoza chhie'e yeba' kie'alhe, chen len labi rhezixhenle sdolachhilhe ki bene bichilhe.
Currently Selected:
San Mateo 18: XDZPY
Highlight
Share
Copy
Want to have your highlights saved across all your devices? Sign up or sign in
Porciones en Zapoteco de Yalahui, Oaxaca, México © Sociedad Bíblica de México, A.C.
San Mateo 18
18
¿Nono za'akarhe?
(Mc 9.33-37; Lc 9.46-48)
1Tina'agsizi bene lachhile'anke le' gbigake kuita Jesús te gnabekene le':
—¿Nono naka mazirhe yajlo lo yelarne'abe'a ki Diozo?
2Na'arhe Jesús bledze to bindo, bze'ebi gatzajlawe ga' dzake 3Na gne':
—Talite'a chen lén labi rtzalhe pensarhe malha rhonle te yakalhe ka' naka ka bindo ni, labi yeyo'olhe lo yelarne'abe'a ki Diozo. 4Bene mazirhe za'aka lo yelarne'abe'a ki Diozo naka bene rexaj kuinhe kan rheyaka ka' bindo ni. 5Kan no rzi'i lo lawa ka' to bindo ni, rzi'i ne'adia.
Taze'adi tan chexajrha lo dolaxhkia'
(Mc 9.42-48; Lc 17.1-2)
6Notite'azi gon nonga chexajka lo dolaxhkia' ka bindo ni rheajkebiye'a ne'adia, wenkalha gaka kie' gzetajke le' lo nisado' garhe'adzo le'an to guiaj xhen ki molin naga lobe'e. 7¡Baye'achi naka kika bene tan dia ta zen lo lichhileyo' ni ta rhon nonga chexajke lo dolaxhkia'! Labi zoa naka gonrha, te ¡xhle'ankse bene ko'oyele bene kinda gonhe ta malha!
8Tanka, chen na'alho o nia'alho rhon nonga chexajlho lo dolaxhkia', gchogoka te gro'on zito; nakarhe chhia'a yo'olho lo yelanaban le'an tzala'azi na'alho o tzala'azi nia'alho, ka' ta zoa rhopate'a na'alho o rhopate'a nia'alho cho'onke loe' lo gui'i ga' bigsla rheyolha. 9Na chen yiajlolho rhon nonga chexajlho lo dolaxhkia', gleaj te gro'on zito; nakarhe chhia'a yo'olho lo yelanaban le'an tozi yiajlolho, te laga le'an rhopa yiajlolho cho'onke loe' lo gui'i gabila.
Xhkodza didza ki bekoxhilha nanitiba
(Lc 15.3-7)
10Bigsla gonle nexaj nito' ka bindo zingo ni. Le'a rhapa lén lo yeba' ka angle ryoke le'akabi ryoke tolizi lo Xoza chhie'e yeba'.
11Le'a Xhi'in bene bguio' bide' desle'e tan chignitika. 12¿Nonaka rhe'akielhe? Chen to bene nape togayoa bekoxhilha te rnitiba toba, ¿xha labi ska'anhe bea' tapagalaj che'anaj lo guia', kinda tzeajlhe zadilhajlhe bekoxhilha nanitiba? 13Te chen yedzelheneba, talite'a wayebeguezene ki bekoxhilha na ka' bea tapa galaj che'anaj labi gnitiba. 14Kanteka, Xozilhe chhie'e yeba' labi rhe'anhene sniti nito' ka bindo bixhaj ni.
Nonaka rhala yezixhenrha ki bene bichileza'arha
(Lc 17.3)
15Chen bene bichilho rhonhe kio' malha, btzalajle'anhe nan ze'alhe rhopasle te be'an nonga ye'akiebene dola' kie'. Chen rze'anague kio', chi be'anlo gan bichilho. 16Chen labi gze'anague kio', bledza yeto' chopa bene, kinda tan rdelhone snisie ye chopa o tzona bene. 17Chen nikan birze'anague kie'ake, gochhi bene yechhi; na chen labi rze'anague ki bene yechhi, na'arhe rhala sgonlone ka' to bene labi noxenlachhie Diozo o ka' to bene rkixhaje domi ta gon chhin Roma.
18Talite'a yogote'a ta gonle gan lo lichhileyo' ni, le'aksikan gonle gan lo yeba', kan tan labi gonle gan lo lichhileyo' ni, le'aksikan gaka yeba'.
19Ten rhapa lén: Chen chopalhe lo lichhileyo' ni skoalhe tozi didza chen bi snabalhe gledzalhe Diozo, Xoza chhie'e yeba' wagone. 20Le'a ga' rhedobike chopake o tzonake rla'ake ne'adia, na' zea' ne'adia gatzajlawe le'an le'ake.
21Na'arhe Pedro guiaje te gnabenhe Jesús:
—Xanha, ¿nobala niaa rhala sixhenha ki bene bichia', ¿chen bita malha rhonhe kia'? ¿A gachhi niaakaga?
22Jesús bochhie' kie':
—Labi rhapa loe' gachhi niaa, le'a gachhi de tzona galaj chi.
Xhkodza didza ki to bene we'anchhin labi go'onhene sixhenhe
23Tanka, kin rhaka lo yelarne'abe'a ki Diozo ka' to bene rne'abe'a go'onhenhe yenabe kuenda kika bene we'anchhin kie'. 24Kati gzolawe rhebeaje kuenda yajoake to bene rhale tixe millon 25Na tan bene we'anchhin na labi dia kie' domi yeguixhaje, bene rne'abe na gochhie bene we'anchhin kie' na go'otike le' ka' to bene we'anchhin, tzaxhen le'an nigolha kie', le'an ka bin kie' kan yogote'a tan dia kie', kinda yeyaxhaj tan rhale. 26Bene we'anchhin na bze'acho xhibe lo bene rne'abe, te gotayoe' le': Be'ana kia' yetroa tiembo le'a wayonasa diarha tan rhala kio'. 27Te bene rne'abe beye'achilachhie bene na; na kan gxhixhenhe tan rhale kie' te bosle'e le'.
28Te nan berhoaje, bene we'anchhin ni bedzague to bene xhkompe te rhale kie' troa'a domi. Gxhenhe lobe'e te gzolhoe rchogüe be'e kie, te rhe le': ¡Beyona tan rhalalo kia'! 29Bene xhkompe, bze'achoe xhibe lo bene ni, te gotayoe' le': Be'ana kia' tiembo le'a wayonasa diarha tan rhala kio'. 30Zan bigo'onhe bene yetoe', te gloe' le' lichhiguia kati yeguixhajrhe tan rhale. 31Te goka ye'achi ka bene we'anchhin yebalake, te yajtixaje'ekene bene rne'abe'a yogote'a ka goka. 32Na'arhe bene rne'abe'a gsele ka bene zajledzake bene na, te gochhie le': ¡Bene malha! Ne'adia gxhixhenha diarha tan rhalalo kia' le'a tan gotayolho ne'adia. 33Le'a le'aksikan loe' gola ye'achilachhilho bene xhkompalho, kateka ne'adia beye'achilachhieda loe'. 34Te bdza'agazi bene rne'abe, te gochhie ka bene gsakaya'ake le' kati yeguixhajrhe diarha tan rhale.
35Jesús gne':
—Kanteka gon Xoza chhie'e yeba' kie'alhe, chen len labi rhezixhenle sdolachhilhe ki bene bichilhe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Porciones en Zapoteco de Yalahui, Oaxaca, México © Sociedad Bíblica de México, A.C.