San Marcos 12
12
Xhkodza didza kika bene we'anchhin malha
(Mt 21.33-46; Lc 20.9-19)
1Jesús gzolhoe rtzalajle'anhe le'ake le'an xhkodza didza. Rhe le'ake: To bene goze bedzolhi lo yo' kie' te gloe' leaj torhoe'; be'anhe to lataj ga' sie' xisa bedzolhi kan be'anhe to yo'o sibigolha ga' zajse'a bene guiogne bedzolhi na. Dena'a bsanhe yo' na ki balaka bene we'anchhin te gonchi'ike na sike gatzaj weaj gsecho na guiaje gla'achhi yechhi zito. 2Kati bchhin tiembo ki gsecho, gsele to bene we'anchhin kie' te zajnabe kika bene rhonchi'ike bedzolhi kie' troa'a gsecho rdole. 3Na le'ake gxhenke bene ni, bgagodza'ake le' na beselake le' kazoe'. 4Na'arhe xan bedzolhi ni gsele yeto' bene we'anchhin kie', le'aksikan be'anke ki bene ni be'anke we'a yikiaje kan gochhidza'ake le'. 5Gsele to bene we'anchhin kie', te be'atike bene ni. Dena'a gsele tixe bene we'anchhin kie'; te balake bgagodza'ake le'ake na yebalake be'atike.
6Rhega'an yeto' bene: xhi'ingse, te rhe'akieguezene le'. Tayelhalhe gsele xhi'inhe ni, rhonhe koenda: Wagonke balan xhi'inha. 7Na ka bene rhonchi'ike bedzolhi na gochhi leza'ake: Bene ni yega'anle'anhe bedzolhi ni; dogotie, te yega'an kro'o bedzolhi ni. 8Na kan gxhenke bene ni, be'atike le' te gdixajke kuerpo ki bene ni rhoa bedzolhi na.
9¿Te nonaka rhe'akielhe lén gon xan bedzolhi na? Tzeaje te gotie ka bene rhonchi'ike bedzolhi na, na gde' bedzolhi na kika bene yobilha.
10¿Abine rlabalhe lén Xhtidza Diozo? Rne'a:
Guiaj biguio'olhachhika bene rkoake ze'e
chibeyaka guiaj yajlo.
11Ten be'an Xosrha Diozo,
te rhe'akieto banachhi.
12Go'onkene yeche'ake Jesús lo lichhiguia, le'a nezekene kie'ake rne' kan kati rguixaje'e xhkodza didza ni. Na tan rdzebike ka bene dzake na, te bigslabi be'ankene le' na beza'ake.
Rnabekene ki tan kixhajrha domi
(Mt 22.15-22; Lc 20.20-26)
13Gselake balaka bene fariseos kan bene rhonke tozi Herodes, ga' ze'a Jesús, kinda koeajkene le' didza te xhinajene te gaka gagoke le' xhkia'. 14Bene ni guiajke te gochhike le':
—Muestro, nezeto loe' rtzalajlo tali, bigsla rhonlo balha ka' rne'aka bene; le'a labi rtzalajlo nonga zajxenke bene. Loe' rse'adielho tali xhneza Diozo. ¿A naka wen kixhajto domi ki bene rne'abe Roma, achen labi? ¿A rhala kixhajto achen labi?
15Le'a Jesús rhe'akiebene klaga sdolachhike rnabekene le', te gochhie le'ake:
—¿Nobixhkia' rzoagalhe ne'adia rhoaguia'a? Ledzajxi to domi guia tan rzi lawe denario, kinda sle'eda.
16Yajoake kie', te Jesús gochhie le'ake:
—¿Nono da lo domi ni, kan nono lo zoa?
Gochhike le':
—Ki bene rne'abe rhelawe César.
17Na'arhe Jesús gochhie le'ake:
—Legde chen ki bene rne'abe ta naka ki bene rne'abe, na ki Diozo ta naka ki Diozo.
Te gokiekene banachhi ka' bochhie'.
Rnabekene Jesús ki tan yeyasayebanrha
(Mt 22.23-33; Lc 20.27-40)
18Balaka saduceos guiajke yajyoke Jesús. Ka bene ni rne'ake ka bene goti labi yeyasayebanke; tanka bzoake kie' taze'adi ni:
19—Muestro, Moisés bzoaje chen to bene notzagane' gatie' sinka gzoa xhi'inhe le'an nigolha kie', bichi bene gotie rhala yezie'e nigolha weze'abi na, kinda gde' xhi'in bene bichie' gotie'. 20Kan xha, gnitaka gachhi bin bguio' zeaj naka bichikabi, bene nerho btzagane', na gotie' sinka gzoa xhi'inhe. 21Bene grope bezie' nigolha weze'abi na, na le'aksikan bene ni gotie bino xhi'inke gzoa. Kanksi goka ki bene guione, 22Kanksi goka ki sgachhikate'; nitoke labi gzoa xhi'inke. Tayelhalhe le'aksikan goti nigolha na. 23Kan xha, kati yeyasayeban ka bene goti, kati yezoakake tayobilha, ¿Noxhalha bene ni gaka nigolha kie' nigolha ni, chen sgachhikate' btzaganake le'an nigolha ni?
24Jesús bochhie':
—Lén naxhinajelhe, le'a labi nezelhe ka rne'a Xhtidza Diozo, nika nezelhe tan waka Diozo gonhe. 25Kati ka bene goti yeyasayebanke, ka bene bguio' kan nigolha labirhe gtzaganake, le'a gakake ka' angle zoake yeba'. 26Na ka' naka kika bene goti chen yeyasayebanke, ¿abine rlabalhe lén lo guichi bzoaj Moisés ga' rtzalaj ki to chhigo' be'asiga'a tan rhe'agui? Diozo gochhie Moisés: Ne'adia naka Diozo ki Abraham, ki Isaac kan ki Jacob. 27¡Na le' labi nake Diozo kika bene goti, nake Diozo kika bene ban.
Ta mazirhe rhon balen ki tan gonrha
(Mt 22.34-40)
28Nan ble'ene Jesús bochhie' chhia'a, to muestro ki xhba'a, benhene ka' rtzalajke, te guiaje ga' zee na gnabene le':
—¿De yogo tan ne'a Diozo gonrha nobilha rhonrhe balen gonrha?
29Jesús bochhie':
—Ten naka ta rhonrhe balen ki yogote'a tan ne'a Diozo gonrha: Legze'anaga, lén bene yechhi Israel: Tozi Diozo kro'o zoe labirhenolha Diozo zoa. 30Gokie Diozo kio' sdote'a lo laxhdolho, sdote'a yikiajlolho, sdote'a yelarheajnie kio' le'an sdote'a balorhe kio'. 31Le'aksikan dia yeto' ta rhon grope: Gokie bichileza'alho kateka rhe'akielho kuinlo. Labirhedia bilha ta rhonrhe balen ka' rhopa ten.
32Muestro ki xhba'a gochhie le':
—Kanksi naka, Muestro. Naka lhi' tan rtzalajlo: toga Diozo zoe, na labirhe nolha zoa ka' le'. 33Kan ye'akierha Diozo sdote'a lo laxhdorha, sdote'a yelarheajnie kro'o le'an sdote'a balorhe kro'o, le'an ye'akierha bichileza'arha kateka rhe'akierha kuinrha, le'a za'akarhe ka' yogoka beaguixido na rze'aguirhaba lo bekogo te rderhaba ki Diozo.
34Kati Jesús ble'ene muestro ki xhba'a bochhie' chhia'a, na gochhie le':
—Labi ze'alho zito lo yelarne'abe'a ki Diozo.
Na labirhe berhogüekene snabene le'.
¿Nono rhaka xozixhto Cristo?
(Mt 22.41-46; Lc 20.41-44)
35Jesús rse'adiene ka bene lo yo'o sdo'o, na gnabene le'ake:
—¿Nobixhkia' ne'akaga muestro ki xhba'a Cristo rhaka xozixhtoe David? 36Le'a kuinksi David, konka bsnisie Be'egrasia ki Diozo le', gne':
Diozo gochhie Xanha:
Gre'e kuita tzala'a lhi',
Kati gzoate'arheda ka bene birhajxenkene loe'
nitake xhania'alho.
37¿Na nonaka nakaga tan ne'ake Cristo rhaka xozixhtoe David, chen kuinksi David rhe le' Diozo?
Ka bene, nakake bene zen, rhajxenkene rze'anagake tan rtzalaj Jesús.
Jesús rhoekoenda ka muestro ki xhba'a
(Mt 23.1-36; Lc 11.37-54; 20.45-47)
38Jesús rse'adiene ka bene te rhe le'ake: Legon kuidado kika muestro ki xhba'a, le'a rdankene slachhike le'an xhake tona kan rhe'ankene gapaka bene le'ake balan lo laweye'aya. 39Rbekene bango yajlo lo yo'o ga' rhedobike kan lataj chhia'arhe nan rhagoke yeta; 40kan rguie'alake ta dia kika nigolha weze'abi, na kinda bigakabe'a rhonke tona nan rledzake Diozo. Le'ake sakaya'ake mazirhe.
Ta bdechhi nigolha weze'abi
(Lc 21.1-4)
41Tzania'a Jesús rhie kuite ga' chhia gui'in ga' rgo'oka bene domi ki yo'o sdo'o, ryoe ka' rgo'oka bene domi. Tixeka bene rze'akiekene rgo'oke domi xhen. 42Dena'a bchhin to nigolha weze'abi na nake nigolha ye'achi, te gloe' chopa domido guia de kobre lo gui'in na, ta biteka za'aka. 43Na'arhe Jesús bledze bene tzachhino lachhile'anke le', na gochhie le'ake:
—Talite'a rhapa lén nigolha weze'abi ni nake nigolha ye'achi taxhenrhe gloe' ka' yogoka bene rgo'oke domi lo gui'in; 44Le'a yogoke glo'oke ta rhega'anzi kie'ake, zan nigolha ni lo yelaye'achi kie', gloe' sdote'a ta do dia kie' ta rhala gawene.
Currently Selected:
San Marcos 12: XDZPY
Highlight
Share
Copy
Want to have your highlights saved across all your devices? Sign up or sign in
Porciones en Zapoteco de Yalahui, Oaxaca, México © Sociedad Bíblica de México, A.C.
San Marcos 12
12
Xhkodza didza kika bene we'anchhin malha
(Mt 21.33-46; Lc 20.9-19)
1Jesús gzolhoe rtzalajle'anhe le'ake le'an xhkodza didza. Rhe le'ake: To bene goze bedzolhi lo yo' kie' te gloe' leaj torhoe'; be'anhe to lataj ga' sie' xisa bedzolhi kan be'anhe to yo'o sibigolha ga' zajse'a bene guiogne bedzolhi na. Dena'a bsanhe yo' na ki balaka bene we'anchhin te gonchi'ike na sike gatzaj weaj gsecho na guiaje gla'achhi yechhi zito. 2Kati bchhin tiembo ki gsecho, gsele to bene we'anchhin kie' te zajnabe kika bene rhonchi'ike bedzolhi kie' troa'a gsecho rdole. 3Na le'ake gxhenke bene ni, bgagodza'ake le' na beselake le' kazoe'. 4Na'arhe xan bedzolhi ni gsele yeto' bene we'anchhin kie', le'aksikan be'anke ki bene ni be'anke we'a yikiaje kan gochhidza'ake le'. 5Gsele to bene we'anchhin kie', te be'atike bene ni. Dena'a gsele tixe bene we'anchhin kie'; te balake bgagodza'ake le'ake na yebalake be'atike.
6Rhega'an yeto' bene: xhi'ingse, te rhe'akieguezene le'. Tayelhalhe gsele xhi'inhe ni, rhonhe koenda: Wagonke balan xhi'inha. 7Na ka bene rhonchi'ike bedzolhi na gochhi leza'ake: Bene ni yega'anle'anhe bedzolhi ni; dogotie, te yega'an kro'o bedzolhi ni. 8Na kan gxhenke bene ni, be'atike le' te gdixajke kuerpo ki bene ni rhoa bedzolhi na.
9¿Te nonaka rhe'akielhe lén gon xan bedzolhi na? Tzeaje te gotie ka bene rhonchi'ike bedzolhi na, na gde' bedzolhi na kika bene yobilha.
10¿Abine rlabalhe lén Xhtidza Diozo? Rne'a:
Guiaj biguio'olhachhika bene rkoake ze'e
chibeyaka guiaj yajlo.
11Ten be'an Xosrha Diozo,
te rhe'akieto banachhi.
12Go'onkene yeche'ake Jesús lo lichhiguia, le'a nezekene kie'ake rne' kan kati rguixaje'e xhkodza didza ni. Na tan rdzebike ka bene dzake na, te bigslabi be'ankene le' na beza'ake.
Rnabekene ki tan kixhajrha domi
(Mt 22.15-22; Lc 20.20-26)
13Gselake balaka bene fariseos kan bene rhonke tozi Herodes, ga' ze'a Jesús, kinda koeajkene le' didza te xhinajene te gaka gagoke le' xhkia'. 14Bene ni guiajke te gochhike le':
—Muestro, nezeto loe' rtzalajlo tali, bigsla rhonlo balha ka' rne'aka bene; le'a labi rtzalajlo nonga zajxenke bene. Loe' rse'adielho tali xhneza Diozo. ¿A naka wen kixhajto domi ki bene rne'abe Roma, achen labi? ¿A rhala kixhajto achen labi?
15Le'a Jesús rhe'akiebene klaga sdolachhike rnabekene le', te gochhie le'ake:
—¿Nobixhkia' rzoagalhe ne'adia rhoaguia'a? Ledzajxi to domi guia tan rzi lawe denario, kinda sle'eda.
16Yajoake kie', te Jesús gochhie le'ake:
—¿Nono da lo domi ni, kan nono lo zoa?
Gochhike le':
—Ki bene rne'abe rhelawe César.
17Na'arhe Jesús gochhie le'ake:
—Legde chen ki bene rne'abe ta naka ki bene rne'abe, na ki Diozo ta naka ki Diozo.
Te gokiekene banachhi ka' bochhie'.
Rnabekene Jesús ki tan yeyasayebanrha
(Mt 22.23-33; Lc 20.27-40)
18Balaka saduceos guiajke yajyoke Jesús. Ka bene ni rne'ake ka bene goti labi yeyasayebanke; tanka bzoake kie' taze'adi ni:
19—Muestro, Moisés bzoaje chen to bene notzagane' gatie' sinka gzoa xhi'inhe le'an nigolha kie', bichi bene gotie rhala yezie'e nigolha weze'abi na, kinda gde' xhi'in bene bichie' gotie'. 20Kan xha, gnitaka gachhi bin bguio' zeaj naka bichikabi, bene nerho btzagane', na gotie' sinka gzoa xhi'inhe. 21Bene grope bezie' nigolha weze'abi na, na le'aksikan bene ni gotie bino xhi'inke gzoa. Kanksi goka ki bene guione, 22Kanksi goka ki sgachhikate'; nitoke labi gzoa xhi'inke. Tayelhalhe le'aksikan goti nigolha na. 23Kan xha, kati yeyasayeban ka bene goti, kati yezoakake tayobilha, ¿Noxhalha bene ni gaka nigolha kie' nigolha ni, chen sgachhikate' btzaganake le'an nigolha ni?
24Jesús bochhie':
—Lén naxhinajelhe, le'a labi nezelhe ka rne'a Xhtidza Diozo, nika nezelhe tan waka Diozo gonhe. 25Kati ka bene goti yeyasayebanke, ka bene bguio' kan nigolha labirhe gtzaganake, le'a gakake ka' angle zoake yeba'. 26Na ka' naka kika bene goti chen yeyasayebanke, ¿abine rlabalhe lén lo guichi bzoaj Moisés ga' rtzalaj ki to chhigo' be'asiga'a tan rhe'agui? Diozo gochhie Moisés: Ne'adia naka Diozo ki Abraham, ki Isaac kan ki Jacob. 27¡Na le' labi nake Diozo kika bene goti, nake Diozo kika bene ban.
Ta mazirhe rhon balen ki tan gonrha
(Mt 22.34-40)
28Nan ble'ene Jesús bochhie' chhia'a, to muestro ki xhba'a, benhene ka' rtzalajke, te guiaje ga' zee na gnabene le':
—¿De yogo tan ne'a Diozo gonrha nobilha rhonrhe balen gonrha?
29Jesús bochhie':
—Ten naka ta rhonrhe balen ki yogote'a tan ne'a Diozo gonrha: Legze'anaga, lén bene yechhi Israel: Tozi Diozo kro'o zoe labirhenolha Diozo zoa. 30Gokie Diozo kio' sdote'a lo laxhdolho, sdote'a yikiajlolho, sdote'a yelarheajnie kio' le'an sdote'a balorhe kio'. 31Le'aksikan dia yeto' ta rhon grope: Gokie bichileza'alho kateka rhe'akielho kuinlo. Labirhedia bilha ta rhonrhe balen ka' rhopa ten.
32Muestro ki xhba'a gochhie le':
—Kanksi naka, Muestro. Naka lhi' tan rtzalajlo: toga Diozo zoe, na labirhe nolha zoa ka' le'. 33Kan ye'akierha Diozo sdote'a lo laxhdorha, sdote'a yelarheajnie kro'o le'an sdote'a balorhe kro'o, le'an ye'akierha bichileza'arha kateka rhe'akierha kuinrha, le'a za'akarhe ka' yogoka beaguixido na rze'aguirhaba lo bekogo te rderhaba ki Diozo.
34Kati Jesús ble'ene muestro ki xhba'a bochhie' chhia'a, na gochhie le':
—Labi ze'alho zito lo yelarne'abe'a ki Diozo.
Na labirhe berhogüekene snabene le'.
¿Nono rhaka xozixhto Cristo?
(Mt 22.41-46; Lc 20.41-44)
35Jesús rse'adiene ka bene lo yo'o sdo'o, na gnabene le'ake:
—¿Nobixhkia' ne'akaga muestro ki xhba'a Cristo rhaka xozixhtoe David? 36Le'a kuinksi David, konka bsnisie Be'egrasia ki Diozo le', gne':
Diozo gochhie Xanha:
Gre'e kuita tzala'a lhi',
Kati gzoate'arheda ka bene birhajxenkene loe'
nitake xhania'alho.
37¿Na nonaka nakaga tan ne'ake Cristo rhaka xozixhtoe David, chen kuinksi David rhe le' Diozo?
Ka bene, nakake bene zen, rhajxenkene rze'anagake tan rtzalaj Jesús.
Jesús rhoekoenda ka muestro ki xhba'a
(Mt 23.1-36; Lc 11.37-54; 20.45-47)
38Jesús rse'adiene ka bene te rhe le'ake: Legon kuidado kika muestro ki xhba'a, le'a rdankene slachhike le'an xhake tona kan rhe'ankene gapaka bene le'ake balan lo laweye'aya. 39Rbekene bango yajlo lo yo'o ga' rhedobike kan lataj chhia'arhe nan rhagoke yeta; 40kan rguie'alake ta dia kika nigolha weze'abi, na kinda bigakabe'a rhonke tona nan rledzake Diozo. Le'ake sakaya'ake mazirhe.
Ta bdechhi nigolha weze'abi
(Lc 21.1-4)
41Tzania'a Jesús rhie kuite ga' chhia gui'in ga' rgo'oka bene domi ki yo'o sdo'o, ryoe ka' rgo'oka bene domi. Tixeka bene rze'akiekene rgo'oke domi xhen. 42Dena'a bchhin to nigolha weze'abi na nake nigolha ye'achi, te gloe' chopa domido guia de kobre lo gui'in na, ta biteka za'aka. 43Na'arhe Jesús bledze bene tzachhino lachhile'anke le', na gochhie le'ake:
—Talite'a rhapa lén nigolha weze'abi ni nake nigolha ye'achi taxhenrhe gloe' ka' yogoka bene rgo'oke domi lo gui'in; 44Le'a yogoke glo'oke ta rhega'anzi kie'ake, zan nigolha ni lo yelaye'achi kie', gloe' sdote'a ta do dia kie' ta rhala gawene.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Porciones en Zapoteco de Yalahui, Oaxaca, México © Sociedad Bíblica de México, A.C.