San Marcos 13
13
Jesús rguixaje'e tan sguinaj yo'o sdo'o
(Mt 24.1-2; Lc 21.5-6)
1Kati broaj Jesús lo yo'o sdo'o, to de bene lachhile'anke le' gochhie le':
—¡Muestro, byokalho ka' xhen nakaka guiaj nakoene yo'o sdo'o ni, kan yo'o sibigolha naka!
2Jesús gochhie le':
—¿Arlelho ka' xhen naka yo'o ni? Le'a labibi guiaj yega'an lawe leze'e. Sdote'a sguinaj.
Ka' gaka zia'alha ki dza yelhalhe
(Mt 24.3-28; Lc 21.7-24; 17.22-24)
3Dena'a beyiajke lo guixi xhen rhelawe Olivos, tan dia kuita yo'o sdo'o na. Jesús grie, te Pedro, Santiago, Juan kan Andrés gnabekene le' nan ze'ake le'akaze 4nobata gaka ten kan nonaka gaka kinda ye'akiebeto nan gaka yogote'a ten.
5Jesús bochhie' kie'ake: Legon kuidado kinda bino sie ye'a lén. 6Le'a widake tixeke gonke zi ne'adia. Sne'ake: Ne'adia na, te siekene ye'a bene zen.
7Kati lén yenhelhe rson chi rhaka dila kinlakanla, bisdzebilhe. Le'a kanksi rhala gaka; le'an lagane naka dza yelhalhe. 8Le'a to yechhi xhen tila le'an yeto' yechhi xhen te yeto' yechhi gonhe dila le'an yeto'; te wade' bedoxho'o kinlakanla, kan wata gbin ki tan guia'aj gagorha. Tan naka ta zi rzolhozi yelarzakaya'a.
9Legon kuidado; le'a wayodeke lén lona'a kostisia kan sgagodzake lén lo yo'o ga' rhedobike. Zajoake lén ga' rhe'eka gobiarne kan ga' rhe'eka bene rne'abe'ake nia' kia'; te kan gtzalajlhe kia' ga' dzake. 10Kati zi xhchhin dza yelhalhe, rhala zajtixaje'eke xhtidza Diozo sdo xhen lichhileyo'. 11Na bigsla yebanhelhe ki naka sne'alhe kati yodeke lén lona'a kostisia. Tina'a lesne'a tan ye'a Diozo lén, le'a laga lén na sne'alhe, le'a Be'egrasia ki Diozo sne'a. 12Ka bene rhaka bichike yodeke lo yelagoti lagazi bene rhaka bichike, te xozike yodeke xhi'inke; te xhi'inke yonke kontra xozi xhnake na gotike le'ake. 13Yogoka bene sle'ekene zi' lén nia' kia'; te no' se'a tzotzo xhchhinte'a dza gatie, wake walha.
14Kati lén sle'elhe rhaka tabayiajtza lo lataj ga' labirhala gaka kan —no' rlaba, letzeajnie—, te no' ze'aka ga' nababa Judea, rhala gxhonajke tzeajke ga' zoka guia'; 15te no' chhia yajo'o kie, labi rhala yetaje nika rhala yoe' lo yo'o zaleaje tan dze'e loelhe; 16te no' ze'a loguixi, labi rhala yeyiaje zajxhie xhe'e. 17¡Baye'achika nigolha chen dza na noa xhi'inke o zoa kie'ake bindo ne rgachhi'ike! 18Lesnaba ki Xosrha Diozo ten labi gaka beo' zaga, 19le'a naka dza ki yelarzakaya'a ta labinebata rhata de kati be'ante'a Diozo lichhileyo' zeajte'a nan, le'an labirhebata gaka kan. 20Na chen Xosrha Diozo labi gchakoe tiembo na, bigslano gaka welha'; na chi bchakoe tiembo ni tan rhe'akiene bene chinabeaje; bene chigleaje.
21Chen dza na no' ye'a lén: Leguio, ni ze'a Cristo, o Leguio, na zee, labi tzeajelhe ye'a. 22Le'a wida ka bene gxhiye'a sne'ake nakake cristo kan bene gxhiye'a sne'ake rtzalajke laza Diozo; te gonke bikaka milagre banachhi, kinda sike ye'a, chen gakake, le'ante'a ka bene chinabeaj Diozo siekene ye'a. 23¡Legapa kuidado! Yogote'a ten gdixaje'eda lén zia'alha ka' gaka.
Kati yelha'a Xhi'in bene bguio'
(Mt 24.29-35,42,44; Lc 21.25-36)
24Le'a dza na, kati te tiembo tan rzakaya'ake, gbidza yena'a chola, te beo' labirhe gze'ani, 25ka belhaj chhia yeba' yexajka kan wazizaka yogote'a tan chhiaka yeba'. 26Na'arhe sle'ekene Xhi'in bene bguio' yelhe'e lo beaj le'an yelarne'abe'a kie' kan yelaye'ani kie'. 27Le' sele ka angle kie', te yotobike bene chi nabeaje lo sdapa la'a lichhileyo', ga' rheyochhi lichhileyo' kan ga' rheyochhi yeba'
28Letzeajnie tan rse'adieda lén ki yaga higo: Kati xhi'in yaga na rhena'a rhe'en, kan rhetin xhlague rhe'en, rhe'akiebelhe tan chizoa ga'ago beo' ba'. 29Lagazikan, kati chi rle'elhe rhaka ten, lesnisie tan Xhi'in bene bguio' chizoa ga'agozi yede. 30Tali rhapa lén yogote'a ten gaka zia'alha kati zi gatikalha bene dzake lo tiembo ni. 31Yeba' kan lichhileyo' yenitika, zan xhtidza labi tezi kan waka kumplirhe.
32Na bigslano neze nobi dza kan bi tiembo gaka kan, bigslano neze, ni ka angle zoake yeba', ni Xhi'inhe labi nezene. Toga Xoze nezene.
33Tanka, lesoa banisi kan legon kuidado, le'a labi nezelhe nobata yede. 34Rhala gonle ka' be'an to bene, za tzeaje yechhi xhen yobilha, bka'anhe lona'a ka bene we'anchhin kie' kinda gonchi'ike yo'o kie'. Na bka'anhe chhin ta gon toto' bene we'anchhin kie', te gochhie bene rze rhoa porta guiogne. 35Lesoa lén banisi, le'a binezelhe nobata yelha'a xan yo'o ni, chen chidzelha, o gatzaj ye'alha, o nan koechhi yajdrozi o zilhalha; 36te chen yede kakoendazi te yalene lén rhasilhe. 37Tan rhapa lén yogolhe rhapa kan: ¡Lesoa banisi!
Currently Selected:
San Marcos 13: XDZPY
Highlight
Share
Copy
Want to have your highlights saved across all your devices? Sign up or sign in
Porciones en Zapoteco de Yalahui, Oaxaca, México © Sociedad Bíblica de México, A.C.
San Marcos 13
13
Jesús rguixaje'e tan sguinaj yo'o sdo'o
(Mt 24.1-2; Lc 21.5-6)
1Kati broaj Jesús lo yo'o sdo'o, to de bene lachhile'anke le' gochhie le':
—¡Muestro, byokalho ka' xhen nakaka guiaj nakoene yo'o sdo'o ni, kan yo'o sibigolha naka!
2Jesús gochhie le':
—¿Arlelho ka' xhen naka yo'o ni? Le'a labibi guiaj yega'an lawe leze'e. Sdote'a sguinaj.
Ka' gaka zia'alha ki dza yelhalhe
(Mt 24.3-28; Lc 21.7-24; 17.22-24)
3Dena'a beyiajke lo guixi xhen rhelawe Olivos, tan dia kuita yo'o sdo'o na. Jesús grie, te Pedro, Santiago, Juan kan Andrés gnabekene le' nan ze'ake le'akaze 4nobata gaka ten kan nonaka gaka kinda ye'akiebeto nan gaka yogote'a ten.
5Jesús bochhie' kie'ake: Legon kuidado kinda bino sie ye'a lén. 6Le'a widake tixeke gonke zi ne'adia. Sne'ake: Ne'adia na, te siekene ye'a bene zen.
7Kati lén yenhelhe rson chi rhaka dila kinlakanla, bisdzebilhe. Le'a kanksi rhala gaka; le'an lagane naka dza yelhalhe. 8Le'a to yechhi xhen tila le'an yeto' yechhi xhen te yeto' yechhi gonhe dila le'an yeto'; te wade' bedoxho'o kinlakanla, kan wata gbin ki tan guia'aj gagorha. Tan naka ta zi rzolhozi yelarzakaya'a.
9Legon kuidado; le'a wayodeke lén lona'a kostisia kan sgagodzake lén lo yo'o ga' rhedobike. Zajoake lén ga' rhe'eka gobiarne kan ga' rhe'eka bene rne'abe'ake nia' kia'; te kan gtzalajlhe kia' ga' dzake. 10Kati zi xhchhin dza yelhalhe, rhala zajtixaje'eke xhtidza Diozo sdo xhen lichhileyo'. 11Na bigsla yebanhelhe ki naka sne'alhe kati yodeke lén lona'a kostisia. Tina'a lesne'a tan ye'a Diozo lén, le'a laga lén na sne'alhe, le'a Be'egrasia ki Diozo sne'a. 12Ka bene rhaka bichike yodeke lo yelagoti lagazi bene rhaka bichike, te xozike yodeke xhi'inke; te xhi'inke yonke kontra xozi xhnake na gotike le'ake. 13Yogoka bene sle'ekene zi' lén nia' kia'; te no' se'a tzotzo xhchhinte'a dza gatie, wake walha.
14Kati lén sle'elhe rhaka tabayiajtza lo lataj ga' labirhala gaka kan —no' rlaba, letzeajnie—, te no' ze'aka ga' nababa Judea, rhala gxhonajke tzeajke ga' zoka guia'; 15te no' chhia yajo'o kie, labi rhala yetaje nika rhala yoe' lo yo'o zaleaje tan dze'e loelhe; 16te no' ze'a loguixi, labi rhala yeyiaje zajxhie xhe'e. 17¡Baye'achika nigolha chen dza na noa xhi'inke o zoa kie'ake bindo ne rgachhi'ike! 18Lesnaba ki Xosrha Diozo ten labi gaka beo' zaga, 19le'a naka dza ki yelarzakaya'a ta labinebata rhata de kati be'ante'a Diozo lichhileyo' zeajte'a nan, le'an labirhebata gaka kan. 20Na chen Xosrha Diozo labi gchakoe tiembo na, bigslano gaka welha'; na chi bchakoe tiembo ni tan rhe'akiene bene chinabeaje; bene chigleaje.
21Chen dza na no' ye'a lén: Leguio, ni ze'a Cristo, o Leguio, na zee, labi tzeajelhe ye'a. 22Le'a wida ka bene gxhiye'a sne'ake nakake cristo kan bene gxhiye'a sne'ake rtzalajke laza Diozo; te gonke bikaka milagre banachhi, kinda sike ye'a, chen gakake, le'ante'a ka bene chinabeaj Diozo siekene ye'a. 23¡Legapa kuidado! Yogote'a ten gdixaje'eda lén zia'alha ka' gaka.
Kati yelha'a Xhi'in bene bguio'
(Mt 24.29-35,42,44; Lc 21.25-36)
24Le'a dza na, kati te tiembo tan rzakaya'ake, gbidza yena'a chola, te beo' labirhe gze'ani, 25ka belhaj chhia yeba' yexajka kan wazizaka yogote'a tan chhiaka yeba'. 26Na'arhe sle'ekene Xhi'in bene bguio' yelhe'e lo beaj le'an yelarne'abe'a kie' kan yelaye'ani kie'. 27Le' sele ka angle kie', te yotobike bene chi nabeaje lo sdapa la'a lichhileyo', ga' rheyochhi lichhileyo' kan ga' rheyochhi yeba'
28Letzeajnie tan rse'adieda lén ki yaga higo: Kati xhi'in yaga na rhena'a rhe'en, kan rhetin xhlague rhe'en, rhe'akiebelhe tan chizoa ga'ago beo' ba'. 29Lagazikan, kati chi rle'elhe rhaka ten, lesnisie tan Xhi'in bene bguio' chizoa ga'agozi yede. 30Tali rhapa lén yogote'a ten gaka zia'alha kati zi gatikalha bene dzake lo tiembo ni. 31Yeba' kan lichhileyo' yenitika, zan xhtidza labi tezi kan waka kumplirhe.
32Na bigslano neze nobi dza kan bi tiembo gaka kan, bigslano neze, ni ka angle zoake yeba', ni Xhi'inhe labi nezene. Toga Xoze nezene.
33Tanka, lesoa banisi kan legon kuidado, le'a labi nezelhe nobata yede. 34Rhala gonle ka' be'an to bene, za tzeaje yechhi xhen yobilha, bka'anhe lona'a ka bene we'anchhin kie' kinda gonchi'ike yo'o kie'. Na bka'anhe chhin ta gon toto' bene we'anchhin kie', te gochhie bene rze rhoa porta guiogne. 35Lesoa lén banisi, le'a binezelhe nobata yelha'a xan yo'o ni, chen chidzelha, o gatzaj ye'alha, o nan koechhi yajdrozi o zilhalha; 36te chen yede kakoendazi te yalene lén rhasilhe. 37Tan rhapa lén yogolhe rhapa kan: ¡Lesoa banisi!
Currently Selected:
:
Highlight
Share
Copy
Want to have your highlights saved across all your devices? Sign up or sign in
Porciones en Zapoteco de Yalahui, Oaxaca, México © Sociedad Bíblica de México, A.C.