San Marcos 16
16
Ka goka kati beban Jesús
(Mt 28.1-10; Lc 24.1-12; Jn 20.1-10)
1Gde dza sabdo, dza rhezilachhike, María Magdalena, María xhna Santiago, kan Salomé, yajeoke nisa rlaa zixi kinda ko'oke kuerpo ki Jesús. 2Na dza nerho ki xhman guiajke bayengolha lo ye'arhoba, ka' bla bxin gbidza, 3rhe'a leza'ake:
—¿Nono kie'ala guiaj xhoa lo ye'arhoba?
4Te, kati ryoke, ble'ekene guiaj na labirhe xhoa ka' gxoake. Guiaj na naka taxhengolha. 5Kati guio'oke lo ye'arhoba ble'ekene, rhe' to bin xhkuidi nakobi xhabi xhnolha ta tona rhe'ebi tzala'a lhi'. Te bdzebi ka nigolha na, 6te le'abi gochhibi le'ake:
—Bisdzebilhe. Lén rheguilhajlhe Jesús bene Nazaret, bene bdake lo yaga krozo. Chibeyasabebanhe; labi yoe' ni. Leguiokalhe lataj ga' gxoake le'. 7Letzeaj te leye'a kan ka bene glachhile'anke le', kan Pedro: Le' zeaje Galilea kinda yotobe le'ake tayobilha; na' sle'elhene, kateka gochhie lén.
8Na'arhe ka nigolha na berhoajke rholane lo ye'arhoba, kon ze'ake rzizake, tan rdzebike. Te bigslano gochhike kan, tan rdzebike.
Jesús yajtzague María Magdalena
(Jn 20.11-18)
[ 9De beyasabeban Jesús nan guie'ani ki dza nerho ki xhman, yajtzague zalho María Magdalena, nigolha berhoaje gachhi taxiwe. 10Nigolha ni guiaje yajtixaje'ene ka bene glachhile'anke Jesús, ze'a ye'achike kan rbechhike. 11Ka bene ni, kati benkene tan rhe'a nigolha ni le'ake beyasabeban Jesús te nigolha ni chi ble'ene le', labi guiajkenhe ye'a kie'
Jesús yajtzague chopa bene glachhile'anke le'
(Lc 24.13-35)
12De goka kan, Jesús natza'alha rne kati yajtzague chopa bene glachhile'anke le' zeajke loguixi. 13Ka bene ni guiajke te gdixaje'ekene ka bene yebalake; te nikan labi guiajkenhe ye'a kie'ake.
Jesús gsele bene lachhile'anke le' zajtixaje'eke xhtidze doxhen lichhileyo'
(Mt 28.16-20; Lc 24.36-49; Jn 20.19-23)
14Gokarhe tochi'i Jesús yajtzague ka bene chineaj glachhile'anke le' rhe'eke ga' rhagoke yeta. Bsichhienhe le'ake tan labi rxenlachhike le' kan tan nakake bene zidi, le'a tan labi guiajkenhe ye'a kika bene ble'ekene le' beyasabebanhe. 15Te gochhie le'ake: Letzeaj sdo xhen lichhileyo' te lekixaje'ekene yogoke ki rson wen. 16Bene gxenlachhie ne'adia kan yezilawe, wape yelawela; zan bene labi gxenlachhie ne'adia wazie'e yelarzakaya'a. 17Te kin gonka bene rxenlachhike ne'adia: wakake yebeajke taxiwe nan gla'ake lawa; kan sne'ake didza kobi; 18Le'an na'ake senke ka be'ala; te chen guia'ajke ta naka zi goti le'ake, bibiye'akiekene; le'aksikan ka'anke bene rhaka xhwe'ake, te yakake.
Jesús rhebe'anhe yeba'
(Lc 24.50-53)
19De beyochhi tan rtzalajle'anhe le'ake, Xanrha Jesús bebe'anhe yeba' te grie tzala'a lhi' kuita Diozo. 20Le'ake guiajke yajtixaje'eke rson wen kinlakanla; te Jesús rhonhe yodarhe le'ake, le'an ten rsloene ka bene tan rhonhe milagre.]
Currently Selected:
San Marcos 16: XDZPY
Highlight
Share
Copy
Want to have your highlights saved across all your devices? Sign up or sign in
Porciones en Zapoteco de Yalahui, Oaxaca, México © Sociedad Bíblica de México, A.C.
