San Marcos 7
7
Tan rhon bayiajtza bene
(Mt 15.1-20)
1Ka bene fariseos kan balaka muestro ki xhba'a zake Jerusalén guiajke ga' ze'a Jesús. 2Ka bene ni, nan ble'ekene balaka bene lachhile'anke Jesús rhagoke le'an na'ake ne'a, o sne'arha, sinka be'anke kumplirhe kibi na'ake, te bxhichhiekene le'ake. 3(Le'a ka bene fariseos kan yogoka bene judíos nache'ake kostumbre ki xozixhtoke, bigagoke chen bignake ka' naka laze. 4Na kati rhechhinke tan guiajke ye'aya, labi rhagoke chen labi rhonke kumplirhe kibike na'ake. Kan diagazi tixe kostumbre nolanke, kanho kibike taso, xhoaga yo', xhoaga de guia kan blaga ga' rhasike.) 5Tanka, ka bene fariseos kan muestro ki xhba'a gnabekene Jesús:
—¿Nobixhkia' ka bene lachhile'anke loe' labi nache'ake kostumbre kika xozixhtorha, te rhagoke le'an na'ake ne'a?
6Jesús gochhie le'ake:
—Naka lhi' ka' gne'a bene btzalaje laza Diozo grelawe Isaías ki tan nakalhe bene chopa rhoa', kati bzoaje:
Yechhi ni rhonke xhen ne'adia le'an didzazi,
te laxhdoke ze'a zito le'an ne'adia.
7Bigsla za'aka tan rhonle xhen ne'adia:
tan rse'adielhe naka ta rne'akazi bene.
8Le'a lén rka'anle tzala'alha tan rne'a Diozo gonrha kinda gonle kostumbre kika bene lichhileyo'.
9Le'aksikan gochhie le'ake:
—Kinda gonle ka' kostumbre kie'alhe, lén rdelhe kanzi labi rhonle ka' rhe'anhe Diozo gonle. 10Le'a Moisés gne': Be'an balan xozilho kan xhnalho, te Bene sne'adze ki xoze o ki xhne'e, wazie'e yelagoti. 11Te lén rne'alhe waka to bene ye'e xoze o xhne'e: Labi gaka gonha loe' yodarhe, le'a yogote'a tan dia kia' naka corbán (o sne'arha: chi bdea'a ki Diozo); 12le'aksikan rne'alhe bene rtzalaj kin labirhe rdole gonhe yodarhe xoze o xhne'e. 13Kati rhonle ten labi rsakalhe xhtidza Diozo tan rhonle ka' kostumbre rse'adie leza'alhe. Te rhonle bikakalha ka' ten.
14Na'arhe Jesús bledze ka bene, te gne':
—Legze'anaga kia' yogolhe, te letzeajnie: 15Laga tan rhea'aj rhago bene gon le' bayiajtza. Tan roaj lo laxhdo bene tan rhon le' bayiajtza. 16[Ga' zoa nagalhe, leyenhe.]
17Kati Jesús beze'e ga' dzaka bene na beyoe' yo'o, bene lachhile'anke le' gnabekene le' nobi rhe'anhe sne'a tan bse'adielho ne'ato. 18Le' gochhie le'ake:
—¿Ani lén ka' rheajnielhe ten? ¿Abi rheajnielhe laga tan rhea'aj rhago bene gon le' bayiajtza, 19le'a laga lo laxhdawe yechhin, le'a lo le'anhe zajche'e, kinda dena'a rherho'onhe lo letrina?
Le'an ten gne' yogote'a yelawago naka chhia'a. 20Le'aksikan gne':
—Tan roaj lo laxhdo bene, tan rhon le' bayiajtza. 21Le'a loelhe, o sne'arha, lo laxhdo ka bene, roaj pensarhe malha, naka gonke ta labi zeaj, tan koanke, ki tan gotike bene, 22ki gdzaga nigolha, tan rze'alachhike tan dia kika bene, tan rhonke taxhinaj, ki tan rzi'ikeye'a, ki tan rhe'akie xhe'ekenhe, ki tan rhagoke didza, ki we'anxhen kuinhe kan rhonke ta labi rhala gonke. 23Yogote'a tamalha ni rhe lo laxhdawe te rhon le' bayiajtza.
To nigolha bi nababe yechhi Israel bxenlachhie Diozo
(Mt 15.21-28)
24Dena'a beza'a Jesús zeyiaje yechhi nababaka Tiro. Guioe' lo to yo'o, labi go'onhene snisieke bene; le'an labi goka sgachie'. 25Tzadite'alha gnisie to xhna bin nigolha dze'ebi be'e malha, te kan guiaje te bze'achoe xhibe xhania'a Jesús. 26Na nigolha na bi nake bene Israel, nake nigolha yechhi rzi lawe Sirofenicia. Na guiaje, te gotayoe' Jesús kinda yebeaje be'e malha dze'e xhi'inhe gna. 27Na Jesús gochhie nigolha na:
—Bde lataj gagoka zalho xhi'inlo, le'a labi naka wen yeguie'alarha tan rhea'aj rhago ka xhi'inrha te gderha kika beko.
28Nigolha na bochhie':
—Xanha, le'ante'a ka beko rhagokaba belha'a rhexaj xhanhe ga' rhago ka xhi'into.
29Jesús gochhie nigolha na:
—Tan gne'alho kan, beyiaj bigsla yebanhelho. Be'e malha dze'e xhi'inlo gna chiberhoajta.
30Kati nigolha na bechhinhe lo yo'o kie', ble'ene xhi'inhe gna diabi lo blaga; chi berhoaj tarhe be'e malha le'abi.
Jesús beyonhe to bene nakoedzoe' kan labi rhaka sne'
31Jesús beze'e yechhi nababaka Tiro, bede'e ga' nababa Sidón, na bchhinhe'e ga' nababa Decápolis, rhoa nisado' Galilea. 32Na yajoake to bene nakoedzoe' kan labi rhaka sne', na gnabake kanhe bene ni. 33Jesús gche le' ga' yobilha, de ga' dzaka bene, na gloe' xhibi ne'e lo naga bene na, te le'an xhenhe kie' gdanhe lochhi bene na. 34Na'arhe, ryoe yeba', bezie be'e na gochhie bene na: ¡Efatá! (Rhe'anhe sne'a: ¡Beyalhaj!)
35Tina'azi, naga bene nakoedzoe' beyalhaj, le'aksikan botzalaje chhia'a. 36Na Jesús gochhie le'ake bino ye'alhe kan; zakalha rhe le'ake kan, le'ake rguixaje'ekene ka bene. 37Le'a rhe'akiekene banachhi, te rne'ake: Chhia'agazi rhonhe. ¡Rhake yonhe kinda yeyenhe ka bene nakoedzoke na ka bene birhaka sne'ake yene'ake!
Currently Selected:
San Marcos 7: XDZPY
Highlight
Share
Copy
Want to have your highlights saved across all your devices? Sign up or sign in
Porciones en Zapoteco de Yalahui, Oaxaca, México © Sociedad Bíblica de México, A.C.
San Marcos 7
7
Tan rhon bayiajtza bene
(Mt 15.1-20)
1Ka bene fariseos kan balaka muestro ki xhba'a zake Jerusalén guiajke ga' ze'a Jesús. 2Ka bene ni, nan ble'ekene balaka bene lachhile'anke Jesús rhagoke le'an na'ake ne'a, o sne'arha, sinka be'anke kumplirhe kibi na'ake, te bxhichhiekene le'ake. 3(Le'a ka bene fariseos kan yogoka bene judíos nache'ake kostumbre ki xozixhtoke, bigagoke chen bignake ka' naka laze. 4Na kati rhechhinke tan guiajke ye'aya, labi rhagoke chen labi rhonke kumplirhe kibike na'ake. Kan diagazi tixe kostumbre nolanke, kanho kibike taso, xhoaga yo', xhoaga de guia kan blaga ga' rhasike.) 5Tanka, ka bene fariseos kan muestro ki xhba'a gnabekene Jesús:
—¿Nobixhkia' ka bene lachhile'anke loe' labi nache'ake kostumbre kika xozixhtorha, te rhagoke le'an na'ake ne'a?
6Jesús gochhie le'ake:
—Naka lhi' ka' gne'a bene btzalaje laza Diozo grelawe Isaías ki tan nakalhe bene chopa rhoa', kati bzoaje:
Yechhi ni rhonke xhen ne'adia le'an didzazi,
te laxhdoke ze'a zito le'an ne'adia.
7Bigsla za'aka tan rhonle xhen ne'adia:
tan rse'adielhe naka ta rne'akazi bene.
8Le'a lén rka'anle tzala'alha tan rne'a Diozo gonrha kinda gonle kostumbre kika bene lichhileyo'.
9Le'aksikan gochhie le'ake:
—Kinda gonle ka' kostumbre kie'alhe, lén rdelhe kanzi labi rhonle ka' rhe'anhe Diozo gonle. 10Le'a Moisés gne': Be'an balan xozilho kan xhnalho, te Bene sne'adze ki xoze o ki xhne'e, wazie'e yelagoti. 11Te lén rne'alhe waka to bene ye'e xoze o xhne'e: Labi gaka gonha loe' yodarhe, le'a yogote'a tan dia kia' naka corbán (o sne'arha: chi bdea'a ki Diozo); 12le'aksikan rne'alhe bene rtzalaj kin labirhe rdole gonhe yodarhe xoze o xhne'e. 13Kati rhonle ten labi rsakalhe xhtidza Diozo tan rhonle ka' kostumbre rse'adie leza'alhe. Te rhonle bikakalha ka' ten.
14Na'arhe Jesús bledze ka bene, te gne':
—Legze'anaga kia' yogolhe, te letzeajnie: 15Laga tan rhea'aj rhago bene gon le' bayiajtza. Tan roaj lo laxhdo bene tan rhon le' bayiajtza. 16[Ga' zoa nagalhe, leyenhe.]
17Kati Jesús beze'e ga' dzaka bene na beyoe' yo'o, bene lachhile'anke le' gnabekene le' nobi rhe'anhe sne'a tan bse'adielho ne'ato. 18Le' gochhie le'ake:
—¿Ani lén ka' rheajnielhe ten? ¿Abi rheajnielhe laga tan rhea'aj rhago bene gon le' bayiajtza, 19le'a laga lo laxhdawe yechhin, le'a lo le'anhe zajche'e, kinda dena'a rherho'onhe lo letrina?
Le'an ten gne' yogote'a yelawago naka chhia'a. 20Le'aksikan gne':
—Tan roaj lo laxhdo bene, tan rhon le' bayiajtza. 21Le'a loelhe, o sne'arha, lo laxhdo ka bene, roaj pensarhe malha, naka gonke ta labi zeaj, tan koanke, ki tan gotike bene, 22ki gdzaga nigolha, tan rze'alachhike tan dia kika bene, tan rhonke taxhinaj, ki tan rzi'ikeye'a, ki tan rhe'akie xhe'ekenhe, ki tan rhagoke didza, ki we'anxhen kuinhe kan rhonke ta labi rhala gonke. 23Yogote'a tamalha ni rhe lo laxhdawe te rhon le' bayiajtza.
To nigolha bi nababe yechhi Israel bxenlachhie Diozo
(Mt 15.21-28)
24Dena'a beza'a Jesús zeyiaje yechhi nababaka Tiro. Guioe' lo to yo'o, labi go'onhene snisieke bene; le'an labi goka sgachie'. 25Tzadite'alha gnisie to xhna bin nigolha dze'ebi be'e malha, te kan guiaje te bze'achoe xhibe xhania'a Jesús. 26Na nigolha na bi nake bene Israel, nake nigolha yechhi rzi lawe Sirofenicia. Na guiaje, te gotayoe' Jesús kinda yebeaje be'e malha dze'e xhi'inhe gna. 27Na Jesús gochhie nigolha na:
—Bde lataj gagoka zalho xhi'inlo, le'a labi naka wen yeguie'alarha tan rhea'aj rhago ka xhi'inrha te gderha kika beko.
28Nigolha na bochhie':
—Xanha, le'ante'a ka beko rhagokaba belha'a rhexaj xhanhe ga' rhago ka xhi'into.
29Jesús gochhie nigolha na:
—Tan gne'alho kan, beyiaj bigsla yebanhelho. Be'e malha dze'e xhi'inlo gna chiberhoajta.
30Kati nigolha na bechhinhe lo yo'o kie', ble'ene xhi'inhe gna diabi lo blaga; chi berhoaj tarhe be'e malha le'abi.
Jesús beyonhe to bene nakoedzoe' kan labi rhaka sne'
31Jesús beze'e yechhi nababaka Tiro, bede'e ga' nababa Sidón, na bchhinhe'e ga' nababa Decápolis, rhoa nisado' Galilea. 32Na yajoake to bene nakoedzoe' kan labi rhaka sne', na gnabake kanhe bene ni. 33Jesús gche le' ga' yobilha, de ga' dzaka bene, na gloe' xhibi ne'e lo naga bene na, te le'an xhenhe kie' gdanhe lochhi bene na. 34Na'arhe, ryoe yeba', bezie be'e na gochhie bene na: ¡Efatá! (Rhe'anhe sne'a: ¡Beyalhaj!)
35Tina'azi, naga bene nakoedzoe' beyalhaj, le'aksikan botzalaje chhia'a. 36Na Jesús gochhie le'ake bino ye'alhe kan; zakalha rhe le'ake kan, le'ake rguixaje'ekene ka bene. 37Le'a rhe'akiekene banachhi, te rne'ake: Chhia'agazi rhonhe. ¡Rhake yonhe kinda yeyenhe ka bene nakoedzoke na ka bene birhaka sne'ake yene'ake!
Currently Selected:
:
Highlight
Share
Copy
Want to have your highlights saved across all your devices? Sign up or sign in
Porciones en Zapoteco de Yalahui, Oaxaca, México © Sociedad Bíblica de México, A.C.