Oseas 2
2
1 1 (3) Natell yere beꞌnn bich re' kaꞌ:
Yell ke Dios,
na yere nor zanle ka':
Beꞌnn bayachralle'e.
Daxhinj da ben yell Israelen
2 2 (4) Xanllon ne:
Le wxoa dol kull xnaren,
le le'en bill nake xhora
ni nadaꞌ bill naka xhiewe'e.
Bill te'e wpa yichjrawe kan llun nor ree ka'.
Bill gune kan llasrall xtue'e ka'
3 3 (5) Chet kaꞌ bi wzenaye, wkoana le galyidze:
wakoana le'e kan nake ke llan gurje,
wakoana le'e ka to latj yu dach,
ka to yellriw yech,
na wia latj kweyie'e, nike dan llbil'lallen.
4 4 (6) Bi wayachralla xhi'nne ka',
le bida'o bdirje kan bdarene nuteze be'nn biew.
5 5 (7) Xnaren guke to nor ree,
bnite yel baran ke'en, kan bne:
Llajdirja be'nn biew ka' darenan,
be'nn kaꞌ llun pan, na nis kia,
yich xha xhir kia, na du dan nzi lino,
seit kia, na da kaꞌ llaja da llzoa nada' nbaraz.
6 6 (8) Kelen'na wseija xnezen konen yay yiech,
na wzechja ze to llwarawen,
nench'na bi wallele'e nezen.
7 7 (9) Nawe'e be'nn kaꞌ darenen,
axha bi llajxhene le ake',
wayirje'e le ake', na bi wallele'e le ake'.
Kena ne':
Wayachka konen xhiewa be'nnen bzorena danellen,
gukll wen kia kan bzorenen, kerke kan zoa na'.
8 8 (10) Axha le'en bi bazakre,
ke nadan llwia le'e
da llej llawe: trigo, zu ke uva na seit.
Nadan bena nench'na got dazan
ya cha'o ke'en nzi plat na oro, na le'en benlenen llin nench'na benchawe'e loe lsak ke'e ka'.
9 9 (11) Kelen'na wayeda
na wazia trigo, na zu ke uva kian,
katen llin llan gak wrapen,
kana wazia du yich xha xhir kian, na du lino kian,
dan bia le'e nench'na bkoach kwine.
10 10 (12) Raw xtue'e kaꞌ
wroera yel galyid ke'en, wsia le sdo.
Nutno gak wasra le'e lo takan.
11 11 (13) Wchoyteksa dan llzoa le'e nbarazen,
lni' ka' llune keten llra' beo llenen',
lla nban ke'en
na yoyte lni' ke ka' llunen.
12 12 (14) Na wlleyia yay uvas, na yay higos ke'e ka',
ke da kaꞌ bne:
Danin nak raxhja
dan ben xtua kaꞌ.
Na wayunan din,
na gaw bayix ka' sjalla lixen len.
13 13 (15) Wsakzia le'e ke lla ka' ba bden,
ke nake bllie'e yar raw loe lsak ka',
kan llzoachaw kwine, na llgo anillo xbene, na kan llgo bga yene
nench'na llnawe xtue'e ka'
na gulalle nada'.
Nada' Xanle ba bnia ka.
Diozen nlliere yell ke'e Israelen
14 14 (16) Nada' guna ke taralle'e nada':
na wchie'e latj yu dach
na nbaraz kwis werene di'll.
15 15 (17) Wayollna wayoa le'e yay xhixh ke'e ka'.
Na yeka dan llalleyrawen
na wayunlaya le'e.
Gana' wayunkse kan bene kan ne' nake nor weo,
ke llan balloje'e Egipton.
16 16 (18) Ke na ye'e nada', Xhiewa kia,
loraz da ne' loe lsak kia.
Nada' Xanle ba bnia ka'.
17 17 (19) Na waka lo llwen,
ra loe lsak ka',
na chras bill wal akse ra aken.
18 18 (20) Ket llin lla'na guna nike yell Israelen,
to da watil le ake' konen bayix snia ka',
na konen bayix ka' zajzu xire, na bel snia ka',
wxhoxga, na waka raw yellriw ni
xhis waxiten, spad, na wdil,
nench'na yell kian wazirall ake', na su ake' wen.
19 19 (21) Israel, guna rwe' xhora ke chnare,
xhora dogarje, kan nioj le leyen,
le nlliera rwe' daxhen kwis.
20 20 (22) Guna rwe' xhora, na gaka be'nn wendalixhej konen rwe',
na kana gunbiero nadaꞌ ka Xano.
21 21 (23) Nadaꞌ, Xano ba bnia ka':
Ket llin lla'na nadaꞌ guna nench'na,
yeban wzalen yejw raw yellri'on,
22 22 (24) na yellri'on gunen trigo,
na zu ke uva, na yajlaw seit,
na rach ke Jezreelen wayak layen.
23 23 (25) Wzoa yell kian raw yellri'on
tuze yell kia nada' gaken,
na wayachralla Lo-ruhaman,
Na yepa Lo-ami: Rwen nako yell kia,
Na le'e ye nada': Rwen nako Dios kia.
Currently Selected:
Oseas 2: ZPUPAT
Highlight
Share
Copy
Want to have your highlights saved across all your devices? Sign up or sign in