Oseas 6
6
Israelen ne wazerene Xanllon
1Leda yeololtere, nench'na wazerenllo Xanllon.
Lakse leꞌen bxhoxjtine'e lliw, lekse wayune lliw.
le'e bene lliw wee, na lekse Le'e une'e rmell we kellon.
2To setegaze wazoe'e lliw wen,
na walise'e lliw nench'na sorenlloe'e txhen,
3Gunllo bien gunbiello Xanllon,
na Xanllon yede'e wadsorene lliw,
ketk dalin dlloj willen yeo lla,
na ketk dalin yejwon llyiren raw yellri'on,
keten dllib lay ka', na keten lliarj yej ka'.
Diozen ballie'e xtill Israelen
4Xanllon ne:
¿Bi ke gunla rwen Efraín?
¿Bixha ke gunla rwen Judá?
Dan nlliere nadan
naken ke bejen llze tziren,
na ke bzan dan llxhoa balen, na kete llenin le llaranten.
5Kelen'na bxhoxjtina re' konen be'nn ka' llayixjwe xtillan,
konen llwa xtilla'nan ba blleyia re'.
Yel korchis kian lliarjen ka beni.
6Llenla wroere nada' yel nllie keren,
kere gutre bayix na wseyreba rawa,
llenla wazakere, nadan naka Dios kere,
kere wzeyre bayix rawa.
7Na re' yell kia llunre kan ben xustaw re' Adan'na,
le bine gunle ke di'llen ba bchajllallon. Na bi gukre be'nn wendalixhej konen nada'.
8Galaaden naken to yell xhen ga sjalla be'nn wen daxhinj,
doxhente yellen den llen' dan ba brarj aken.
9Bxus ka' sjanak ake' chkoe be'nn wan ake',
ze ake' llinaw ake' be'nn,
llut ake' be'nn, llun ake' dazerawze daxhinj
nezen zajze gan nzi Siquem.
10Zitere zban nak dan ba brera yell Israelen:
Efraín'na ba guke ka to nor ree,
Israelen ba ben bziw kwine.
11Na leskakse konen rwe' Judá,
ba braja llan wsakzia rwe'.
Lakse cha ba bzeralla wayuna wen ke yell kia Israelen.
Currently Selected:
Oseas 6: ZPUPAT
Highlight
Share
Copy
Want to have your highlights saved across all your devices? Sign up or sign in