Zyan 17
17
Zyezu n nyɛ́ɛri wi pìitamabèle kéele na
1Kérigèle bee joolo kadoʔo ma, a Zyezu wi yɛ́ɛgi yìrige ni wéle nyɛ̀ʔɛni na níì jo: «Mii Tóow, lǎli n nan, nìjangbɔɔri taʔa mɔ Jáaw na, koro ga pye Jaafɔw si wɔ́ɔ nìjangbɔɔri taʔa mɔ na, 2àmɛɛ mɔ séew kaan wi ma lè wi syɛ́ɛnbèle myɛ jáa, koro ga pye bele mɔ kaan wi ma lè, wi sìibangwɔɔw kaan bele bee myɛ ma. 3Pe ga mɔ cán ncan mɔ nibin wi nyɛ Kolocɔlɔw wodeleo, ní wɔ́ɔ̀ mɔ Tundunw cán wi lè Zyezu Kirisi, koro gi nyɛ be ma sìibangwɔɔw. 4Mii n nìjangbɔɔri taʔa mɔ na dulunyanw ni. Fáliwee mɔ da kaan mii ma lè, níì jo mii í wi kpéʔele, mii n wi kpéʔele n foro. 5Abaa, tɔ́ɔliw ni nìjangbɔɔri ti da pye yaà mii na mɔ taana lè sáni dulunyanw í séli lè, di taʔa mii na.
6Syɛ́ɛnbèle bele mɔ yirige dulunyanw syɛ̀ɛnnɛ ni n kaan mii ma lè, mii n mɔ mɛ́ɛgi tɛ̀ɛn be na. Pe maa pye mɔ woolo, á mɔ be kaan mii ma, a be mɔ syɛ́ɛnri kɔn ní i di kpéʔele. 7Pe n gi cán tɔ́ɔliw ni ncan gee myɛ mɔ kaan mii ma lè, mɔ má gi yìri. 8Níì cán syɛ́ɛnree mɔ joo mii ma lè, dee bee mii wɔ́ɔ̀ joo be ma, a be fɔ̀lɔ di na. Pe n gi cán kányɛʔɛ ni ncan mɔ má mii yìri, ní wɔ́ɔ̀ tága gi na ncan mɔ wi mii tun naa.
9Poro kéeli na mii nyɛ́ɛri. Mii o nyɛ́ɛri dulunyanw syɛ̀ɛnnɛ kéele na í, fwɔɔ bele kéele na poro bele mɔ kaan mii ma lè, níì cán mɔ woolo bɛɛ, 10gee myɛ si gi nyɛ lè mii wóʔo, mɔ wóʔo gii, gee gi wɔ́ɔ̄ nyɛ lè mɔ wóʔo, mii wóʔo gii, mii si n nìjangbɔɔri taa be ni. 11Mii a ní pye naa dulunyanw ni í, poro si i naa dulunyanw ni, mii si i syée mɔ ma. Mii Tofɔjǎnw, maa be kpáaw wéle mɔ mɛ́ɛgi báriga ni, gee mɔ le mii na lè, jàngó be pye nibin àmɛɛ wolo nyɛ lè nibin. 12#Zyan 13:18; Ŋún 41:10 Lǎli ni mii da pye ní be ní lè, mii maa ni be kpáaw wéle mɔ mɛ́ɛgi báriga ni, gee mɔ le mii na lè. Mii maa ni be kɔ̀rɔsíi, wàa faala ga kálagi be ni í, kapye wee nibin ban wi da yɛlɛ bi kálagi lè í, gee bee n kpéʔele koro ga pye syɛɛnsɛbɛri í foro. 13Mii si i syée mɔ ma tɔ́ɔliw ni, ní i kérigèle naa nyuu dulunyanw ni koro ga pye mii fundaanri í be fúnyi nyìn. 14Mii n mɔ syɛ́ɛnri joo be ma, a be kéeli dulunyanw syɛ̀ɛnnɛ bɛɛn níì cán pe o nyɛ dulunyanw wòolo í, àmɛɛ mii nyɛ lè mii o nyɛ dulunyanw wóo í. 15Mii o mɔ nyɛ́ɛri níì jo mɔ í be yirige dulunyanw ni wii í, kàjáa mii i mɔ nyɛ́ɛri mɔ í be syɔɔ Wobeew ma. 16Pe o nyɛ dulunyanw wòolo í, àmɛɛ mii nyɛ lè mii o nyɛ dulunyanw wóo í. 17Maa be sámagi maa yaari miyɛɛ ma kányɛɛgi báriga ni, níì cán mɔ syɛ́ɛnri di nyɛ kányɛɛgi. 18Amɛɛ mɔ mii tun naa lè dulunyanw ni, ànbée mii wɔ́ɔ̀ be tun dulunyanw ni. 19Mii i niyɛɛ zámagi ni yaari mɔ ma be kéeli na koro ga pye mɔ í wɔ́ɔ ra be sámagi da yaari miyɛɛ ma kányɛɛgi báriga ni.
20Bele naa yagwɔɔlɔ kéele na ban mii nyɛ́ɛri í, mii wɔ́ɔ i nyɛ́ɛri bele kéele na pe a ba ra tági lè mii na poro jooli báriga ni, 21koro ga pye pe myɛ í pye nibin. Abaa, àmɛɛ mɔ nyɛ lè mii ni, á mii si wɔ́ɔ i nyɛ mɔ ni, mii i caa pe wɔ́ɔ pye wolo ni, jàngó dulunyanw syɛ̀ɛnnɛ í tága gi na bi cán mɔ wi mii tun. 22Nìjangbɔɔree mɔ da kaan mii ma lè, mii n dee bee kaan be ma, jàngó be pye nibin àmɛɛ wolo nyɛ lè nibin. 23Mii i nyɛ be ni, mɔ si wɔ́ɔ i nyɛ mii ni, jàngó be pye nibin si foro, koro ga pye dulunyanw syɛ̀ɛnnɛ í gi cán bi cán mɔ wi mii tun, si wɔ́ɔ gi cán be kéeli n mɔ dɛ́nɛ àmɛɛ mii kéeli mɔ dɛ́nɛ lè.
24Tofɔw, mii i caa bele mɔ kaan mii ma lè, mɔ í be yaʔa be pye ní mii ní tɛɛnijanga ni, koro ga pye nìjangbɔɔri mɔ da kaan mii ma lè, pe nìjanri bee nyaa, níì cán mɔ maa téè tàmaga le ní mii ní sáni dulunyanw í séli lè. 25Tofɔzinw, dulunyanw syɛ̀ɛnnɛ ga mɔ cán í, kàjáa mii si n mɔ cán, a bele naa wɔ́ɔ̀ gi cán ncan mɔ wi mii tun. 26Mii n mɔ mɛ́ɛgi tɛ̀ɛn be na, mii si a ní gi tɛ̀ɛn be na, koro ga pye tàmagee mɔ le ní mii ní lè, ki wɔ́ɔ pye be ni, mii si wɔ́ɔ pye be ni.»
Currently Selected:
Zyan 17: CB10
Highlight
Share
Copy
Want to have your highlights saved across all your devices? Sign up or sign in
Kolocɔlɔɔ Syɛ́ɛnri © Bible Society of Côte d'Ivoire, 2008.
Zyan 17
17
Zyezu n nyɛ́ɛri wi pìitamabèle kéele na
1Kérigèle bee joolo kadoʔo ma, a Zyezu wi yɛ́ɛgi yìrige ni wéle nyɛ̀ʔɛni na níì jo: «Mii Tóow, lǎli n nan, nìjangbɔɔri taʔa mɔ Jáaw na, koro ga pye Jaafɔw si wɔ́ɔ nìjangbɔɔri taʔa mɔ na, 2àmɛɛ mɔ séew kaan wi ma lè wi syɛ́ɛnbèle myɛ jáa, koro ga pye bele mɔ kaan wi ma lè, wi sìibangwɔɔw kaan bele bee myɛ ma. 3Pe ga mɔ cán ncan mɔ nibin wi nyɛ Kolocɔlɔw wodeleo, ní wɔ́ɔ̀ mɔ Tundunw cán wi lè Zyezu Kirisi, koro gi nyɛ be ma sìibangwɔɔw. 4Mii n nìjangbɔɔri taʔa mɔ na dulunyanw ni. Fáliwee mɔ da kaan mii ma lè, níì jo mii í wi kpéʔele, mii n wi kpéʔele n foro. 5Abaa, tɔ́ɔliw ni nìjangbɔɔri ti da pye yaà mii na mɔ taana lè sáni dulunyanw í séli lè, di taʔa mii na.
6Syɛ́ɛnbèle bele mɔ yirige dulunyanw syɛ̀ɛnnɛ ni n kaan mii ma lè, mii n mɔ mɛ́ɛgi tɛ̀ɛn be na. Pe maa pye mɔ woolo, á mɔ be kaan mii ma, a be mɔ syɛ́ɛnri kɔn ní i di kpéʔele. 7Pe n gi cán tɔ́ɔliw ni ncan gee myɛ mɔ kaan mii ma lè, mɔ má gi yìri. 8Níì cán syɛ́ɛnree mɔ joo mii ma lè, dee bee mii wɔ́ɔ̀ joo be ma, a be fɔ̀lɔ di na. Pe n gi cán kányɛʔɛ ni ncan mɔ má mii yìri, ní wɔ́ɔ̀ tága gi na ncan mɔ wi mii tun naa.
9Poro kéeli na mii nyɛ́ɛri. Mii o nyɛ́ɛri dulunyanw syɛ̀ɛnnɛ kéele na í, fwɔɔ bele kéele na poro bele mɔ kaan mii ma lè, níì cán mɔ woolo bɛɛ, 10gee myɛ si gi nyɛ lè mii wóʔo, mɔ wóʔo gii, gee gi wɔ́ɔ̄ nyɛ lè mɔ wóʔo, mii wóʔo gii, mii si n nìjangbɔɔri taa be ni. 11Mii a ní pye naa dulunyanw ni í, poro si i naa dulunyanw ni, mii si i syée mɔ ma. Mii Tofɔjǎnw, maa be kpáaw wéle mɔ mɛ́ɛgi báriga ni, gee mɔ le mii na lè, jàngó be pye nibin àmɛɛ wolo nyɛ lè nibin. 12#Zyan 13:18; Ŋún 41:10 Lǎli ni mii da pye ní be ní lè, mii maa ni be kpáaw wéle mɔ mɛ́ɛgi báriga ni, gee mɔ le mii na lè. Mii maa ni be kɔ̀rɔsíi, wàa faala ga kálagi be ni í, kapye wee nibin ban wi da yɛlɛ bi kálagi lè í, gee bee n kpéʔele koro ga pye syɛɛnsɛbɛri í foro. 13Mii si i syée mɔ ma tɔ́ɔliw ni, ní i kérigèle naa nyuu dulunyanw ni koro ga pye mii fundaanri í be fúnyi nyìn. 14Mii n mɔ syɛ́ɛnri joo be ma, a be kéeli dulunyanw syɛ̀ɛnnɛ bɛɛn níì cán pe o nyɛ dulunyanw wòolo í, àmɛɛ mii nyɛ lè mii o nyɛ dulunyanw wóo í. 15Mii o mɔ nyɛ́ɛri níì jo mɔ í be yirige dulunyanw ni wii í, kàjáa mii i mɔ nyɛ́ɛri mɔ í be syɔɔ Wobeew ma. 16Pe o nyɛ dulunyanw wòolo í, àmɛɛ mii nyɛ lè mii o nyɛ dulunyanw wóo í. 17Maa be sámagi maa yaari miyɛɛ ma kányɛɛgi báriga ni, níì cán mɔ syɛ́ɛnri di nyɛ kányɛɛgi. 18Amɛɛ mɔ mii tun naa lè dulunyanw ni, ànbée mii wɔ́ɔ̀ be tun dulunyanw ni. 19Mii i niyɛɛ zámagi ni yaari mɔ ma be kéeli na koro ga pye mɔ í wɔ́ɔ ra be sámagi da yaari miyɛɛ ma kányɛɛgi báriga ni.
20Bele naa yagwɔɔlɔ kéele na ban mii nyɛ́ɛri í, mii wɔ́ɔ i nyɛ́ɛri bele kéele na pe a ba ra tági lè mii na poro jooli báriga ni, 21koro ga pye pe myɛ í pye nibin. Abaa, àmɛɛ mɔ nyɛ lè mii ni, á mii si wɔ́ɔ i nyɛ mɔ ni, mii i caa pe wɔ́ɔ pye wolo ni, jàngó dulunyanw syɛ̀ɛnnɛ í tága gi na bi cán mɔ wi mii tun. 22Nìjangbɔɔree mɔ da kaan mii ma lè, mii n dee bee kaan be ma, jàngó be pye nibin àmɛɛ wolo nyɛ lè nibin. 23Mii i nyɛ be ni, mɔ si wɔ́ɔ i nyɛ mii ni, jàngó be pye nibin si foro, koro ga pye dulunyanw syɛ̀ɛnnɛ í gi cán bi cán mɔ wi mii tun, si wɔ́ɔ gi cán be kéeli n mɔ dɛ́nɛ àmɛɛ mii kéeli mɔ dɛ́nɛ lè.
24Tofɔw, mii i caa bele mɔ kaan mii ma lè, mɔ í be yaʔa be pye ní mii ní tɛɛnijanga ni, koro ga pye nìjangbɔɔri mɔ da kaan mii ma lè, pe nìjanri bee nyaa, níì cán mɔ maa téè tàmaga le ní mii ní sáni dulunyanw í séli lè. 25Tofɔzinw, dulunyanw syɛ̀ɛnnɛ ga mɔ cán í, kàjáa mii si n mɔ cán, a bele naa wɔ́ɔ̀ gi cán ncan mɔ wi mii tun. 26Mii n mɔ mɛ́ɛgi tɛ̀ɛn be na, mii si a ní gi tɛ̀ɛn be na, koro ga pye tàmagee mɔ le ní mii ní lè, ki wɔ́ɔ pye be ni, mii si wɔ́ɔ pye be ni.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kolocɔlɔɔ Syɛ́ɛnri © Bible Society of Côte d'Ivoire, 2008.