MATAYO 28
28
Kuvuka he vefwie kwakwe Yesu
(Mrk. 16:1-18; Luk. 24:1-12; Yoh. 20:1-10)
1Msi wa sabato ukinasie, hakacha msi wa kuvoka juma, Maria Magdalena, ne Maria ula ungi vakatonga kurarereha mbira. 2Naho hekiketie kididimo kibaha cha isanga, ambu malaika wa Mfumwa eseie kufuma uko wanga, akaza, akahelija lila ibwe, akaliikaia. 3Fwani yakwe yeikee sa kiimiko, na suke jakwe jeikee sa chasheru. 4Kwa kufoleka, vala varinji vakazingiza, vakaikaa sa vefwie. 5Ula malaika akagharusha, akavati vala vache, “Unywi musifoleke! Ambu namanya iti mumwenda Yesu ula ekivambiwe he msalaba. 6Tewaha ye, ambu avuka he vefwie sa vuntu ekitetie. Nzoni murerehe hantu ekiyejwe. 7Heicho tongani fia murevavwira varateri vakwe: ‘Avuka he vefwie;’ rereha, enemurongorira kutonga Galilaya, niho hantu mwenemvonia. Nakenja kumuvwira huvo.” 8Vakavuka fia hala he mbira vena na fole na kuizihirwa kubaha; vakasara, vakamanyisha varateri vakwe iyo mburi. 9Ingeri Yesu akazana navo, ekiti, “Nimukezya!” Vakamswia, vakamgura maghu, vakamdunkutia. 10Yesu akavati, “Musifoleke, tongani murevavwira vandughu vangu vatonge noko Galilaya; niho hantu venenivonia.”
11Navo aho vekitinga, kumwe he vala vasikari vakaingia he muzi; vakavagaia vabaha va vatasi vyose vyeketike. 12Vakavungana hamwe na vaghosi, vakachila, vakavainka vala vasikari fedha nyingi, 13vekiti, “Tetani iti varateri vakwe vezie kio tweshinjie vakamwiva. 14Kakicha iyo mburi yekisikiwa he mlao, tuneteta naye nesa musikete masa.” 15Vakaghuha jila fedha, vakaketa sa vuntu vechejijwe. Icho kiteto kikagisha iko he Vayuda mhaka yoo ili.
Yesu efumia ntume jakwe uko Galilaya
16Vala varateri ikumi na mmwe vakatonga noko Galilaya mhaka he ila ntuvi Yesu evaazere. 17Navo vekinamvone, vakamdunkutia; mira va kumwe hevo vakaketa matatanyi. 18Yesu akaza hevo, akateta navo, akavati, “Neinkiwe nzinya jose uko wanga na kunu si. 19Tongani mughoshe vaisanga vose vaoke varateri vangu, mwekivabatiza he Izina la Vava, na Mwana, na Mpeho Wedi, 20na kuvacheja vagurishe vyose nemuazere. Rereha, mi niho na unywi misi yose mhaka msirikijo wa masanga.”
Currently Selected:
MATAYO 28: CHSUNT67
Highlight
Share
Copy
Want to have your highlights saved across all your devices? Sign up or sign in
Chasu New Testament © Bible Society of Tanzania, 1967.
MATAYO 28
28
Kuvuka he vefwie kwakwe Yesu
(Mrk. 16:1-18; Luk. 24:1-12; Yoh. 20:1-10)
1Msi wa sabato ukinasie, hakacha msi wa kuvoka juma, Maria Magdalena, ne Maria ula ungi vakatonga kurarereha mbira. 2Naho hekiketie kididimo kibaha cha isanga, ambu malaika wa Mfumwa eseie kufuma uko wanga, akaza, akahelija lila ibwe, akaliikaia. 3Fwani yakwe yeikee sa kiimiko, na suke jakwe jeikee sa chasheru. 4Kwa kufoleka, vala varinji vakazingiza, vakaikaa sa vefwie. 5Ula malaika akagharusha, akavati vala vache, “Unywi musifoleke! Ambu namanya iti mumwenda Yesu ula ekivambiwe he msalaba. 6Tewaha ye, ambu avuka he vefwie sa vuntu ekitetie. Nzoni murerehe hantu ekiyejwe. 7Heicho tongani fia murevavwira varateri vakwe: ‘Avuka he vefwie;’ rereha, enemurongorira kutonga Galilaya, niho hantu mwenemvonia. Nakenja kumuvwira huvo.” 8Vakavuka fia hala he mbira vena na fole na kuizihirwa kubaha; vakasara, vakamanyisha varateri vakwe iyo mburi. 9Ingeri Yesu akazana navo, ekiti, “Nimukezya!” Vakamswia, vakamgura maghu, vakamdunkutia. 10Yesu akavati, “Musifoleke, tongani murevavwira vandughu vangu vatonge noko Galilaya; niho hantu venenivonia.”
11Navo aho vekitinga, kumwe he vala vasikari vakaingia he muzi; vakavagaia vabaha va vatasi vyose vyeketike. 12Vakavungana hamwe na vaghosi, vakachila, vakavainka vala vasikari fedha nyingi, 13vekiti, “Tetani iti varateri vakwe vezie kio tweshinjie vakamwiva. 14Kakicha iyo mburi yekisikiwa he mlao, tuneteta naye nesa musikete masa.” 15Vakaghuha jila fedha, vakaketa sa vuntu vechejijwe. Icho kiteto kikagisha iko he Vayuda mhaka yoo ili.
Yesu efumia ntume jakwe uko Galilaya
16Vala varateri ikumi na mmwe vakatonga noko Galilaya mhaka he ila ntuvi Yesu evaazere. 17Navo vekinamvone, vakamdunkutia; mira va kumwe hevo vakaketa matatanyi. 18Yesu akaza hevo, akateta navo, akavati, “Neinkiwe nzinya jose uko wanga na kunu si. 19Tongani mughoshe vaisanga vose vaoke varateri vangu, mwekivabatiza he Izina la Vava, na Mwana, na Mpeho Wedi, 20na kuvacheja vagurishe vyose nemuazere. Rereha, mi niho na unywi misi yose mhaka msirikijo wa masanga.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chasu New Testament © Bible Society of Tanzania, 1967.