MARIKO 1
1
1Kivuko cha Mburi Yedi yakwe Yesu Kristo, Mwana wa Mrungu. 2Sa vuntu yeandikwe he mroti Yesaya,
“Rereha, nituma ntume wangu
Mozya he kizango chako,
Enekuhareia nzia yako. 3Izii la mraamberija uko nyika,
‘Hareheni nzia ya Mfumwa,
Cheleleshani hantu evechija!’” 4Hakavoneka Yohane ekibatiza uko nyika, na kubirikira m’batizo wa kuchwa mti kweete kushighiwa mabanu. 5Vakamswia vose va isanga la Yudea na Yerusalemu, vakabatizwa he kianda cha Yordani, vekighamba mabanu avo. 6Uo Yohane ekijikie suke ja mavoa a ngamia, na ngana he kikwidi, akala nzighe na nzoke ya mpako; 7akabirikira ekiti, “Hena ezie nyuma hangu ena nzinya kunivecha, neri tekinifwenye kukodeka nakuterua mkoa wa viratu vyakwe. 8Mi nemubatize na mpombe, mira ye enemubatiza na Mpeho Wedi.”
Kubatizwa kwakwe Yesu
(Mat. 3:13-17; Luk. 4:1-13)
9Niho misi ila Yesu akaza kufuma Nazareti ya Galilaya, akabaizwa ni Yohane uko Yordani. 10Hala indi ekikwea kufuma he mpombe, akavona wanga hekijuvuka, na Mpeho eikee sa nziva ekimseia; 11na izii likafuma uko wanga, leti, “We niwe Mwanangu, mkunde wangu; nekuizihirwe.”
Kugheshwa kwakwe Yesu
(Mat. 4:11; Luk. 4:1-13)
12Hala indi Mpeho akamtika noko nyika. 13Akaikaa uko nyika misi makumi mane, ekigheshwa ni Shetani; akaikaa hantu hamwe na nyama ja sakeni, na vamalaika vekimtumikia.
Yesu evoka kubirikira
(Mat. 4:17; Luk. 4:14-15)
14Yohane ekinachungwe, Yesu akatonga Galilaya, ekibirikira Mburi Yedi ya Mrungu, 15ekiti, Igheri lakoloka, na vufumwa vwa Mrungu vwazengelela. Chweni mti muitikije Mburi Yedi.”
Yesu eitanga varateri va kuvoka
(Mat. 4:18-22; Luk. 5:1-11)
16Naye ekivecha mbaimbai he bahari ya Galilaya, akamvona Simoni ne Andrea mjinawe, vekigera nyavu javo he bahari, ambu ne vareloa. 17Yesu akavati, “Nzoni muniratere, nami ninemughosha vareloa vantu.” 18Hala indi vakashigha nyavu javo, vakamratera. 19Akavecha mozya hadori, akamvona Yakobo mwana Zebedayo ne Yohane mjinawe, navo vekireho he ngilawa vekihareha nyavu; 20niho akavaitanga, vakamshigha Zebedayo vavee he ngilawa hamwe na vandima, vakamratera.
Mwenye mpepo ebanjwa
(Luk. 4:31-37)
21Vakatonga mhaka Kapernaumu; msi wa sabato akaingia he sinagogi, akacheja. 22Vakamaka haiwa he michejire yakwe; ambu ekicgeja sa mwenye nzinya, neri si sa vaandiki. 23Aho he sinagogi yavo hekina mntu egurirwe ni mpepo mbivi; akateta na wanga, 24ekiti, “Tunani nawe Yesu wa Nazareti? Weteza kutukenja? Nekummanyije iti niwe ula Ezerire wa Mrungu.” 25Yesu akaibohija, ekiti, “Huja chwi, ufume heye!” 26Ila mpepo mbivi ikamgusha kisa, ikaiyagha na izii ibaha, ikamfuma 27Vose vakamaka, vakavwijana, vekiti, “Ni kini iki? Ni icha ishaa! ambu kwa nzinya eazera mpepo mbivi, najo jimsikia.” 28Mburi jakwe jikagisha hala indi he masanga ose eho mabimbai ya Galilaya.
Mkwewe Petro na vangi vajinki vebanjwa
(Mat. 8:14-17; Luk. 4:38-41)
29Hala indi vekinafume he sinagogi, vakafika kaa hakwe Simoni ne Andrea, vena ne Yakobo ne Yohane. 30Mlala wavo mkaja Simoni, eshinjie, ekiwaa isha; hala indi vakamvwira mburi yakwe. 31Akamswia, akamvushija kwa kumgura mkono, isha likamshigha, akavatumikia.
32Hekinaoke chahemagheri, na izuva lekinanyirike, vakamwetie vose vewaa na venye mpepo. 33Na muzi wose wekivungane hala mpengeni. 34Akabanja vajinki vewaa mawaji a kila mbare, akafunya mpepo nyingi, neri asijikundije kuteta, ambu jemmanyije.
35Na chaheyavo kere, akavuka, akafuma, akatonga hantu hesina vantu kuraomba. 36Simoni na vaghenji vakwe vakamratera. 37Vekinamvone vakamti, “Vantu vose vekuenda.” 38Akavati, “Tutongeni hanntu hangi, he mizi ingi ya kunu hafuhi, nibirikire hata ho, ambu nicho neziie.” 39Akatonga ekibirikira he sinagogi javo, he isanga lose la Galilaya, na kufunya mpepo.
Kubanja mntu eumbuka
(Mat. 8:1-4; Luk. 5:12-16)
40Akaziiwa ni mntu eumbuka, akamsemba ekimdunkutia, na kumti, “Wekikunda uidima kunizerija.” 41Naye akamsikiwa vwasi, akaronga mkono akamkunta, akati, “Nakunda, zera!” 42Hala indi kuumbuka kwakwe kukamvuka, akazera. 43Akamkokontia mno, akamvusha hala indi, 44akamti, “Rereha, usiremvwira mntu kintu, mira tonga urekuvonyesha he mtasi, uinkije na kila Mose eazere vuntu vwa kuzera kwako, nesa kioke vuonwa hevo.” 45Mira akafuma, akavoka kubirikira viteto vijinki, na kuamberija iyo mburi; neri Yesu teidime wa kuingia he muzi eyoywe, esire ekiuko nze hantu hesina vantu; vakamzia kufuma kila hantu.
Currently Selected:
MARIKO 1: CHSUNT67
Highlight
Share
Copy
Want to have your highlights saved across all your devices? Sign up or sign in
Chasu New Testament © Bible Society of Tanzania, 1967.
MARIKO 1
1
1Kivuko cha Mburi Yedi yakwe Yesu Kristo, Mwana wa Mrungu. 2Sa vuntu yeandikwe he mroti Yesaya,
“Rereha, nituma ntume wangu
Mozya he kizango chako,
Enekuhareia nzia yako. 3Izii la mraamberija uko nyika,
‘Hareheni nzia ya Mfumwa,
Cheleleshani hantu evechija!’” 4Hakavoneka Yohane ekibatiza uko nyika, na kubirikira m’batizo wa kuchwa mti kweete kushighiwa mabanu. 5Vakamswia vose va isanga la Yudea na Yerusalemu, vakabatizwa he kianda cha Yordani, vekighamba mabanu avo. 6Uo Yohane ekijikie suke ja mavoa a ngamia, na ngana he kikwidi, akala nzighe na nzoke ya mpako; 7akabirikira ekiti, “Hena ezie nyuma hangu ena nzinya kunivecha, neri tekinifwenye kukodeka nakuterua mkoa wa viratu vyakwe. 8Mi nemubatize na mpombe, mira ye enemubatiza na Mpeho Wedi.”
Kubatizwa kwakwe Yesu
(Mat. 3:13-17; Luk. 4:1-13)
9Niho misi ila Yesu akaza kufuma Nazareti ya Galilaya, akabaizwa ni Yohane uko Yordani. 10Hala indi ekikwea kufuma he mpombe, akavona wanga hekijuvuka, na Mpeho eikee sa nziva ekimseia; 11na izii likafuma uko wanga, leti, “We niwe Mwanangu, mkunde wangu; nekuizihirwe.”
Kugheshwa kwakwe Yesu
(Mat. 4:11; Luk. 4:1-13)
12Hala indi Mpeho akamtika noko nyika. 13Akaikaa uko nyika misi makumi mane, ekigheshwa ni Shetani; akaikaa hantu hamwe na nyama ja sakeni, na vamalaika vekimtumikia.
Yesu evoka kubirikira
(Mat. 4:17; Luk. 4:14-15)
14Yohane ekinachungwe, Yesu akatonga Galilaya, ekibirikira Mburi Yedi ya Mrungu, 15ekiti, Igheri lakoloka, na vufumwa vwa Mrungu vwazengelela. Chweni mti muitikije Mburi Yedi.”
Yesu eitanga varateri va kuvoka
(Mat. 4:18-22; Luk. 5:1-11)
16Naye ekivecha mbaimbai he bahari ya Galilaya, akamvona Simoni ne Andrea mjinawe, vekigera nyavu javo he bahari, ambu ne vareloa. 17Yesu akavati, “Nzoni muniratere, nami ninemughosha vareloa vantu.” 18Hala indi vakashigha nyavu javo, vakamratera. 19Akavecha mozya hadori, akamvona Yakobo mwana Zebedayo ne Yohane mjinawe, navo vekireho he ngilawa vekihareha nyavu; 20niho akavaitanga, vakamshigha Zebedayo vavee he ngilawa hamwe na vandima, vakamratera.
Mwenye mpepo ebanjwa
(Luk. 4:31-37)
21Vakatonga mhaka Kapernaumu; msi wa sabato akaingia he sinagogi, akacheja. 22Vakamaka haiwa he michejire yakwe; ambu ekicgeja sa mwenye nzinya, neri si sa vaandiki. 23Aho he sinagogi yavo hekina mntu egurirwe ni mpepo mbivi; akateta na wanga, 24ekiti, “Tunani nawe Yesu wa Nazareti? Weteza kutukenja? Nekummanyije iti niwe ula Ezerire wa Mrungu.” 25Yesu akaibohija, ekiti, “Huja chwi, ufume heye!” 26Ila mpepo mbivi ikamgusha kisa, ikaiyagha na izii ibaha, ikamfuma 27Vose vakamaka, vakavwijana, vekiti, “Ni kini iki? Ni icha ishaa! ambu kwa nzinya eazera mpepo mbivi, najo jimsikia.” 28Mburi jakwe jikagisha hala indi he masanga ose eho mabimbai ya Galilaya.
Mkwewe Petro na vangi vajinki vebanjwa
(Mat. 8:14-17; Luk. 4:38-41)
29Hala indi vekinafume he sinagogi, vakafika kaa hakwe Simoni ne Andrea, vena ne Yakobo ne Yohane. 30Mlala wavo mkaja Simoni, eshinjie, ekiwaa isha; hala indi vakamvwira mburi yakwe. 31Akamswia, akamvushija kwa kumgura mkono, isha likamshigha, akavatumikia.
32Hekinaoke chahemagheri, na izuva lekinanyirike, vakamwetie vose vewaa na venye mpepo. 33Na muzi wose wekivungane hala mpengeni. 34Akabanja vajinki vewaa mawaji a kila mbare, akafunya mpepo nyingi, neri asijikundije kuteta, ambu jemmanyije.
35Na chaheyavo kere, akavuka, akafuma, akatonga hantu hesina vantu kuraomba. 36Simoni na vaghenji vakwe vakamratera. 37Vekinamvone vakamti, “Vantu vose vekuenda.” 38Akavati, “Tutongeni hanntu hangi, he mizi ingi ya kunu hafuhi, nibirikire hata ho, ambu nicho neziie.” 39Akatonga ekibirikira he sinagogi javo, he isanga lose la Galilaya, na kufunya mpepo.
Kubanja mntu eumbuka
(Mat. 8:1-4; Luk. 5:12-16)
40Akaziiwa ni mntu eumbuka, akamsemba ekimdunkutia, na kumti, “Wekikunda uidima kunizerija.” 41Naye akamsikiwa vwasi, akaronga mkono akamkunta, akati, “Nakunda, zera!” 42Hala indi kuumbuka kwakwe kukamvuka, akazera. 43Akamkokontia mno, akamvusha hala indi, 44akamti, “Rereha, usiremvwira mntu kintu, mira tonga urekuvonyesha he mtasi, uinkije na kila Mose eazere vuntu vwa kuzera kwako, nesa kioke vuonwa hevo.” 45Mira akafuma, akavoka kubirikira viteto vijinki, na kuamberija iyo mburi; neri Yesu teidime wa kuingia he muzi eyoywe, esire ekiuko nze hantu hesina vantu; vakamzia kufuma kila hantu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chasu New Testament © Bible Society of Tanzania, 1967.