Mataji 6
6
1Mwilembage idza vugolofu vweńo, mutane ukudzelesa ukuta vavavonage avanu; ulwa kuva ngana mwigita evo, apo ve mwambwidze ifya kuvahomba udadińo kukyâńa.
2Neke lino ngana vwikola mukupēla ifya lupyanilo, apo utane ukwitovelela umulemo ulwa kwitambulisa, ndevye vigita avakedusi, avikwima na muńolanilo na mumakasi, aviti gila avanu vavaginyage. Ndakyene unene ndikuvavūla nditigila: kwe kuva vahombilwe lulo.
3Neke uveve, ngana vwikola mukuvapēla avanu ifya lupyanilo, apo ilivoko lyako ilya ṅigi libihile ukulukagula, lwe lipēla ilijagwe ilya ndyo. 25, 37-40; Lom. 12, 8.
4Ifya lupyanilo fyako fivedzage fya kukińele, neke udado, je ilola na kukińele, je alakuhomba jujo.
5Neke uńeńe, ngana mwilapangila, mutane ukutegana navakedusi. Avene avakedusi vikwima na muńolanilo, na munde-kano, pakuva vitigila tuvonekage kuvanu. Ndakyene unene ndikuvavūla: kwe kuva vahombilwe lulo.
6Neke uveve, ngana vwikola mukulapangila, apo vwingilage kuńumba jako ija kumuginge, neke udindage numulyango gwako neke baho ulapangilage kińele, neke udado, je ilola na kukińele, ulavona akukuhomba jujo vudondya.
7Neke ngana mwilapangila, apo mutane ukudo-loma muno, ndevye vigita avakwivala. Ndivwene avene vitigila Nguluvi ipulika, ngana twilonga amolofu.
8Mutane ukwilińanidza na ava, ndivwene udadińo afidzelye, fye mugulwime, na pe musina muńilika ukwakwe. v. 32.
9Neke ngana mwilapangila, apo mutigilage: Ve dadisu, ve va kukyâńa, ilitavwa lyako limikwage, Luk. 11, 2-4.
10uvutwa vwako vwadzage, ulukēlo, lwe ukēlye juve, lwimage nde lwa kukyâńa nakwen’ivala kuno, 7, 21; Luk. 22, 42.
11utupelage umûńi ugu ifilyo ifya neṅuli,
12uvodzage inôngwa dzetu, ndevye tudzivodzidze kuvańa-nôngwa vesu, v. 14. 16; 18, 21-36.
13utane ukutuvika mulugemyo, utupokage nakumbîfu; tuvwene vwako uvutwa ningufu dzako nindolo dzako mbepalimbê-pali. Amene.
14Neke ngana mukudzi-vodza uńeńe avanu idzanavo, apo najuńeńe uda-dińo kukyâńa aladzivodza idzeńo.
15Neke ngana musiku-dzivodza uńeńe avanu idzanavo, apo na juńeńe musilavodzwa idzeńo. Mal. 11, 25. 26.
16Ngana mutigye muhwedzage kitalya ikigono kimwinga, apo mutane ukuviga avakedusi. Ndivwene avene visōka na kumîho, pakuva vitigila mwe vatukagulilage avanu, ukuta neńuli vahwe najo. Ndakyene ndikuva-vŭla: ava vahombilwe lulo.
17Neke uveve ngana vwihwa kitalya, apo vwipuguhage na kumîho, vwibakage na kumutwe,
18ukuta lutane ukuvoneka kuvanu, lwe vwihwa kitalya, akukagulage ju dado, je ilola na kukińele, ulavona akukuhomba jujo.
19Mutane ukulundasa ifyûma kwen’eńi, ifilivwa kufimukēta, ifitolela ninguhi, fye vikumba navakûfi neke vahidzage.
20Mulundase ifyûma kukyâńa, ifisilivwa kufimu-kêta, ifisitolela ninguhi, fye vasikumba navakŭfi neke vahidzage. 19, 21; Luk. 12, 33. 34; Kol. 3, 1. 2.
21Ndivwene kwe figenda ifyûma fyako, kwe jilava kojili na ji numbula jako.
22Uluńali lwa muvili gwako lye lîho najuve. Neke ngana ilîho lyako livalafu, apo gonda na gu muvili gwako gwivalala. Luk. 11, 34-36.
23Neke ngana ilîho lyako lihalwike, apo na gu muvili gwako gwivedza guńa-kîsi. Neke ngana na lu lumuli lwako ludzukile kîsi, apo ikîsi kilavedza ndavuli uvolofu.
24Umunu ilemwa pakutova ilikongo kuvatwa vavili. Vone vuli ujungi alamwenda, ujungi alamusula, kangi ujungi alamumilila, ujungi alamugunila. Mwilemwa ukutova ilikongo na kwa Nguluvi na ku-Mamono. Luk. 16, 9. 13.
25-33: Luk. 12, 22-31.
25Kyendilekile nigilage: ifya pavûmi vweńo mukwiganya kiki nifya kulya nifya kuńwa, nigya muvili igya kufwala? Nuvûmi nifya kuponela vusilutye vuvûmi? Numuvili nigya kufwala gusilutye gu muvili? Fil. 4, 6; 1. Pet, 5, 7; 1. Tim. 6, 6; Heb. 13, 5.
26Mulolage amadege kukyâńa, pakuva agene gasimidza gasibena gasilu-ndahidza mwe fisandzi, neke udadińu kukyâńa pe agasangilaga. Neke uńeńe musilutye kugene? 10, 29-31.
27Uńeńe je nani, nde avedzage akwiganya, je ikwijongeledza nambi mukono gumwinga pafigono fya vûmi vwakwe?
28Nimyênda gya kufwala mukwiganya gya kiki? Mulolelage pavuluva vwa kudâsi uvwene pakumela; ndivwene uvwene pakumela vusigimba vusihona.
29Neke lino ndikuvavula, ukuta na ju Salomo mundolo dzakwe asafwalaga nde kaluva kamwinga kala.
30Neke ngana Nguluvi akulifwika evo ilisoli lya kudâsi, ilivoneka neṅuli, kilavo lisopwa mwitende, apo alapĕla pi nańe pakuvafwika, ńe vańa-lufuvo ulukefw’ańe?
31Apo uńeńe mutane ukwiganya ukuta: tulalya kiki, twińwedzaga kiki, twifwalaga kiki?
32Ndivwene fyonda ifi fye visakula avakwivala; ndivwene udadińu uva kukyâna afigelanidze katali, fye mwiguluma.
33Mutale musakule nuvutwa vwa Nguluvi nuvu-golofu vwakwe, apo fyonda ifi alavongelehedza. Lom. 14, 17.
34Apo humbi mutane ukwiganya ifya kilavo; nikigono kya kilavo kiliganya ifyakyo; ifigono fitegine navo uvufumbe vwanafyo. v. 11.
Currently Selected:
Mataji 6: II
Highlight
Share
Copy
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
