Mataji 9
9
1-8: Mal. 2, 1-12; Luk. 5, 17-26.
1Neke baho ingilage mukyômbo neke alovo-ńasihidzage kukâja jakwe. 4, 13.
2Neke vamuletelage ukwakwe umunu jumwinga, je ali muńitēla, j’alambalye palupāsa. Neke umwene Jesu, pe aluvwene ulufuvo lwanavo, neke alongage kwa muńi-tēla atigilage: uńamalage, mwâna vangu, indzanangifu dzako ndidzivodzidze.
3Neke baho vamwinga avakagulihâte neke vipwefyage va vene neke vatigilage: uju akumuliga Nguluvi. Mal. 2, 7.
4Neke Jesu, pe aluvwene, lwe vapimasaga mwileme, neke baho atigilage: mwihodza lwa kiki uluvîfu ulu munumbula dzeńo? 12, 25; Joh. 2, 25.
5Lwebepe luli kwi nulwa kuta: ndidzivodzidze indzanangifu dzako nulwa kuta: vwimage ugendage?
6Neke lino ndikuvavūla nditigila: pe mukumuka-gulilaga baha umuswamuve va munu, ukuva nuvutavulilwe vwa kuvodze-hedza indzanangifu pen’ eńi apa, lino ndikukuvŭla nditigila: vwimage, uhelelage, vwinulage nulupāsa lwako.
7Neke baho umwene image neke ahelelage kukâja.
8Pe valuvwene ulu avanu neke vogopage neke vakole mukumuginya Nguluvi, pakuva vavwene avapelye avanu uvutavulilwe uvu.
9-13: Mal. 2, 13-17; Luk. 5, 27-32.
9Neke Jesu, pe ahumile baho, pe igenda, neke amuvonage umunu, Ma-taja ilitavwa. Neke avonage akoṅomye pavulu-ndahidzo vwa kodi, neke amukemēlage atigilage: uninīlage ukwangu. Neke baho umwene image, amuninīlage.
10Neke avye akoṅomye muńumba mukulya ifilyo neke baho vingilage mumo navahakipembe navahosi ṅani neke vikalanilage na Jesu navańigendwa vakwe mukulya ifilyo.
11Neke ava-Fwalisaja, pe valuvwene ulu, neke vavavudzage avańigendwa vakwe neke vatigilage: umululema veńo ililanila mwe kiki ifilyo navahakipembe navahosi? Luk. 15, 2.
12Neke Jesu alupulikage, lwe valongaga neke atigilage: avadzila-kitamwa vasikuvaguluma avańa-migoda, hamu umujava-migoda vikumuguluma va vatamwa.
13Neke atigilage: muhelelage mukalwigile ulwitigila: lu lwa kupyanila lwe ndisakula, sindisakula ifya masembe. Pakuva sindadzile mukuvakemēla avagolofu, nda ndadzile mukuvakemēla va vahosi. 18, 11.
14-17: Mal. 2, 18-22; Luk. 8, 33-28.
14Neke baho vahegēlelage avańigendwa va Johana neke vatigilage: nafwe nava-Fwalisaja twa twihwa kitalya apangi, ka avańigendwa vako vasihwa kitalya kiki? Luk. 18, 12.
15Neke umwene Jesu avavūlage atigilage: vańŏńŏvalage mwe kiki avalyafilyo fya panavula, kuno vali nave umutodzi? Kikwadza ikigono, kye alajaganika umutodzi, apo navo valahwa kitalya ikigono kikyo. Joh. 3, 29.
16Umunu asipabika ikipabiko kya mwênda umupya pamwênda umusakafu, kikuńana neke kikongeledza pakugutatālula neke vuhemēluke uvuhodole Joh. 1, 17
17neke na li lisimika lya vutoṅoni pe hela je isopa mubogolo isakafu idza vutoṅom, pakuva ngana vasopile, vwipwefula ibogolo neke uvutoṅoni vonda vwimiminikila pasi neke ibogolo dzanangikage; hamu ilisimika lya vutoṅoni ilihudzano viso-pa mubogolo imya, apo filanana fyonda.
18-26: Mal. 5, 22-43; Luk. 8, 41-56.
18Neke pe ikuvavūla idzi neke vonage ahegēlelage urnundzagila vanavo, ifugama pasi itigila: umwalivangu afwe lino, tuvujase ukamuvike ilivoko uveve, apo aladzulu-buka.
19Neke baho Jesu image neke vahitasage, neke navańigendwa vakwe figendasage.
20Neke baho umudala, je atabatye imyâka mińikyumi nagivili, neke je atumbage kumugongo neke abasage umwênda kumudzivo
21ulwa kuva umwene atigilaga: ngana ndikwabasa gu mwênda gwakwe, apo ndinoga. 14, 36.
22Neke baho Jesu asedukage neke amuvonage neke atigilage: uńamalage, ve mwâna vangu, lukunodzidze lu lufuvo lwako. Neke baho umukiṅinavo anogelage pasala jijo.
23Neke baho Jesu, pe adzifike kuńumba ja mundzagila vanavo umukomi, neke swe baho avanoge povali navatova-mbēta navafukidza-lijojo.
24Neke avalongelage atigilage: muhume muno, ndivwene akahindza kasifwe, kagonēlye tulo; neke avene vamuhekage. Joh. 11, 11. 14. 25.
25Neke baho, pe avahumihidze pivala vonda ndevye vali, neke baho ingilage muńumba neke akibatage ilivoko akahindza neke baho kadzulu-bukage.
26Neke ponda pa-ńi dzipulisage ińaho dzidzo.
27Neke baho Jesu, pe ahumile baho ukugenda, neke baho vamuninilage avabofu vavili neke vakutage vatigilage: utupyanilage, ve muswamuve va Davidi!
28Neke pe afikile kukâja, neke avabofu vala neke vahegēlelage ukwakwe, neke Jesu atigilage: mwifuvwa ukuta sindiku-lulemwa ulu? Neke avene vatigilage: ulu ndesi mutw’ ave.
29Neke umwene avabasage neke atigilage: lugendelage, ndevye mulu-fuvilwe. 8, 13.
30Neke baho amîho ganavo gadindukage; neke Jesu atigilage: mwilembage lino, atane ukudzipulika munu idzi. 8, 4.
31Neke avene, pe vahumile pivala, neke vadzipulisage inôngwa idzi pamigola gyonda.
32Neke baho, pe vihuma vala, neke baho vamuhegēledzage ujungi je ali kitadzo va, pakuva gwamwingye umubepo umukali.
33Neke baho umwene agulosage umubepo umukali neke baho alongage agolosage je ali kitadzova. Neke baho vadzumage avanu, avali baho neke vatigilage: tusina tuluvona ponu, ululi nde ulu muvakina-Jisilahele muno.
34Neke avene ava-Fwalisaja neke vatigilage: imibepo imikali akugilosehedza mwa mamavo va mibepo imikali. 12, 24.
35Neke baho Jesu adzungutilage jonda ińi na mukâja ingomi nindebe neke avavūlage inôngwa muńumba dzanavo dza luholanilo neke avavŭlage namapelela amanofu ga vutwa vwa kukyâńa neke avananyage vonda avatamwa navańa-vutenda. 4, 23.
36Neke baho, pe aku-valola avanu ifipuga, neke umwene lumuvonage ulu-pyana, pakuva vatovike vavevelaga ngita ṅolo indzila-muńa-kudzidīma. 14, 14; Mal. 6, 34.
37Neke avalongelage avańigendwa vakwe atigilage: ijene imbene je ndzolofu neke avabeni ve vakefu. Luk. 10, 2.
38Apo mudedevage kwa mwene-mbene, atume avańa-kubena mumbene jakwe.
Currently Selected:
Mataji 9: II
Highlight
Share
Copy
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
