Embandizo 22
22
Ruhanga naragira Aburahamu kutamba Isaka
1Ebyo kabyahoire, Ruhanga alenga Aburahamu; amweta ati, “Aburahamu.” Ogu ahorora ati, “Kaboneke waitu!” 2Ruhanga amugambira ati, “Okwate Isaka mutabani wawe omumoi, omugonzibwa wawe, ogende omu nsi ya Moria, omutambe ekitambo ky'okwokibwa aha ibanga limoiho elyo ndakugambira.” 3Aho Aburahamu aimuka bwankya karai, ayara endogobeye, agendaho n'abairu babili n'omutabani Isaka. Ayasa enkwi z'okwokesa ekitambo, aimukya, agenda mbali Ruhanga yabaire amugambiire. 4Aha kiro kya kashatu Aburahamu kunaga amaisho alengera mbali yabaire nagya. 5Nikwo kugambira abairube ati, “Mwikare aha n'endogobe, inye n'omwana tugye kulinya tufukame, turagaruka tubashangeho.” 6Aburahamu akwata enkwi z'okwokesa ekitambo azitweka omutabani Isaka. Atwara omuliro n'omuhyo, bombili bagenda hamoi. 7Isaka ayeta Aburahamu ishe ati, “Tata!” Ishe amuhorora ati, “Ndi aha mwana wange.” Amubaza ati, “Twina omuliro n'enkwi, kyonkai entaama y'ekitambo ky'okwokibwa elihai?” 8Aburahamu amuhorora ati, “Mwana wange, Ruhanga wenene arayezolera entaama y'ekitambo ky'okwokibwa.” Aho bombili bagenda hamoi.
9Kabagobire mbali Ruhanga yabaire amugambiire, Aburahamu ayombekaho ealutare, atahoge enkwi, aboha omutabani Isaka, amuta ahali ealutare aha nkwi eiguru. 10Akwata omuhyo, aimukya omukono kwita omutabani. 11Nawe omumalaika w'Omukama amweta ayemire omw'iguru ati, “Aburahamu, Aburahamu!” Ndi ogu ayetaba ati, “Kaboneke waitu!” 12Omumalaika amugambira ati, “Otaziza mukono aha mwana anga kumukoraho kyona kyona; mbwenu namanya okw'otina Ruhanga, orwo otanyangira mwana wawe, omwana wawe omumoi.” 13Aburahamu kugya kunaga amaisho enyumaye abona empaya y'entaama, amahembe gayo gakwatire omu kishaka. Agenda akwata empaya egyo, agitamba ekitambo ky'okwokibwa aha mwanya gw'omutabani. 14Aho omwanya ogwo agweta Yehovayire, nk'okwo gulikwetwa na kir'eki, nikyo bagambira bati, “Aha ibanga ly'Omukama ekitambo kirazoka.”
15Omumalaika w'Omukama ayeta Aburahamu omurundi gwa kabili ayemire omw'iguru, 16nagamba ati, “N'inyerahira obuso bwange, alikugamba ninye Omukama. Orwo wakor'otyo otayangira mwana wawe omumoi, 17mazima ndikuha omugisha, baijukuru bawe mbakanyise nk'enyanyinyi z'aha iguru; mbahindure bangi nk'omushenye gw'omwegego gw'enyanja. Baijukuru bawe abo balitera ekigo ky'ababisha babo, babatware. 18Kandi omuli baijukuru bawe nimwo amahanga gona g'ensi galiherwa omugisha, aha rw'okuba wahulira ekyo nakuragira.” 19Aburahamu agaruka agoba abairube, baimukya bagenda hamoi Berisheba, aba nimwo atura.
Oruzaro rwa Nahori
20Ebi kabyabaire byahoire bagambira Aburahamu bati, “Murumuna wawe Nahori akazara abaana ahali Milika. 21Omuzigaijo ni Uzi, nahonderwaho omurumuna Buzi na Kemueli ishe Aramu. 22Abarumuna abandi ni Kesedi, Hazo, Pilidashi, Yidilafu na Betueli.” 23Betueli niwe ishe Rebeka. Aba munana nibo Nahori murumuna Aburahamu yazaire ahali Milika. 24Kandi ensholekeye eyayetwaga Reuma ekazara Teba, Gahamu, Tahashi na Maka.
Currently Selected:
Embandizo 22: RHAY01
Highlight
Share
Copy
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.
Embandizo 22
22
Ruhanga naragira Aburahamu kutamba Isaka
1Ebyo kabyahoire, Ruhanga alenga Aburahamu; amweta ati, “Aburahamu.” Ogu ahorora ati, “Kaboneke waitu!” 2Ruhanga amugambira ati, “Okwate Isaka mutabani wawe omumoi, omugonzibwa wawe, ogende omu nsi ya Moria, omutambe ekitambo ky'okwokibwa aha ibanga limoiho elyo ndakugambira.” 3Aho Aburahamu aimuka bwankya karai, ayara endogobeye, agendaho n'abairu babili n'omutabani Isaka. Ayasa enkwi z'okwokesa ekitambo, aimukya, agenda mbali Ruhanga yabaire amugambiire. 4Aha kiro kya kashatu Aburahamu kunaga amaisho alengera mbali yabaire nagya. 5Nikwo kugambira abairube ati, “Mwikare aha n'endogobe, inye n'omwana tugye kulinya tufukame, turagaruka tubashangeho.” 6Aburahamu akwata enkwi z'okwokesa ekitambo azitweka omutabani Isaka. Atwara omuliro n'omuhyo, bombili bagenda hamoi. 7Isaka ayeta Aburahamu ishe ati, “Tata!” Ishe amuhorora ati, “Ndi aha mwana wange.” Amubaza ati, “Twina omuliro n'enkwi, kyonkai entaama y'ekitambo ky'okwokibwa elihai?” 8Aburahamu amuhorora ati, “Mwana wange, Ruhanga wenene arayezolera entaama y'ekitambo ky'okwokibwa.” Aho bombili bagenda hamoi.
9Kabagobire mbali Ruhanga yabaire amugambiire, Aburahamu ayombekaho ealutare, atahoge enkwi, aboha omutabani Isaka, amuta ahali ealutare aha nkwi eiguru. 10Akwata omuhyo, aimukya omukono kwita omutabani. 11Nawe omumalaika w'Omukama amweta ayemire omw'iguru ati, “Aburahamu, Aburahamu!” Ndi ogu ayetaba ati, “Kaboneke waitu!” 12Omumalaika amugambira ati, “Otaziza mukono aha mwana anga kumukoraho kyona kyona; mbwenu namanya okw'otina Ruhanga, orwo otanyangira mwana wawe, omwana wawe omumoi.” 13Aburahamu kugya kunaga amaisho enyumaye abona empaya y'entaama, amahembe gayo gakwatire omu kishaka. Agenda akwata empaya egyo, agitamba ekitambo ky'okwokibwa aha mwanya gw'omutabani. 14Aho omwanya ogwo agweta Yehovayire, nk'okwo gulikwetwa na kir'eki, nikyo bagambira bati, “Aha ibanga ly'Omukama ekitambo kirazoka.”
15Omumalaika w'Omukama ayeta Aburahamu omurundi gwa kabili ayemire omw'iguru, 16nagamba ati, “N'inyerahira obuso bwange, alikugamba ninye Omukama. Orwo wakor'otyo otayangira mwana wawe omumoi, 17mazima ndikuha omugisha, baijukuru bawe mbakanyise nk'enyanyinyi z'aha iguru; mbahindure bangi nk'omushenye gw'omwegego gw'enyanja. Baijukuru bawe abo balitera ekigo ky'ababisha babo, babatware. 18Kandi omuli baijukuru bawe nimwo amahanga gona g'ensi galiherwa omugisha, aha rw'okuba wahulira ekyo nakuragira.” 19Aburahamu agaruka agoba abairube, baimukya bagenda hamoi Berisheba, aba nimwo atura.
Oruzaro rwa Nahori
20Ebi kabyabaire byahoire bagambira Aburahamu bati, “Murumuna wawe Nahori akazara abaana ahali Milika. 21Omuzigaijo ni Uzi, nahonderwaho omurumuna Buzi na Kemueli ishe Aramu. 22Abarumuna abandi ni Kesedi, Hazo, Pilidashi, Yidilafu na Betueli.” 23Betueli niwe ishe Rebeka. Aba munana nibo Nahori murumuna Aburahamu yazaire ahali Milika. 24Kandi ensholekeye eyayetwaga Reuma ekazara Teba, Gahamu, Tahashi na Maka.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.