Embandizo 25
25
Okufa kwa Aburahamu
1Aburahamu ashwera omukazi ondijo eibaralye Ketura. 2Amuzaraho Zimurani, Yokishani, Medani, Midiani, Ishibaki na Shua. 3Yokishani azara Sheba na Dedani. Baijukuru ba Dedani nibo Abashuri, Abaletushi n'Abaleumi. 4Batabani ba Midiani ni Efa, Eferi, Hanoki, Abidana Elidaa. Aba bona baijukuru ba Ketura.
5Aburahamu akaha Isaka ebye byona. 6Kyonkai abaana b'ensholekeze, Aburahamu akabaha obuntu buke buke, yashuba yababinga akyarora. Yabataishurana n'omutabani Isaka, bagenda bolekeire oburugaizoba omu nsi ya Kedemu.
7Aburahamu akarora emyaka kikumi mwo nshanju n'etanu, ebyo nibyo birobye. 8Afa, agwa omu bugurusi obugundu, omugurusi w'emyaka nyingi. 9Abatabani Isaka na Ishimaeli bamuziika omu mpako ya Makapela omu nsi ya Efuroni mutabani wa Zohari Omuhiti, omu bwolekera bwa Mamure. 10Niyo nsi eyo Aburahamu yaguzire aha Bahiti, aba nimwo aziikwa na mukaziwe Sara. 11Kayabaire yafire, Ruhanga atunga omutabani Isaka omugisha. Isaka atura Berilahairoi.
12Aba nibo baana ba Ishimaeli eya Aburahamu owo yazaire ahali Hagari Omumisirikazi, Hagari omuzana wa Sara. 13Amabara gabo nk'okwo balikukuratana nig'aga: Nebayoti omuzigaijogwe, Kedari, Andeeli, Mibusamu; 14Mishima, Deuma, Masa; 15Hadadi, Tema, Yeturi, Nafishi na Kedema. 16Nibo batabani ba Ishimaeli n'amabara gabo, baish'enkuru enganda ikumi na ibili. Ebyaro byabo n'ensisira zabo byayetwaga amabara gabo. 17Oburora bwa Ishimaeli myaka kikumi mwo makumi gashatu na mushanju. Aho afa. 18Baijukurube baturaga omugati ya Havila na Shuri; ensi egyo elebangaine na Misiri omu bwolekera bwa Asiria. Kandi wenene yaturaga ayeshumbire abarumuna bona.
Okuzarwa kwa Esau na Yakobo
19Aba nibo baijukuru ba Isaka mutabani wa Aburahamu. 20Isaka kugya kushwera Rebeka muhara wa Betueli Omuaramea wa Padaniaramu, Rebeka munyanya Labani, akaba aina emyaka makumi ganai. 21Omukazi kayabuzirwe oruzaro yamushabira aha Mukama. Omukama yahulira ensharaye, mukaziwe Rebeka atwara enda. 22Ashangwa aina enda z'abarongo, bamurwanira omu nda. Aho ayebaza ati, “Kabili biti, nindora kugira ntai?” Kityo agya kubaza aha Mukama. 23Omukama amugambira ati,
“Amahanga gabili gakuli omunda,
n'enganda ibili ez'orazara zirasingangana.
Oruganda orumoi ruragira amani kushaga orundi,
kandi omukuru alikolera omuto.”
24Orwo akanya k'okuzara kahikire, nirwo yamanyire okwo yabaire aina enda z'abarongo. 25Owa mbere aturuka natukura, omubili gwona nigushusha ekijwaro ky'omushenshe; bamuruka eibara Esau. 26Ahanyuma omurumuna aturuka akwete Esau ekisinziro. Nikwo kurukwa eibara Yakobo. Isaka akaba aina emyaka nkaga orwo mukaziwe yabazara.
Esau naguza obuzigaijobwe
27Abaana kabakuzire Esau yaba muhigi omubuya, muntu w'eirungu; kandi Yakobo yabaga muchulezi, yaikaraga omu mahema. 28Isaka yagonzaga muno Esau, okuba yashemelerwaga enyamaze z'omuhigo, kandi Rebeka yagonzaga muno Yakobo.
29Ekiro kimoi orwo Yakobo yabaire nachumba oruhilili rw'amashaza, Esau aruga omw'irungu enjara emuli kubi. 30Agambira Yakobo ati, “Mpa oruhilili rulikutukura orwo ndyeho, aha rw'okuba enjara endi kubi.” (Nikyo yayeteirwe Edomu#25:30 Edomu Nikwo kugamba kuti: Alikutukura.). 31Yakobo amushubamu ati, “Obanze onguze obuzigaijo bwawe.” 32Esau amuhorora ati, “Leba, inye ndi haihi kufa, obuzigaijo nibwija kungashaki?” 33Yakobo amugambira ati, “Obanze onnahilire.” Aho Esau amunahilira, ashuba amuguza obuzigaijobwe. 34Ahanyuma Yakobo aha Esau omukate n'oruhilili rw'amashaza; alya, anywa, amara akwata omuhanda agenda. Nikwo Esau yagahire atyo obuzigaijobwe.
Currently Selected:
Embandizo 25: RHAY01
Highlight
Share
Copy
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.
Embandizo 25
25
Okufa kwa Aburahamu
1Aburahamu ashwera omukazi ondijo eibaralye Ketura. 2Amuzaraho Zimurani, Yokishani, Medani, Midiani, Ishibaki na Shua. 3Yokishani azara Sheba na Dedani. Baijukuru ba Dedani nibo Abashuri, Abaletushi n'Abaleumi. 4Batabani ba Midiani ni Efa, Eferi, Hanoki, Abidana Elidaa. Aba bona baijukuru ba Ketura.
5Aburahamu akaha Isaka ebye byona. 6Kyonkai abaana b'ensholekeze, Aburahamu akabaha obuntu buke buke, yashuba yababinga akyarora. Yabataishurana n'omutabani Isaka, bagenda bolekeire oburugaizoba omu nsi ya Kedemu.
7Aburahamu akarora emyaka kikumi mwo nshanju n'etanu, ebyo nibyo birobye. 8Afa, agwa omu bugurusi obugundu, omugurusi w'emyaka nyingi. 9Abatabani Isaka na Ishimaeli bamuziika omu mpako ya Makapela omu nsi ya Efuroni mutabani wa Zohari Omuhiti, omu bwolekera bwa Mamure. 10Niyo nsi eyo Aburahamu yaguzire aha Bahiti, aba nimwo aziikwa na mukaziwe Sara. 11Kayabaire yafire, Ruhanga atunga omutabani Isaka omugisha. Isaka atura Berilahairoi.
12Aba nibo baana ba Ishimaeli eya Aburahamu owo yazaire ahali Hagari Omumisirikazi, Hagari omuzana wa Sara. 13Amabara gabo nk'okwo balikukuratana nig'aga: Nebayoti omuzigaijogwe, Kedari, Andeeli, Mibusamu; 14Mishima, Deuma, Masa; 15Hadadi, Tema, Yeturi, Nafishi na Kedema. 16Nibo batabani ba Ishimaeli n'amabara gabo, baish'enkuru enganda ikumi na ibili. Ebyaro byabo n'ensisira zabo byayetwaga amabara gabo. 17Oburora bwa Ishimaeli myaka kikumi mwo makumi gashatu na mushanju. Aho afa. 18Baijukurube baturaga omugati ya Havila na Shuri; ensi egyo elebangaine na Misiri omu bwolekera bwa Asiria. Kandi wenene yaturaga ayeshumbire abarumuna bona.
Okuzarwa kwa Esau na Yakobo
19Aba nibo baijukuru ba Isaka mutabani wa Aburahamu. 20Isaka kugya kushwera Rebeka muhara wa Betueli Omuaramea wa Padaniaramu, Rebeka munyanya Labani, akaba aina emyaka makumi ganai. 21Omukazi kayabuzirwe oruzaro yamushabira aha Mukama. Omukama yahulira ensharaye, mukaziwe Rebeka atwara enda. 22Ashangwa aina enda z'abarongo, bamurwanira omu nda. Aho ayebaza ati, “Kabili biti, nindora kugira ntai?” Kityo agya kubaza aha Mukama. 23Omukama amugambira ati,
“Amahanga gabili gakuli omunda,
n'enganda ibili ez'orazara zirasingangana.
Oruganda orumoi ruragira amani kushaga orundi,
kandi omukuru alikolera omuto.”
24Orwo akanya k'okuzara kahikire, nirwo yamanyire okwo yabaire aina enda z'abarongo. 25Owa mbere aturuka natukura, omubili gwona nigushusha ekijwaro ky'omushenshe; bamuruka eibara Esau. 26Ahanyuma omurumuna aturuka akwete Esau ekisinziro. Nikwo kurukwa eibara Yakobo. Isaka akaba aina emyaka nkaga orwo mukaziwe yabazara.
Esau naguza obuzigaijobwe
27Abaana kabakuzire Esau yaba muhigi omubuya, muntu w'eirungu; kandi Yakobo yabaga muchulezi, yaikaraga omu mahema. 28Isaka yagonzaga muno Esau, okuba yashemelerwaga enyamaze z'omuhigo, kandi Rebeka yagonzaga muno Yakobo.
29Ekiro kimoi orwo Yakobo yabaire nachumba oruhilili rw'amashaza, Esau aruga omw'irungu enjara emuli kubi. 30Agambira Yakobo ati, “Mpa oruhilili rulikutukura orwo ndyeho, aha rw'okuba enjara endi kubi.” (Nikyo yayeteirwe Edomu#25:30 Edomu Nikwo kugamba kuti: Alikutukura.). 31Yakobo amushubamu ati, “Obanze onguze obuzigaijo bwawe.” 32Esau amuhorora ati, “Leba, inye ndi haihi kufa, obuzigaijo nibwija kungashaki?” 33Yakobo amugambira ati, “Obanze onnahilire.” Aho Esau amunahilira, ashuba amuguza obuzigaijobwe. 34Ahanyuma Yakobo aha Esau omukate n'oruhilili rw'amashaza; alya, anywa, amara akwata omuhanda agenda. Nikwo Esau yagahire atyo obuzigaijobwe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.