Embandizo 26
26
Isaka na Abimeleki
1Omu makiro ago haija habaho eifa, litali lilinya elyabaireho omu biro bya Aburahamu. Isaka agenda Gerari owa Abimeleki omukama w'Abafilisiti. 2Omukama Ruhanga amubonekera amugambira ati, “Otasagya Misiri; oture omu nsi eyo ndakugambira. 3Ofurukire omu nsi egi, inye ndakwemera. Ndakuha n'omugisha aha rw'okuba ensi ezi zona ndizikuha iwe na baijukuru bawe. Ekyo nanahiliire sho Aburahamu ndikigobesheleza. 4Ndikuha abaijukuru bangi nk'enyanyinyi z'aha iguru, mbahe n'ensi ezi zona. Omuli baijukuru bawe bonene abo nimwo amahanga gona g'ensi galiherwa omugisha. 5Aha rw'okuba Aburahamu akampulira, yahikya omuku gwange, emihango yange, ebiragiro byange n'amateka gange.”
6Nikwo Isaka kutura Gerari. 7Abantu bamwo kabamubalize mukaziwe abagambira ati, “Ni munyanyazi.” Okugamba atyo akatina kugamba ati, “Ni mukazi wange,” ayeligomirwe abantu bamwo bataija bakamwita nibamutura Rebeka, enshonga akaba ali murungi. 8Kayabaire yaikaireyo ebiro, Abimeleki omukama w'Abafilisiti, aleba omw'idirisha abona Isaka nashungisa Rebeka mukaziwe. 9Ayeta Isaka amugambira ati, “Rebeka ni mukazi wawe, kubaki ogambire oti, ‘Ni munyanyazi?’ ” Isaka amugambira ati, “Aha rw'okuba ntinire ntaija nkafa nkazira wenene.” 10Abimeleki amubaza ati, “Otukozireki eki? Omuntu yakubyamire na mukazi wawe, otuletera entambara.” 11Aho Abimeleki atatira abantu bona ati, “Weena wena arakora aha mushaija ogu anga ahali mukaziwe, bamwite.”
12Isaka abiba embibo omu nsi egyo. Omu mwaka gwonene ogwo ebyo yagesire bikashaga emirundi kikumi y'ebyo yabibire, aha rw'okuba Omukama akamutunga omugisha. 13Aba mushongore, atunga aganagana. 14Atunga amahyo g'entaama n'ag'ente, atunga n'abairu bangi, nangu n'Abafilisiti bamuchubira. 15Abafilisiti bakaba baigaire amaziba bagaijwize eitaka. Amaziba ago abairu ba ishe bakaba bagalimire omu biro bya Aburahamu. 16Abimeleki agambira Isaka ati, “Oturugemu, aha rw'okuba notushaga muno amani.”
17Ahanyuma Isaka arugayo asisira omu Ruhanga rwa Gerari, atura omwo. 18Amaziba g'amaizi agabaire galimirwe omu biro bya Aburahamu ishe, agalima buhya ahakuba Abafilisiti bakaba bagaigaire orwo Aburahamu yamazire kufa. Ashuba agaruka amabara ago ishe yabaire agarukire. 19Ahanyuma abairube balima eiziba elindi omu ruhanga litabuka amaizi, 20nikwo abashumba ba Gerari kubarwanisa bati, “Amaizi aga gaitu.” Aho Isaka ayeta eibara elyo Eseki, aha rw'okuba bakamwombesa. 21Balima eiziba elindi nalyo balikunganira, aha rw'ekyo aliruka eibara Sitina. 22Aruga okwo alima eiziba elindi, elyo tibalikunganiire; alyeta Rehoboti nagamba ati, “Aha rw'okuba Omukama yatutunga obweyagaruliro, tulizara tukanye omu nsi egi.”
23Aruga okwo atemba Berisheba. 24Omukama amuhabukira omu kiro kyonene, agamba ati, “N'inye Ruhanga wa sho Aburahamu, otatina kuba ndi hamoi na iwe, ndikuha omugisha, mara ndikanyisa baijukuru bawe aha rw'omwiru wange Aburahamu.” 25Isaka ayombekaho ealutare, atakira eibara Omukama. Atera eihemalye, n'abairube balimaho eiziba.
26Abimeleki aruga Gerari hamoi na Ahuzati, omuhanuziwe na Fikoli omukuru w'eihelye, agenda owa Isaka. 27Isaka ababaza ati, “Mwaletwaki omwange, okwo nimumanya okwo mulikunoba mara mukambinga owanyu?” 28Bamuhorora bati, “Nitubona kabutekire okwo Omukama akwemiremu; aha rw'ekyo nitugamba tuti tunahire iwe na ichwe, mara tukore endagano, 29okwo otatukore kubi, nk'okwo ichwe tutakukozireho kantu kabi shana tukakukora kurungi, twakutaishura omu milembe. Mbwenu iwe oli kilimugisha w'Omukama.” 30Isaka abakolera obugenyi, balya, banywa. 31Baimuka bwankya karai banahilirangana. Isaka abashendekeleza, bamurugaho bagenda omu milembe. 32Kiro kyonene ekyo abairu ba Isaka baija bamugambira eiziba elyo babaire balimire, bati, “Twabona amaizi.” 33Alyeta Shiba; kwema aho n'eibara ly'ekigo ni Berisheba kuhika kir'eki.
Esau nashwera omu Bakanaani
34Esau kayabaire aina emyaka makumi ganai, ashwera Yuditi muhara wa Beri Omuhiti, na Basemati muhara wa Eloni Omuhiti. 35Abakazi abo bakashasa Isaka na Rebeka.
Currently Selected:
Embandizo 26: RHAY01
Highlight
Share
Copy
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.
Embandizo 26
26
Isaka na Abimeleki
1Omu makiro ago haija habaho eifa, litali lilinya elyabaireho omu biro bya Aburahamu. Isaka agenda Gerari owa Abimeleki omukama w'Abafilisiti. 2Omukama Ruhanga amubonekera amugambira ati, “Otasagya Misiri; oture omu nsi eyo ndakugambira. 3Ofurukire omu nsi egi, inye ndakwemera. Ndakuha n'omugisha aha rw'okuba ensi ezi zona ndizikuha iwe na baijukuru bawe. Ekyo nanahiliire sho Aburahamu ndikigobesheleza. 4Ndikuha abaijukuru bangi nk'enyanyinyi z'aha iguru, mbahe n'ensi ezi zona. Omuli baijukuru bawe bonene abo nimwo amahanga gona g'ensi galiherwa omugisha. 5Aha rw'okuba Aburahamu akampulira, yahikya omuku gwange, emihango yange, ebiragiro byange n'amateka gange.”
6Nikwo Isaka kutura Gerari. 7Abantu bamwo kabamubalize mukaziwe abagambira ati, “Ni munyanyazi.” Okugamba atyo akatina kugamba ati, “Ni mukazi wange,” ayeligomirwe abantu bamwo bataija bakamwita nibamutura Rebeka, enshonga akaba ali murungi. 8Kayabaire yaikaireyo ebiro, Abimeleki omukama w'Abafilisiti, aleba omw'idirisha abona Isaka nashungisa Rebeka mukaziwe. 9Ayeta Isaka amugambira ati, “Rebeka ni mukazi wawe, kubaki ogambire oti, ‘Ni munyanyazi?’ ” Isaka amugambira ati, “Aha rw'okuba ntinire ntaija nkafa nkazira wenene.” 10Abimeleki amubaza ati, “Otukozireki eki? Omuntu yakubyamire na mukazi wawe, otuletera entambara.” 11Aho Abimeleki atatira abantu bona ati, “Weena wena arakora aha mushaija ogu anga ahali mukaziwe, bamwite.”
12Isaka abiba embibo omu nsi egyo. Omu mwaka gwonene ogwo ebyo yagesire bikashaga emirundi kikumi y'ebyo yabibire, aha rw'okuba Omukama akamutunga omugisha. 13Aba mushongore, atunga aganagana. 14Atunga amahyo g'entaama n'ag'ente, atunga n'abairu bangi, nangu n'Abafilisiti bamuchubira. 15Abafilisiti bakaba baigaire amaziba bagaijwize eitaka. Amaziba ago abairu ba ishe bakaba bagalimire omu biro bya Aburahamu. 16Abimeleki agambira Isaka ati, “Oturugemu, aha rw'okuba notushaga muno amani.”
17Ahanyuma Isaka arugayo asisira omu Ruhanga rwa Gerari, atura omwo. 18Amaziba g'amaizi agabaire galimirwe omu biro bya Aburahamu ishe, agalima buhya ahakuba Abafilisiti bakaba bagaigaire orwo Aburahamu yamazire kufa. Ashuba agaruka amabara ago ishe yabaire agarukire. 19Ahanyuma abairube balima eiziba elindi omu ruhanga litabuka amaizi, 20nikwo abashumba ba Gerari kubarwanisa bati, “Amaizi aga gaitu.” Aho Isaka ayeta eibara elyo Eseki, aha rw'okuba bakamwombesa. 21Balima eiziba elindi nalyo balikunganira, aha rw'ekyo aliruka eibara Sitina. 22Aruga okwo alima eiziba elindi, elyo tibalikunganiire; alyeta Rehoboti nagamba ati, “Aha rw'okuba Omukama yatutunga obweyagaruliro, tulizara tukanye omu nsi egi.”
23Aruga okwo atemba Berisheba. 24Omukama amuhabukira omu kiro kyonene, agamba ati, “N'inye Ruhanga wa sho Aburahamu, otatina kuba ndi hamoi na iwe, ndikuha omugisha, mara ndikanyisa baijukuru bawe aha rw'omwiru wange Aburahamu.” 25Isaka ayombekaho ealutare, atakira eibara Omukama. Atera eihemalye, n'abairube balimaho eiziba.
26Abimeleki aruga Gerari hamoi na Ahuzati, omuhanuziwe na Fikoli omukuru w'eihelye, agenda owa Isaka. 27Isaka ababaza ati, “Mwaletwaki omwange, okwo nimumanya okwo mulikunoba mara mukambinga owanyu?” 28Bamuhorora bati, “Nitubona kabutekire okwo Omukama akwemiremu; aha rw'ekyo nitugamba tuti tunahire iwe na ichwe, mara tukore endagano, 29okwo otatukore kubi, nk'okwo ichwe tutakukozireho kantu kabi shana tukakukora kurungi, twakutaishura omu milembe. Mbwenu iwe oli kilimugisha w'Omukama.” 30Isaka abakolera obugenyi, balya, banywa. 31Baimuka bwankya karai banahilirangana. Isaka abashendekeleza, bamurugaho bagenda omu milembe. 32Kiro kyonene ekyo abairu ba Isaka baija bamugambira eiziba elyo babaire balimire, bati, “Twabona amaizi.” 33Alyeta Shiba; kwema aho n'eibara ly'ekigo ni Berisheba kuhika kir'eki.
Esau nashwera omu Bakanaani
34Esau kayabaire aina emyaka makumi ganai, ashwera Yuditi muhara wa Beri Omuhiti, na Basemati muhara wa Eloni Omuhiti. 35Abakazi abo bakashasa Isaka na Rebeka.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.