1 Vakorinto 13
13
Ukundi lwa dede
1Na kwakooya sharera na fishomu fya vandu na fya varumi va iruveeu, shanra shilatira ukundi mmbo shava sha ipengele lyishoonaa. 2Lyingyi shawona yaawuya fisuku, neemanya fyoose na urango loose, na shitire kikusiryo kivangyi kutani shaidima isamisa mafumbu, shilatiri ukundi efyo nshikindo kwakwafo. 3Lyingyi shuute mwiili wakwa ukorwa na muro, shilatiri ukundi, nkyashuukyau kindo-fo. 4Ikunda mmbo lyisisirya, lyikalyillya; ukundi llutiri ukasha-fo; nta llutiraa kififi-fo llukurosaa-fo; 5lluturaa wiindi-fo; lluruyaa findo fyavayo weni-fo, nta lluvavioo-fo, llwekenaa makasha-fo, 6mmbo lwiirikyaa fyoose, mmbo luvikaa nsia kya fyoose, 7mmbo lusisiryaa fyoose. 8Ukundi llwangwa-u kindo nta kyeeri kimwi-fo. Yaawuya fisuku lyikaa lyimande, na fishomu fishemandaa, na ngyurango tishevaa ruu. 9Shamashika mmbo lwamanya na kyeeso, na yaawuya fisuku na kyeeso-da. 10Lyo kyeeri ekyo kimaye, kilya kya kyeeso mmbo kishevaa ruu. 11Kyeeri shekee mwana ndu mmbo shereraa sha mwana nndu, shawemannya sha mwana ndu, shevekusaraa sha mwana ndu, kipookya yoo shileva ndu nniini, mmbo shanra mbony ta kimwana. 12Mashika kyeeri eki kya ulalu mmbo lulollye sha kiyoony kikava sha kyaaso. Kyeeri ekyo mmbo lushelollya kisangu na kisangu. Kyeeri eki kya ulaalu mmbo shamanya kyenga, kyeeri ekyo mmbo nshemanyaa deny shaasa neeny shiishiwa nnu. 13Naasany ulaalu mmbo kwasaa-u kikusiryo, ivika nsia, ukundi, efi firaru. Na nnang'ani ya efyo kiilanyi fyoose ni ukundi.
Currently Selected:
1 Vakorinto 13: MASNT00
Highlight
Share
Compare
Copy
Want to have your highlights saved across all your devices? Sign up or sign in
New Testament in Kimashami © Bible Society of Tanzania, 2000.