Mashora 3
3
Yohane na Petro vashiisa nndu umwi kitongororo
1Nkonu umwi Petro na Yohane mmbo vekeenda mmba ya Iruva indetereva, kyeeri kya saa kyeenda. 2Na nndu umwi ekee kitongororo malungo ukya iwonika eeriwa mmbandu, veembikaa yoo mwangony uvaangwaa “Nsha” wa mmba ya Iruva wo nkonu, naambo natereve ngarami kwa vandu yewo vakeanga kulya mmba. 3Nndu yeu kyeeri alelollya Petro na Yohane veshangaa na mmba ya Iruva katereva vanninge kindo. 4Petro na Yohane vakambikya miso swaa, vakammbia, “Lulole yese.” 5Kavalola, evikye nsia mmbo awonisaa kindo kwawo. 6Kyaindi Petro kammbia, “Yeny nshitiri fesa nta saabu-fo lyo ekyo shitiri nkyo nkuningaa, Na irina lya Yesu wa Nasareti, salala kweenda.” 7Kantira woko usha kamwipoo, ngyayo takwe na malungo akwe akavanga. 8Kakupoo shu kasalala, kapooka yeenda kaanga mmba ya Iruva eriani nawo, keenda eshongashongaa erumishaa Iruva. 9Vandu woose vakalollya shaasa ekeenda erumishaa Iruva. 10Vakamanya mmbwe ulya ekee alya mwangony “Nsha” eterevaa, vakasongololo neefulukyo kyeefyo filentanyikya.
Miloshye ya Petro
11Naasa kyeeri eriani na Petro na Yohane, vandu woose vakakuumbya yoo vakai yoo kari kavangwa ni “Kari ka Salmoni,” vakafulukyo deny. 12Petro ekyilollya indo kavavia, “Eni Vaisraeli, Nkyiki elyi mwafulukyo nkya efi, mukaveluvikya miso yese, sheelyi ni yese na finya yeeru lweedimisya nayo nndu yeu neende, ao na usha lweru yese? 13Iruva wa Abrahamu na Isaki na Yakobo, Iruva wa vande veru mmbo aleng'anisa nsero wakwe Yesu, neeni mukandiingya neekana mbee ya Pilato, llya emmaa irummbwa nalekeyo. 14Neeni mukakana Mweele yeto, muni usumanu yeto, mukatereva muningyo mwiwaa; 15mukawaa Muni muu yeto, na mmbwe Iruva alenduta auka kwa vafu, neese lukee vakureeki vakwe. 16Kimaruma kyekusirya irina lyakwe, irina lyakwe llyo lyaninga nndu yeu mumwiishi, finya na kikusiryo ekyo kyenkusirya nkyo kyaninga nndu yeu muu shaasa mullolye yaa mbee yaany. 17Naasany, ulaalu vanavama, shiishi mmbo muletana efi kimaruma kya ilemwa imanya-da, shaasa na vasongoru vany valetana. 18Kyaindi mbony tilya Iruva uka kasha alevambisa na kana ka vakisuku vakwe woose, kyeamba Kristo wakwe ashelyiswaa ukiva, mmbo aleinutyo indo. 19Kuryeeny-te, mwiinduke, naambo ngyulyamari tany tiutwa, fishe fyeeri fyeellelisyo kimaruma kya Nndumi, 20narumi Kristo Yesu akee mmbike uka elyo mbee, 21kyikasenya nawaryo iruveeu kutani kwasha fyeeri fiiya fya findo fyoose ivikwa wiiya, fikee firere ni Iruva na kana ka vakisuku vakwe veele uka mapookyony a ulana. 22Mashika dede Mose aleamba sheeli, Nndumi waany ashemweengye nkisuku, efo ufyariny lwany, sha yeny, mwaranyiny we efyo fyoose ashemuviaa. 23Na wo nndu moose yeto araa nalaaranya nkisuku yeto mmbo asherumatwaa na ilakaniswaa na vandu vakwe. 24Yee, na vakisuku woose pookya Samweli na valya va numa yakwe, woose yewo, mmbo valeawuya mbony ta mikonu yei.” 25Yeni mmbo mukee vana va vakisuku na va fyaasa efyo, Iruva alevika na vande yewo vany, llya alevia Abrahamu, “Efo ufyariny lwafo mfo ngyufyari toose ta ulana tishevikywaa mbora. 26Iruva, llya alemaa iruta nsero wakwe Yesu, mmbo alesongwa inruma kwany, namulyimyi mbora eshiitaa maravi moose kwaasha neeni.”
Currently Selected:
Mashora 3: MASNT00
Highlight
Share
Copy
Want to have your highlights saved across all your devices? Sign up or sign in
New Testament in Kimashami © Bible Society of Tanzania, 2000.
Mashora 3
3
Yohane na Petro vashiisa nndu umwi kitongororo
1Nkonu umwi Petro na Yohane mmbo vekeenda mmba ya Iruva indetereva, kyeeri kya saa kyeenda. 2Na nndu umwi ekee kitongororo malungo ukya iwonika eeriwa mmbandu, veembikaa yoo mwangony uvaangwaa “Nsha” wa mmba ya Iruva wo nkonu, naambo natereve ngarami kwa vandu yewo vakeanga kulya mmba. 3Nndu yeu kyeeri alelollya Petro na Yohane veshangaa na mmba ya Iruva katereva vanninge kindo. 4Petro na Yohane vakambikya miso swaa, vakammbia, “Lulole yese.” 5Kavalola, evikye nsia mmbo awonisaa kindo kwawo. 6Kyaindi Petro kammbia, “Yeny nshitiri fesa nta saabu-fo lyo ekyo shitiri nkyo nkuningaa, Na irina lya Yesu wa Nasareti, salala kweenda.” 7Kantira woko usha kamwipoo, ngyayo takwe na malungo akwe akavanga. 8Kakupoo shu kasalala, kapooka yeenda kaanga mmba ya Iruva eriani nawo, keenda eshongashongaa erumishaa Iruva. 9Vandu woose vakalollya shaasa ekeenda erumishaa Iruva. 10Vakamanya mmbwe ulya ekee alya mwangony “Nsha” eterevaa, vakasongololo neefulukyo kyeefyo filentanyikya.
Miloshye ya Petro
11Naasa kyeeri eriani na Petro na Yohane, vandu woose vakakuumbya yoo vakai yoo kari kavangwa ni “Kari ka Salmoni,” vakafulukyo deny. 12Petro ekyilollya indo kavavia, “Eni Vaisraeli, Nkyiki elyi mwafulukyo nkya efi, mukaveluvikya miso yese, sheelyi ni yese na finya yeeru lweedimisya nayo nndu yeu neende, ao na usha lweru yese? 13Iruva wa Abrahamu na Isaki na Yakobo, Iruva wa vande veru mmbo aleng'anisa nsero wakwe Yesu, neeni mukandiingya neekana mbee ya Pilato, llya emmaa irummbwa nalekeyo. 14Neeni mukakana Mweele yeto, muni usumanu yeto, mukatereva muningyo mwiwaa; 15mukawaa Muni muu yeto, na mmbwe Iruva alenduta auka kwa vafu, neese lukee vakureeki vakwe. 16Kimaruma kyekusirya irina lyakwe, irina lyakwe llyo lyaninga nndu yeu mumwiishi, finya na kikusiryo ekyo kyenkusirya nkyo kyaninga nndu yeu muu shaasa mullolye yaa mbee yaany. 17Naasany, ulaalu vanavama, shiishi mmbo muletana efi kimaruma kya ilemwa imanya-da, shaasa na vasongoru vany valetana. 18Kyaindi mbony tilya Iruva uka kasha alevambisa na kana ka vakisuku vakwe woose, kyeamba Kristo wakwe ashelyiswaa ukiva, mmbo aleinutyo indo. 19Kuryeeny-te, mwiinduke, naambo ngyulyamari tany tiutwa, fishe fyeeri fyeellelisyo kimaruma kya Nndumi, 20narumi Kristo Yesu akee mmbike uka elyo mbee, 21kyikasenya nawaryo iruveeu kutani kwasha fyeeri fiiya fya findo fyoose ivikwa wiiya, fikee firere ni Iruva na kana ka vakisuku vakwe veele uka mapookyony a ulana. 22Mashika dede Mose aleamba sheeli, Nndumi waany ashemweengye nkisuku, efo ufyariny lwany, sha yeny, mwaranyiny we efyo fyoose ashemuviaa. 23Na wo nndu moose yeto araa nalaaranya nkisuku yeto mmbo asherumatwaa na ilakaniswaa na vandu vakwe. 24Yee, na vakisuku woose pookya Samweli na valya va numa yakwe, woose yewo, mmbo valeawuya mbony ta mikonu yei.” 25Yeni mmbo mukee vana va vakisuku na va fyaasa efyo, Iruva alevika na vande yewo vany, llya alevia Abrahamu, “Efo ufyariny lwafo mfo ngyufyari toose ta ulana tishevikywaa mbora. 26Iruva, llya alemaa iruta nsero wakwe Yesu, mmbo alesongwa inruma kwany, namulyimyi mbora eshiitaa maravi moose kwaasha neeni.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament in Kimashami © Bible Society of Tanzania, 2000.