Mashora 4
4
Petro na Yohane varawa kifingyony
1Kyeeri vekee irera na vandu yewo, makohani na nsongoru wa mmba ya Iruva na Vasadukayo vakavasheya, 2vakaereve nnu kimaruma kya elyi vakeelosha vandu na ivambisa mbony ta iruka lya Yesu auka kwa vafu. 3Vakavatira vakavarwaa kifingyony fika elyi lya ngama; mashika kwemmeva nkwaany. 4Llyo veengyi nnang'ani ya valya valeita irero elyo vakakusirya-u, na yekana lya vomi veni lyikafikya fiku firaanu.
5Elyi lya ngama vasongoru na vamiku na vaarya va fitabu vakakusanyirya alya Yerusalemu, 6na Anasi Nkohani nniini, na Kayafa-da na Yohane na Iskanda, na woose valya vekee va kwa Nkohani nniini. 7Kyeeri valevasaleesa yoo nnang'ani, vakavavesa, Ni finya-ki na ni kwa irina lya vi mwatana nalyo yefi? 8Naasa Petro, eishwe Mumuyo Mweele, kavavia, “Yeni vaniini va vandu na vamiku va Israeli, 9kwakooya lwaveswa inu mbony ta kindo kisha nndu ulya mfwafwa aletanywa, na shaasa aleshiiswa, 10manyiny yeni moose na vandu woose va Israeli sheelyi ni irina lya Yesu wa Nasareti, ulya yeni mulenkabya nsalabeeu, na Iruva kanduta kooka kwa vafu, na irina elyo nndu yeu mmbo aselelyi yaa mbee yaany ekee nsha indi. 11We mmbwe iwe elyo lyikee iile ni veetana mmba, nalyo mmbo lyamevikwa lyive iwe lya ndumba. 12Nta nkwiifo ukiro kwa ungyi nta umwi-fo, mashika nkwiifo irina lyingyi kwasi ya ngina vandu vakee vaniinge vakirwa llyo-fo.”
13Naasa kyeeri valelollya ukaari lwa Petro na Yohane, neevamanya nshi vandu vasommyi nnu, valatiri urango, vakafulukywa, vakamanya mmbo vekee na Yesu. 14Na vekilollya nndu aleshiiswa esalalyi ando amwi nawo mbalekiidima irera-fo. 15Vakavaumbuta alya ikwaanuny lilya, numa vakarera wo veni na veni, 16vakaamba, “Lukatannya inda vandu yeva? Mashika vandu woose vakee Yerusalemu mmbo valelollya ni wende uniini luletano mmbo, nta llushidimaa ilema-fo. 17Llyo naambo kindo ekyi kilashekwaana vanduny, luvaimi deny neeverese valasherera lyingyi na nndu moose kwa irina elyi-fo.” 18Vakavavaanga, vakavaima deny valashelosha-se na irina lya Yesu. 19Petro na Yohane vakavavia, “Kwakooya ni usumanu mbee ya Iruva imwaaranya yeni ngota yaaranya Iruva, rumbweny yeni muveni; 20mashika yese llushidimaa ira lulaamba mbony eto lulelollya na itiita-fo.” 21Naasa vekimaa ivaerese lyingyi vakavaporomwa valalollye kimaruma kyevakapa, nyelyi valeereya vandu mashika vandu woose mmbo vekee irumisha Iruva kya efyo fyoose filetanyika. 22Mashika nndu ulya aletannywa wende elu etiri myaaka makumi aana.
Vakiloshyony va Yesu vatereva finya ya Iruva
23Llya valemaa iporomuwa, vakaenda kwa vandu vawo, vakavavia mbony toose tilya valevio ni vaniini va makohani na vamiku. 24Nawo vekiita, vakaonisya Iruva ngyunyanga tawo na nrima umwi nsi, vakaamba, “Nndumi ni yewe Iruva, nnyewe kutannyi iruveeu na ulana na yeeve na fyoose yefyo fiifo; 25kwi Mumuyo Mweele mmbo kulerera na kana ka ndeye weeru Davidi we nsero wafo kwaamba,
‘Ni inda vandu va masanga vakeyuushana.
Na vandu va ngyufyari ta vandu vakakusara-sara ruu.
26Vamangyi va ulana vankudeesya
na vasongoru vamfisha kyama.
Uwe ya Nndumi na uwe ya Kristo wakwe.’ ”
27“Mashika ni dede, Herode na Pontio Pilato ando amwi na vandu va masanga na vandu va Israeli mmbo valekusanyirya yaa muriny yeu kimaruma kya nsero wafo mweele Yesu, yeto kulemwaamba mafura, 28naambo vatani fyoose efyo woko lwafo na wiidimi lwafo lwendeesya uka elyo mbee fitanyike. 29Naasa, woi Nndumi ulaalu kulole wiitiki elo lwawo, kwidimisye mashinga afo yaamba irero lyafo na ukaari, 30kuveorwa woko lwafo kushiise, ngyende na myoorye fitanyike na irina lya Mwana wafo Yesu.” 31Vekimaa itereva Iruva, ando alya vekai kukarinyiswa, woose vakaishurwa Mumuyo Mweele, vakaamba irero lya Iruva na ukaari.
Umwi wa vakiloshyony va Yesu
32Na ironda elyo lya vandu va kikusiryo vakatira nrima umwi nsi na ngoo imwi nta kulakae-fo nndu aamba kindo kyoose atiri nkyakwe muni; kyaindi findo fyoose vakaallwa fyawo woose. 33Na Varumi valya vakauta ukureekyi lwa iruka lya Yesu na finya shiniini, na mbora shiingyi tikakaa nawo woose. 34Nta nkulekaafo nndu umwi waawo aleting'wa nkindo; mashika woose yewo vetiri marema ao mmba mmbo valekumba, vakeende uuru lwa vayo; 35vakaniingya vakiloshony, wo nndu kaniingwa-u shaasa eekunndye. 36Na Yosefu ulya Llevi wa vakiloshyony valemfishya Barnaba, (kyeamba, “Nmwana wa Iviirya Muu.”) kwawo ni Kipro, 37etiri irema kalyikumba, keengye valya vakiloshyony fesa.
Currently Selected:
Mashora 4: MASNT00
Highlight
Share
Copy
Want to have your highlights saved across all your devices? Sign up or sign in
New Testament in Kimashami © Bible Society of Tanzania, 2000.
Mashora 4
4
Petro na Yohane varawa kifingyony
1Kyeeri vekee irera na vandu yewo, makohani na nsongoru wa mmba ya Iruva na Vasadukayo vakavasheya, 2vakaereve nnu kimaruma kya elyi vakeelosha vandu na ivambisa mbony ta iruka lya Yesu auka kwa vafu. 3Vakavatira vakavarwaa kifingyony fika elyi lya ngama; mashika kwemmeva nkwaany. 4Llyo veengyi nnang'ani ya valya valeita irero elyo vakakusirya-u, na yekana lya vomi veni lyikafikya fiku firaanu.
5Elyi lya ngama vasongoru na vamiku na vaarya va fitabu vakakusanyirya alya Yerusalemu, 6na Anasi Nkohani nniini, na Kayafa-da na Yohane na Iskanda, na woose valya vekee va kwa Nkohani nniini. 7Kyeeri valevasaleesa yoo nnang'ani, vakavavesa, Ni finya-ki na ni kwa irina lya vi mwatana nalyo yefi? 8Naasa Petro, eishwe Mumuyo Mweele, kavavia, “Yeni vaniini va vandu na vamiku va Israeli, 9kwakooya lwaveswa inu mbony ta kindo kisha nndu ulya mfwafwa aletanywa, na shaasa aleshiiswa, 10manyiny yeni moose na vandu woose va Israeli sheelyi ni irina lya Yesu wa Nasareti, ulya yeni mulenkabya nsalabeeu, na Iruva kanduta kooka kwa vafu, na irina elyo nndu yeu mmbo aselelyi yaa mbee yaany ekee nsha indi. 11We mmbwe iwe elyo lyikee iile ni veetana mmba, nalyo mmbo lyamevikwa lyive iwe lya ndumba. 12Nta nkwiifo ukiro kwa ungyi nta umwi-fo, mashika nkwiifo irina lyingyi kwasi ya ngina vandu vakee vaniinge vakirwa llyo-fo.”
13Naasa kyeeri valelollya ukaari lwa Petro na Yohane, neevamanya nshi vandu vasommyi nnu, valatiri urango, vakafulukywa, vakamanya mmbo vekee na Yesu. 14Na vekilollya nndu aleshiiswa esalalyi ando amwi nawo mbalekiidima irera-fo. 15Vakavaumbuta alya ikwaanuny lilya, numa vakarera wo veni na veni, 16vakaamba, “Lukatannya inda vandu yeva? Mashika vandu woose vakee Yerusalemu mmbo valelollya ni wende uniini luletano mmbo, nta llushidimaa ilema-fo. 17Llyo naambo kindo ekyi kilashekwaana vanduny, luvaimi deny neeverese valasherera lyingyi na nndu moose kwa irina elyi-fo.” 18Vakavavaanga, vakavaima deny valashelosha-se na irina lya Yesu. 19Petro na Yohane vakavavia, “Kwakooya ni usumanu mbee ya Iruva imwaaranya yeni ngota yaaranya Iruva, rumbweny yeni muveni; 20mashika yese llushidimaa ira lulaamba mbony eto lulelollya na itiita-fo.” 21Naasa vekimaa ivaerese lyingyi vakavaporomwa valalollye kimaruma kyevakapa, nyelyi valeereya vandu mashika vandu woose mmbo vekee irumisha Iruva kya efyo fyoose filetanyika. 22Mashika nndu ulya aletannywa wende elu etiri myaaka makumi aana.
Vakiloshyony va Yesu vatereva finya ya Iruva
23Llya valemaa iporomuwa, vakaenda kwa vandu vawo, vakavavia mbony toose tilya valevio ni vaniini va makohani na vamiku. 24Nawo vekiita, vakaonisya Iruva ngyunyanga tawo na nrima umwi nsi, vakaamba, “Nndumi ni yewe Iruva, nnyewe kutannyi iruveeu na ulana na yeeve na fyoose yefyo fiifo; 25kwi Mumuyo Mweele mmbo kulerera na kana ka ndeye weeru Davidi we nsero wafo kwaamba,
‘Ni inda vandu va masanga vakeyuushana.
Na vandu va ngyufyari ta vandu vakakusara-sara ruu.
26Vamangyi va ulana vankudeesya
na vasongoru vamfisha kyama.
Uwe ya Nndumi na uwe ya Kristo wakwe.’ ”
27“Mashika ni dede, Herode na Pontio Pilato ando amwi na vandu va masanga na vandu va Israeli mmbo valekusanyirya yaa muriny yeu kimaruma kya nsero wafo mweele Yesu, yeto kulemwaamba mafura, 28naambo vatani fyoose efyo woko lwafo na wiidimi lwafo lwendeesya uka elyo mbee fitanyike. 29Naasa, woi Nndumi ulaalu kulole wiitiki elo lwawo, kwidimisye mashinga afo yaamba irero lyafo na ukaari, 30kuveorwa woko lwafo kushiise, ngyende na myoorye fitanyike na irina lya Mwana wafo Yesu.” 31Vekimaa itereva Iruva, ando alya vekai kukarinyiswa, woose vakaishurwa Mumuyo Mweele, vakaamba irero lya Iruva na ukaari.
Umwi wa vakiloshyony va Yesu
32Na ironda elyo lya vandu va kikusiryo vakatira nrima umwi nsi na ngoo imwi nta kulakae-fo nndu aamba kindo kyoose atiri nkyakwe muni; kyaindi findo fyoose vakaallwa fyawo woose. 33Na Varumi valya vakauta ukureekyi lwa iruka lya Yesu na finya shiniini, na mbora shiingyi tikakaa nawo woose. 34Nta nkulekaafo nndu umwi waawo aleting'wa nkindo; mashika woose yewo vetiri marema ao mmba mmbo valekumba, vakeende uuru lwa vayo; 35vakaniingya vakiloshony, wo nndu kaniingwa-u shaasa eekunndye. 36Na Yosefu ulya Llevi wa vakiloshyony valemfishya Barnaba, (kyeamba, “Nmwana wa Iviirya Muu.”) kwawo ni Kipro, 37etiri irema kalyikumba, keengye valya vakiloshyony fesa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament in Kimashami © Bible Society of Tanzania, 2000.