Mashora 5
5
Wongo lwa Anania na Safira
1Kyaindi nndu umwi evangwaa Anania, ando amwi na nkaakwe Safira, mmbo ekumba masaa, 2kasuruma kyenga kya wuuru lwa vayo, na nkaakwe nawe kamanya ekyo, keende kyenga ekyo kakyiniingya Varumi ewo. 3Petro kavia Anania, “Nkyiki elyi mmbishwa akaya nrima wafo kwavia Mumuyo Mweele wongo, kwasuruma kirisi kyenga kya wuuru lwa irema? 4Kyeeri kyekee maakony afo kyekee-se kyafo? Na kyeeri ekyo kyemmaa ikumbwa, fesa ta vayo tekee-se ushilyiny lwafo? Mmbo kileva inda kwakunda itana kindo kya ngata yeyo? Nshi nndu wa vandu kulellemba-fo, ni Iruva.” 5Anania ekiita marero yoo kawa si kafwa. Weerei uniini lukatira vandu woose valeita mbony yei. 6Vasoro vakakwiipoo vakammbika sanda, vakansomuta vakandendika. 7Kyikyisia saa isaru numa nka nawe kasha, nalaishi kindo kyantanyika. 8Petro kammbesa, “Nkyeshivia, Nrema ilya mmbo mulekumba kwa wuuru elo dede?” Kaamba, “Yee, nkwa wuuru yelo.” 9Petro kammbia, “A mmbo kileva inda mukasanga amwi ilemba Mumuyo wa Nndumi? Lola-te, valya valerika mmi wafo vakuvereye mwaangony, nawo vakusomutaa neewe.” 10Llya yeni nawe kawa si yoo marendeny akwe kafwa; vasoro valya vakaanga vakakooya ammaa ifwa, vakansomuta, vakandika ando amwi na mmi wakwe. 11Weerei uniini lukatira Siri shoose na vandu woose valeita mbony yeti.
Varumi vatana ngyende niini
12Maakony a vakiloshyony tikatanyika ngyende na findo fyeyaawuta fingyi vanduny; nawo woose vakakaa na nrima umwi nsi efo kariny ka Solomon. 13Neewo veengyi woose nkwifoo nndu alekarya yeenda nawofo, kuuta ivarumisha tupu. 14Naasa valya valekusirya Nndumi vakaengereka, veengyi vomi na vaka; 15kutani vandu vasomuta vandu vawo valoe efo shia velele firaany, naambo Petro eshiraa, naakwa ni kirishe kyakwe kipaani umwi waawo. 16Nalyo maronda a vandu va miri ilya ikee kufii na Yerusalemu vakakusanyirya, vakeende vandu valoe, na valya vetirwa mmimuyo mikasha, nawo woose vakashiiswa.
Varumi vasisywa
17Nkohani nniini ando amwi na vandu vakwe, (yewo mmbo yewo va kyama kya Vasadukayo), vakaishwa nyashi, 18vakashetira Varumi yewo vakavavika kifingyony. 19Kyaindi Nsu wa Nndumi karua myaango ya kifingyony elyi kio kavasomuta-fo, kavavia, 20“Endeny salaleny mmba ya Iruva muvie vandu mbony ta Muu yeu.” 21Nawo vekiita indo vakaenda mmba ya Iruva nraasi, vakapooka ilosha.
Nkohani Nniini ando amwi na vandu vakwe vakasanyirya vandu va ikwaanuny na vamiku va vana va Israeli vakaruma vandu kulya kifingyony naambo vavaende. 22Kyeeri varundi vawo valefika-fo mbalevakooya-fo, vakawuya vavavie mbony, 23vakaamba, “Kifingyo nkiraye nisha, na varingyi vesalalyi mwaangony; lyo kyeeri lwarua llwakoyafo nta ndu-fo.” 24Kyasia nshilyi wa mmba ya Iruva na vaniini va makohani vekiita indo, vakatirwa nnyinyira kimaruma kyawo, kyeyaamba mmbo kivaa inda kindo ekyi. 25Nndu umwi kasha kavavia sheelyi, vandu valya mulevavika kifingyony ekawo vakee kulya mmba ya Iruva, vasalali-fo veeloshaa vandu. 26Lyo nshilyi ulya alekupoo ando amwi na varundi, vakaveende, lyo nshi na finya-fo, mashika valeereya vandu valashevakapa na mawe. 27Vekiveende vakavavika ikwaanuny. Nkohani Nniini kavavesa, 28kavavia, “Lulemwiima-se na finya deny, mulashelosha na irina elyi, lyo yeni mmbo mwammishura Yerusalemu yei ufundo lwany, neeni mmbo mukunndye samu ya nndu yeto iluvavye.” 29Petro na Varumi vakarouwa vakaamba, “Mmbo kilukooye lwiindye Iruva ngota vandu.” 30Iruva wa vande veru mmbo aleruta Yesu, yeto mulembwaa mumbambye nsalabeu. 31Nndu yeto Iruva mmbo aleng'anisa na woko lwakwe usha, nave nniini na Mwikira naniinge Vaisraeli ikurya na ifywayo kya ulyamari. 32Neese mmbo lukee vakureekyi va mbony eti, ando amwi na Mumuyo Mweele yeto Iruva aleniinga woose vakeemwindya. 33Naasa vekiita indo kikavakora miriminy yaawo, vakaumburana kyevawaa. 34Kyaindi nndu umwi Mfarisayo irina lyakwe evangwa Gamalieli, akee mwilosha mavavaso, nawe ni nndu eendyo mmbandu woose, kasalala alya ikwaanuny llya, kavavasya Varumi vavikwa poo kyaangu, 35llyo kavaviany, “Yeni womi va Israeli, kwiiseny shaasa mutannyaa vandu yeva. 36Mashika mikonu yei ya kufii Teuda mmbo alekupoo kakwaalwa nndu nniini, vandu sha mayana aana vakansora, lyo we kawaawa na valya veriani nawe vakanyanyaka vakafwa mmwasi.” 37“Numa ya nndu yeto kakwiipoo Yuda Mgalilaya, mikonu ilya ya ireiyo yeekena, keenduta vandu veengyi vakansora, llyo nawe-da mmbo alereka na woose vemwirikye vakanyanyaka. 38Naasany ulaalu mmbo shamuvia, kwiiseny na vandu yeva, vareny vakae, mashika mbony yei ao ishora elyi kwankooya mmbo lyuukye kwa nndu wa vandu mmbo lyishefikaa; 39lyo kwankooya mmbo lyuukye kwa Iruva mmushidimaa ilyifisha-fo; kilasheeva sheelyi mmbo mukeekapana na Iruva.” 40Nawo vakairikya marero akwe, naasa vekivaanga Varumi valya vakavakapa, vakavavasa valakisende irina lya Yesu; naasa lyo vakavara vakweengye. 41Naasa vekyisomuka alya ikwaanuny llya, vakeenda vefuraa mashika elyi vansandwa na vandu vasumani isutwa kimaruma kya irina elyo. 42Na wo nkonu, efo mmba ya Iruva na kyeny kwawo, mmbalera ilosha neevambisa Nrumi ya Nsia ya Yesu sheelyi ni Kristo-fo.
Currently Selected:
Mashora 5: MASNT00
Highlight
Share
Copy
Want to have your highlights saved across all your devices? Sign up or sign in
New Testament in Kimashami © Bible Society of Tanzania, 2000.
Mashora 5
5
Wongo lwa Anania na Safira
1Kyaindi nndu umwi evangwaa Anania, ando amwi na nkaakwe Safira, mmbo ekumba masaa, 2kasuruma kyenga kya wuuru lwa vayo, na nkaakwe nawe kamanya ekyo, keende kyenga ekyo kakyiniingya Varumi ewo. 3Petro kavia Anania, “Nkyiki elyi mmbishwa akaya nrima wafo kwavia Mumuyo Mweele wongo, kwasuruma kirisi kyenga kya wuuru lwa irema? 4Kyeeri kyekee maakony afo kyekee-se kyafo? Na kyeeri ekyo kyemmaa ikumbwa, fesa ta vayo tekee-se ushilyiny lwafo? Mmbo kileva inda kwakunda itana kindo kya ngata yeyo? Nshi nndu wa vandu kulellemba-fo, ni Iruva.” 5Anania ekiita marero yoo kawa si kafwa. Weerei uniini lukatira vandu woose valeita mbony yei. 6Vasoro vakakwiipoo vakammbika sanda, vakansomuta vakandendika. 7Kyikyisia saa isaru numa nka nawe kasha, nalaishi kindo kyantanyika. 8Petro kammbesa, “Nkyeshivia, Nrema ilya mmbo mulekumba kwa wuuru elo dede?” Kaamba, “Yee, nkwa wuuru yelo.” 9Petro kammbia, “A mmbo kileva inda mukasanga amwi ilemba Mumuyo wa Nndumi? Lola-te, valya valerika mmi wafo vakuvereye mwaangony, nawo vakusomutaa neewe.” 10Llya yeni nawe kawa si yoo marendeny akwe kafwa; vasoro valya vakaanga vakakooya ammaa ifwa, vakansomuta, vakandika ando amwi na mmi wakwe. 11Weerei uniini lukatira Siri shoose na vandu woose valeita mbony yeti.
Varumi vatana ngyende niini
12Maakony a vakiloshyony tikatanyika ngyende na findo fyeyaawuta fingyi vanduny; nawo woose vakakaa na nrima umwi nsi efo kariny ka Solomon. 13Neewo veengyi woose nkwifoo nndu alekarya yeenda nawofo, kuuta ivarumisha tupu. 14Naasa valya valekusirya Nndumi vakaengereka, veengyi vomi na vaka; 15kutani vandu vasomuta vandu vawo valoe efo shia velele firaany, naambo Petro eshiraa, naakwa ni kirishe kyakwe kipaani umwi waawo. 16Nalyo maronda a vandu va miri ilya ikee kufii na Yerusalemu vakakusanyirya, vakeende vandu valoe, na valya vetirwa mmimuyo mikasha, nawo woose vakashiiswa.
Varumi vasisywa
17Nkohani nniini ando amwi na vandu vakwe, (yewo mmbo yewo va kyama kya Vasadukayo), vakaishwa nyashi, 18vakashetira Varumi yewo vakavavika kifingyony. 19Kyaindi Nsu wa Nndumi karua myaango ya kifingyony elyi kio kavasomuta-fo, kavavia, 20“Endeny salaleny mmba ya Iruva muvie vandu mbony ta Muu yeu.” 21Nawo vekiita indo vakaenda mmba ya Iruva nraasi, vakapooka ilosha.
Nkohani Nniini ando amwi na vandu vakwe vakasanyirya vandu va ikwaanuny na vamiku va vana va Israeli vakaruma vandu kulya kifingyony naambo vavaende. 22Kyeeri varundi vawo valefika-fo mbalevakooya-fo, vakawuya vavavie mbony, 23vakaamba, “Kifingyo nkiraye nisha, na varingyi vesalalyi mwaangony; lyo kyeeri lwarua llwakoyafo nta ndu-fo.” 24Kyasia nshilyi wa mmba ya Iruva na vaniini va makohani vekiita indo, vakatirwa nnyinyira kimaruma kyawo, kyeyaamba mmbo kivaa inda kindo ekyi. 25Nndu umwi kasha kavavia sheelyi, vandu valya mulevavika kifingyony ekawo vakee kulya mmba ya Iruva, vasalali-fo veeloshaa vandu. 26Lyo nshilyi ulya alekupoo ando amwi na varundi, vakaveende, lyo nshi na finya-fo, mashika valeereya vandu valashevakapa na mawe. 27Vekiveende vakavavika ikwaanuny. Nkohani Nniini kavavesa, 28kavavia, “Lulemwiima-se na finya deny, mulashelosha na irina elyi, lyo yeni mmbo mwammishura Yerusalemu yei ufundo lwany, neeni mmbo mukunndye samu ya nndu yeto iluvavye.” 29Petro na Varumi vakarouwa vakaamba, “Mmbo kilukooye lwiindye Iruva ngota vandu.” 30Iruva wa vande veru mmbo aleruta Yesu, yeto mulembwaa mumbambye nsalabeu. 31Nndu yeto Iruva mmbo aleng'anisa na woko lwakwe usha, nave nniini na Mwikira naniinge Vaisraeli ikurya na ifywayo kya ulyamari. 32Neese mmbo lukee vakureekyi va mbony eti, ando amwi na Mumuyo Mweele yeto Iruva aleniinga woose vakeemwindya. 33Naasa vekiita indo kikavakora miriminy yaawo, vakaumburana kyevawaa. 34Kyaindi nndu umwi Mfarisayo irina lyakwe evangwa Gamalieli, akee mwilosha mavavaso, nawe ni nndu eendyo mmbandu woose, kasalala alya ikwaanuny llya, kavavasya Varumi vavikwa poo kyaangu, 35llyo kavaviany, “Yeni womi va Israeli, kwiiseny shaasa mutannyaa vandu yeva. 36Mashika mikonu yei ya kufii Teuda mmbo alekupoo kakwaalwa nndu nniini, vandu sha mayana aana vakansora, lyo we kawaawa na valya veriani nawe vakanyanyaka vakafwa mmwasi.” 37“Numa ya nndu yeto kakwiipoo Yuda Mgalilaya, mikonu ilya ya ireiyo yeekena, keenduta vandu veengyi vakansora, llyo nawe-da mmbo alereka na woose vemwirikye vakanyanyaka. 38Naasany ulaalu mmbo shamuvia, kwiiseny na vandu yeva, vareny vakae, mashika mbony yei ao ishora elyi kwankooya mmbo lyuukye kwa nndu wa vandu mmbo lyishefikaa; 39lyo kwankooya mmbo lyuukye kwa Iruva mmushidimaa ilyifisha-fo; kilasheeva sheelyi mmbo mukeekapana na Iruva.” 40Nawo vakairikya marero akwe, naasa vekivaanga Varumi valya vakavakapa, vakavavasa valakisende irina lya Yesu; naasa lyo vakavara vakweengye. 41Naasa vekyisomuka alya ikwaanuny llya, vakeenda vefuraa mashika elyi vansandwa na vandu vasumani isutwa kimaruma kya irina elyo. 42Na wo nkonu, efo mmba ya Iruva na kyeny kwawo, mmbalera ilosha neevambisa Nrumi ya Nsia ya Yesu sheelyi ni Kristo-fo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament in Kimashami © Bible Society of Tanzania, 2000.