Mashora 6
6
Veeki mfungare va Varumi
1Naasa kyeeri kilya yeekena lya vakiloshyony lyekeengereka, kukaa-fo nkunung'unu wa Vayuda va Kigriki kwa Vaebrania kyeyaamba vaka va ding'u vawo mmbo valerekyo-fo valalolwa efo urundiny lwa nkonu simu. 2Valya ikumi na vavii vakavaanga vakiloshyony woose, vakavavia, Nkivaa yese lure irero lya Iruva lufurukanyi meseny-fo. 3Kyasia vanavama, sauweny vandu mfungare efo nnang'ani yaany, vakureekywa kya usha, vaishwe Mumuyo Mweele, na waarya, naambo luvarambikye mbony yei. 4Neese lusaa na itereva na irundya irero elyo. 5Irero elyi lyikasenya shila shoose; vakasauwa Stefano, nndu atiri kikusiryo eeshwe Mumuyo Mweele, na Filipo, na Prokoro na Nikonori na Timon, na Parmena na Nikolao wa kulya Antiokia; 6nawo vakavikwa mbee ya Varumi yewo, nawo vekimaa ivaterevya, vakavaekerya maako. 7Irero lya Iruva lyikakwaana, na yeekena lya vakiloshyony lyikaengereka nnu kulya Yerusalemu, na ikyenga lya vakohani vakaalukya kyikusiryo ekyi.
Stefano awaawa
8Naasa Stefano nawe, kawona ikiiyo na wiidimi, katana ngyende na findo finiini filandelollyo efo vanduny. 9Kyaindi vandu maata va kyama kyevaangwaa Sinagogi lya Valeke na lya Vakirene na lya Vaiskandaria, na lya valya va Kilikia na Asia, vakasalala na Stefano naambo vammbinge, 10lyo valaidimi immbinga mashika a waarya lwakwe na finya ya Mumuyo eto enkaye. 11Naasa vakafullwa vandu mirwe vakaamba, mmbo luleita nndu yeu eshaararaa Mose na Iruva. 12Vakaaya vandu na vamiku na vaarya va fitabu; vakansora, vakantira vakanrwaa ikwaanuny. 13Vakasaleesa vakureeki va wongo vakaamba, “Nndu yeu nnyakeera nalaarara ando yaa eele na uvavaso-fo; 14mashika mmbo luleeta eshambaa Yesu yeto wa Nasareti mmbo ashelyamaraa ando yaa, na yaalasha mbuka teru tilya lulereeyo ni Mose.” 15Vandu woose valya vekee alya ikwaanuny vakankatuya miso awo, vakalollya kisangu kyakwe kive sha kya nsu wa Iruva.
Currently Selected:
Mashora 6: MASNT00
Highlight
Share
Copy
Want to have your highlights saved across all your devices? Sign up or sign in
New Testament in Kimashami © Bible Society of Tanzania, 2000.
Mashora 6
6
Veeki mfungare va Varumi
1Naasa kyeeri kilya yeekena lya vakiloshyony lyekeengereka, kukaa-fo nkunung'unu wa Vayuda va Kigriki kwa Vaebrania kyeyaamba vaka va ding'u vawo mmbo valerekyo-fo valalolwa efo urundiny lwa nkonu simu. 2Valya ikumi na vavii vakavaanga vakiloshyony woose, vakavavia, Nkivaa yese lure irero lya Iruva lufurukanyi meseny-fo. 3Kyasia vanavama, sauweny vandu mfungare efo nnang'ani yaany, vakureekywa kya usha, vaishwe Mumuyo Mweele, na waarya, naambo luvarambikye mbony yei. 4Neese lusaa na itereva na irundya irero elyo. 5Irero elyi lyikasenya shila shoose; vakasauwa Stefano, nndu atiri kikusiryo eeshwe Mumuyo Mweele, na Filipo, na Prokoro na Nikonori na Timon, na Parmena na Nikolao wa kulya Antiokia; 6nawo vakavikwa mbee ya Varumi yewo, nawo vekimaa ivaterevya, vakavaekerya maako. 7Irero lya Iruva lyikakwaana, na yeekena lya vakiloshyony lyikaengereka nnu kulya Yerusalemu, na ikyenga lya vakohani vakaalukya kyikusiryo ekyi.
Stefano awaawa
8Naasa Stefano nawe, kawona ikiiyo na wiidimi, katana ngyende na findo finiini filandelollyo efo vanduny. 9Kyaindi vandu maata va kyama kyevaangwaa Sinagogi lya Valeke na lya Vakirene na lya Vaiskandaria, na lya valya va Kilikia na Asia, vakasalala na Stefano naambo vammbinge, 10lyo valaidimi immbinga mashika a waarya lwakwe na finya ya Mumuyo eto enkaye. 11Naasa vakafullwa vandu mirwe vakaamba, mmbo luleita nndu yeu eshaararaa Mose na Iruva. 12Vakaaya vandu na vamiku na vaarya va fitabu; vakansora, vakantira vakanrwaa ikwaanuny. 13Vakasaleesa vakureeki va wongo vakaamba, “Nndu yeu nnyakeera nalaarara ando yaa eele na uvavaso-fo; 14mashika mmbo luleeta eshambaa Yesu yeto wa Nasareti mmbo ashelyamaraa ando yaa, na yaalasha mbuka teru tilya lulereeyo ni Mose.” 15Vandu woose valya vekee alya ikwaanuny vakankatuya miso awo, vakalollya kisangu kyakwe kive sha kya nsu wa Iruva.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament in Kimashami © Bible Society of Tanzania, 2000.