Mashora 7
7
1Nkohani nniini kaamba, “A mbony yeto niindo tikai?” 2Nawe Stefano karouwa, “Vanama na vande vakwa shaaranyiny. Iruva wa itumbe mmbo alekoora na nde weeru Abrahamu kyeeri ekee Mesopotamia, nalandekae Harani, 3kammbia, ‘Uka urukeny lwafo na kwa vandu vafo kweende urukeny elo nshekooraa.’ 4Lyoony kooka urukeny lwa Vakaldayo kakaa Harani, numa kooka-fo llya ndeye alefwa. Iruva kansamisya urukeny elu yeni mukee ulaalu. 5Nta nnyalenningwa ding'u kunu, nta ando kwamaa ivika urende-fo; kavika kyaasa asheningwaa uruka, luve lwakwe deny, luve na lwa ufyari lwakwe lwa numa lla llya nalandetire mwana. 6Iruva kaamba, ‘Ufyari lwakwe mmbo lushevaa veny urukeny lwa vandu vengyi, nawo vashevavika mashinga, neevataa meesi ando a myaaka mayana aana. 7Na vandu yewo vashevallwa mashinga nshevataiyaa, niindo Iruva aleamba, neelyi numa vashekaa-fo, nawo vasheshiindyaa yaa.’ 8Kammbikya kyaasa kya irinwa; naasa Abrahamu kaira Isaki kanrina nkonu wa nyanya. Isaki kaira Yakobo. Yakobo nawe keera valya ikumi na vavii, mmbo vandeye veru.”
9Vande yewo veru vekitirya Yosefu kinying'u, vakankumba keenda Misri. Iruva kakaa nawe. 10Kamuuta ngatareny takwe toose, kanniinga ilyillyo na waarya mbee ya Farao, we mangyi ya Misri nawe kammbika nawe mwishillya Misri amwi na mmba yakwe shoose. 11Naasa kukasha shaa kulya Misri na Kanaani koose na fyuure fiingyi, nta vande veru mbalewonisa shoonga yavamaa-fo. 12Kutani kyeeri Yakobo aleita kulya Misri kwiifo shoonga, karuma-fo vande ewo veru lya mbee. 13Naasa kyaaro ekyo kya kavii llyo Yosefu alekumanyisya kwa vanavamaye, na ufyari lwa Yosefu lukamanyika paa kwa Farao. 14Yosefu karuma vandu kandevaanga ndeye Yakobo na vandu vakwe woose nawo, woose ni vandu makumi mfungare na varaanu. 15Naasa Yakobo kasoka na Misri; numa kawuya ifwa we na vande valya veru; 16vakaipowa vakafitwa Shekemu vakanderikwa kulya mbangeny ilya, Abrahamu aleura na fesa kwa vana va Hamori kulya Shekemu.
17Naasa kyeeri kya kyaasa kilya Iruva alevikya Abrahamu kyekee kufii, vandu valya vakaengereka neefumbuka nnu kulya Misri, 18numa kukakwiipoo-fo mangyi kulya Misri nalaishi Yosefu. 19Yeto katanya vandu veru fya kiila, katannya vande veru makasha, kaveetikya veere vakoku vao efo naambo valakae na muu. 20Kyeeri ekyo llyo na Mose awonika ekee kimwana kisha nnu, kalelwa ando a miiri iraru nsi ekee mmba kwa ndeye. 21Kyeeri alerwa efo, mfu wa Farao kamwiipoo nallele nave sha mwana wakwe. 22Mose kaishivirwa urango loose lwa ki-Misri, kamanya kishomu na ngaa yaawo. 23Nafite myaaka makumi aana karummbwa nriminy wakwe nandesaiya vana va maye wo Vaisraeli.
24Kalollya-fo umwi esisyoo kamweekya itaiya, kawaa Mmisri ulya. 25We kakusara vanavamaye mmbo vamanyaa sheelyi Iruva mmbo akee ivawouwa na woko lwakwe, llyo mbalemanya-fo. 26Elyi lya ndesi kalollya lyingyi vengyi vekapanaa, kakunda ivaleta, kavavia, “Eni vomi vakwa, yeni ni vana va nka. Nkyiki elyi mwakapana?” 27Kyaindi yeto ekeefota eto ungyi kammbira-fo emmbiaa, “Ni vi alekuvika yewe kuve uwe yeeru na mwiluleta-ro? 28A mmbo kukundye ishiwaa neeny shaasa kulewaa Mmisri ulya ukwau?” 29Mose karisha kimaruma kya irero elyo, karisha kandekaa sha muny urukeny lwa Midian, keerya-fo vana vavii. 30Kwikyisia myaaka makumi na aana nsu wa Iruva kansheya kulya kasa ka ifumbu lya Sinai efo murony wa ngorosho ishakaa. 31Mose nalole indo kaaukwa, na kyeeri alesembeya kufii nalole nisha, unyanga lwa Nndumi lukansheya, lukammbia, 32“Yeny ni Iruva wa vande vafo, Iruva wa Abrahamu na Isaki na Yakobo.” Mose karerema, nalakarye ilola. 33Nndumi kammbia, “Utafo fyaaru fyafo, mashika ando ya kuselelyi ni uruka weele.” 34Mmbo shallolya paa, ukiva lwa vandu vakwa vakee Misri, ivavyo lyawo lyanshifikya, neeny mmbo shooloka naambo shivaute-fo. Naasa ulaalu mmbo nkurumaa Misri. 35Mose yeto valellema veshambaa, “Ni vi yeto alekuvika nniini na mwiluleta mmbwe yeto muni alerumwa ni Iruva nave nniini na mwiwouwa na kana ka nsu ulya alensheya alya ngoroshony ilya yekee yaaka.” 36Mose yeto mmbwe alevauta-fo, katana ngyende na firingisyo kulya urukeny lwa Misri, na yeeveny ya Shamu, na kulya kasa ando a myaaka makumi aana.
37Mose yeto mmbwe da alevia vana va Israeli, Iruva Nndumi waany ashemuselesyaa nkisuku efo ufyariny lwany sha yeny, mwaranyiny we. 38We mmbwe yeto ekee kulya kasa ando amwi na nsu ulya alerera nawe alya ifumbuny lya Sinai, na ando amwi na vande veru, mmbwe yeto alewarya marero a muu naluningye yese. 39“Lyo nndu yeto vaninii veru mbalekunda imwirikya-fo, mmbo valemwisityo mbai, vakaviira mirima yaawo Misri tupu, 40vakavia Aron, ‘Ndifo lusongosie maruva ashelusongoyaa; mashika Mose yeto aleluuta urukeny lwa Misri llwiishi kindo kyankooyafo.’ 41Vakasongosia ifanu lya ngashe vakaende na firaso kwa ifwanu elyo, vefuryaa mashora a maako awo. 42Naasa Iruva kaalasha makusaro akwe kavara naambo vendye matorito a nginiiu, shaasa kikee kireiye efo fitabuny fya vakisuku kyeamba,
‘A ni yeny muleshyuutya firaso
myaaka makumi aana kulya kasa,
eni mmba ya Israeli?
43Mmbo muleipoo yeema lya Moleki
na nyinyiri ta iruva lyany Refani,
mafwanu muleasongosia naambo mwiindye.
Neeny mmbo nshemusamisaa mweende kwaasha mwiire Babeli.’ ”
44“Yeema lyilya lya ukureekyi lyekee ando amwi na vande veru kulya kasa, shaasa Mose alevavasya, naambo nalyisongosie sha ufwanu llwa aleorwa. 45Llyo vande veru vetarannyaa, vakalyaata ando amwi na Yosua efo ushilyiny lwa vandu va masanga valya Iruva alevaumbuta mbee ya vande veru, kufike kyeeri kya Davidi; 46ulya alewona ikiiyo efo kwa Iruva, llyo aletereva naambo nawonisye Iruva wa Yakobo kirembo kyeekaa. 47Kyaindi Salomon mmbwe yeto alentanya mmba.”
48“Kyaindi lyo yeto akee uwe ya fyoose nnyakaa mmba ikee shitani na maako a vandu-fo, shaasa nkisuku aleammba indi:
49‘Iruveu ni kiri kyako kya itumbe
na uruka ni ando a yeekerya marende akwa.
Ni mmba ya ngata-ki mushitannyaa? Nndumi avesa.
50Ao ni ando-ki nsheimuyaa?
Nshi woko lwakwa luletana efi fyoose?’ ”
51“Yeni mutiri singo shuumu, mukava sha vandu va masanga mulashiitaa. Mikonu myoose mmbo mukeekapana na Mumuyo Mweele, shaasa vande vany valetana, neeni, ni indo-da. 52Ni ungau nnang'ani ya vakisuku kulaore vande vany valemmbavisa? Nawo mmbo valewaa valya valeawuya fisuku kya isha lya yeu wa usumanu, yeu ulaalu muleva variingyi vakwe, mukammbwaa. 53Ni nsu wa Iruva alemuvavasya muwarye uvavaso lyo mulakunde itira.”
Stefano awaawa
54Naasa kyeeri valeeta marero yoo, vakakorwa miriminy yaawo, vakanrafunnya mayoo. 55Llo Stefano eishwe Mumuyo Mweele, kalola iruveeu, kalollya itumbe lya Iruva, na Yesu esalalyi taari ya woko usha lwa Iruva. 56Kaamba, “Lola-te, shilollye kulya iruvee-u kurauka, na Mwana yeto wa Nndu aselelyi woko usha lwa Iruva.” 57Vakaongora vakafinika maarwi awo, vakanrumbukya na lyimwi woose, 58vakansomuta kipoo ya muri, vakankapa na mawe. Na variingyi yewo vakavika soori takwe yoo marendeny a nsoro umwi evaangwa ni Sauli. 59Vakakapa Stefano na mawe, nawe eeterevaa kaamba, “Woi Nndumi Yesu, warya nrima wakwa.” 60Kafiirya ndi, kafua na unyanga waasha, kaamba, “Nndumi kulaveekennyi ulyamari elu-fo.” Amaa yaamba indo kafwa. Na Sauli mmbo elolye ninsha shaasa alewaawa.
Currently Selected:
Mashora 7: MASNT00
Highlight
Share
Copy
Want to have your highlights saved across all your devices? Sign up or sign in
New Testament in Kimashami © Bible Society of Tanzania, 2000.
Mashora 7
7
1Nkohani nniini kaamba, “A mbony yeto niindo tikai?” 2Nawe Stefano karouwa, “Vanama na vande vakwa shaaranyiny. Iruva wa itumbe mmbo alekoora na nde weeru Abrahamu kyeeri ekee Mesopotamia, nalandekae Harani, 3kammbia, ‘Uka urukeny lwafo na kwa vandu vafo kweende urukeny elo nshekooraa.’ 4Lyoony kooka urukeny lwa Vakaldayo kakaa Harani, numa kooka-fo llya ndeye alefwa. Iruva kansamisya urukeny elu yeni mukee ulaalu. 5Nta nnyalenningwa ding'u kunu, nta ando kwamaa ivika urende-fo; kavika kyaasa asheningwaa uruka, luve lwakwe deny, luve na lwa ufyari lwakwe lwa numa lla llya nalandetire mwana. 6Iruva kaamba, ‘Ufyari lwakwe mmbo lushevaa veny urukeny lwa vandu vengyi, nawo vashevavika mashinga, neevataa meesi ando a myaaka mayana aana. 7Na vandu yewo vashevallwa mashinga nshevataiyaa, niindo Iruva aleamba, neelyi numa vashekaa-fo, nawo vasheshiindyaa yaa.’ 8Kammbikya kyaasa kya irinwa; naasa Abrahamu kaira Isaki kanrina nkonu wa nyanya. Isaki kaira Yakobo. Yakobo nawe keera valya ikumi na vavii, mmbo vandeye veru.”
9Vande yewo veru vekitirya Yosefu kinying'u, vakankumba keenda Misri. Iruva kakaa nawe. 10Kamuuta ngatareny takwe toose, kanniinga ilyillyo na waarya mbee ya Farao, we mangyi ya Misri nawe kammbika nawe mwishillya Misri amwi na mmba yakwe shoose. 11Naasa kukasha shaa kulya Misri na Kanaani koose na fyuure fiingyi, nta vande veru mbalewonisa shoonga yavamaa-fo. 12Kutani kyeeri Yakobo aleita kulya Misri kwiifo shoonga, karuma-fo vande ewo veru lya mbee. 13Naasa kyaaro ekyo kya kavii llyo Yosefu alekumanyisya kwa vanavamaye, na ufyari lwa Yosefu lukamanyika paa kwa Farao. 14Yosefu karuma vandu kandevaanga ndeye Yakobo na vandu vakwe woose nawo, woose ni vandu makumi mfungare na varaanu. 15Naasa Yakobo kasoka na Misri; numa kawuya ifwa we na vande valya veru; 16vakaipowa vakafitwa Shekemu vakanderikwa kulya mbangeny ilya, Abrahamu aleura na fesa kwa vana va Hamori kulya Shekemu.
17Naasa kyeeri kya kyaasa kilya Iruva alevikya Abrahamu kyekee kufii, vandu valya vakaengereka neefumbuka nnu kulya Misri, 18numa kukakwiipoo-fo mangyi kulya Misri nalaishi Yosefu. 19Yeto katanya vandu veru fya kiila, katannya vande veru makasha, kaveetikya veere vakoku vao efo naambo valakae na muu. 20Kyeeri ekyo llyo na Mose awonika ekee kimwana kisha nnu, kalelwa ando a miiri iraru nsi ekee mmba kwa ndeye. 21Kyeeri alerwa efo, mfu wa Farao kamwiipoo nallele nave sha mwana wakwe. 22Mose kaishivirwa urango loose lwa ki-Misri, kamanya kishomu na ngaa yaawo. 23Nafite myaaka makumi aana karummbwa nriminy wakwe nandesaiya vana va maye wo Vaisraeli.
24Kalollya-fo umwi esisyoo kamweekya itaiya, kawaa Mmisri ulya. 25We kakusara vanavamaye mmbo vamanyaa sheelyi Iruva mmbo akee ivawouwa na woko lwakwe, llyo mbalemanya-fo. 26Elyi lya ndesi kalollya lyingyi vengyi vekapanaa, kakunda ivaleta, kavavia, “Eni vomi vakwa, yeni ni vana va nka. Nkyiki elyi mwakapana?” 27Kyaindi yeto ekeefota eto ungyi kammbira-fo emmbiaa, “Ni vi alekuvika yewe kuve uwe yeeru na mwiluleta-ro? 28A mmbo kukundye ishiwaa neeny shaasa kulewaa Mmisri ulya ukwau?” 29Mose karisha kimaruma kya irero elyo, karisha kandekaa sha muny urukeny lwa Midian, keerya-fo vana vavii. 30Kwikyisia myaaka makumi na aana nsu wa Iruva kansheya kulya kasa ka ifumbu lya Sinai efo murony wa ngorosho ishakaa. 31Mose nalole indo kaaukwa, na kyeeri alesembeya kufii nalole nisha, unyanga lwa Nndumi lukansheya, lukammbia, 32“Yeny ni Iruva wa vande vafo, Iruva wa Abrahamu na Isaki na Yakobo.” Mose karerema, nalakarye ilola. 33Nndumi kammbia, “Utafo fyaaru fyafo, mashika ando ya kuselelyi ni uruka weele.” 34Mmbo shallolya paa, ukiva lwa vandu vakwa vakee Misri, ivavyo lyawo lyanshifikya, neeny mmbo shooloka naambo shivaute-fo. Naasa ulaalu mmbo nkurumaa Misri. 35Mose yeto valellema veshambaa, “Ni vi yeto alekuvika nniini na mwiluleta mmbwe yeto muni alerumwa ni Iruva nave nniini na mwiwouwa na kana ka nsu ulya alensheya alya ngoroshony ilya yekee yaaka.” 36Mose yeto mmbwe alevauta-fo, katana ngyende na firingisyo kulya urukeny lwa Misri, na yeeveny ya Shamu, na kulya kasa ando a myaaka makumi aana.
37Mose yeto mmbwe da alevia vana va Israeli, Iruva Nndumi waany ashemuselesyaa nkisuku efo ufyariny lwany sha yeny, mwaranyiny we. 38We mmbwe yeto ekee kulya kasa ando amwi na nsu ulya alerera nawe alya ifumbuny lya Sinai, na ando amwi na vande veru, mmbwe yeto alewarya marero a muu naluningye yese. 39“Lyo nndu yeto vaninii veru mbalekunda imwirikya-fo, mmbo valemwisityo mbai, vakaviira mirima yaawo Misri tupu, 40vakavia Aron, ‘Ndifo lusongosie maruva ashelusongoyaa; mashika Mose yeto aleluuta urukeny lwa Misri llwiishi kindo kyankooyafo.’ 41Vakasongosia ifanu lya ngashe vakaende na firaso kwa ifwanu elyo, vefuryaa mashora a maako awo. 42Naasa Iruva kaalasha makusaro akwe kavara naambo vendye matorito a nginiiu, shaasa kikee kireiye efo fitabuny fya vakisuku kyeamba,
‘A ni yeny muleshyuutya firaso
myaaka makumi aana kulya kasa,
eni mmba ya Israeli?
43Mmbo muleipoo yeema lya Moleki
na nyinyiri ta iruva lyany Refani,
mafwanu muleasongosia naambo mwiindye.
Neeny mmbo nshemusamisaa mweende kwaasha mwiire Babeli.’ ”
44“Yeema lyilya lya ukureekyi lyekee ando amwi na vande veru kulya kasa, shaasa Mose alevavasya, naambo nalyisongosie sha ufwanu llwa aleorwa. 45Llyo vande veru vetarannyaa, vakalyaata ando amwi na Yosua efo ushilyiny lwa vandu va masanga valya Iruva alevaumbuta mbee ya vande veru, kufike kyeeri kya Davidi; 46ulya alewona ikiiyo efo kwa Iruva, llyo aletereva naambo nawonisye Iruva wa Yakobo kirembo kyeekaa. 47Kyaindi Salomon mmbwe yeto alentanya mmba.”
48“Kyaindi lyo yeto akee uwe ya fyoose nnyakaa mmba ikee shitani na maako a vandu-fo, shaasa nkisuku aleammba indi:
49‘Iruveu ni kiri kyako kya itumbe
na uruka ni ando a yeekerya marende akwa.
Ni mmba ya ngata-ki mushitannyaa? Nndumi avesa.
50Ao ni ando-ki nsheimuyaa?
Nshi woko lwakwa luletana efi fyoose?’ ”
51“Yeni mutiri singo shuumu, mukava sha vandu va masanga mulashiitaa. Mikonu myoose mmbo mukeekapana na Mumuyo Mweele, shaasa vande vany valetana, neeni, ni indo-da. 52Ni ungau nnang'ani ya vakisuku kulaore vande vany valemmbavisa? Nawo mmbo valewaa valya valeawuya fisuku kya isha lya yeu wa usumanu, yeu ulaalu muleva variingyi vakwe, mukammbwaa. 53Ni nsu wa Iruva alemuvavasya muwarye uvavaso lyo mulakunde itira.”
Stefano awaawa
54Naasa kyeeri valeeta marero yoo, vakakorwa miriminy yaawo, vakanrafunnya mayoo. 55Llo Stefano eishwe Mumuyo Mweele, kalola iruveeu, kalollya itumbe lya Iruva, na Yesu esalalyi taari ya woko usha lwa Iruva. 56Kaamba, “Lola-te, shilollye kulya iruvee-u kurauka, na Mwana yeto wa Nndu aselelyi woko usha lwa Iruva.” 57Vakaongora vakafinika maarwi awo, vakanrumbukya na lyimwi woose, 58vakansomuta kipoo ya muri, vakankapa na mawe. Na variingyi yewo vakavika soori takwe yoo marendeny a nsoro umwi evaangwa ni Sauli. 59Vakakapa Stefano na mawe, nawe eeterevaa kaamba, “Woi Nndumi Yesu, warya nrima wakwa.” 60Kafiirya ndi, kafua na unyanga waasha, kaamba, “Nndumi kulaveekennyi ulyamari elu-fo.” Amaa yaamba indo kafwa. Na Sauli mmbo elolye ninsha shaasa alewaawa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament in Kimashami © Bible Society of Tanzania, 2000.