Matayi 19
19
Ukuvuzilizya izyʼitalaka
1-9: Mal. 10,1-12.
1IlelʼuYesu lwʼamazilʼamazwi ganaga, pʼahafuma mu-Galilayi, ahavala munsi ya mu-Yudayi yʼili isyila lila ilya Yolidani. 2Pe vahalandatʼavantʼimpugʼimpiti nkani. Uwenʼahavazuzuvushizya ve vali pupo.
3Pe vahapalamila kukwakwe avaFalisayi, vahamulinga vahati: Amwe hinzʼumuntu ukutavula mutuntu twontʼumushi wakwe? 4Uwenʼahamula ahati: Imwe mutazyazile izya kuti wuyo wʼavapezile pavwando ahavapela numwanaṿuli numwantanda? 5Ahonjezya ahati: Mwe mumwo umuntu akumuleha uyise nunyina akwumishizya kumushi wakwe, ilelo pe ve vavili vanava vakuva muvili woka wene. 6Pe valeshe lelo ukuva vavili, vali muvili woka wene, ilelo hengʼahapatinkinyʼuMulungu, he mwiho ukuhapagulanya we muntu. 7Avene vahati: IlelʼuwenʼuMose alajizizye vulʼukuti umupanjʼukalata wa talaka, inga pʼumuleshe? 8Uwenʼahamula ahati: ShʼuMose avawenyʼuvugomu amoyo ginyu imwe, zye zizyo ahitihʼukutavulʼavashi vinyu imwe. Pavwando nyene pe zitali vovulo. 9Leshʼimbavuzyʼine: Uno wengʼakutavulʼumushi wakwe nashengʼatatazilʼumulandu wa vwa malaya, havilʼajende nukusendʼuwamwavo, wuyo wʼakuvembuha. 10Pʼavasundikwa vakwe vahati: Inga she zili vovulo umuntu numushi wakwe, pe fwane kute kwinzʼukusenda. 11Uwenʼahavavuzya ahati: Izwi linili lite lya vonti ukulimanyinsanya ndali, lya vuvo venga vapezilwe vovulo ve vakulimanyinsanya. 12She valipo vamʼavapase vovulo muvanyina. Havili valipo vamʼavapase ve vavapasile ve vantu. Havili valipo vamʼavapase ve vayipasile vuvo, ve vayipasile she vakuti tuvanje swe va shinamwene sha kumwanya. Uno wengʼamanyilʼukuzimanyinsanya zinizi, wʼazimanyinsanye.
UYesu akulotʼavana avansi
13-15: Mal. 10,13-16. Luk. 18,15-17.
13Pe vahaleta navana kukwakwe ukuti ava viha je amahono gakwe nukuvaputilʼuluputo. Avenʼavasundikwa vakwe nyene vahavumana. 14UwenʼuYesu ahati: Simuvaleshʼavana vinze kukwane, mutavahasamihaje. Shʼishinamwene sha kumwanya sha vuvo venga vali vovulo. 15Pʼahavavihʼamahono, ahepa kukwo.
Umulumendʼudumbwe ukulondola uvulanzi vwa shimashima
16-30: Mal. 10,17-31. Luk. 18,18-30.
16Pe wokʼumuntu ahapalamila kukwakwe ahati: We Musambilizi, umbuzyajʼimbombʼinyinza iya kuvombʼine ukuti imbwaje uvulanzi vwa shimashima. 17Uwene nyene ahamuvuzya ahati: Ukumbuzilizya shonʼizya vwinza? Alipo woka we mwinza weka. Nkandi ingʼukasimʼukwinjila muvulanzi, pʼulandate zye nkomelezyo. 18Uwenʼahati: Zili kwi? UYesu ahamula ahati: Ulwa kuti:
Utahagoje, Utahavembuhaje, utahivaje, utamuhomeshezyaje shaha uwamwinyu,
19Ushindishe uso nuvinyu, havili ulwa kuti umukunde uwamwinyu inza shʼuyikunzite weka.
20Pʼumulumendo ahamuvuzya ahati: Zye nzilandite zyonti zinizi, nsovelilwe shonu lelo? 21UwenʼuYesu ahamuvuzya ahati: Ingʼukasime ukuva we mwila, pe valaga ukazyʼiṿwuma ṿwaho ṿwonti, uvapanjʼavapina, she pʼuliva nishuma kumwanya, inga pʼuyinze undandatʼine. 22Lwʼayiṿuye linili umulumendʼuno, pʼahasogola nukuswimililwa. Shʼali muhataṿwumʼiṿwinji.
Ukusila kuhondela kwa nsavo
23UwenʼuYesu nyene ahayanga navasundikwa vakwe ahati: Nalyoli nkuvavuzyʼine nkuti: Avadumbwe valiyaga kugomilʼukwinjila mushinamwene sha kumwanya. 24Nkuvuyizyʼukuvavuzyʼine nkuti: Ningamila ukupulunkanya mwilyinso lya nsindano nudumbwe ukwinjila mushinamwene sha kumwanya — kupupusu ingamila ukupulunkanya mwilyinso lya nsindano. 25Avenʼavasundikwa lwe viṿuye linili, pe vahatentwa nkani muhati zyavo, vahati: Pʼunanu angapona lelo? 26UwenʼuYesu ahavenyelezya ahati: Avantu ve vashi ve zivaposite zinizi, nkandʼuMulungu nazimo zitakumupota.
27PʼuPeteli ahamula ahati: Yenya, iswe tulesile ṿwonti, tukulandite wenewe. Tuliva nishonu lelo? 28UwenʼuYesu ahamula ahati: Nalyoli nkuvavuzyʼine nkuti: Imwe mwe mundandite shinishi, pupo pe ṿwonti ṿilipelwa ṿipwa NuMwanamuntu atendime pashitengo shakwe isha vupiti uvumwamu, pe namwe mulitendama paṿitengʼishumi naṿivili, mulimulongʼuYisilayili wonti mwʼavaliye munkolo zyakwe ishumi nazivili. 29Vonti venga valesilʼinyumba navamwavo navamwavʼavalindu navayise navanyina navana namagunda pe pazyʼizina lyanʼine, ve valiṿiposhela naṿwe ṿipinzinye, havili valipwana nuvulanzi vwa shimashima. 30Nkandi vinji navalanzi valiva vamwisinda, vinji navamwisinda valiva vatanzi.
Currently Selected:
Matayi 19: NYi1965
Highlight
Share
Copy
Want to have your highlights saved across all your devices? Sign up or sign in
Nyiha New Testament © British and Foreign Bible Society, 1965.
Matayi 19
19
Ukuvuzilizya izyʼitalaka
1-9: Mal. 10,1-12.
1IlelʼuYesu lwʼamazilʼamazwi ganaga, pʼahafuma mu-Galilayi, ahavala munsi ya mu-Yudayi yʼili isyila lila ilya Yolidani. 2Pe vahalandatʼavantʼimpugʼimpiti nkani. Uwenʼahavazuzuvushizya ve vali pupo.
3Pe vahapalamila kukwakwe avaFalisayi, vahamulinga vahati: Amwe hinzʼumuntu ukutavula mutuntu twontʼumushi wakwe? 4Uwenʼahamula ahati: Imwe mutazyazile izya kuti wuyo wʼavapezile pavwando ahavapela numwanaṿuli numwantanda? 5Ahonjezya ahati: Mwe mumwo umuntu akumuleha uyise nunyina akwumishizya kumushi wakwe, ilelo pe ve vavili vanava vakuva muvili woka wene. 6Pe valeshe lelo ukuva vavili, vali muvili woka wene, ilelo hengʼahapatinkinyʼuMulungu, he mwiho ukuhapagulanya we muntu. 7Avene vahati: IlelʼuwenʼuMose alajizizye vulʼukuti umupanjʼukalata wa talaka, inga pʼumuleshe? 8Uwenʼahamula ahati: ShʼuMose avawenyʼuvugomu amoyo ginyu imwe, zye zizyo ahitihʼukutavulʼavashi vinyu imwe. Pavwando nyene pe zitali vovulo. 9Leshʼimbavuzyʼine: Uno wengʼakutavulʼumushi wakwe nashengʼatatazilʼumulandu wa vwa malaya, havilʼajende nukusendʼuwamwavo, wuyo wʼakuvembuha. 10Pʼavasundikwa vakwe vahati: Inga she zili vovulo umuntu numushi wakwe, pe fwane kute kwinzʼukusenda. 11Uwenʼahavavuzya ahati: Izwi linili lite lya vonti ukulimanyinsanya ndali, lya vuvo venga vapezilwe vovulo ve vakulimanyinsanya. 12She valipo vamʼavapase vovulo muvanyina. Havili valipo vamʼavapase ve vavapasile ve vantu. Havili valipo vamʼavapase ve vayipasile vuvo, ve vayipasile she vakuti tuvanje swe va shinamwene sha kumwanya. Uno wengʼamanyilʼukuzimanyinsanya zinizi, wʼazimanyinsanye.
UYesu akulotʼavana avansi
13-15: Mal. 10,13-16. Luk. 18,15-17.
13Pe vahaleta navana kukwakwe ukuti ava viha je amahono gakwe nukuvaputilʼuluputo. Avenʼavasundikwa vakwe nyene vahavumana. 14UwenʼuYesu ahati: Simuvaleshʼavana vinze kukwane, mutavahasamihaje. Shʼishinamwene sha kumwanya sha vuvo venga vali vovulo. 15Pʼahavavihʼamahono, ahepa kukwo.
Umulumendʼudumbwe ukulondola uvulanzi vwa shimashima
16-30: Mal. 10,17-31. Luk. 18,18-30.
16Pe wokʼumuntu ahapalamila kukwakwe ahati: We Musambilizi, umbuzyajʼimbombʼinyinza iya kuvombʼine ukuti imbwaje uvulanzi vwa shimashima. 17Uwene nyene ahamuvuzya ahati: Ukumbuzilizya shonʼizya vwinza? Alipo woka we mwinza weka. Nkandi ingʼukasimʼukwinjila muvulanzi, pʼulandate zye nkomelezyo. 18Uwenʼahati: Zili kwi? UYesu ahamula ahati: Ulwa kuti:
Utahagoje, Utahavembuhaje, utahivaje, utamuhomeshezyaje shaha uwamwinyu,
19Ushindishe uso nuvinyu, havili ulwa kuti umukunde uwamwinyu inza shʼuyikunzite weka.
20Pʼumulumendo ahamuvuzya ahati: Zye nzilandite zyonti zinizi, nsovelilwe shonu lelo? 21UwenʼuYesu ahamuvuzya ahati: Ingʼukasime ukuva we mwila, pe valaga ukazyʼiṿwuma ṿwaho ṿwonti, uvapanjʼavapina, she pʼuliva nishuma kumwanya, inga pʼuyinze undandatʼine. 22Lwʼayiṿuye linili umulumendʼuno, pʼahasogola nukuswimililwa. Shʼali muhataṿwumʼiṿwinji.
Ukusila kuhondela kwa nsavo
23UwenʼuYesu nyene ahayanga navasundikwa vakwe ahati: Nalyoli nkuvavuzyʼine nkuti: Avadumbwe valiyaga kugomilʼukwinjila mushinamwene sha kumwanya. 24Nkuvuyizyʼukuvavuzyʼine nkuti: Ningamila ukupulunkanya mwilyinso lya nsindano nudumbwe ukwinjila mushinamwene sha kumwanya — kupupusu ingamila ukupulunkanya mwilyinso lya nsindano. 25Avenʼavasundikwa lwe viṿuye linili, pe vahatentwa nkani muhati zyavo, vahati: Pʼunanu angapona lelo? 26UwenʼuYesu ahavenyelezya ahati: Avantu ve vashi ve zivaposite zinizi, nkandʼuMulungu nazimo zitakumupota.
27PʼuPeteli ahamula ahati: Yenya, iswe tulesile ṿwonti, tukulandite wenewe. Tuliva nishonu lelo? 28UwenʼuYesu ahamula ahati: Nalyoli nkuvavuzyʼine nkuti: Imwe mwe mundandite shinishi, pupo pe ṿwonti ṿilipelwa ṿipwa NuMwanamuntu atendime pashitengo shakwe isha vupiti uvumwamu, pe namwe mulitendama paṿitengʼishumi naṿivili, mulimulongʼuYisilayili wonti mwʼavaliye munkolo zyakwe ishumi nazivili. 29Vonti venga valesilʼinyumba navamwavo navamwavʼavalindu navayise navanyina navana namagunda pe pazyʼizina lyanʼine, ve valiṿiposhela naṿwe ṿipinzinye, havili valipwana nuvulanzi vwa shimashima. 30Nkandi vinji navalanzi valiva vamwisinda, vinji navamwisinda valiva vatanzi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nyiha New Testament © British and Foreign Bible Society, 1965.