Matayi 20
20
Ishiholanyo sha vavomṿi va mumugunda wa mampensya
1Shʼishinamwene sha kumwanya shili fwe muhatankaya wʼahalavila shanzanche ukuvalambilʼavavomṿi avakuvombelela mumugunda wakwe uwa mampensya. 2Ilelo lwʼayitinkine navo. Natili mukuposhelʼidinali yoka kwisiku lyoka, pʼahavatuma mumugunda wakwe wa mampensya. 3Ahavala nohavili pahavalilizyo ha vutatu, ahavagʼavamwavo vimiliye pamusolo. 4Vope ahavavuzya ahati: Namwe muvale mumugunda wane wa mampensya, nkuvapa ṿwe muyanine naṿwo. 5Avene vahavala. Nohavili ahavuyizya ahavala pahavalilizyo ha mutanda, napahavalilizyo ha vusano navune pope ahahonzya vovulo. 6Ilelo lwʼavusile nohavili pahavalilizyo hʼishumi nahoka pʼahavaga havilʼavamwavo vimiliye vwelele. Vʼahayanga navo ahati: Mwimiliye shonu shimʼimwe ukusitʼukuvomba? 7Avene vahamula vahati: She numʼatatulambiye. Uwenʼahavavuzya ahati: Namwe muvale mumugunda wane wa mampensya. 8Lwe vwiliye shamazuva, pʼumuhatamugunda wa mampensya ahayanga numusunzi wakwe ahati: Uvitʼavavomṿi, uvapanjʼamalipilo gavo, utalishe pa vamwisinda uyinzʼupele pavatanzi. 9Pupo lwe vinzile avapahavalilizyo hʼishumi nahoka, vahaposhelʼidinali unʼiyakwe unʼiyakwe. 10Ilelo lwe vakuvuhʼukusenda vope navatanzi, pe vahasiva vahati: Ingavangʼiswe tukulusyʼukuposhelʼamalipilo. Havili vahaga vope vakuposhela vovulo idinali unʼiyakwe unʼiyakwe 11Ilelo lwe vaposheleye pe vahamwumanʼumuhatankaya 12vahati: Yenya, avamwisindʼava vavomṿile he havalilizyo hoka vwelele, havilʼiwe utuyaninye navʼiswe, swe twayimbagaʼimbombʼingomu ya musanyʼuno, iswe hatutukutizizye nahasanyʼahahali. 13Uwenʼahamuvuzya woka ahati: We wamwitʼiwe, she ntakukusheṿwa. Amwe tutamitinkine padinali yoka? 14Sendaga ahantu haho uvale. Nkasime nene neka ukumupʼuwamwisindʼuno, inza she nkupiye nawe. 15Apene shengʼiṿwane ntili nkutinji naṿwo, pʼunanʼatuvuli lelo? Pe lyati linzyamilʼilyinso lyaho she lyazile ndi nuvwilʼine? 16She valihonzya vovulo avamwisinda valiva ve vatanzi, avenʼavatanzi valiva ve vamwisinda.
Ukukuvwa kwa Yesu kwa vutatu ukwa vufwe vwakwe
17-19: Mal. 10,32-34. Luk. 18,31-33.
17Ilelo lwe vakuzuva lwe vakuvala mu-Yelusalemu, pʼuYesu ahasavuha navʼavʼishumi navavili. Ilelo lwʼayelelesile navo mwidala, pʼahayanga navo ahati: 18Yenyi, tukuzuva tukuvala mu-Yelusalemu, mwʼuMwanamuntu alitwalwa nakuvashiputovapiti nakuvamanyakalata, ve valimulongʼilya kuti pe pakuti afwanje. 19Havili valivalʼukumwambilila kuvakunzi, vamuligaje, vamusyempaje, vamuhomelaje pashihovenkanyo, pisikulya vutatu nyene pʼalizyuha.
Ukulavʼumushinzi wa munsi
20-28: Mal. 10,35-45.
20Pʼahapalamila kukwakwe unyina wa vana-Zebedayi poka navana vakwe, ahakupama kukwakwe ahamulava shimo. 21Uwenʼahamuvuzya ahati: Utunjiye shonu? Ahati: Avana vane ve vavilʼiva vatendame nawe mushinamwene shaho, woka kumulilo woka kumumongo. 22UwenʼuYesu ahamula ahati: Mutamanyile zye mukulava. Amwe mumanyile lelo ukungʼwelʼishikombe she nkuvalʼukungʼwelʼine? Avene vahati: Ena tumanyile. 23Uwenʼahavavuzya ahati: Ishikombe she shashi she mulingʼwelaga, ukwene nyenʼukutendama nakumulilo nakumumongo kukwane kwʼite mbombo yanʼine ukumupʼumuntu ndali, nkandi valipelwa vuvo vengʼavayananizizye nzilʼuTata. 24Ilelo lwe viṿuye zinizi avʼishumi pe vahavaṿitililwa avantu vavili vanava.
Uvupiti vwa nalyoli
25UwenʼuYesu nyene ahavita ahayanga navo ahati: Muvamanyile avamwene va vakunzi ukuti vakuvakonzyʼavantu vavo, navahombe vavo muvamanyile ukuti vakuvatilingʼavantu. 26Imwe nyene mwe mutahonzyaje vovulo ndali, imwe wengʼakuti imbe ne mupiti nene kuvamwitu, we pakuti ayipelajʼukuva wa kuvavombela mwe vamwavo; 27uno wengʼakuti imbe ne mutanzi nene kuvamwitu, we pakuti ayipelajʼukuva munyamata winyu; 28inza she wope nuMwanamuntu atinzilʼukwanzʼavakumuvombela wuyo ndali, ayinzilʼukuvavombela ve vantu wuyo, ayinzilʼukulipʼuvulanzi vwakwe ukuti vuvanje vwa kuvavombela ve vinji.
Avantoko vavili vakwenya havili
29-34: Mal. 10,46-52. Luk. 18,35-43.
29Vazile lelo lwe vakufuma mu-Yeliho, pe vahamulandatʼavantʼimpugʼimpiti. 30Pe vahaga avantonko vavili vatendime kwidala kuluvazu. Ilelʼavene lwe viṿuye ukuti wʼuYesu wʼakupitilila, pe vahavilishila vahati: Utupepelezyaje we Mwene, we Mwana-Davidi. 31Avantʼimpuga nyene vahavapilila vahati: Iche, pumaji! Avenʼavantonko nyene vahajenda nukwonjezya nkanʼukuvilishila vahati: Utupepelezyaje we Mwene, we Mwana-Davidi. 32PʼuYesu ahimilila ahavita ahavavuzilizya ahati: Muntunjiye ukuti ntuvuli namwe? 33Avene vahamula vahati: Inga twenyagʼaminso, Mwene witu. 34Pʼahavafwilʼuvwila uYesu, ahavapalamansya muminso, pe vahenya luvilo luvilo, vahamulandata.
Currently Selected:
Matayi 20: NYi1965
Highlight
Share
Copy
Want to have your highlights saved across all your devices? Sign up or sign in
Nyiha New Testament © British and Foreign Bible Society, 1965.
Matayi 20
20
Ishiholanyo sha vavomṿi va mumugunda wa mampensya
1Shʼishinamwene sha kumwanya shili fwe muhatankaya wʼahalavila shanzanche ukuvalambilʼavavomṿi avakuvombelela mumugunda wakwe uwa mampensya. 2Ilelo lwʼayitinkine navo. Natili mukuposhelʼidinali yoka kwisiku lyoka, pʼahavatuma mumugunda wakwe wa mampensya. 3Ahavala nohavili pahavalilizyo ha vutatu, ahavagʼavamwavo vimiliye pamusolo. 4Vope ahavavuzya ahati: Namwe muvale mumugunda wane wa mampensya, nkuvapa ṿwe muyanine naṿwo. 5Avene vahavala. Nohavili ahavuyizya ahavala pahavalilizyo ha mutanda, napahavalilizyo ha vusano navune pope ahahonzya vovulo. 6Ilelo lwʼavusile nohavili pahavalilizyo hʼishumi nahoka pʼahavaga havilʼavamwavo vimiliye vwelele. Vʼahayanga navo ahati: Mwimiliye shonu shimʼimwe ukusitʼukuvomba? 7Avene vahamula vahati: She numʼatatulambiye. Uwenʼahavavuzya ahati: Namwe muvale mumugunda wane wa mampensya. 8Lwe vwiliye shamazuva, pʼumuhatamugunda wa mampensya ahayanga numusunzi wakwe ahati: Uvitʼavavomṿi, uvapanjʼamalipilo gavo, utalishe pa vamwisinda uyinzʼupele pavatanzi. 9Pupo lwe vinzile avapahavalilizyo hʼishumi nahoka, vahaposhelʼidinali unʼiyakwe unʼiyakwe. 10Ilelo lwe vakuvuhʼukusenda vope navatanzi, pe vahasiva vahati: Ingavangʼiswe tukulusyʼukuposhelʼamalipilo. Havili vahaga vope vakuposhela vovulo idinali unʼiyakwe unʼiyakwe 11Ilelo lwe vaposheleye pe vahamwumanʼumuhatankaya 12vahati: Yenya, avamwisindʼava vavomṿile he havalilizyo hoka vwelele, havilʼiwe utuyaninye navʼiswe, swe twayimbagaʼimbombʼingomu ya musanyʼuno, iswe hatutukutizizye nahasanyʼahahali. 13Uwenʼahamuvuzya woka ahati: We wamwitʼiwe, she ntakukusheṿwa. Amwe tutamitinkine padinali yoka? 14Sendaga ahantu haho uvale. Nkasime nene neka ukumupʼuwamwisindʼuno, inza she nkupiye nawe. 15Apene shengʼiṿwane ntili nkutinji naṿwo, pʼunanʼatuvuli lelo? Pe lyati linzyamilʼilyinso lyaho she lyazile ndi nuvwilʼine? 16She valihonzya vovulo avamwisinda valiva ve vatanzi, avenʼavatanzi valiva ve vamwisinda.
Ukukuvwa kwa Yesu kwa vutatu ukwa vufwe vwakwe
17-19: Mal. 10,32-34. Luk. 18,31-33.
17Ilelo lwe vakuzuva lwe vakuvala mu-Yelusalemu, pʼuYesu ahasavuha navʼavʼishumi navavili. Ilelo lwʼayelelesile navo mwidala, pʼahayanga navo ahati: 18Yenyi, tukuzuva tukuvala mu-Yelusalemu, mwʼuMwanamuntu alitwalwa nakuvashiputovapiti nakuvamanyakalata, ve valimulongʼilya kuti pe pakuti afwanje. 19Havili valivalʼukumwambilila kuvakunzi, vamuligaje, vamusyempaje, vamuhomelaje pashihovenkanyo, pisikulya vutatu nyene pʼalizyuha.
Ukulavʼumushinzi wa munsi
20-28: Mal. 10,35-45.
20Pʼahapalamila kukwakwe unyina wa vana-Zebedayi poka navana vakwe, ahakupama kukwakwe ahamulava shimo. 21Uwenʼahamuvuzya ahati: Utunjiye shonu? Ahati: Avana vane ve vavilʼiva vatendame nawe mushinamwene shaho, woka kumulilo woka kumumongo. 22UwenʼuYesu ahamula ahati: Mutamanyile zye mukulava. Amwe mumanyile lelo ukungʼwelʼishikombe she nkuvalʼukungʼwelʼine? Avene vahati: Ena tumanyile. 23Uwenʼahavavuzya ahati: Ishikombe she shashi she mulingʼwelaga, ukwene nyenʼukutendama nakumulilo nakumumongo kukwane kwʼite mbombo yanʼine ukumupʼumuntu ndali, nkandi valipelwa vuvo vengʼavayananizizye nzilʼuTata. 24Ilelo lwe viṿuye zinizi avʼishumi pe vahavaṿitililwa avantu vavili vanava.
Uvupiti vwa nalyoli
25UwenʼuYesu nyene ahavita ahayanga navo ahati: Muvamanyile avamwene va vakunzi ukuti vakuvakonzyʼavantu vavo, navahombe vavo muvamanyile ukuti vakuvatilingʼavantu. 26Imwe nyene mwe mutahonzyaje vovulo ndali, imwe wengʼakuti imbe ne mupiti nene kuvamwitu, we pakuti ayipelajʼukuva wa kuvavombela mwe vamwavo; 27uno wengʼakuti imbe ne mutanzi nene kuvamwitu, we pakuti ayipelajʼukuva munyamata winyu; 28inza she wope nuMwanamuntu atinzilʼukwanzʼavakumuvombela wuyo ndali, ayinzilʼukuvavombela ve vantu wuyo, ayinzilʼukulipʼuvulanzi vwakwe ukuti vuvanje vwa kuvavombela ve vinji.
Avantoko vavili vakwenya havili
29-34: Mal. 10,46-52. Luk. 18,35-43.
29Vazile lelo lwe vakufuma mu-Yeliho, pe vahamulandatʼavantʼimpugʼimpiti. 30Pe vahaga avantonko vavili vatendime kwidala kuluvazu. Ilelʼavene lwe viṿuye ukuti wʼuYesu wʼakupitilila, pe vahavilishila vahati: Utupepelezyaje we Mwene, we Mwana-Davidi. 31Avantʼimpuga nyene vahavapilila vahati: Iche, pumaji! Avenʼavantonko nyene vahajenda nukwonjezya nkanʼukuvilishila vahati: Utupepelezyaje we Mwene, we Mwana-Davidi. 32PʼuYesu ahimilila ahavita ahavavuzilizya ahati: Muntunjiye ukuti ntuvuli namwe? 33Avene vahamula vahati: Inga twenyagʼaminso, Mwene witu. 34Pʼahavafwilʼuvwila uYesu, ahavapalamansya muminso, pe vahenya luvilo luvilo, vahamulandata.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nyiha New Testament © British and Foreign Bible Society, 1965.