Maliko 7
7
UYesu akwamula lwe vukumuvuzilizya izya kushilanya amata
1-23: Mat. 15,1-20.
1Pe vahavala pʼali navaFalisayi navamanyakalata vamo ve vafumile mu-Yelusalemu. 2Ve vahaga vamʼavasundikwa vakwe uvugali vakulya ninyovʼinkandamanu, she vatasukusuye munyove. 3ShʼavaFalisayi navaYuda vonti ve vatakulya naṿimʼiṿintu lwe vatasukusuye munyove. She vakuhonzya vovulo ukulandatʼamiho ge vavalesheyʼavalulwo vavo. 4Na lwe vakufuma pavukalilʼiṿintu, pope vatakulya ndali, isuti vakugeza. Gope naganjʼamiho gavo minji nkani, ge vakuti umuntʼukuti alandate vovulo, aga kwozya niṿikombe namabeseni niṿililo ṿwa ṿipondo. 5Pe vahamuvuzilizya navaFalisayi navamanyakalata vahati: Avasundikwa vahʼiwe vatakulandata shonʼamiho ge vatulesheyʼavasongo vitu, nkandi vakulya ninyovʼinkandamanu? 6Uwenʼahamula ahati: Alovosizye nalyolʼuYesaya pala pʼahavayanjila nzila mwe valumilenga mwe, inza she lisimṿilwe lye likuti:
Avantʼiva vakunchindiha lye lilomu lyeka,
shʼamoyo gavo galʼukutali.
7Vakunyilʼine shaha vwelele,
she vakusambilizyʼinsambilizyo zye tulumbe twa vantu.
8Shʼizyenʼinkomelezyo zya Mulungu muzilesile, nkandʼagenʼamiho ga vantu, ge mugalemile.
9Ahavavuzya ahati: Hinza! Inza she muvinduyʼinkomelezyo zya Mulungu, lwe mukuti tulandate ge gitʼamiho. 10ShʼuwenʼuMose alajizizye nilya kuti: Ushindishe uso nuvinyu; nilya kuti: Uno we ngʼakumuliga uyise nunyina, we pakuti afwanje. 11Imwe nyene mukuti: Umuntu ingʼayanzile kwa yise nakwa nyina, ingʼatili: Kolibani, lye likuti: He ha kutajila mwa tempeli, he natinji inkupe, iha he wasungwaga— 12pe muvinzite mutili atavapanje naṿimo uyise nunyina. 13Pʼamiho ginyu gugo ge mulesheline ge gakuvindulʼizwi lya Mulungu. Naganji ge muli nago ge minji nkani.
14Pʼahavavunganihʼavantʼimpuga yonti, ahavavuzya ahati: Simutejelezyaje kukwane imwe mwenti, muzimanyinsanye. 15Naṿimʼiṿwa kunzi ṿitakumuhandamanyʼumuntu lwe akwinjila muhati mumwakwe ndali, nkandi zizyo zye zikufuma mumwakwe, zye zikumuhandamisyʼumuntu. 16Uno wengʼali nagʼamakutwi, wʼatejelezyaje. 17Ilelo vazile ayefile kwʼali navantu lwʼayinjiye munyumba, pe vahamuvuzilizyʼavasundikwa vakwe ishiholanyo shinishi. 18Uwenʼahati: Namwe fwane she muhonzizye namwe mushilʼukuva ninjele? Zye mushili namwe ukuzimanyinsanya, ukuti ṿwontʼiṿwa kunzi, inga vakwinjila mumuntu, ṿwe ṿitakumuhandamisya napamo? 19She ṿitakwinjila mumwoyo ndali, ṿikuvala mwe muvula, havili ṿikutagwa mumusalani. Mwe ṿikuzelupila vovulo ṿwontʼiṿintu. 20Ahati: Nkandi zizyo zye zikufuma muhati mumuntu, zye zikumuhandamisya zizyo. 21She mumwoyo wa muntu muhati, mwe zikufumʼinsivʼimbivi zyonti, nuvwamalaya, nuvwiva, nuvugozi, 22nuluvembu, niṿipapilo, nuvuvivi, nishifumbo, nuvuluṿu, nahafwishi, numusamu, namabado, nuvuwelewele. 23Zyontʼimbivi zinizi zye zikufuma muhati, zye zikumuhandamisyʼumuntu.
Ukupola kwa mulindu umufuma kuvakunzi
24-30: Mat. 15,21-28.
24Pʼahavuhʼukuvala munsi ya Tili niya Sidoni. Mwʼahinjila munyumba, ahati ingavanga vatalinenyʼavantu, havili mwope ahakumuha. 25She wokʼumwantanda umuhatahalindu he hali nimpepʼinkandamanu, ayiṿuyʼukuti mwʼali. Ilelo pʼahavala pʼali, ahagwila kuṿinama ṿwakwe. 26Uwenʼumwantanda ali muGiliki, afumile muluho lwa vaSilofoyinike. Wʼahalambilizya kukwakwe ahati: Ufumwajʼimpepʼimbivi mumwana wane. 27UwenʼuYesu ahati: Yiṿwa, isuti vikutajʼavana, she mwiho ukusendʼuvugali vwa vana nukututajilʼutuvwa. 28Uwenʼumwantanda ahamula ahati: Zye nalyoli, Mwene, nkandʼine ntili she nutuvwa tukuseva utulagala, twe tukulagala lwe vakugavana. 29UwenʼuYesu ahamula ahati: Shʼuyanzilʼizwi linili, pe valaga, ukuvʼukwagʼimpepʼimbivi yifumile mumwana waho. 30Pʼahavala kuhaya, ahamwagʼumwana wʼalambalaye pashitala, nimpepʼimbivi yifumile nalyoli.
Ukupola kwa muntu ukutwi havili ushinunu
31Havili ahepa munsi ya Tili, ahajendʼiya mu-Sidoni, ahavalʼukufiha pasumbi wa Galilayi pahati munsi ya Dekapoli. 32Pe vahamuleta kukwakwe ukutwi, wʼali wʼushinunu, vahalambilizya kukwakwe vahati: Umuvishʼumuhono. 33Uwenʼahase-guha kuvantu, ahayeleleha nawo, ahamuvihʼinyove mumakutwi, ahaswilʼamati, ahamupalamansyʼulumili lwakwe, 34ahenya kumwanya, ahalwilwinta, ahati: Hefata, lye likuti: Yiguha. 35Pʼamakutwi gakwe gahiguha, ulumili lwakwe mwe lwapi-nyilwe luhasatuha, ahayanga, ahagolosya. 36Uwenʼahavinda ahati: Mutamuvuzyaje numʼumuntu. Avene vahalinga lwʼakuvinda, pe vahonjezyʼukuzikumusya. 37Pe vahasukumila vahapitilizya, vahati: Anonelezizye zyonti; avakutwi akuvapele-lʼukwiṿwa, navashinunu akuvapelelʼukuyanga.
Currently Selected:
Maliko 7: NYi1965
Highlight
Share
Copy
Want to have your highlights saved across all your devices? Sign up or sign in
Nyiha New Testament © British and Foreign Bible Society, 1965.
