Lukasi 3

1Mu mwaka gwa ikumi na tutano gwa kutema Kaisari Tiberia, aho Pontio Pilato wavagi munachalo wa Uyahudi, na Herode mutemi wa Galilaya, na Filipo, muduguye, mutemi wa Itura na Trakoniti, na Lisania mutemi wa Abilene, 2mwitungo lya vahozya vahanya Anna na Kayafa, muhayo gwa Mulungu gwizaga kumwa Yohana mwana Zakaria mwibalangu. 3Na uyu wizaga mwigunguli lyose lya Yordani alitanizya kogiwa kwa kupiluka moyo ha vutondolwa wa mavukenaguzi, 4kitisi yitonilwe mu kitabu cha mihayo yamwa Yesaya,

Muzwi gwa umo alihamuka mwibalangu: Muyivezelezye nzila yamwa Guku,

Mutugelanizye tufufuyila twakwe;

5Kila ikolongwa likufulilwa,

Na kila lugulu na kila kalugulu kakudohiwa,

Na icho kigomu kikugololwa,

Na nzila zya magulya-magulya zikugelaniziwa,

6Na vanhu vose vakuvuvona vupizya wa Mulungu.

7Na Yohana wavawilaga mbuto ya vanhu hovene vafumaga kigele vogiwe nawe, Inwe vuvyalwa wa nzoka, 8nani wavahugukaja kukipela kisila kilakiza? Sisyo mufyambye fisumo filigelanila na kupiluka moyo, na muleke kuvukizya kuyomba mu myoyo yinwe, Tuli nawe vava, Abrahamu, kwisi ndimuwila inwe ati, Mulungu alikovola kumuhembukizya Abrahamu vana 9ku mawe genaya! Lelo mbasa yitulilwe hʼitina lya miti, haho kila muti hogwene gukavile kufyambya fisumo fisoga gukubutwa na gukutagwa mu moto. 10Na 11vanhu, vamuvuzaja, vuhaya, Twiteki lelo? Nawe witavukaga wavawila, Homwene ali nayo myenda ivili amupe uyo akavile nago; na homwene ali nacho chakulya, 12ite sisyo savasava. Na vʼihongo vene vizaga kogiwa na vamuvuzaja, Muhembeki, Iswe twiteki? 13Mukalipye ngʼo kinhu kukila genaya mwalagilagwa. 14Na valugaluga vene vamuvuzaja na vayombaga, Niswe twiteki? Na wavawilaga, Mukamutinginye ngʼo munhu ninga kumuducha cha gele, sumbwa mwigute duhu na musyahala gwinwe.

15Alisi aho vanhu valindilaga mbela na vikomekezaja 16mu myoyo yavo kunguno yamwa Yohana ati, hamo mwenuyu ali Kristo, Yohana witavukaga na wavawilaga vose, Nene, ahene, ndimoja inwe na minzi, alisi mwenuyo aliza, homwene ali na nguzu kukila nene, mwenuyo nkasikile isima kumutungula mikova ya filatu fyakwe, homwene akumoja inwe na Roho Nsondo na moto. 17Mwenuyo ali na itangwa mu makono gakwe na akulupyagula lumbuga lwakwe, na akuzipona ngano mu nhungugu yakwe, na mamuyaye akugatwima mu moto kuzima ngʼo.

18Na mihayo mingi yingi wavahanaga na wavatanizaja vanhu Mhola ya. 19Chelu. Alisi mutemi Herode, aho wadakilagwa nawe kunguno yamwa Herodia, mukima wamwa muduguye, na kunguno ya milimo yose mivi 20hoyene wayivezaja, wongezaja ku gose genaya muhayo ugu, wamulugalilaga Yohana mu jela.

21Na yakwilaga aho vanhu vose vogivagwa, na Yesu nawe wogivagwa na wavagi alilomba, ilunde lyalugukaga, 22na Roho Nsondo, yamudemelaga mu musimo gwa nhunda, na muzwi gwafumaga kwilunde, Hoveve 23uli Mwana wane mutoneke, nene nakudehelaga. Na Yesu mwenekili, aho wavukizaja milimo yakwe wakulaga kitisi myaka makumi adatu; na wavonagwa kitisi 24mwana wamwa Yosefu, wamwa Eli, wamwa Matati, wamwa Lefi, wamwa Melki, wamwa Yanai, wamwa 25Yosefu, wamwa Matatia, wamwa Amosi, wamwa 26Nahumu, wamwa Esili, wamwa Nagai, wamwa Matati, 27wamwa Matatia, wamwa Simei, wamwa Yoseki, wamwa Yoda, wamwa Yoana, wamwa Resa, wamwa Zerubabeli, 28wamwa Salatieli, wamwa Neri, wamwa Melki, wamwa Adi, wamwa Kosamu, wamwa Elmadamu, 29wamwa Eri, wamwa Yesu, wamwa Eliezeri, wamwa 30Yorimu, wamwa Matati, wamwa Lefi, wamwa Simeoni, wamwa Yuda, wamwa Yosefu, wamwa Yonamu, 31wamwa Eliakimu, wamwa Melea, wamwa Mena, wamwa 32Matata, wamwa Natani, wamwa Davidi, wamwa Isai, wamwa Obedi, wamwa Boasi, wamwa Salmoni, wamwa 33Nasoni, wamwa Aminadabu, wamwa Ramu, wamwa 34Hesiromi, wamwa Pelezi, wamwa Yuda, wamwa Yakobo, wamwa Isaka, wamwa Abrahamu, wamwa 35Tara, wamwa Nahoro, wamwa Seruhu, wamwa Ragau, 36wamwa Faleki, wamwa Eberi, wamwa Sala, wamwa Kenani, wamwa Arkapasadi, wamwa Semu, wamwa 37Noa, wamwa Lameki, wamwa Metusala, wamwa Enoki, wamwa Yeredi, wamwa Mahalaleli, wamwa Kenani, 38wamwa Enosi, wamwa Seti, wamwa Adamu, wamwa Mulungu.

Currently Selected:

Lukasi 3: Nym51

Highlight

Copy