Mateo 22
22
1Na Yesu wavukizaja kuyomba navo hangi mu mikolani, uhaya, 2Vutemi wʼilunde vulimwikola mutemi mbati homwene wavezaja winga ku mwana wakwe. 3Na wavatumizaja vakumba vakwe kuvitana avo valalikilwe; navo valemaga kwiza. 4Hangi wavatumizaja vakumba vangi, uhaya, Muvawile avo valalikilwe, Lolagi, nakivezaja chakulya chane, nzagamba na nziku zyane zyavulagilwe na chose kiliho tayari, mwize ku winga. 5Alisi avo vavengelezaja na vajaga, umo ku mugunda gwakwe, na ungi ku vuguzi wakwe. 6Na avo vasigalaga vavadimaga vakumba vakwe na vavatulaga sivi na vavavulagaga. 7Alisi mutemi wakilagwa na wavatumizaja valugaluga vakwe na vavavulagaga vavu lagi venavo na vayizigaja kaya yavo. 8Haho alivawila vakumba vakwe, Winga vuli tayari, alisi valalikwa vakasikile isima. 9Sisyo muje ku maka zya nzila, na vose avo mwavona muvitane ku winga. 10Na vakumba venavo vafumaga na valondaga nzila zyose na vavavilingaga vose avo vavavonaga, vavi na vasoga, na numba ya winga yokalaga na vageni. 11Aho mutemi wingilaga kuvalola vageni, wamuvonaga munhu umo akazwalile mwenda gwa winga. 12Na alimuwila, Mwichane, lumehoki veve wingilaga mwenumu na ukazwalile mwenda 13gwa winga? Nawe ahulikile sele. Haho mutemi wavawilaga vakumba vakwe, Mumutunge magulu na makono na mumuponezye mu giti ya hanze, kwenuko kukuviko kulila na kusya mino. 14Kwisi vingi vitanilwe, alisi vado vasogolilwe.
15Haho Vafarisayo vajaga na vitozaja hamohene isi vakumutega na muhayo. 16Na vavatumizaja kuwakwe vahemba vavo hamohene na Vaherode, vuhaya, Muhembeki, tulimanicha ati uli wa lole na ulihembeka nzila ya Mulungu mugati na loleyene, na ukavile kogoha kunguno ya munhu ninga umo ngʼo, kwisi ukavile kuvulola vusyu wa vanhu. 17Haho utuwile, ulivona kinahe, luliho luhusa kumulipa Kaisari kodi ninga ngʼo? 18Alisi Yesu wavuvonaga vuvi wavo na wayombaga, Kungunoki mulingema, inwe vagulumi? Munoleche 19ipesa lya kodi! Navo vamuletelaga denari yimo. 20Haho wavawilaga, Isumbano lyenili lyamwa nani na 21vutone wenuvu wamwa nani? Navo vayombaga, Lyamwa Kaisari. Haho alivawila, Mumulipe Kaisari fyenifyo fyamwa Kaisari, na Mulungu fyenifyo fyamwa Mulungu. 22Na aho vayigagwa, vakumaja, vamulekaga na vajaga.
23Na lusiku lwenulo Vasadukayo hovene vakuyombaga ati, kuduhu vuhembuke ku lufu, vamwegelaga na 24vamuvuzaja, vuhaya, Muhembeki, Mose wayombaga,
Ulu umo alifwa vuduhu vana, haho muduguye amutole mukima wakwe na amuvyalile muduguye vana.
25Alisi lelo vavagiho mugati niswe vadugu mpungati, na wa mbele watolaga na wafwaga, na kunguno wavagi akavile na vana wamulekelaga muduguye mukima wakwe. 26Na sisyo savasava wa vuvili na wa vudatu kusika wa mpungati. 27Alisi hanuma na vose mukima mwene wafwaga. 28Mugati na vuhembuke ku lufu mukima akuvi muke wamwa nani mugati na venavo 29mpungati, kwisi vose valivamutola? Yesu witavukaga na wavawilaga, Inwe mulipuva kunguno mukagamanikizye mavutone ninga nguzu zya Mulungu. 30Kwisi mu vuhembuke ku lufu vakavile kutola ninga kutolwa ngʼo, sumbwa vakuvi kitisi vamalaika va Mulungu mwilunde. 31Na kunguno ya vuhembuke wa vafwile, mukayisomile yeniyi Mulungu wamuwilaga inwe aho aliyomba,
32Nene ndi Mulungu wamwa Abrahamu na Mulungu wamwa Isaka na Mulungu wamwa Yakobo?
Mulungu akavile Mulungu wa vafwile sumbwa wa vazuvuku. 33Na aho mbuto ya vanhu vayigagwa yeniyi, vakumaja kunguno ya vuhembeki wakwe. 34Alisi aho Vafarisayo vigagwa ati wagumumaja mulomo gwa Vasadukayo, 35vivilingaga hamohene, na umo mugati navo, mumanicha ngʼhama, wamugemaga, 36umuvuzya, Muhembeki, mukumo ki guli muhanya mu ngʼhama? 37Nawe wamuwilaga,
Umutogwe Guku Mulungu wako na moyo gose gwako na myuye yose yako na ngelo zyose zyako.
38Gwenugu guli mukumo muhanya na gwa mbele. 39Na gwa vuvili guligwikola gwenugo,
Umutogwe muzenganwa wako kitisi uliwitogwa veve mwenekili.
40Mu mikumo yeniyi ivili zisangizye ngʼhama zyose na vafumbuzi.
41Aho Vafarisayo vavagi vatali vivilingile hamohene, Yesu wavavuzaja, uhaya, Muliganikaki kunguno yamwa 42Kristo, ali mwana wamwa nani? Valimuwila, Wamwa Davidi. 43Nawe alivawila, Lumehoki Davidi alimwitana mu roho Guku, aho wayombaga,
44Guku wamuwilaga Guku wane,
Wikale ha mulila gwane kusika ndivatula
Vanisi vako ha magulu gako?
45Ulu Davidi alimwitana Guku, lumehoki haho ali mwana wakwe? 46Na kuduhu umo wakovolaga kumwitavuka muhayo ninga gumo; na vukumbu na lusiku lwenulo kuduhu umo wagimaga kumuvuzya hangi ninga muhayo gumo.
Currently Selected:
Mateo 22: Nym51
Highlight
Share
Copy
Want to have your highlights saved across all your devices? Sign up or sign in
Nyamwezi New Testament © Bible Society of Tanzania, 1951.
