Marko 13
13
1Na aho wafumaga kwisengelo umo wa vahemba vakwe wamuwila, Muhembeki, lolaga mawe genaya na 2vuzenguzi wenuvu! Na Yesu wamuwilaga, Veve uligavona mavuzenguzi mahanya genaya? Ninga iwe limo kulekwa ngʼo kwigulya na lingi holyene kuhomolwa ngʼo.
3Na aho wikalaga ku Lugulu lwa Maguta ha welekela wʼisengelo, Petro na Yakobo na Yohana na Andrea vamuvuzaja kumhelo, Utuwile nanali genaya gakuviho, 4na lukuviho lumeho ki ati genaya gose gadima kufikila? 5Alisi Yesu wavukizaja kuvawila, Mulole, kuduhu umo amupuvye inwe! 6Vingi vakwiza mu lina lyane valiyomba, Nene ndi uyu, na vakuvapuvya vingi. 7Alisi ulu mukwigwa mavulugu na mhola zya mavulugu, mukakangwe ngʼo, kolaga genaya gakwile, alisi mhelo yitali. 8Kwisi va chalo kimo vakuvagomela va chalo kingi, na vutemi vumo ku vutemi vungi, na manyamuditimya gakuviho uko na uko, na gakuviho matungo ga nzala.
Genaya gali mbuki ya mavusatu. 9Alisi mwikomaje inwe venekili, vakumutongeka inwe hʼivanza na mukutulagulwa mu masinagogo, na mukutongekwa hambele na vanachalo na vatemi kunguno yane kuvi vusangilwaho kuwavo. 10Alisi hambele Mhola ya Chelu yitaniziwe ku va machalo gose. 11Na ulu valimutongeka kumufumya inwe, mukisusume ngʼo hambele na genaya inwe mulayombe, sumbwa genaya mukupiwa mwitungo lyenilo, genaya inwe muyombe, kwisi inwe mulaleke 12kuvi vayombi, sumbwa Roho Nsondo. Na mudugu akumufumya muduguye, kigele avulagwe, na ise mwana wakwe, na vana vakuvagomela vavyazi vavo 13na kuvafila, vavulagwe. Na inwe mukugaywa na vose kunguno ya lina lyane, alisi homwene alijama kusika mhelo akupiziwa.
14Na ulu mulilivona Ivipyo Ivi lilimila henaho mwiko kwima (mwenuyu alisoma ikomye), haho venava vali 15mu Uyahudi vapelele ku malugulu, na homwene ali ku numba higulya aleke kwika ninga aleke kwingila kusola 16kinhu mu numba yakwe; na homwene ali ku mugunda aleke kusyoka kusola mwenda gwakwe. 17Alisi musyolo muhanya ku venavo vali na mwitungo na valongʼhya mu nsiku zyenizyo. 18Alisi mulombage kwigela 19ngʼo genaya gakwile mwitungo lya mbeho. Kwisi nsiku zyenizyo zikuvi misyolo, hozyene zyavagi zikavileho vukumbu ha mbuki ya vutundi wa Mulungu 20kusika lelo, na kuviho ngʼo hangi syenisyo. Na ulu mbe Guku akazidohizye nsiku, mbe kuduhu umo wa kupiziwa; alisi kunguno ya vasogolwa, hovene wavasogolaga, wazidohaja nsiku. 21Na haho ulu umo alimuwila inwe, Lolaga, henaha aliho Kristo, ninga: Kwenuko, 22mukasanizye ngʼo. Kwisi Makristo ga vulamba na vafumbuzi va vulamba vakuvuka na vakuvezya malumeho na migaka kigele, ulu yakovolwa, vavapuvye venavo vasogolilwe. 23Alisi inwe muve minso! Nene namufumbulilaga gose hambele.
24Alisi mu nsiku zyenizyo hanuma na misyolo zyenizi limi likwilavula na mwezi kufumya ngʼo mwanga gwago, 25na masonda gakugwa kufuma kwilunde na nguzu zya ilunde zikutinginiwa. 26Na haho vakumuvona Mwana wa Munhu aliza mu malunde na nguzu nhanya na lukumo. 27Na haho akuvatumizya vamalaika kuvavilinga vasogolwa ku malwande anne, kufuma mhelo ya liwelelo kusika mhelo yʼilunde.
28Alisi ha mukuyu muhembekwe mukolani; ulu itambi lyago lyakondaga na lilifulumya madutu, mulimanicha ati itungo lya nembo lili bihi. 29Sisyo ninwe, ulu mulivona kitisi genaya gose galikwila, mumaniche ati ali bihi ha muzigo. 30Loleyene ndimuwila inwe, Vuvyalwa wenuvu kusila ngʼo kusika gose genaya galikwila. 31Ilunde na liwelelo gakuzimanguka, alisi mihayo yane 32kuzimanguka ngʼo. Alisi kunguno ya lusiku lwenulo, ninga itungo, kuduhu umo alimanicha ninga ngʼo vamalaika mwilunde ninga ngʼo Mwana, sumbwa Vava inene. 33Mwikomaje na mudile minso! Kwisi mukalimanikizye itungo lyenilo. 34Yili kitisi munhu wa lugendo wayilekaga numba yakwe na wavapaga vakumba vakwe vukovozi, uyo na mulimo gwakwe, na wamulagilaga kasika lufungulo adile minso. 35Sisyo mudile minso, kwisi mukamanikizye nanali Guku wa numba alize, ninga handiyu, ninga vuziku hagati, 36ninga ulu ngoko zilihila, ninga handiyu, kwigela ngʼo ulu aliza wanguwangu amusange mulalile. 37Alisi genaya ndimuwila inwe, ndivawila vose, Mudile minso!
Currently Selected:
Marko 13: Nym51
Highlight
Share
Copy
Want to have your highlights saved across all your devices? Sign up or sign in
Nyamwezi New Testament © Bible Society of Tanzania, 1951.
