Jã Sɛbɛ 2

A PƆW KULFƲ FƐTƖ A KANA-TẼW

1A lɛ a bibie ayi na tɔl baar, ba tɛrɛ na a pɔw kulfʋ fɛtɩ a

Kana-tẽw na be a Galile wɩɛr. A *Jeeju mã dãa na be be 2ɩ̃ ba mɩ bʋɔlʼã a Jeeju nɩ a ʋ *par-tuurbe a fɛtɩ ʋlɔ jie. 3A lɛ a dãa na baar, a Jeeju mã yel ʋ na:

“Baa cãa tɛrɛ a dɩvɛ̃ wa.” 4A Jeeju yel ʋ:

“Pɔw wee, bõ sɩ be taa? A ɩ̃ daar ma ta sɛr wa.” 5A ʋ mã yel a tʋ̃tʋnbɔ:

“Nyɩ́ maal a bom jaa lɛ ʋ na yele nyɩ.” 6Ɩ̃ a kubie dʋr ayʋɔb be na be a Jufisɩ na ma ƴɔ̃w a kʋ̃ɔ pɔlɔ nɩ a ba mɩ̃ɛ. Yo-nɔɛ anuu kʋ̃ɔ ɩ̃ ma sɛw a ba jaa bõ-ƴene-ƴene. 7A Jeeju yelʼã a tʋ̃tʋnbɔ:

“Nyɩ́ ꞌwɔ̃w a kʋ̃ɔ sɛɛr a dʋr,” a ba ꞌwɔ̃w sɛɛr. 8Ʋ lɛ yel ba:

“Nyɩ́ ꞌwɔ̃w cenʼɩ̃ na kʋ a fɛtɩ nɩ-kpɛ̃ɛ,” a ba ꞌwɔ̃w cenʼĩ 9A fɛtɩ nɩ-kpɛ̃ɛ ꞌlɛmʼã a kʋ̃ɔ na lɩɛb ɩ a dɩvɛ̃, ɩ̃ ꞌwaa bɔ̃w a jie a na yi wa. Ɩ̃-cɛ a tʋ̃tʋnbɔ na dãa ꞌwɔ̃w a kʋ̃ɔ, bala ʋlɔ bɔ̃w na. A nɩ-kpɛ̃ɛ ʋlɔ bʋɔlʼã a sɩrɛ 10ɩ̃ yel ʋ:

“A nɩbɛ ba jaa, a dɩvɛ̃ nʋ̃ɔ ba ma de nĩe kʋ a nɩbɛ ɩ̃ a lɛ ba na wa nyu tɩw baar, ala ba ma kʋ ba a ala na ma bɔ̃w nʋmɔ wa. Ɩ̃-cɛ a fʋ̃ʋ, fʋ binʼã a dɩvɛ̃ nʋ̃ɔ wa ta nɩ a ƴɛ̃ƴɛrɩ̃.”

11A Jeeju dãdãw nɔ-kofʋ tʋn nɩ a ʋlɔ ʋ na maal a Kana-tẽw na be a Galile wɩɛr. Ʋ miilʼɩ̃ na a ʋ yo-yifʋ a ʋ par-tuurbe sɔw ʋ.

12A ala na baar, a Jeeju lãa na cenʼɩ̃ a ʋ mã nɩ a ʋ yɛɛr nɩ a ʋ par-tuurbe a Kapɛɛnam-tẽw, a ba jɛ be jaa fɩ̃ɩ.

A ƳAƳABSƖ A JEEJU NA DIW BAR A NAAŊMƖN YIR

(Mat 21.12-13, Mar 11.15-17, Lu 19.45-46)

13A Jufisɩ *Pakɩ fɛtɩ daar tara na, a *Jeeju cen a Jerujalɛm. 14A mɩnɛ ʋ na cen a Naaŋmɩn puor-yir kpɛ̃ɛ pʋɔ, ʋ nyɛ na a nɩbɛ na daara a nii nɩ a piir nɩ a ŋmama, lãa nɩ a bala na jɛ tɛwrɛ a libie. 15Ʋ de na a mibe lɩɛb maal a ɩ kpaara ʋ fɔbʼɩ̃ ba ba jaa diw bar yẽw, lãa nɩ a ba piir nɩ a ba nii, ɩ̃ yɛ̃yɛlɩ̃ a libi-tɛwrbɛ libie bar a tene, ɩ̃ lɩɛb a ba tabalsɩ vɔɔl. 16Ɩ̃ ʋ yelʼã a ŋmam-daarba:

“Nyɩ́ de a yele ala yi nɩ a ka! Nyɩ taa de a ɩ̃ Sãa yir lɩɛb maal ʋ ɩ ƴaƴab-yir wa!” 17A ʋ *par-tuurbe tɩɛrʼã yuo a ƴɛr-bir ʋlɔ na sɛb a Naaŋmɩn Sɛbɛ pʋɔ: “Ɩ̃ Naaŋmɩn, a fʋ yir tʋmɔ vɩláa nɔɔ dɩ ma na vũu kaarɩ̃.”

18A be jie, a Jufisɩ soor ʋ na:

“Nɔ-kofʋ tʋ̃-buor fʋ na maal miilʼɩ̃ sɩ a sɩ bɔw ka fʋ tɛrɛ na sɔr maala a yele asɩmɛ?” 19A Jeeju yel ba:

“Nyɩmɩ wɛl a Naaŋmɩn yirʼã, ɩ̃ a bibie ata pʋɔ ɩ̃ na lɛ mɛ ʋ na.” 20A Jufisɩ yel ʋ:

“Yomo lɩjaayi nʼayʋɔb ba mɛ a Naaŋmɩn puor-yir kpɛ̃ɛ naa maalʼɩ̃, ɩ̃ a fʋ̃ʋ, a fʋ yel a fʋ na lɛ mɛ ʋ na baar bibie ata pʋɔ?”

21Ɩ̃-cɛ a Naaŋmɩn yir ʋlɔ a Jeeju na yele ɩ na a ʋ ɩ̃gan. 22A daar ʋlɔ a Jeeju na ir a kũu pʋɔ baar, a ʋ par-tuurbe tɩɛrʼã yuo a ʋ dãa na yel a lɛ, ɩ̃ na ba sɔw de a ala na sɛb a Naaŋmɩn Sɛbɛ pʋɔ nɩ a ƴɛrɩ̃ ʋlɔ a Jeeju na dãa ƴɛr.

A JEEJU BƆ̃W NA A NƖBƐ PƲ-TƖƐRƖ̃SƖ

23A daar ʋlɔ a *Jeeju na be a Jerujalɛm a *Pakɩ fɛtɩ dɩfʋ jie, nɩ-yaw nyɛ na a nɔ-kofʋ tʋmɔ ʋ na maala ɩ̃ sɔw ʋ. 24Ɩ̃-cɛ a Jeeju ma de ba sɩrɛ jaa wa, a-na-ɩ ʋ bɔw na a nɩbɛ ba jaa fɛw tɩɛrɩ̃sɩ. 25ꞌWaa bʋɔrɔ nɩrɛ ʋ man ʋ nɩrɛ kãw ben wa, a-na-ɩ a ʋlɔ mɩ̃ɛ bɔw na a ala na be a nɩrɛ pʋɔ.

Currently Selected:

Jã Sɛbɛ 2: BNT93

Highlight

Copy