Nɩ-toni 8
8
1A Sol mɩ̀ tɩ sàw na kɛ́ bɛ kʋ a Ɩtɩɛn.
A dɔwrʋ dãw-niwn sob na lo a Lãw-yir zu a
A ʋlɩ bibir nɛ tɔr za, dɔwrʋ kpɛ̃ɛ tɩ lo n a Zerizalɛm Lãw-yir zu. Bɛ za tɩ zɔ na yaarɩ cen a Zude nɩ a Samaari ten pʋɔ, ɛ́ tɩ cɛ a nɩ-toni tɛwr. 2Nɩbɛ na nɔ̃w a puoru a, tɩ ɓáw nɩ a Ɩtɩɛn cen nɩ tɩ ũù, ɛ́ kõ ʋ yaga za.
3A Sol ʋl a, ʋ tɩ ƴãw nɩ fãw dɔwrɛ a Lãw-yir. Ʋ mɩ́ tɩ kpɛ n a yie pʋɔ nyɔw nɩbɛ, dɛbr nɩ pɔwbɛ za, tɩ lɔb ƴãw a gaso pʋɔ.
Filib hiere nɩ a Yel-nʋ̃ɔ̀ Samaari
4A bɛl na tɩ zɔ yaarɩ a tɩ cɔlɛ na hiere a Yel-nʋ̃ɔ̀. 5Lɛ n'a a Filib tɩ siw a Samaari tẽ-kpɛ̃ɛ kãw pʋɔ tɩ manɛ a Kɩrɩta yele kʋ̀rɛ a nɩbɛ. 6A zu-sɛbla tɩ gel'a tu a ʋ kanʋ pùor: bɛ za tɩ wone na bɛ na manɛ a nɔ-ɓãa-yele ʋ na maalɛ a, bɩɩ bɛ tɛɛ za mɩ̀ mɩ́ tɩ nyɛ̃ a na. 7A kɔ̃tɔ̃-faar tɩ ŋmɩɛr'ɩ cɛlsɩ yire záarɛ nɩ a kɔ̃tɔ̃-ìrbɛ yaga zie. Nɩ-yaga na tɩ lore wɔblʋ bɩɩ gbɛr a tɩ sanɩ na. 8Nʋ̃ɔ̀-kpɛ̃ɛ tɩ paal'ɩ a tẽw nɛ.
9Dɛb kãw bɛ na bʋɔlɛ kɛ́ Sɩmʋ̃ a, tɩ dãw na be a tẽw nɛ pʋɔ. Ʋ tɩ tone nɩ tɩtɩblɛ tome, a mɩ́ ɩ nɔ-ɓãan a Samaari tẽw dem za zie. Ʋ tɩ yel'a kɛ́ ʋlɛ mɩ̀ n'ʋ, 10ɛ́ a nɩbɛ za tɩ tu a ʋ pùor, a bibiir tɩ lãwnɩ a nɩ-bɛrɛ. Bɛ tɩ yere na: «A dɛb ŋa n'ɩ a Naaŋmɩn fãw, a fãw ʋl bɛ na bʋɔlɛ a fãw kpɛ̃ɛ a.» 11Bɛ tɩ tu n a ʋ pùor, ʋ na tɩ ɩ a ʋ tɩtɩblɛ ɩ-ɩrɩ a nyɔw bɛ a koro za a ƴãw. 12Ɛcɛ a Filib na wa hieri a Naaŋmɩn Naalʋ Yel-nʋ̃ɔ̀ nɩ a Yeezu Kɩrɩta Yel-nʋ̃ɔ̀ a, bɛ tɩ sàw na de a Filib ƴɛ̀rʋ ɛ́ de a suob, dɛbr nɩ pɔwbɛ. 13A Sɩmʋ̃ tɔr za mɩ̀ tɩ sàw na de ɛ́ de a suob, ɛ́ mɩ́ tɩ sɛ mɛr a Filib kʋralɛ. Ɛ́ a nɔ-ɓãa-yel-bɛrɛ nɩ a yel-bãw-guuri ʋ na tɩ nyɛrɛ a, tɩ ɩ ʋ nɩ nɔ-ɓãan.
14A nɩ-toni na tɩ be a Zerizalɛm a tɩ wõ na kɛ́ a Samaari tẽw dem sàw na de a Naaŋmɩn ƴɛ̀rʋ. Lɛ n'a bɛ tɩ tõ Pɩɛr nɩ Zã a bɛ zie. 15Bɛ na tɩ ta a, bɛ puor'ɩ Naaŋmɩn kʋ̀ a Samaari tẽw dem, kɛ́ bɛ tʋ̃ɔ́ páw a Vʋʋrʋ Sõw, 16ʋ na bɛ tɩ siw a bɛ been kãw za zu sɛr a ƴãw: a suob tɛwr'ʋ bɛ tɩ de a Sore Yeezu yúor ƴãw. 17A Pɩɛr nɩ a Zã tɩ íre nɩ nuru dɔwlɛ a bɛ zu, ɛ́ bɛ tɩ páwr a Vʋʋrʋ Sõw. 18A Sɩmʋ̃ tɩ nyɛ̃ na kɛ́ a nɩ-toni mɩ́ wa dɔwlɩ nuru a nɩr zu a, a ʋ sob mɩ́ páw nɩ a Vʋʋrʋ Sõw. Lɛ so ʋ tɩ ír libie zɛlɛ nɩ a Pɩɛr nɩ a Zã 19yere nɩ: «Nyɩ de, ɛ́ mɩ̀ kʋ̀ m a fãw ŋa, kɛ́ a bɛlɩ dem zu ɩ̃ nãà mɩ́ wa ír a nuru dɔwlɩ a, bɛ mɩ̀ mɩ́ páw a Vʋʋrʋ Sõw.» 20Ɛcɛ a Pɩɛr tɩ yel ʋ na: «Fʋ̃ʋ nɩ a fʋ libie za a, nyɩ wɛ! Fʋ na tɩɛrɛ kɛ́ fʋ na tʋ̃ɔ́ na dà n libie a Naaŋmɩn maalʋ ʋ na tɩrɛ zawlalɛ a! 21A fʋ tɩɛrʋ na bɛ tori a Naaŋmɩn zie a, fʋ bɛ tɛr sɔ́r na páw bom za a yele á ŋá na ɩrɛ a ka a pʋɔ ɩ. 22A na ɩ lɛ a, zawrɩ a fʋ yel-faa ŋa bɛr ɛ́ puori a Sore: a mɩnɛ kãw, ʋ na dɩ n a tɩɛr-faa ŋa na wa a fʋ zie a sãwna suur kʋ̀ b. 23Yel-mɩŋa sɩza, ɩ̃ nyɛ̃ a na, fʋ kpɛ n nyuur yaga za, ɛ́ a yel-bier 'lẽ fʋ mɛ̃ miwr a.» 24A Sɩmʋ̃ tɩ sɔw na: «A nyɩɩm tɛɛ za, nyɩ puori a Sore kʋ̀ m, kɛ́ à á ŋá kãw za nyɩ na yel a taa páwr mɛ̃ ɩ.» 25A Pɩɛr nɩ a Zã na tɩ dɩ a dãsɩɛ ɛ́ hieri a Yel-nʋ̃ɔ̀ a be a, bɛ lɛb'a cen a Zerizalɛm. Bɛ tɩ hiere nɩ a Yel-nʋ̃ɔ̀ a Samaari lowr tẽli yaga pʋɔ cere nɩ.
A Filib nɩ a Etiopi tẽw dɛ-vár yele
26A Sore malkɩ tɩ ƴɛ̀r'ɩ a Filib zie yel ʋ: «Ìr tu a saa-pɛrɩ́-dʋrʋ-lowr, de a sɔ́r ʋl na yi a Zerizalɛm ɛ́ siwr a Gaza a, nɩr bɛ be a ʋ zu ɛ.» 27A Filib tɩ ìr'a cen daadaalɛ. Zɩ̃ kɛ́ dɛ-vár kãw, Etiopi tẽw pɔw-nãà Kãdasɩ tõ-tõ-nɩ-kpɛ̃ɛ, na tɩ kaarɛ a ʋ na-bome zie a, tɩ cen nɩ a Zerizalɛm tɩ puori 28ɛ́ lɛb kule. Ʋ tɩ zɩ̃ n a ʋ torko pʋɔ kanɛ a naaŋmɩn-ƴɛ̀r-manɛ Ɩzayi sɛbɛ. 29A Vʋʋrʋ Sõw tɩ yel'ɩ a Filib: «Cen ta a torko ŋa zie.» 30A Filib tɩ zɔ na pɩɛlɩ wõ a dɛ-vár ʋ kanɛ a naaŋmɩn-ƴɛ̀r-manɛ Ɩzayi sɛbɛ, ʋ sowr'ʋ: «Fʋ nɩ̃ɛ na bãw a kanʋ ŋa fʋ na kanɛ a pɛr ɩ?» 31Ʋ tɩ sɔw na: «Nɩr bɛ wa ír a pɛr kʋ̀ m a, ŋmɩŋmɩn za n'a ɩ̃ na ɩ tɩ bãw?» Ʋ tɩ yel'ɩ à ŋá, ɛ́ ƴãw a Filib do kpɛ zɩ̃ pɩɛl ʋ. 32A Sɛb-sõw ƴɛ̀r-bie á ŋá n'a ʋ tɩ kanɛ:
“Mɛ̃ pɛ́rʋ bɛ na nyɔw cere nɩ a kʋb zie a,
mɛ̃ pele bɛ na ŋmarɛ a kɔblʋ ʋʋ àr gbili a,
ʋ bɛ háa nʋɔr ɛ.
33Bɛ siwr'ʋ na,
ɛ́ bɛ dɩ a ƴɛ̀rʋ nɩ mɩnʋ kʋ̀ ʋ ɛ.
Ãa n'ʋ ƴɛ̀r a ʋ bʋʋrɛ ƴɛ̀rʋ?
Bʋ̃ʋ n'ʋ vɛ̃, bɛ ír'ɩ a ʋ nyɔ-vʋʋrʋ a tẽw zu.”#8:33 A kan-nɛ́ɛ 32 nɩ a 33 ƴãw a, nyɛ̃ Ɩza 53.7-8.
34A dɛ-vár tɩ sowr'ɩ a Filib: «Ɩ̃ zɛlɛ fʋ na, yel ɩ̃ nyɛ̃, ãa ƴɛ̀rʋ n'a a naaŋmɩn-ƴɛ̀r-manɛ ƴɛ̀rɛ? Ʋl mɩŋa ƴɛ̀rʋ n'a ʋ ƴɛ̀rɛ bɩɩ nɩ-yũo ƴɛ̀rʋ n'a?» 35Lɛ n'a a Filib tɩ de a ƴɛ̀rʋ, tĩ a Sɛb-sõw ƴɛ̀r-bie á ŋá zie ɛ́ hieri a Yeezu Yel-nʋ̃ɔ̀ kʋ̀ ʋ. 36Bɛ na tɩ cãà lo a sɔ́r cere a, bɛ tɩ ta n kʋ̃ɔ zie. A dɛ-vár tɩ yel'ɩ a Filib: «Nyɛ̃ kʋ̃ɔ, bʋ̃ʋ n'ʋ be be ɩ̃ kʋ̃ tʋ̃ɔ́ de a suob?» [ 37A Filib tɩ yel ʋ na: «Fʋ̃ʋ wa sàw de nɩ a fʋ pʋɔ za a, fʋ na tʋ̃ɔ́ na de a suob.» A dɛ-vár yel ʋ: «Ɩ̃ sàw na de k'aa Yeezu Kɩrɩta ɩ n a Naaŋmɩn Bie.»] 38Ʋ tɩ ƴãw na bɛ ɩ a torko ʋ àr, ɛ́ ʋlɛ nɩ a Filib siw bɛ za ayi a kʋ̃ɔmɩ́, a Filib kʋ̀ ʋ a suob. 39Bɛ na wa lɛb yi a kʋ̃ɔ pʋɔ a, a Sore Vʋʋrʋ ír'ɩ a Filib. A dɛ-vár bɛ lɛb tɩ cãà nyɛ̃ ʋ ɛ, ɛ́ cãà lo a ʋ sɔ́r kule nɩ nʋ̃ɔ̀. 40A Filib ʋl wa tɩ nyɛ̃ na ʋ be Azɔtɩ. Al pùorí, ʋ tɩ hiere nɩ a Yel-nʋ̃ɔ̀ a ten al za pʋɔ ʋ na tɩ tuur tɔlɛ a, tɩ sãá nɩ Sezaare.
Currently Selected:
Nɩ-toni 8: DBDC
Highlight
Share
Copy
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
Nɩ-toni 8
8
1A Sol mɩ̀ tɩ sàw na kɛ́ bɛ kʋ a Ɩtɩɛn.
A dɔwrʋ dãw-niwn sob na lo a Lãw-yir zu a
A ʋlɩ bibir nɛ tɔr za, dɔwrʋ kpɛ̃ɛ tɩ lo n a Zerizalɛm Lãw-yir zu. Bɛ za tɩ zɔ na yaarɩ cen a Zude nɩ a Samaari ten pʋɔ, ɛ́ tɩ cɛ a nɩ-toni tɛwr. 2Nɩbɛ na nɔ̃w a puoru a, tɩ ɓáw nɩ a Ɩtɩɛn cen nɩ tɩ ũù, ɛ́ kõ ʋ yaga za.
3A Sol ʋl a, ʋ tɩ ƴãw nɩ fãw dɔwrɛ a Lãw-yir. Ʋ mɩ́ tɩ kpɛ n a yie pʋɔ nyɔw nɩbɛ, dɛbr nɩ pɔwbɛ za, tɩ lɔb ƴãw a gaso pʋɔ.
Filib hiere nɩ a Yel-nʋ̃ɔ̀ Samaari
4A bɛl na tɩ zɔ yaarɩ a tɩ cɔlɛ na hiere a Yel-nʋ̃ɔ̀. 5Lɛ n'a a Filib tɩ siw a Samaari tẽ-kpɛ̃ɛ kãw pʋɔ tɩ manɛ a Kɩrɩta yele kʋ̀rɛ a nɩbɛ. 6A zu-sɛbla tɩ gel'a tu a ʋ kanʋ pùor: bɛ za tɩ wone na bɛ na manɛ a nɔ-ɓãa-yele ʋ na maalɛ a, bɩɩ bɛ tɛɛ za mɩ̀ mɩ́ tɩ nyɛ̃ a na. 7A kɔ̃tɔ̃-faar tɩ ŋmɩɛr'ɩ cɛlsɩ yire záarɛ nɩ a kɔ̃tɔ̃-ìrbɛ yaga zie. Nɩ-yaga na tɩ lore wɔblʋ bɩɩ gbɛr a tɩ sanɩ na. 8Nʋ̃ɔ̀-kpɛ̃ɛ tɩ paal'ɩ a tẽw nɛ.
9Dɛb kãw bɛ na bʋɔlɛ kɛ́ Sɩmʋ̃ a, tɩ dãw na be a tẽw nɛ pʋɔ. Ʋ tɩ tone nɩ tɩtɩblɛ tome, a mɩ́ ɩ nɔ-ɓãan a Samaari tẽw dem za zie. Ʋ tɩ yel'a kɛ́ ʋlɛ mɩ̀ n'ʋ, 10ɛ́ a nɩbɛ za tɩ tu a ʋ pùor, a bibiir tɩ lãwnɩ a nɩ-bɛrɛ. Bɛ tɩ yere na: «A dɛb ŋa n'ɩ a Naaŋmɩn fãw, a fãw ʋl bɛ na bʋɔlɛ a fãw kpɛ̃ɛ a.» 11Bɛ tɩ tu n a ʋ pùor, ʋ na tɩ ɩ a ʋ tɩtɩblɛ ɩ-ɩrɩ a nyɔw bɛ a koro za a ƴãw. 12Ɛcɛ a Filib na wa hieri a Naaŋmɩn Naalʋ Yel-nʋ̃ɔ̀ nɩ a Yeezu Kɩrɩta Yel-nʋ̃ɔ̀ a, bɛ tɩ sàw na de a Filib ƴɛ̀rʋ ɛ́ de a suob, dɛbr nɩ pɔwbɛ. 13A Sɩmʋ̃ tɔr za mɩ̀ tɩ sàw na de ɛ́ de a suob, ɛ́ mɩ́ tɩ sɛ mɛr a Filib kʋralɛ. Ɛ́ a nɔ-ɓãa-yel-bɛrɛ nɩ a yel-bãw-guuri ʋ na tɩ nyɛrɛ a, tɩ ɩ ʋ nɩ nɔ-ɓãan.
14A nɩ-toni na tɩ be a Zerizalɛm a tɩ wõ na kɛ́ a Samaari tẽw dem sàw na de a Naaŋmɩn ƴɛ̀rʋ. Lɛ n'a bɛ tɩ tõ Pɩɛr nɩ Zã a bɛ zie. 15Bɛ na tɩ ta a, bɛ puor'ɩ Naaŋmɩn kʋ̀ a Samaari tẽw dem, kɛ́ bɛ tʋ̃ɔ́ páw a Vʋʋrʋ Sõw, 16ʋ na bɛ tɩ siw a bɛ been kãw za zu sɛr a ƴãw: a suob tɛwr'ʋ bɛ tɩ de a Sore Yeezu yúor ƴãw. 17A Pɩɛr nɩ a Zã tɩ íre nɩ nuru dɔwlɛ a bɛ zu, ɛ́ bɛ tɩ páwr a Vʋʋrʋ Sõw. 18A Sɩmʋ̃ tɩ nyɛ̃ na kɛ́ a nɩ-toni mɩ́ wa dɔwlɩ nuru a nɩr zu a, a ʋ sob mɩ́ páw nɩ a Vʋʋrʋ Sõw. Lɛ so ʋ tɩ ír libie zɛlɛ nɩ a Pɩɛr nɩ a Zã 19yere nɩ: «Nyɩ de, ɛ́ mɩ̀ kʋ̀ m a fãw ŋa, kɛ́ a bɛlɩ dem zu ɩ̃ nãà mɩ́ wa ír a nuru dɔwlɩ a, bɛ mɩ̀ mɩ́ páw a Vʋʋrʋ Sõw.» 20Ɛcɛ a Pɩɛr tɩ yel ʋ na: «Fʋ̃ʋ nɩ a fʋ libie za a, nyɩ wɛ! Fʋ na tɩɛrɛ kɛ́ fʋ na tʋ̃ɔ́ na dà n libie a Naaŋmɩn maalʋ ʋ na tɩrɛ zawlalɛ a! 21A fʋ tɩɛrʋ na bɛ tori a Naaŋmɩn zie a, fʋ bɛ tɛr sɔ́r na páw bom za a yele á ŋá na ɩrɛ a ka a pʋɔ ɩ. 22A na ɩ lɛ a, zawrɩ a fʋ yel-faa ŋa bɛr ɛ́ puori a Sore: a mɩnɛ kãw, ʋ na dɩ n a tɩɛr-faa ŋa na wa a fʋ zie a sãwna suur kʋ̀ b. 23Yel-mɩŋa sɩza, ɩ̃ nyɛ̃ a na, fʋ kpɛ n nyuur yaga za, ɛ́ a yel-bier 'lẽ fʋ mɛ̃ miwr a.» 24A Sɩmʋ̃ tɩ sɔw na: «A nyɩɩm tɛɛ za, nyɩ puori a Sore kʋ̀ m, kɛ́ à á ŋá kãw za nyɩ na yel a taa páwr mɛ̃ ɩ.» 25A Pɩɛr nɩ a Zã na tɩ dɩ a dãsɩɛ ɛ́ hieri a Yel-nʋ̃ɔ̀ a be a, bɛ lɛb'a cen a Zerizalɛm. Bɛ tɩ hiere nɩ a Yel-nʋ̃ɔ̀ a Samaari lowr tẽli yaga pʋɔ cere nɩ.
A Filib nɩ a Etiopi tẽw dɛ-vár yele
26A Sore malkɩ tɩ ƴɛ̀r'ɩ a Filib zie yel ʋ: «Ìr tu a saa-pɛrɩ́-dʋrʋ-lowr, de a sɔ́r ʋl na yi a Zerizalɛm ɛ́ siwr a Gaza a, nɩr bɛ be a ʋ zu ɛ.» 27A Filib tɩ ìr'a cen daadaalɛ. Zɩ̃ kɛ́ dɛ-vár kãw, Etiopi tẽw pɔw-nãà Kãdasɩ tõ-tõ-nɩ-kpɛ̃ɛ, na tɩ kaarɛ a ʋ na-bome zie a, tɩ cen nɩ a Zerizalɛm tɩ puori 28ɛ́ lɛb kule. Ʋ tɩ zɩ̃ n a ʋ torko pʋɔ kanɛ a naaŋmɩn-ƴɛ̀r-manɛ Ɩzayi sɛbɛ. 29A Vʋʋrʋ Sõw tɩ yel'ɩ a Filib: «Cen ta a torko ŋa zie.» 30A Filib tɩ zɔ na pɩɛlɩ wõ a dɛ-vár ʋ kanɛ a naaŋmɩn-ƴɛ̀r-manɛ Ɩzayi sɛbɛ, ʋ sowr'ʋ: «Fʋ nɩ̃ɛ na bãw a kanʋ ŋa fʋ na kanɛ a pɛr ɩ?» 31Ʋ tɩ sɔw na: «Nɩr bɛ wa ír a pɛr kʋ̀ m a, ŋmɩŋmɩn za n'a ɩ̃ na ɩ tɩ bãw?» Ʋ tɩ yel'ɩ à ŋá, ɛ́ ƴãw a Filib do kpɛ zɩ̃ pɩɛl ʋ. 32A Sɛb-sõw ƴɛ̀r-bie á ŋá n'a ʋ tɩ kanɛ:
“Mɛ̃ pɛ́rʋ bɛ na nyɔw cere nɩ a kʋb zie a,
mɛ̃ pele bɛ na ŋmarɛ a kɔblʋ ʋʋ àr gbili a,
ʋ bɛ háa nʋɔr ɛ.
33Bɛ siwr'ʋ na,
ɛ́ bɛ dɩ a ƴɛ̀rʋ nɩ mɩnʋ kʋ̀ ʋ ɛ.
Ãa n'ʋ ƴɛ̀r a ʋ bʋʋrɛ ƴɛ̀rʋ?
Bʋ̃ʋ n'ʋ vɛ̃, bɛ ír'ɩ a ʋ nyɔ-vʋʋrʋ a tẽw zu.”#8:33 A kan-nɛ́ɛ 32 nɩ a 33 ƴãw a, nyɛ̃ Ɩza 53.7-8.
34A dɛ-vár tɩ sowr'ɩ a Filib: «Ɩ̃ zɛlɛ fʋ na, yel ɩ̃ nyɛ̃, ãa ƴɛ̀rʋ n'a a naaŋmɩn-ƴɛ̀r-manɛ ƴɛ̀rɛ? Ʋl mɩŋa ƴɛ̀rʋ n'a ʋ ƴɛ̀rɛ bɩɩ nɩ-yũo ƴɛ̀rʋ n'a?» 35Lɛ n'a a Filib tɩ de a ƴɛ̀rʋ, tĩ a Sɛb-sõw ƴɛ̀r-bie á ŋá zie ɛ́ hieri a Yeezu Yel-nʋ̃ɔ̀ kʋ̀ ʋ. 36Bɛ na tɩ cãà lo a sɔ́r cere a, bɛ tɩ ta n kʋ̃ɔ zie. A dɛ-vár tɩ yel'ɩ a Filib: «Nyɛ̃ kʋ̃ɔ, bʋ̃ʋ n'ʋ be be ɩ̃ kʋ̃ tʋ̃ɔ́ de a suob?» [ 37A Filib tɩ yel ʋ na: «Fʋ̃ʋ wa sàw de nɩ a fʋ pʋɔ za a, fʋ na tʋ̃ɔ́ na de a suob.» A dɛ-vár yel ʋ: «Ɩ̃ sàw na de k'aa Yeezu Kɩrɩta ɩ n a Naaŋmɩn Bie.»] 38Ʋ tɩ ƴãw na bɛ ɩ a torko ʋ àr, ɛ́ ʋlɛ nɩ a Filib siw bɛ za ayi a kʋ̃ɔmɩ́, a Filib kʋ̀ ʋ a suob. 39Bɛ na wa lɛb yi a kʋ̃ɔ pʋɔ a, a Sore Vʋʋrʋ ír'ɩ a Filib. A dɛ-vár bɛ lɛb tɩ cãà nyɛ̃ ʋ ɛ, ɛ́ cãà lo a ʋ sɔ́r kule nɩ nʋ̃ɔ̀. 40A Filib ʋl wa tɩ nyɛ̃ na ʋ be Azɔtɩ. Al pùorí, ʋ tɩ hiere nɩ a Yel-nʋ̃ɔ̀ a ten al za pʋɔ ʋ na tɩ tuur tɔlɛ a, tɩ sãá nɩ Sezaare.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.