Nɩ-toni 9
9
A Sore bʋɔl'ɩ a Sol
(Nɩ-t 22:6-16, 26:12-18)
1A Sol ʋl cãà bɛ tɩ bɛrɛ a Sore po-tuurbɛ ɩ, ɛ́ bɔbr a bɛ kʋb. Ʋ tɩ cen na tɩ páw a bàwr-maal-kara, 2ɛ́ ƴãw ʋ kʋ̀ ʋ sɛb-tʋɔlɩ a Damasɩ tẽw puoru-diru nɩ-bɛrɛ ƴãw, kɛ́ ʋlɛ wa tɩ nyɛ̃ nɩbɛ, dɛbr bɩɩ pɔwbɛ, bɛ tuur a Yeezu sɔ́r a, ʋʋ nyɔw bɛ ƴãw bamɛ wa n a Zerizalɛm. 3Ʋ tɩ lo n a sɔ́r cere tɩ pɩɛlɛ a Damasɩ, wa bere cãà yi a salom zu wa caalɩ pili pàw ʋ. 4Ʋ tɩ lo na gã tẽw ɛ́ wõ kɔkɔr ʋ yere a ʋ zie: «Sol i, Sol i, bʋ̃ʋ n'ʋ so fʋ dɔwrɛ mɛ̃?» 5A Sol tɩ sowr'ʋ na: «Ãa nɛ b, Sore e?» Ʋ tɩ sɔw na: «Mãa n'ɩ a Yeezu, mãa n'ʋ fʋ dɔwrɛ. 6Ɛcɛ ìr kpɛ a tẽw pʋɔ, bɛ na tɩ yel'a kʋ̀ b a ʋlɩ bom nɛ a na fɛr kɛ́ fʋ ɩ a.» 7Dɛ̃bɩ̃ɛ tɩ gbini nɩ a Sol sɔr-lãw-cen-taabɛ bɛ àr gbili: bɛ tɩ wone nɩ a kɔkɔr, ɛcɛ bɛ bɛ tɩ nyɛ̃ nɩr za ɩ. 8A Sol tɩ lɛb'a ìr. Ɛcɛ ʋ na saa tɩ yuo a mimie a, ʋ bɛ tɩ nyɛrɛ ɩ. A ʋ sɔr-lãw-cen-taabɛ tɩ nyɔw ʋ nɩ nũú taw tɩ kpɛ n a Damasɩ. 9Ʋ tɩ maal'ɩ bibie ata, ɛ́ cãà bɛ nyɛrɛ ɩ. Ɛ́ a bibie ata á ŋá za ʋ bɛ dɩ bom ɛ, ɛ́ bɛ nyũ bom ɛ.
10Yeezu po-tuure kãw, na dɩ kɛ́ Ananɩasɩ a, tɩ be n a Damasɩ. Ʋ tɩ nyɛ̃ nɩ a Sore ʋ bʋɔl'ʋ: «Ananɩasɩ i!» Ʋ sɔw: «Mãa n'ɩ ŋan Sore e.» 11A Sore tɩ yel ʋ na: «Ìr yi a sɔ́r ʋl zu bɛ na bʋɔlɛ a “Sɔr-dẽdẽ” a, tɩ kpɛ a Zuda yir sowri nɩr kãw na dɩ kɛ́ Sol a, Tarsɩ n'a ʋ yi. Ʋ puore na, 12ɛ́ nyɛ̃ nɩr na dɩ kɛ́ Ananɩasɩ a, ʋ wa kpɛ ír nuru dɔwlɩ a ʋ zu k'ʋʋ tʋ̃ɔ́ lɛb nyɛrɛ.» 13A Ananɩasɩ tɩ sɔw na: «Sore e, ɩ̃ wõ n nɩ-yaga na ƴɛ̀r a nɩr ŋa ƴɛ̀rʋ a, nɩ a dɔwrʋ al za ʋ na dɔwrɩ a fʋ nɩbɛ a Zerizalɛm a. 14A bàwr-maal-nɩ-bɛrɛ kʋ̀ ʋ nɩ sɔ́r ʋ wa a ka, k'ʋʋ wa nyɔw a bɛlɩ dem za na bʋɔlɛ a fʋ yúor a ƴãw bamɛ.» 15Ɛcɛ a Sore tɩ yel ʋ na: «Cen, a nɩr ŋa ɩ n tõ-tõ-bom ɩ̃ na kaa ír k'ʋʋ ɩ a ɩ̃ yúor yi ta a nɩ-bʋʋr-yoru, a na-mɩnɛ nɩ a Ɩsɩrayɛl biir zie a. 16Mãa mɩŋa na wul ʋ nɩ a tuo al za a na fɛr k'ʋʋ wõ a ɩ̃ yúor ƴãw a.» 17A Ananɩasɩ tɩ cen na tɩ kpɛ a yir pʋɔ, dɔwlɩ a nuru a ʋ zu ɛ́ yel: «Ɩ̃ yɛb Sol i, a Sore n'ʋ tõ m. A Yeezu ʋl na wul ʋ tʋɔra fʋ nyɛ̃ ʋ a sɔ́r ʋl fʋ na tɩ lo waar a zu a, ʋlɛ n'ʋ tõ m k'ɩ̃ɩ wa ɩ fʋ lɛb nyɛrɛ ɛ́ a Vʋʋrʋ Sõw paalɩ fʋ.» 18Daadaalɛ bome kãw, na ɩ mɛ̃ zʋm-pɛgɛ a, tɩ yi n a ʋ mimie pʋɔ 'lawrɩ lo, ʋʋ lɛb nyɛrɛ ɛ́ de a suob. 19Al pùorí, ʋ tɩ dɩ na lɛb páw fãw.
A Sol tĩ na hiere a Yel-nʋ̃ɔ̀ a Damasɩ
A Sol tɩ maal'ɩ bibie blã a Damasɩ, ʋlɛ nɩ a Yeezu po-tuurbɛ na tɩ be a be a. 20Ʋ tɩ tĩ nɩ daadaalɛ hiere a Zifʋ mɩnɛ puoru-dirú kɛ́ a Yeezu n'ɩ a Naaŋmɩn Bie. 21A bɛlɩ dem za na tɩ bɛrɛ wone a ʋ kanʋ a, mɩ́ tɩ nyɔw nɩ nʋɔr yere nɩ: «A nɩr ŋa bɛ tʋ̃ɔ́ n'ʋ bɛ tɩ bɛrɛ a bɛlɩ dem na bʋɔlɛ a Yúor ŋa a Zerizalɛm a ɩ? Ɛ́ a bɛ nyɔwfʋ ƴãw bɛ n'a ʋ sʋ̃ɔmɩ bul wa a ka, k'ʋʋ wa nyɔw bɛ 'lẽ cen nɩ tɩ kʋ̀ a bàwr-maal-nɩ-bɛrɛ ɩ?» 22Ɛcɛ a Sol tɩ nyɛrɛ nɩ fãw dɔwlɛ, ɛ́ mɩ́ tɩ ƴɛ̀r tʋ̃ɔ́ a Damasɩ tẽw Zifʋ mɩnɛ, ʋ na mɩ́ tɩ manɛ wule k'aa Yeezu sɩrɩ n'ɩ a Kɩrɩta a.
23A wa tɩ kɔwrɩ na, ɛ́ a Zifʋ mɩnɛ bɛ ŋa wa ír bʋ taa kɛ́ bɛ kʋ a Sol. 24A Sol tɩ wõ n a bɛ bʋ-taa ŋa yele. A Zifʋ mɩnɛ mɩ́ tɩ gù n a tẽw dɩ̃dɛɛ mʋ̃tɔ̃w nɩ tɩ̃ɩsɔw za, kɛ́ bɛ tʋ̃ɔ́ piw nyɔw ʋ kʋ. 25Ɛcɛ tɩ̃ɩsɔw kãw, a Sol po-tuurbɛ tɩ ɓáw ʋ na ƴãw zãkpa pʋɔ ɛ́ 'lẽ nɩ mie tur bɛr dapùorí ʋ siw.
A Sol do n a Zerizalɛm
26A Sol na tɩ ta a Zerizalɛm a, ʋ tɩ bɔbr'a k'ʋʋ pʋɔ a Yeezu po-tuurbɛ pʋɔ, ɛcɛ bɛ za tɩ zɔrɛ nɩ a ʋ dɛ̃bɩ̃ɛ, ɛ́ bɛ tɩ sàw tɩɛrɛ kɛ́ sɩza n'a ʋ lɩɛbɩ a Yeezu po-tuure ɩ. 27Lɛ n'a a Banabasɩ pãa tɩ tɛr ʋ cen nɩ tɩ wul a nɩ-toni, ɛ́ manɩ kʋ̀ bɛ a lɛ a Sol na tɩ nyɛ̃ a Sore a sɔ́r pʋɔ ʋ ƴɛ̀r a ʋ zie a, nɩ a lɛ a Sol na tɩ nyɔw socir ɛ́ kanɩ nɩ a nɩbɛ a Yeezu yúor ƴãw a Damasɩ a. 28Lɛ n'a a Sol pãa tɩ pʋɔ a bɛ pʋɔ, kpɩɛr ɛ́ yire a Zerizalɛm, ɛ́ nyɔw socir kanɛ nɩ a nɩbɛ a Sore yúor ƴãw. 29A Zifʋ bɛl na ƴɛ̀rɛ a Gɩrɛkɩ a zie n'a ʋ mɩ́ tɩ ƴɛ̀rɛ, ɛ́ ʋlɛ nɩ a bɛl ŋmɩɛr a nɔkpɛn. Ɛcɛ a nɩbɛ bɛ ŋa tɩ bɔbr'ɩ ʋ kʋb. 30A yɛbr na tɩ bãwnɩ a, bɛ tɛr ʋ na cen nɩ Sezaare, tɩ ƴãw k'ʋ cen Tarsɩ.
31A Lãw-yir tɩ tɛr'ɩ ƴã-ɓaarʋ a Zude tẽw za pʋɔ, nɩ a Galile tẽw nɩ a Samaari tẽw. Ʋ tɩ mɩɛr'a yɛlɛ ɛ́ tɛr a Sore zɔba, a Vʋʋrʋ Sõw mɔwlʋ tɩ be n a ʋ zie yaga ʋ kɛrɛ nɩ.
Pɩɛr sanɩ nɩ Ene a Lida
32A Pɩɛr na tɩ cɔlɛ a ziir za a, ʋ mɩ̀ tɩ tɔl'a siw a Lida a kɩrɩta-nɩbɛ zie. 33Ʋ tɩ nyɛ̃ nɩ nɩr kãw na dɩ kɛ́ Ene a, ʋ gã sɛ̃w pʋɔ. Yome ani n'ɩ à ŋá ʋ na tɩ gbɛ̀r gã a. 34A Pɩɛr tɩ yel ʋ na: «Ene e, a Yeezu Kɩrɩta sanɩ fʋ na, ìr pili a fʋ sɛ̃w fʋ tʋɔra.» Ʋ tɩ ìr'ɩ daadaalɛ. 35A Lida tẽw dem za, nɩ a Saarɔ̃ tẽw nɩbɛ za na tɩ nyɛ̃ ʋ a, bɛ tɩ lɩɛb'ɩ a bɛ ɩb sàw de a Sore.
A Pɩɛr sɩ̃w nɩ Tabɩta na tɩ kpi a
36Pɔw kãw tɩ be n a Zope tẽw ɩ a Sore po-tuure. Ʋ tɩ dɩ na kɛ́ Tabɩta, ɛ́ bɛ bʋɔlɛ Dɔrkasɩ a gɩrɛkɩ kɔkɔr pʋɔ, a pɛr lɛ kɛ́ Wala. A ɩ-vɩɛlɩ maalʋ nɩ a nɩ-kɔmɛ sõwfʋ tɩ n'ɩ a ʋ tome. 37Ʋ wa tɩ lo n bàalʋ a alɩ bibie nɛ pʋɔ kpi. Bɛ tɩ so ʋ nɩ a kʋ̃ɔ, ɓáw do n tɩ bin a bɔwpɩɛ pʋɔ. 38A Lida nɩ a Zope pɩɛl'ɩ taa. A kɩrɩta-nɩbɛ na tɩ wõ kɛ́ a Pɩɛr be n a Lida a, bɛ tõ n nɩbɛ ayi kɛ́ bɛ tɩ bʋɔl'ʋ nɩ a ƴɛ̀r-bie á ŋá: «Wa fɔ̃w za a tɩ zie.» 39A Pɩɛr tɩ ìr'ɩ daadaalɛ páw bɛ cen. Ʋ na tɩ ta a, bɛ tɛr ʋ na do n a bɔwpɩɛ pʋɔ. A pɔw-kɔbɛ za tɩ ɓã n taa a be, kone wule nɩ a Pɩɛr a kpali nɩ a kpar-bɛrɛ al a Dɔrkasɩ na tɩ wóbr a ʋ cãafʋ daar a. 40A Pɩɛr tɩ ƴãw nɩ a nɩbɛ za bɛ yi, ʋʋ lo gbĩ dume puori. Ʋ na wa puori baar'a, ʋ tɩ lɩɛb'ɩ niwn cɔw a kũu ɛ́ yel: «Tabɩta a, ìr!» Ʋ yuo a mimie, ʋʋ na tɩ nyɛ̃ a Pɩɛr a, ʋ ìr'a zɩ̃. 41A Pɩɛr tɩ nyɔw ʋ nɩ nũú ʋ ìr, ʋʋ bʋɔlɩ a kɩrɩta-nɩbɛ nɩ a pɔw-kɔbɛ wa wul bɛ a Tabɩta na lɛb vʋʋrɛ a. 42A Zope tẽw nɩbɛ za tɩ wõ n a yel ŋa, ɛ́ bɛ yaga zie tɩ sàw na de a Sore. 43A Pɩɛr tɩ kpɛ n a Zope kɔwrɩ. Ʋ tɩ kpɩɛr'ɩ gán-nɔnɛ kãw bɛ na bʋɔlɛ Sɩmʋ̃ a yir.
Currently Selected:
Nɩ-toni 9: DBDC
Highlight
Share
Copy
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
Nɩ-toni 9
9
A Sore bʋɔl'ɩ a Sol
(Nɩ-t 22:6-16, 26:12-18)
1A Sol ʋl cãà bɛ tɩ bɛrɛ a Sore po-tuurbɛ ɩ, ɛ́ bɔbr a bɛ kʋb. Ʋ tɩ cen na tɩ páw a bàwr-maal-kara, 2ɛ́ ƴãw ʋ kʋ̀ ʋ sɛb-tʋɔlɩ a Damasɩ tẽw puoru-diru nɩ-bɛrɛ ƴãw, kɛ́ ʋlɛ wa tɩ nyɛ̃ nɩbɛ, dɛbr bɩɩ pɔwbɛ, bɛ tuur a Yeezu sɔ́r a, ʋʋ nyɔw bɛ ƴãw bamɛ wa n a Zerizalɛm. 3Ʋ tɩ lo n a sɔ́r cere tɩ pɩɛlɛ a Damasɩ, wa bere cãà yi a salom zu wa caalɩ pili pàw ʋ. 4Ʋ tɩ lo na gã tẽw ɛ́ wõ kɔkɔr ʋ yere a ʋ zie: «Sol i, Sol i, bʋ̃ʋ n'ʋ so fʋ dɔwrɛ mɛ̃?» 5A Sol tɩ sowr'ʋ na: «Ãa nɛ b, Sore e?» Ʋ tɩ sɔw na: «Mãa n'ɩ a Yeezu, mãa n'ʋ fʋ dɔwrɛ. 6Ɛcɛ ìr kpɛ a tẽw pʋɔ, bɛ na tɩ yel'a kʋ̀ b a ʋlɩ bom nɛ a na fɛr kɛ́ fʋ ɩ a.» 7Dɛ̃bɩ̃ɛ tɩ gbini nɩ a Sol sɔr-lãw-cen-taabɛ bɛ àr gbili: bɛ tɩ wone nɩ a kɔkɔr, ɛcɛ bɛ bɛ tɩ nyɛ̃ nɩr za ɩ. 8A Sol tɩ lɛb'a ìr. Ɛcɛ ʋ na saa tɩ yuo a mimie a, ʋ bɛ tɩ nyɛrɛ ɩ. A ʋ sɔr-lãw-cen-taabɛ tɩ nyɔw ʋ nɩ nũú taw tɩ kpɛ n a Damasɩ. 9Ʋ tɩ maal'ɩ bibie ata, ɛ́ cãà bɛ nyɛrɛ ɩ. Ɛ́ a bibie ata á ŋá za ʋ bɛ dɩ bom ɛ, ɛ́ bɛ nyũ bom ɛ.
10Yeezu po-tuure kãw, na dɩ kɛ́ Ananɩasɩ a, tɩ be n a Damasɩ. Ʋ tɩ nyɛ̃ nɩ a Sore ʋ bʋɔl'ʋ: «Ananɩasɩ i!» Ʋ sɔw: «Mãa n'ɩ ŋan Sore e.» 11A Sore tɩ yel ʋ na: «Ìr yi a sɔ́r ʋl zu bɛ na bʋɔlɛ a “Sɔr-dẽdẽ” a, tɩ kpɛ a Zuda yir sowri nɩr kãw na dɩ kɛ́ Sol a, Tarsɩ n'a ʋ yi. Ʋ puore na, 12ɛ́ nyɛ̃ nɩr na dɩ kɛ́ Ananɩasɩ a, ʋ wa kpɛ ír nuru dɔwlɩ a ʋ zu k'ʋʋ tʋ̃ɔ́ lɛb nyɛrɛ.» 13A Ananɩasɩ tɩ sɔw na: «Sore e, ɩ̃ wõ n nɩ-yaga na ƴɛ̀r a nɩr ŋa ƴɛ̀rʋ a, nɩ a dɔwrʋ al za ʋ na dɔwrɩ a fʋ nɩbɛ a Zerizalɛm a. 14A bàwr-maal-nɩ-bɛrɛ kʋ̀ ʋ nɩ sɔ́r ʋ wa a ka, k'ʋʋ wa nyɔw a bɛlɩ dem za na bʋɔlɛ a fʋ yúor a ƴãw bamɛ.» 15Ɛcɛ a Sore tɩ yel ʋ na: «Cen, a nɩr ŋa ɩ n tõ-tõ-bom ɩ̃ na kaa ír k'ʋʋ ɩ a ɩ̃ yúor yi ta a nɩ-bʋʋr-yoru, a na-mɩnɛ nɩ a Ɩsɩrayɛl biir zie a. 16Mãa mɩŋa na wul ʋ nɩ a tuo al za a na fɛr k'ʋʋ wõ a ɩ̃ yúor ƴãw a.» 17A Ananɩasɩ tɩ cen na tɩ kpɛ a yir pʋɔ, dɔwlɩ a nuru a ʋ zu ɛ́ yel: «Ɩ̃ yɛb Sol i, a Sore n'ʋ tõ m. A Yeezu ʋl na wul ʋ tʋɔra fʋ nyɛ̃ ʋ a sɔ́r ʋl fʋ na tɩ lo waar a zu a, ʋlɛ n'ʋ tõ m k'ɩ̃ɩ wa ɩ fʋ lɛb nyɛrɛ ɛ́ a Vʋʋrʋ Sõw paalɩ fʋ.» 18Daadaalɛ bome kãw, na ɩ mɛ̃ zʋm-pɛgɛ a, tɩ yi n a ʋ mimie pʋɔ 'lawrɩ lo, ʋʋ lɛb nyɛrɛ ɛ́ de a suob. 19Al pùorí, ʋ tɩ dɩ na lɛb páw fãw.
A Sol tĩ na hiere a Yel-nʋ̃ɔ̀ a Damasɩ
A Sol tɩ maal'ɩ bibie blã a Damasɩ, ʋlɛ nɩ a Yeezu po-tuurbɛ na tɩ be a be a. 20Ʋ tɩ tĩ nɩ daadaalɛ hiere a Zifʋ mɩnɛ puoru-dirú kɛ́ a Yeezu n'ɩ a Naaŋmɩn Bie. 21A bɛlɩ dem za na tɩ bɛrɛ wone a ʋ kanʋ a, mɩ́ tɩ nyɔw nɩ nʋɔr yere nɩ: «A nɩr ŋa bɛ tʋ̃ɔ́ n'ʋ bɛ tɩ bɛrɛ a bɛlɩ dem na bʋɔlɛ a Yúor ŋa a Zerizalɛm a ɩ? Ɛ́ a bɛ nyɔwfʋ ƴãw bɛ n'a ʋ sʋ̃ɔmɩ bul wa a ka, k'ʋʋ wa nyɔw bɛ 'lẽ cen nɩ tɩ kʋ̀ a bàwr-maal-nɩ-bɛrɛ ɩ?» 22Ɛcɛ a Sol tɩ nyɛrɛ nɩ fãw dɔwlɛ, ɛ́ mɩ́ tɩ ƴɛ̀r tʋ̃ɔ́ a Damasɩ tẽw Zifʋ mɩnɛ, ʋ na mɩ́ tɩ manɛ wule k'aa Yeezu sɩrɩ n'ɩ a Kɩrɩta a.
23A wa tɩ kɔwrɩ na, ɛ́ a Zifʋ mɩnɛ bɛ ŋa wa ír bʋ taa kɛ́ bɛ kʋ a Sol. 24A Sol tɩ wõ n a bɛ bʋ-taa ŋa yele. A Zifʋ mɩnɛ mɩ́ tɩ gù n a tẽw dɩ̃dɛɛ mʋ̃tɔ̃w nɩ tɩ̃ɩsɔw za, kɛ́ bɛ tʋ̃ɔ́ piw nyɔw ʋ kʋ. 25Ɛcɛ tɩ̃ɩsɔw kãw, a Sol po-tuurbɛ tɩ ɓáw ʋ na ƴãw zãkpa pʋɔ ɛ́ 'lẽ nɩ mie tur bɛr dapùorí ʋ siw.
A Sol do n a Zerizalɛm
26A Sol na tɩ ta a Zerizalɛm a, ʋ tɩ bɔbr'a k'ʋʋ pʋɔ a Yeezu po-tuurbɛ pʋɔ, ɛcɛ bɛ za tɩ zɔrɛ nɩ a ʋ dɛ̃bɩ̃ɛ, ɛ́ bɛ tɩ sàw tɩɛrɛ kɛ́ sɩza n'a ʋ lɩɛbɩ a Yeezu po-tuure ɩ. 27Lɛ n'a a Banabasɩ pãa tɩ tɛr ʋ cen nɩ tɩ wul a nɩ-toni, ɛ́ manɩ kʋ̀ bɛ a lɛ a Sol na tɩ nyɛ̃ a Sore a sɔ́r pʋɔ ʋ ƴɛ̀r a ʋ zie a, nɩ a lɛ a Sol na tɩ nyɔw socir ɛ́ kanɩ nɩ a nɩbɛ a Yeezu yúor ƴãw a Damasɩ a. 28Lɛ n'a a Sol pãa tɩ pʋɔ a bɛ pʋɔ, kpɩɛr ɛ́ yire a Zerizalɛm, ɛ́ nyɔw socir kanɛ nɩ a nɩbɛ a Sore yúor ƴãw. 29A Zifʋ bɛl na ƴɛ̀rɛ a Gɩrɛkɩ a zie n'a ʋ mɩ́ tɩ ƴɛ̀rɛ, ɛ́ ʋlɛ nɩ a bɛl ŋmɩɛr a nɔkpɛn. Ɛcɛ a nɩbɛ bɛ ŋa tɩ bɔbr'ɩ ʋ kʋb. 30A yɛbr na tɩ bãwnɩ a, bɛ tɛr ʋ na cen nɩ Sezaare, tɩ ƴãw k'ʋ cen Tarsɩ.
31A Lãw-yir tɩ tɛr'ɩ ƴã-ɓaarʋ a Zude tẽw za pʋɔ, nɩ a Galile tẽw nɩ a Samaari tẽw. Ʋ tɩ mɩɛr'a yɛlɛ ɛ́ tɛr a Sore zɔba, a Vʋʋrʋ Sõw mɔwlʋ tɩ be n a ʋ zie yaga ʋ kɛrɛ nɩ.
Pɩɛr sanɩ nɩ Ene a Lida
32A Pɩɛr na tɩ cɔlɛ a ziir za a, ʋ mɩ̀ tɩ tɔl'a siw a Lida a kɩrɩta-nɩbɛ zie. 33Ʋ tɩ nyɛ̃ nɩ nɩr kãw na dɩ kɛ́ Ene a, ʋ gã sɛ̃w pʋɔ. Yome ani n'ɩ à ŋá ʋ na tɩ gbɛ̀r gã a. 34A Pɩɛr tɩ yel ʋ na: «Ene e, a Yeezu Kɩrɩta sanɩ fʋ na, ìr pili a fʋ sɛ̃w fʋ tʋɔra.» Ʋ tɩ ìr'ɩ daadaalɛ. 35A Lida tẽw dem za, nɩ a Saarɔ̃ tẽw nɩbɛ za na tɩ nyɛ̃ ʋ a, bɛ tɩ lɩɛb'ɩ a bɛ ɩb sàw de a Sore.
A Pɩɛr sɩ̃w nɩ Tabɩta na tɩ kpi a
36Pɔw kãw tɩ be n a Zope tẽw ɩ a Sore po-tuure. Ʋ tɩ dɩ na kɛ́ Tabɩta, ɛ́ bɛ bʋɔlɛ Dɔrkasɩ a gɩrɛkɩ kɔkɔr pʋɔ, a pɛr lɛ kɛ́ Wala. A ɩ-vɩɛlɩ maalʋ nɩ a nɩ-kɔmɛ sõwfʋ tɩ n'ɩ a ʋ tome. 37Ʋ wa tɩ lo n bàalʋ a alɩ bibie nɛ pʋɔ kpi. Bɛ tɩ so ʋ nɩ a kʋ̃ɔ, ɓáw do n tɩ bin a bɔwpɩɛ pʋɔ. 38A Lida nɩ a Zope pɩɛl'ɩ taa. A kɩrɩta-nɩbɛ na tɩ wõ kɛ́ a Pɩɛr be n a Lida a, bɛ tõ n nɩbɛ ayi kɛ́ bɛ tɩ bʋɔl'ʋ nɩ a ƴɛ̀r-bie á ŋá: «Wa fɔ̃w za a tɩ zie.» 39A Pɩɛr tɩ ìr'ɩ daadaalɛ páw bɛ cen. Ʋ na tɩ ta a, bɛ tɛr ʋ na do n a bɔwpɩɛ pʋɔ. A pɔw-kɔbɛ za tɩ ɓã n taa a be, kone wule nɩ a Pɩɛr a kpali nɩ a kpar-bɛrɛ al a Dɔrkasɩ na tɩ wóbr a ʋ cãafʋ daar a. 40A Pɩɛr tɩ ƴãw nɩ a nɩbɛ za bɛ yi, ʋʋ lo gbĩ dume puori. Ʋ na wa puori baar'a, ʋ tɩ lɩɛb'ɩ niwn cɔw a kũu ɛ́ yel: «Tabɩta a, ìr!» Ʋ yuo a mimie, ʋʋ na tɩ nyɛ̃ a Pɩɛr a, ʋ ìr'a zɩ̃. 41A Pɩɛr tɩ nyɔw ʋ nɩ nũú ʋ ìr, ʋʋ bʋɔlɩ a kɩrɩta-nɩbɛ nɩ a pɔw-kɔbɛ wa wul bɛ a Tabɩta na lɛb vʋʋrɛ a. 42A Zope tẽw nɩbɛ za tɩ wõ n a yel ŋa, ɛ́ bɛ yaga zie tɩ sàw na de a Sore. 43A Pɩɛr tɩ kpɛ n a Zope kɔwrɩ. Ʋ tɩ kpɩɛr'ɩ gán-nɔnɛ kãw bɛ na bʋɔlɛ Sɩmʋ̃ a yir.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.