Yele-za-pɛr-tib 16
16
A Ɩsɩmayɛl dɔwfʋ yele
1A Abram pɔw Saraɩ bɛ tɩ dɔw bie kʋ̀ ʋ ɛ. Ɛcɛ ʋ tɩ tɛr'ɩ tõ-tõ-bi-pɔw na ɩ Eziptɩ tẽw nɩr a yúor dɩ kɛ́ Agaar a. 2A Saraɩ tɩ yel'ɩ a Abram: «Fʋ nyɛ̃ a na, a Sore bɛ sàw ɩ̃ tɛr bie ɩ. Páw a ɩ̃ tõ-tõ-bi-pɔw#16:2 Páw a ɩ̃ tõ-tõ-bi-pɔw, kapaw ʋ na dɔw nɩ bie kʋ̀ m: A tub ŋa tɩ tuur'ɩ a Mezopotami: pɔw wa ɩ pɔw-ãan a, ʋ na tʋ̃ɔ́ na de a ʋ tõ-tõ-bi-pɔw kʋ̀ a ʋ sɩr, ɛ́ a bibiir a tõ-tõ-bi-pɔw na dɔwr a, a pɔw-nɩ-kpɛ̃ɛ so bɛ., kapaw ʋ na dɔw nɩ bie kʋ̀ m.» A Abram tɩ sàw nɩ a lɛ a Saraɩ na yel a. 3Yome pie tɩ n'ɩ a lɛ a Abram na kpɩɛr a Kanãa tẽw a. Lɛ n'a a Abram pɔw Saraɩ tɩ de a ʋ tõ-tõ-bi-pɔw Agaar na ɩ Eziptɩ tẽw nɩr a, kʋ̀ a ʋ sɩr Abram k'ʋʋ ɩ pɔw. 4A Abram tɩ páw nɩ a Agaar ʋ tɛr pʋɔ. A Agaar na wa nyɛ̃ ʋ tɛr a pʋɔ a, ʋ bɛ tɩ búwr a ʋ pɔw-nɩ-kpɛ̃ɛ ɩ. 5Lɛ n'a a Saraɩ tɩ yel a Abram: «Fʋ̃ʋ n'ʋ so a zʋm bɛ na tʋ m a. Mãa mɩŋa n'ʋ de a ɩ̃ tõ-tõ-bi-pɔw kʋ̀ b, ɛcɛ ʋ na dɛ wa nyɛ̃ ʋ tɛr a pʋɔ a, ɩ̃ bɛ cãà ɩ nɩr a ʋ zie ɩ. A Sore, ʋ bãw a yel ŋa, fʋ̃ʋ nɩ a mãa cara pʋɔ!» 6A Abram tɩ sɔw nɩ a Saraɩ: «Fʋ tõ-tõ-bi-pɔw n'ʋ, fʋ̃ʋ so ʋ, ɩrɛ ʋ lɛ za fʋ na bɔbr a!»
Lɛ n'a a Saraɩ tɩ dɔwrɩ a Agaar ʋ tɩ zɔ kpɛ a wɛja-kpalɛ pʋɔ. 7A Sore malkɩ tɩ nyɛ̃ ʋ nɩ a bule ʋl na be a Súùr sɔ́r zu a pɛr, 8sowr'ʋ: «Saraɩ tõ-tõ-bi-pɔw Agaar i, nyɩnɛ n'a fʋ yi waar, ɛ́ nyɩnɛ n'a fʋ cere?» Ʋ sɔw: «A ɩ̃ pɔw-nɩ-kpɛ̃ɛ Saraɩ n'ʋ ɩ̃ zɔrɛ dɛrɛ.» 9A Sore malkɩ yel ʋ: «Lɛb cen a fʋ pɔw-nɩ-kpɛ̃ɛ zie, ɛ́ tɩ sàwr a ʋ nʋɔr.» 10A Sore malkɩ tɩ yel ʋ na: «Ɩ̃ na kʋ̀ b'ɩ bʋʋrɛ bɛ yãwmɛ bɛ tɛr sɔ́rʋ ɛ.» 11A Sore malkɩ tɩ cãà na lɛb yel ʋ:
«Fʋ tɛr'ɩ pʋɔ, ɛ́ na dɔw dɛble.
Fʋ na por'ɩ a ʋ yúor Ɩsɩmayɛl,
bʋ̃ʋ n'ʋ vɛ̃, a Sore wõ n a kpɩɛrʋ cɛl fʋ na ŋmɛ a#16:11 A Ɩsɩmayɛl yúor pɛr'ɩ kɛ́ “Naaŋmɩn wõ a na”..
12A fʋ bidɛb na ɩ na mɛ̃ bõw gaara a!
Ʋ na zɛbr'ɩ nɩ a nɩbɛ za, ɛ́ a nɩbɛ za zɛbr'ɩ ʋ.
Ʋ na ɩ n ʋ yõ a ʋ yɛbr za niŋé.»
13A Agaar tɩ sowre nɩ ʋ tʋɔra à ŋá: «Ɩ̃ sɩrɩ na nyɛ̃ a Sob nɛ na nyɛrɛ mɛ̃ a bɩɩ?» Ɛ́ tɩ por yúor ŋa a Sore na tɩ ƴɛ̀r a ʋ zie a: “Fʋ ɩ n Naaŋmɩn na nyɛrɛ mɛ̃ a.” 14Alɛ so bɛ bʋɔlɛ a bule na be a Kadɛsɩ nɩ a Berɛdɩ cara pʋɔ a kɛ́ Lahaɩ-Ʋrɔɩ bule, bɩɩ a Sob-nɛ-na-vʋʋrɛ-a na nyɛrɛ mɛ̃ a bule. 15A Agaar tɩ dɔw nɩ dɛble kʋ̀ a Abram, ʋ por a ʋ yúor Ɩsɩmayɛl#16:15 Nyɛ̃ Gal 4.22.. 16A Abram tɩ tɛr'ɩ yome lɩz'a anaar'ɩ ayʋɔb a lɛn daar a Agaar na dɔw a Ɩsɩmayɛl kʋ̀ ʋ a.
Currently Selected:
Yele-za-pɛr-tib 16: DBDC
Highlight
Share
Copy
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
