Yele-za-pɛr-tib 36

A Ezawu ìr'a cen tɩ kpɩɛr Edɔm

1A Ezawu bɛ mɩ́ na bʋɔlɛ kɛ́ Edɔm#36:1 Edɔm: Nyɛ̃ 25.30, 32.4. a bʋʋrɛ yée n'ɩ à á ŋá. 2A Kanãa tẽw powli bɛ ŋa nɛbɛ a Ezawu tɩ kul: Ada na ɩ a Hititɩ dɔɔ Elon pɔwyaa a, nɩ Oholivama na ɩ Ana pɔwyaa, ɛ́ a Ana ɩ a Hivitɩ dɔɔ Sivewoon pɔwyaa a. 3Ʋ mɩ̀ tɩ kul'ɩ Basɩmatɩ na ɩ Ɩsɩmayɛl pɔwyaa nɩ Nebayɔtɩ yeepuule#36:3 Nebayɔtɩ yeepuule: Nyɛ̃ 28.9. a. 4A Ada tɩ dɔw nɩ Elifaazɩ kʋ̀ a Ezawu, ɛ́ Basɩmatɩ dɔw Erewuyɛl kʋ̀ ʋ. 5A Oholivama tɩ dɔw nɩ Yewusɩ, Yalam nɩ Koora. A bidɛbr'ɩ a bɛ ŋa a Ezawu na tɩ dɔw a Kanãa tẽw a.

6A Ezawu tɩ tɛr'ɩ a ʋ pɔwbɛ, a ʋ bidɛbr, a ʋ pɔwyaar, a ʋ tõ-tõ-biir za, nɩ a ʋ dʋ̃-pɛ-bʋʋrɛ za ìr'ɩ. Ʋ mɩ̀ tɩ wob'ɩ a ʋ na-bome za ʋ na páw a Kanãa tẽw a, cen nɩ tẽ-yũo, zãá nɩ a ʋ yɛb Zakɔb. 7Bʋ̃ʋ n'ʋ vɛ̃, a bɛ bʋ̃-tɛrɩ tɩ zuo na nɩ bɛ na na lãw kpɩɛr a. A zie ʋl bɛ na tɩ be a bɛ tɩ saalɩ a bɛ dʋn guolu ƴãw ɛ. 8À ŋá n'a a Ezawu bɛ mɩ́ na bʋɔlɛ Edɔm a tɩ cen tɩ zɩ̃ a Seyiir tãw zu.

A Ezawu bʋʋrɛ

9A Ezawu bʋʋrɛ yée n'ɩ à á ŋá. A bɛ sãàkʋm-kʋra Edɔm tɩ kpɩɛr'ɩ a Seyiir tãw zu. 10A Ezawu bidɛbr yée n'ɩ à á ŋá: Elifaazɩ na ɩ a ʋ pɔw Ada bie a nɩ Erewuyɛl na ɩ a ʋ pɔw Basɩmatɩ bie a.

11A Elifaazɩ bidɛbr tɩ n'ɩ bɛ ŋa: Teman, Omaar, Sefo, Gayetam nɩ Kenaazɩ. 12A Ezawu bidɛb Elifaazɩ tɩ tɛr'ɩ pɔwbɛ ayi sob ʋ dɩ Tɩmɩna. Ʋ tɩ dɔw nɩ bidɛb kãw kʋ̀ ʋ a yúor dɩ Amalɛkɩ. A Ezawu nɩ a ʋ pɔw Ada yan tɩ n'ɩ a bɛ ŋa.

13A Erewuyɛl bidɛbr tɩ n'ɩ Nahatɩ, Zera, Sama nɩ Mɩza. A Ezawu nɩ a ʋ pɔw Basɩmatɩ yan tɩ n'ɩ a bɛ ŋa. 14A Oholivama na ɩ a Ana pɔwyaa ɛ́ ɩ Sivewoon yãw a tɩ dɔw nɩ Yewusɩ, Yalam nɩ Koora kʋ̀ a Ezawu.

15-16A Ezawu bʋʋrɛ nɩ-bɛrɛ n'ɩ bɛ ŋa: a Ezawu nɩ a ʋ pɔw Ada bi-dãw-dɔwra Elifaazɩ nɩbɛ na ɩ nɩ-bɛrɛ a tɩ n'ɩ bɛ ŋa: Teman, Omaar, Sefo, Kenaazɩ, Koora, Gayetam, Amalɛkɩ. Bɛ tɩ kpɩɛr'ɩ a Edɔm tẽw.

17A Ezawu bidɛb Erewuyɛl nɩbɛ na ɩ nɩ-bɛrɛ a tɩ n'ɩ bɛ ŋa: Nahatɩ, Zera, Sama nɩ Mɩza. Bɛ tɩ kpɩɛr'ɩ a Edɔm tẽw. Bɛ tɩ ɩ n a Ezawu nɩ a ʋ pɔw Basɩmatɩ yan.

18A Ezawu nɩ a ʋ pɔw Oholivama na ɩ Ana pɔwyaa a bidɛbr na ɩ nɩ-bɛrɛ a tɩ n'ɩ bɛ ŋa: Yewusɩ, Yalam nɩ Koora.

19A Edɔm tẽw dem nɩ-bɛrɛ na tɩ ɩ a Ezawu bʋʋrɛ a tɩ n'ɩ a bɛ ŋa.

20-21A nɩbɛ na de niwn kpɛ a Edɔm tẽw a tɩ ɩ n a Horitɩ dɔɔ Seyiir bʋʋrɛ. A Horitɩ mɩnɛ nɩ-bɛrɛ na tɩ ɩ a Seyiir bʋʋrɛ a tɩ n'ɩ bɛ ŋa: Lotan, Soval, Sivewoon, Ana, Disoon, Esɛɛr nɩ Disan. 22A Lotan bidɛbr tɩ n'ɩ Hori nɩ Hemam. A Lotan tɩ tɛr'ɩ yeepuule ʋ dɩ Tɩmɩna. 23A Soval bidɛbr tɩ n'ɩ Alevan, Manahatɩ, Eval, Sefo nɩ Onam. 24A Sivewoon bidɛbr tɩ n'ɩ Aya nɩ Ana. A Ana n'ʋ tɩ nyɛ̃ a kʋ̃ɔ a wɛja-kpalɛ pʋɔ, a lɛn daar ʋ na tɩ àrɛ nɩ a ʋ sãà Sivewoon bòn a. 25A Ana bibiir tɩ n'ɩ a ʋ bidɛb Disoon nɩ a ʋ pɔwyaa Oholivama. 26A Disoon bidɛbr tɩ n'ɩ Hemidan, Ɛsɩban, Yitiran nɩ Keran. 27A Esɛɛr bidɛbr tɩ n'ɩ Bilhan, Zaawan nɩ Akan. 28A Disan bidɛbr tɩ n'ɩ Usɩ nɩ Aaran.

29-30A Horitɩ mɩnɛ nɩ-bɛrɛ a Seyiir tẽw tɩ n'ɩ bɛ ŋa: Lotan, Soval, Sivewoon, Ana, Disoon, Esɛɛr nɩ Disan.

31A na-mɩnɛ na lɩɛrɩ taa dɩ naalʋ a Edɔm tẽw, ɛ́ a Ɩsɩrayɛl wa bãw tɛr na-mɩnɛ a n'ɩ bɛ ŋa: 32Bewɔɔr bidɛb, Bɛla, na yi Dinava a. 33Ʋ na wa kpi a, Zera bidɛb Yovavʋ na yi Bɔsɩra a n'ʋ lɩɛr'ʋ. 34A Yovavʋ na wa kpi a, Husam na yi Teman lowr a n'ʋ lɩɛr'ʋ dɩ a naalʋ. 35A Husam na wa kpi a, Bedadɩ bidɛb Hadadɩ na yi Awitɩ a n'ʋ lɩɛr'ʋ ɩ a nãà. Ʋlɛ n'ʋ tɩ zɛb tʋ̃ɔ́ a Madian tẽw dem a Mowab tẽw. 36A Hadadɩ na wa kpi a, Samɩla na yi Masireka a n'ʋ lɩɛr'ʋ ɩ a nãà. 37A Samɩla na wa kpi a, Sawul na yi a Man-nʋɔr-Erehovɔtɩ a n'ʋ lɩɛr'ʋ ɩ a nãà. 38A Sawul na wa kpi a, Akɩbɔɔr bidɛb, Baal-Hanan n'ʋ lɩɛr'ʋ ɩ a nãà. 39A Akɩbɔɔr bidɛb, Baal-Hanan na wa kpi a, Hadaar'ʋ lɩɛr'ʋ ɩ a nãà. A ʋ tẽw yúor tɩ dɩ na kɛ́ Pawu. A ʋ pɔw tɩ dɩ na kɛ́ Mehetaveyɛl, ɛ́ ɩ Matɩrɛdɩ pɔwyaa nɩ Me-Zahavʋ yãw.

40Nyɛ̃ a Edɔm tẽw dem nɩ-bɛrɛ yée na tu a bɛ dɔwlʋ nɩ a ziir bɛ na kpɩɛr a: Tɩmɩna, Alwa, Yetɛtɩ, 41Oholivama, Ela, Pinoon, 42Kenaazɩ, Teman, Mivɩsaar, 43Magidiyɛl, Iiram. A Edɔm tẽw dem na-mɩnɛ n'ɩ a bɛ ŋa. Ŋa za mɩ́ tɩ kpɩɛr'ɩ a bɛ tẽw lõbowr kãw.

A Ezawu n'ɩ a Edɔm tẽw dem sãàkʋm.

Currently Selected:

Yele-za-pɛr-tib 36: DBDC

Highlight

Copy