Levitɩ mɩnɛ 24
24
A zi-sõw pʋɔ fɩ̃tɩlɩ dɔwlʋ zie
1A Sore tɩ yel'ɩ a Moyiir á ŋá:
2«Ƴãw a Ɩsɩrayɛl nɩbɛ wa n olivʋ tɩ-wɔmɛ kãá na vɩɛl vɩɛl a, kɛ̀ bɛ tʋ̃ɔ́ mɩ́ tɔ̃w nɩ a fɩ̃tɩlɩ zaanʋɔrɛ za. 3A Aarɔ̃ na bin nɩ a fɩ̃tɩlɩ dɔwlʋ zie a tuor-taa pɛn-sɛw pʋɔ, a pɛn-yawla na pàw a wõ-taa daga a niŋé. A fɩ̃tɩlɩ na mɩ́ 'lere nɩ a ɩ̃ niŋé, a zaanʋɔra tɩ ta n a biɓaara. Nʋɔr'ʋ ƴãw gã kʋralɛ a nɩbɛ na dɔwr lɩɛrɛ taa a ƴãw. Nyɩ na sàwr ʋ na. 4A Aarɔ̃ na dɔwl'ɩ nɩ a fɩ̃tɩlɩ a bʋ̃-dɔwla bɛ na maal'ɩ salm-zɩɛ mɩŋa a zu, a dɩrɛ a tɩ̃ɩsɔwr za a ɩ̃ niŋé.»
A dipɛ̃ bɛ na mɩ́ de kʋ̀ a Naaŋmɩn a
5«Ɩ zɔ̃ maal'ɩ dipɛ̃-ɓãgalɩ pie nɩ ayi, kãw za mɩ́ tɛr kilo ayʋɔb. 6Fʋ na bin a nɩ ayɔbɛ yɔbɛ dɔwlɩ taa ziir ayi a ɩ̃ niŋé, a tabal bɛ na maal'ɩ salm-zɩɛ mɩŋa a zu. 7Fʋ na ɩ n tɩ-suur-zɔ̃-na-nyùur-vla-vla-a ƴãw a dipɛ̃ na dɔwlɩ taa a ziir ayi a zu, bɛ na nyɩw a nɩ a pùorí a ɩ̃ ƴãwfʋ ƴãw, lɩɛr'ɩ a dipɛ̃, a ɩ “Cãà-bãwnɩ.”»
8«Pɩ̃ɛnʋ-bibir za, bɛ na mɩ́ bin nɩ a dipɛ̃ á ŋá taabɛ a ɩ̃ niŋé kʋralɛ. A fɛrʋ ŋa na be n a Ɩsɩrayɛl nɩbɛ zu kʋralɛ. 9A Aarɔ̃ nɩ a ʋ bidɛbr na so a dipɛ̃-ɓãgalɩ á ŋá mɩ́ 'wɔb a zie na be be a 'wɔbrʋ ƴãw a, bʋ̃ʋ n'ʋ vɛ̃, bɛ na de a kʋ̀ m a, mãa yõ tẽtẽ so a, ɩ̃ɩ de a kʋ̀ bɛ a baarɩ#24:9 Nyɛ̃ Mat 12.4, Mark 2.26, Luk 6.4..»
Nɩr na tʋ Naaŋmɩn a dɔwrʋ
10Bibir kãw, Ɩsɩrayɛl nɩr nɩ nɩr kãw a sãà na ɩ Eziptɩ tẽw dɔɔ, ɛ́ a mã ɩ Ɩsɩrayɛl nɩr a, tɩ zɛb'ɩ taa. 11A pɔw ŋa tɩ dɩ na kɛ́ Selomitɩ, Diviri na ɩ Dan dɔwlʋ nɩr a pɔwyaa. A Selomitɩ bidɛb tɩ tʋ n a Naaŋmɩn ɛ́ ɩ a ʋ yúor la. Bɛ tɩ nyɔw ʋ na cen nɩ a Moyiir zie, 12tɩ ƴãw bɛ gù ʋ vla, cɛlɛ nɩ k'aa Sore wa yel a lɛ bɛ na na ɩ a.
13Lɛ n'a a Sore tɩ yel a Moyiir: 14«Ƴãw a zʋm-tʋʋrɛ ʋ yi zaa a laɩ pʋɔ. Bɛlɩ dem za na wõ ʋ tʋ a zʋm a#24:14 A bɛlɩ dem za na wõ a zʋm a: Bɛ na dɛ wõ a zʋm a, bɛ lɩɛb'ɩ dɛwr dem. Bɛ na ír a nuru dɔwlɩ a zʋm-tʋʋrɛ zũú a, bɛ ír'ɩ a bɛ sãwna dɔwlɩ a ʋ zu, ɛ́ bɛ cãà tɛr dɛwr ɛ., bɛ ír a bɛ nuru dɔwlɩ a ʋ zũú, ɛ́ a Ɩsɩrayɛl nɩbɛ lãw za lɔb'ɩ ʋ kʋsɛbɛ kʋ. 15Ɛ́ nyɛ̃ a lɛ fʋ na na yel kʋ̀ a Ɩsɩrayɛl nɩbɛ a:
Nɩr wa tʋ a ʋ Naaŋmɩn a, ʋlɛ na so a ʋ sãwna. 16Sob nɛ na tʋ a Sore yúor a, a fɛr'a kɛ́ bɛ kʋ ʋ: a Ɩsɩrayɛl nɩbɛ lãw za na lɔb'ɩ ʋ nɩ kʋsɛbɛ kʋ. Nʋʋra n'ʋ bɩɩ Ɩsɩrayɛl nɩr'ʋ a, bɛ na kʋ ʋ na, ʋ na tʋ a Naaŋmɩn yúor a ƴãw.
17Nɩr wa kʋ nɩr a, a fɛr'a kɛ́ bɛ kʋ ʋ. 18Ʋlɛ wa kʋ nɩr dʋ̃w a, ʋ na lɩɛr'ɩ a dʋ̃-kũu nɩ dʋ̃-mimir.
19Nɩr wa ŋmɛ a ʋ tɔ sob ƴãw bàalʋ a, bɛ mɩ̀ na ŋmɛ ʋ na ƴãw a bàal-been nɛ: 20bʋ̃-kaba ya bʋ̃-kaba, mimir ya mimir, nyɩ́ɩm ya nyɩ́ɩm. Bɛ na maal'ʋ nɩ a faa ʋl ʋ na maalɩ a ʋ tɔ a.
21Nɩr wa kʋ dʋ̃w a, a fɛr'a k'ʋʋ lɩɛr'ɩ dʋ̃w, nɩr wa kʋ nɩr a, a fɛr'a kɛ́ bɛ kʋ ʋ.
22A nʋɔr na ɩ n been a nʋʋrɩ nɩ a Ɩsɩrayɛl nɩbɛ ƴãw, bʋ̃ʋ n'ʋ vɛ̃, mãa n'ɩ a Sore nyɩ Naaŋmɩn.»
23À à ŋá n'a a Moyiir tɩ ƴɛ̀r a Ɩsɩrayɛl nɩbɛ zie. Lɛ n'a bɛ tɩ tɛr a sob nɛ na tʋ a Naaŋmɩn yúor a yi n a laɩ pʋɔ tɩ lɔb'ɩ ʋ a kʋsɛbɛ kʋ. À à ŋá n'a bɛ tɩ tu a lɛ a Sore na ƴãw a nʋɔr kʋ̀ a Moyiir a.
Currently Selected:
Levitɩ mɩnɛ 24: DBDC
Highlight
Share
Copy
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.