MI ÑAMA 27
27
1Ŋan tieni li *padibinbinli leni akasia daadi: u foagimu leni u pianu kuli baa yaa tie yenme. U foagimu baa yaa tie nukpanduna muu, u pianu mo baa yaa tie nukpanduna muu. Li kpedima baa yaa tie nukpanduna taa. 2Ŋan tieni li padibinbinli ñoakunnaadi yi n yugidi. I ñoakunnaadi yi n yugidi yeni leni li padibinbinli baa taa yenme ŋan boali la leni ti kumoandi. 3Ŋan duadi yaa tiadi n baa wuo mi fantanpienma: Pelinba, mu tadibuomu, i nanjogidi leni ban baa juugi tulale yaa sanbuomu nni. Ŋan duadi laa tiadi kuli leni ti kumoandi.
4Ŋan tieni i kumoangandi yi naani leni i taali ki go tieni kumoanñoagibila naa i taali yeni logidinaadima nni kuli. 5Ŋan tieni yi li padibinbinli ñoakunu tiipo ki cili tinga ki ban tuoni li kpedima siiga nni. 6Ŋan kpie li padibinbinli po akasia dopandi lie ki boali likuli leni ti kumoandi. 7I dopandi yeni baa tuuni a ñoagibila yaa n ye li padibinbinli kali po yene lan todi li tugima po. 8Laa padibinbinli yaali n tie dapagidi baa tie bonlongu nani min waani a yaa nannanli li juali po yeni.
U luolu caba n tie maama
9U Tienu diegu baa yaa pia u luolu yu n baa gaani ki lindi leni a caba yaa ñuliti ki luni leni *len tiidi gaali ke i pia u fidu. Niganu kalu yaa caba baa yaa foagi ki pundi nukpanduna kobiga. 10U luolu yeni baa pia dasaana piilie leni bunbuna piilie ya n tie kumoandi. A dasaana yeni gobidi leni yaa kudi n baa soali ki joani a caba yeni baa tie ŋanjilifa. 11Nijienu po moko a baa tieni a cabidoaginkaana foagimu n yaa tie nukpanduna kobiga. U baa pia dasaana piilie leni bunbuna piilie ya n tie kumoandi. A dasaana yeni gobidi leni yaa kudi n baa soali ki joani a caba yeni baa tie ŋanjilifa. 12Nintuali po u luolu pianu baa yaa pia yaa caba n foagi ki pundi nukpanduna piimuu. Bi baa joani a kuli dasaana piiga po ya n buugi bunbuna piiga po.
13U luolu yaa pianu puoli po baa yaa tie nukpanduna piimuu.
14Kaliyendu caba foagimu baa yaa tie piiga n nukpanduna muu leni u dasaana leni u bunbuna. 15U kalilielu mo yaa caba foagimu baa yaa tie piiga n nukpanduna muu leni u dasataada leni u bunbuntaada. 16U luolu buliñoabu baa yaa pia bu *kpalidoaginkaabu ke bu pia nukpanduna piilie yaabu n luni leni len gaali yii n juagi ki moani ki suudi ki ŋmadi leni yaa gaali n moani coli coli ki luni ki kpa ki juani dasaana na yaa fuugi bunbuna naa po. 17Ban baa soali yaa kudi ki joani ti tiadi ke ti tie ŋanjilifa yeni baa poandi a dasaana yaa lindi u luolu yeni kuli nni. I gobidi yeni baa tie ŋanjilifa, ama a bunbuna baa tie kumoandi. 18U luolu yeni foagimu baa yaa tie nukpanduna kobiga, u pianu nukpanduna piimuu, u kpedima nukpanduna muu, u baa yaa tie len tiidi gaali caba u bunbuna baa yaa tie kumoandi. 19U Tienu diegu nni tuonsoantiadi, li kpaana leni u luolu nni kpaana kuli baa yaa tie kumoande.
Mi fidisankpama n baa tie maama
20Musa, ŋan waani Isalele yaaba ban lingi *olifie tiidi kpama yaama n ŋani hali bonŋanla ki moandi mu fidisanmu n yaa co yogunu kuli.#Lef 24.1-4
21Alono leni o bijaba baa sieni mu fidisanmu u *Kadikaanu gbandieli bu kpalidoaginkaabu nintuali yaabu n duagi ku *ŋantaadikpaku, mu fidisanmu yeni baa yaa co Li Miali Diedo nintuali ki cili ku yenjuogu ki ban tuoni ku tiŋaagu. Laa bonla baa yaa tie Isalele yaaba po li *balimaama nifiima n tu nifiima.
Bi kopadicianba tiayiekaadi
Currently Selected:
MI ÑAMA 27: GUX03
Highlight
Share
Copy
Want to have your highlights saved across all your devices? Sign up or sign in
Gulmancema Bible © Bible Society of Burkina Faso, 2003.
MI ÑAMA 27
27
1Ŋan tieni li *padibinbinli leni akasia daadi: u foagimu leni u pianu kuli baa yaa tie yenme. U foagimu baa yaa tie nukpanduna muu, u pianu mo baa yaa tie nukpanduna muu. Li kpedima baa yaa tie nukpanduna taa. 2Ŋan tieni li padibinbinli ñoakunnaadi yi n yugidi. I ñoakunnaadi yi n yugidi yeni leni li padibinbinli baa taa yenme ŋan boali la leni ti kumoandi. 3Ŋan duadi yaa tiadi n baa wuo mi fantanpienma: Pelinba, mu tadibuomu, i nanjogidi leni ban baa juugi tulale yaa sanbuomu nni. Ŋan duadi laa tiadi kuli leni ti kumoandi.
4Ŋan tieni i kumoangandi yi naani leni i taali ki go tieni kumoanñoagibila naa i taali yeni logidinaadima nni kuli. 5Ŋan tieni yi li padibinbinli ñoakunu tiipo ki cili tinga ki ban tuoni li kpedima siiga nni. 6Ŋan kpie li padibinbinli po akasia dopandi lie ki boali likuli leni ti kumoandi. 7I dopandi yeni baa tuuni a ñoagibila yaa n ye li padibinbinli kali po yene lan todi li tugima po. 8Laa padibinbinli yaali n tie dapagidi baa tie bonlongu nani min waani a yaa nannanli li juali po yeni.
U luolu caba n tie maama
9U Tienu diegu baa yaa pia u luolu yu n baa gaani ki lindi leni a caba yaa ñuliti ki luni leni *len tiidi gaali ke i pia u fidu. Niganu kalu yaa caba baa yaa foagi ki pundi nukpanduna kobiga. 10U luolu yeni baa pia dasaana piilie leni bunbuna piilie ya n tie kumoandi. A dasaana yeni gobidi leni yaa kudi n baa soali ki joani a caba yeni baa tie ŋanjilifa. 11Nijienu po moko a baa tieni a cabidoaginkaana foagimu n yaa tie nukpanduna kobiga. U baa pia dasaana piilie leni bunbuna piilie ya n tie kumoandi. A dasaana yeni gobidi leni yaa kudi n baa soali ki joani a caba yeni baa tie ŋanjilifa. 12Nintuali po u luolu pianu baa yaa pia yaa caba n foagi ki pundi nukpanduna piimuu. Bi baa joani a kuli dasaana piiga po ya n buugi bunbuna piiga po.
13U luolu yaa pianu puoli po baa yaa tie nukpanduna piimuu.
14Kaliyendu caba foagimu baa yaa tie piiga n nukpanduna muu leni u dasaana leni u bunbuna. 15U kalilielu mo yaa caba foagimu baa yaa tie piiga n nukpanduna muu leni u dasataada leni u bunbuntaada. 16U luolu buliñoabu baa yaa pia bu *kpalidoaginkaabu ke bu pia nukpanduna piilie yaabu n luni leni len gaali yii n juagi ki moani ki suudi ki ŋmadi leni yaa gaali n moani coli coli ki luni ki kpa ki juani dasaana na yaa fuugi bunbuna naa po. 17Ban baa soali yaa kudi ki joani ti tiadi ke ti tie ŋanjilifa yeni baa poandi a dasaana yaa lindi u luolu yeni kuli nni. I gobidi yeni baa tie ŋanjilifa, ama a bunbuna baa tie kumoandi. 18U luolu yeni foagimu baa yaa tie nukpanduna kobiga, u pianu nukpanduna piimuu, u kpedima nukpanduna muu, u baa yaa tie len tiidi gaali caba u bunbuna baa yaa tie kumoandi. 19U Tienu diegu nni tuonsoantiadi, li kpaana leni u luolu nni kpaana kuli baa yaa tie kumoande.
Mi fidisankpama n baa tie maama
20Musa, ŋan waani Isalele yaaba ban lingi *olifie tiidi kpama yaama n ŋani hali bonŋanla ki moandi mu fidisanmu n yaa co yogunu kuli.#Lef 24.1-4
21Alono leni o bijaba baa sieni mu fidisanmu u *Kadikaanu gbandieli bu kpalidoaginkaabu nintuali yaabu n duagi ku *ŋantaadikpaku, mu fidisanmu yeni baa yaa co Li Miali Diedo nintuali ki cili ku yenjuogu ki ban tuoni ku tiŋaagu. Laa bonla baa yaa tie Isalele yaaba po li *balimaama nifiima n tu nifiima.
Bi kopadicianba tiayiekaadi
Currently Selected:
:
Highlight
Share
Copy
Want to have your highlights saved across all your devices? Sign up or sign in
Gulmancema Bible © Bible Society of Burkina Faso, 2003.