MI ÑAMA 28
28
1Teni a kpelo Alono leni o bijaba: Abihu, Nadabi, Eleyasala leni Itamali ban cua a kani ŋan gagidi ki bogini ba ban tua n kopadicianba ki yaa tuuni npo Isalele yaaba siiga. 2Ŋan tieni a kpelo Alono po yaa tiadi n gagidi ki doagidi ke n gandi o ki puni o li bali. 3Ŋan maadi leni yaaba n bani li tuonli bonŋanla yeni kuli, bani min gbieni yaaba leni mi yanfuoma yeni. Ŋan teni ban tieni Alono po ti tiadi ke wan gagidi ki yaa ŋani ki yaa padi npo a pada. 4Diidi ban baa tieni yaa tiadi n tie na: li *benliadili, u *benŋuunu, li liadicianli, yaa liadili n luni ki kpa, li finfinjuali leni ku gbanñagidigu. A kpelo Alono leni o bijaba baa laa laa tiade ki tuuni n dieli nni. 5Ban taa wula, yaa caba n moani ki suudi, ki ŋmadi leni yaa caba n moani colicoli leni *len tiidi gaali caba ya n ŋani.
U benŋuunu n baa tie maama
6Ban tieni u benŋuunu yeni leni wula, leni yaa gaali n moani ki suudi, ki ŋmadi leni yaa gaali n moani colicoli ki yaa go tie leni len gaali caba yaa luni bonŋanla. 7Yin baa cabimu lie ki loli ki joani mu o boacaba kani. 8Bi baa lu ku gbanñangidigu yaagu n baa maa u benŋuunu po yeni moko leni wula, leni yaa gaali n moani ki suudi ki ŋmadi leni yaa gaali n moani colicoli leni len tiidi gaali yaa caba lani leni u benŋuunu kuli baa taani ki yaa tie cabiyenle. 9Ŋan taa yaa tana n yi onigisi ki diani apo Isalele bijaba yela. 10Ŋan diani bila luoba yela li tanyenli po, ki diani yaa biluobida n sieni mo yaa yela li tanyali po. Mi dianma nni ŋan cili o nikpelo ki ban juodi o waalo. 11Ŋan diani a tanlieda yeni po Isalele bijaba yela nani yaaba n dangi a tana po n maani ki tiendi maama. Li yaa puoli ŋan poabini a tana yeni leni wula. 12Ŋan tieni a tanlieda yeni benŋuunu po a boacaba kani lan tua mi tiadima tana Isalele bila po. Laa tiadima yaa po yo ke Alono baa tugi bi yela Li Miali Diedo nintuali o boacaba po. 13Lankuli baa yaa ye wula tuadi nne. 14Ŋan go piani leni wulamoano laani lie nani i baabi yeni. Ŋan loli ki tugini laa laanliedi leni ti wula tuadi yeni.
O kopadiciamo benliadili n baa tie maama
15Ŋan lu bonŋanla li benli kani yaa ŋuunu n tie li benliadili ŋan lu u nani ŋan tieni u benŋuunu po maama#28.15 Diidi Lefi Buolu Yaaba Tuona 8.8. yeni wun yaa tie leni wula ke u gaali moani ki suudi ki ŋmadi leni yaa gaali moani colicoli ki yaa tie leni len tiidi gaali yaa caba. 16U kali kuli baa yaa de. Ŋan tieni u, wun yaa tie bonleba lie u foagimu baa yaa tie nubadiyaagu u pianu moko baa yaa tie nubadiyaagu.
17Yin caligi tanbuoli naa, yaa tana n pia mayuli ke a dunga pa. Yaa tana n baa tieni u fuudi kpialu baa tie saliduani, topasi leni emelodi. 18U fuudi lielu baa tie esikabukili, safili leni diama. 19U fuudi taalu baa tie opali, agati leni ametisi. 20U fuudi naalu baa tie kilisoliti, onigisi leni jasipe. Yin ŋuuni laa tana kuli ti wula tuadi nni. 21Tanyenli po kuli yin diani Isalele bijua yendo yaa yeli nani yin maani ki dangi a tana po yi yula po maama yeni. Tanyenli kuli baa yaa tie Isalele piiga n buoliedi buoyendu yaa maalime.
22Li benliadili po yin lu i laani leni wulamoano laa naani leni i baabi. 23Yin go tieni wula ñoagibila lie benliadili cilima leni li juodima kuli kani. 24Ŋan tuuni wula baabiliedi a ñoagibilieda yeni nni ya n ye li benliadili cilima leni li juodima. 25Ŋan taa i wula-baabiliedi ki tuuni i yaa wula n tiebi yaa tanbimu n maa o kopadiciamo boacabili po benŋuunu yaa tanbimu yeni ki ye nintuali. 26Ŋan go duadi wula ñoagibila lie ki tieni a li benliadili cilima leni li juodima ke li dieni u benŋuunu. 27Ŋan go duadi wula ñoagibila lie ki tieni a li benliadili cilima leni li juodima tugu po a ñoagibilieda yeni baa dieni u benŋuunu. 28Ŋan loli ki tugini benliadili ñoagibila leni u benŋuunu yaa ñoagibila leni yaa baabu n moani ki suudi ki teni li benliadili n yaa tuugi leni u benŋuunu yaa gbanñagidigu lani leni u benŋuunu n da paadi biyaba.
29Alono yaa baa kua u *kaangagidiŋamu nni o baa yaa laa o benli po Isalele bijaba yaa yela, ya n diani li benliadili po. Lani n baa tie mini Li Miali Diedo po mi tiadima bonla yogunu kuli po. 30Fini Musa, ŋan kpieni li benliadili ŋuunu nni yaa tiadi ke bi yi ti *Ulima leni Tumima. Ti baa yaa maa Alono benli po. Alono baa yaa laa laa tiade, o yaa baa kua Li Miali Diedo nintuali yaa yogunu kuli lan tie wan bandi Li Miali Diedo yanbuama Isalele yaaba po.#Coa 27.21; Tia 33.8; Esd 2.63; Neh 7.65
Yaa tiadi n sieni ki moko gagidi ki ŋani
31Ŋan tieni u benŋuunu liadili li kukuli n yaa moani ki suudi. 32Li yuli yaa po ŋan jiadi u liadinialu siiga nni. Li yaa puoli ŋan lu ki kpa li bonli yeni bonŋanla lan tie lan da padi. 33Li liadili yeni tiipo ŋan teni ban lu ki tagi *gelenadie bonluonkaala leni ti pekobidi yaadi n moani ki suudi ki ŋmadi leni yaadi moani colicoli, ŋan ŋoadi ki joanjoani ki sagini gelenadie bonluonkaala siiga wula coolonbimu, 34ki gadi gelenadie bonluonkaala leni wula coolonbimu hali ki ban gaani ki cebini. 35Alono baa yen laa laa liadile li tuonli po. Mu coolonmu yeni yen baa mua o yaa kua u kaangagidiŋamu nni n nintuali yaa yogunu bi o yaa ña, lan tie wan da kpe.
36Baa wulamoano ki duadi bonla lan yaa naani leni mi puuma ki diani lipo “Bi gagidi la Li Miali Diedo po yo.” Lan yaa tie nani o nilo n yen tieni o maalima maama yeni. 37Baa yaa baabu n moani ki suudi ki loli wula puuma ti finfinjuadi po man yaa goa li yutunli po. 38Laa bonla baa ye Alono yutunli po. Alono baa tugi Isalele yaaba tagili a pada po, li baa yaa ye o yutunli po wan baa cua Li Miali Diedo nintuali yaa yogunu kuli lan tie wan fidi ki tuo bi miabu.
39Ŋan lu li liadili leni len tiidi gaali yi n ñili ki ŋani, ŋan go lu ki kpa ku gbanñagidigu. 40Alono bijaba moko yaa po ŋan lu bipo yaa tiadi n tie na: ti tialakaadi, ti gbanñagiditi leni ti finfinjuadi. Laa tiadi baa doagidi ban tie yaaba leni bi jilima.
41Fini Musa, ŋan lani a kpelo Alono leni o bijaba laa tiadi. Ŋan wuli bi yula po mi kpama ki puogi baa bi tuonli. A baa tieni yene ki gagidi ki ŋanbi ba ban yaa tuuni npo a pada tuonli. 42Yin lu bipo a banda ban yie ki pigini bi mubima. Laa banda baa yaa foagi ki cili ki ciaga ki ban sedi a pana. 43Alono leni o bijaba baa yie laa tiade ki kua u *Kadikaanu gbandieli nni bi ki pundi li *padibinbinli kani u kaangagidiŋamu nni, bi yaa baa padi yaa yogunu li padili lan baa teni ke bi kan kpe kelima baa se mubima n nintuali. Laa *balimaama baa waagi ki ye Alono leni o puoliŋuani kuli po hali yaa yogunu kuli.
Bi kopadicianba gagidiŋanbima
Currently Selected:
MI ÑAMA 28: GUX03
Highlight
Share
Copy
Want to have your highlights saved across all your devices? Sign up or sign in
Gulmancema Bible © Bible Society of Burkina Faso, 2003.
MI ÑAMA 28
28
1Teni a kpelo Alono leni o bijaba: Abihu, Nadabi, Eleyasala leni Itamali ban cua a kani ŋan gagidi ki bogini ba ban tua n kopadicianba ki yaa tuuni npo Isalele yaaba siiga. 2Ŋan tieni a kpelo Alono po yaa tiadi n gagidi ki doagidi ke n gandi o ki puni o li bali. 3Ŋan maadi leni yaaba n bani li tuonli bonŋanla yeni kuli, bani min gbieni yaaba leni mi yanfuoma yeni. Ŋan teni ban tieni Alono po ti tiadi ke wan gagidi ki yaa ŋani ki yaa padi npo a pada. 4Diidi ban baa tieni yaa tiadi n tie na: li *benliadili, u *benŋuunu, li liadicianli, yaa liadili n luni ki kpa, li finfinjuali leni ku gbanñagidigu. A kpelo Alono leni o bijaba baa laa laa tiade ki tuuni n dieli nni. 5Ban taa wula, yaa caba n moani ki suudi, ki ŋmadi leni yaa caba n moani colicoli leni *len tiidi gaali caba ya n ŋani.
U benŋuunu n baa tie maama
6Ban tieni u benŋuunu yeni leni wula, leni yaa gaali n moani ki suudi, ki ŋmadi leni yaa gaali n moani colicoli ki yaa go tie leni len gaali caba yaa luni bonŋanla. 7Yin baa cabimu lie ki loli ki joani mu o boacaba kani. 8Bi baa lu ku gbanñangidigu yaagu n baa maa u benŋuunu po yeni moko leni wula, leni yaa gaali n moani ki suudi ki ŋmadi leni yaa gaali n moani colicoli leni len tiidi gaali yaa caba lani leni u benŋuunu kuli baa taani ki yaa tie cabiyenle. 9Ŋan taa yaa tana n yi onigisi ki diani apo Isalele bijaba yela. 10Ŋan diani bila luoba yela li tanyenli po, ki diani yaa biluobida n sieni mo yaa yela li tanyali po. Mi dianma nni ŋan cili o nikpelo ki ban juodi o waalo. 11Ŋan diani a tanlieda yeni po Isalele bijaba yela nani yaaba n dangi a tana po n maani ki tiendi maama. Li yaa puoli ŋan poabini a tana yeni leni wula. 12Ŋan tieni a tanlieda yeni benŋuunu po a boacaba kani lan tua mi tiadima tana Isalele bila po. Laa tiadima yaa po yo ke Alono baa tugi bi yela Li Miali Diedo nintuali o boacaba po. 13Lankuli baa yaa ye wula tuadi nne. 14Ŋan go piani leni wulamoano laani lie nani i baabi yeni. Ŋan loli ki tugini laa laanliedi leni ti wula tuadi yeni.
O kopadiciamo benliadili n baa tie maama
15Ŋan lu bonŋanla li benli kani yaa ŋuunu n tie li benliadili ŋan lu u nani ŋan tieni u benŋuunu po maama#28.15 Diidi Lefi Buolu Yaaba Tuona 8.8. yeni wun yaa tie leni wula ke u gaali moani ki suudi ki ŋmadi leni yaa gaali moani colicoli ki yaa tie leni len tiidi gaali yaa caba. 16U kali kuli baa yaa de. Ŋan tieni u, wun yaa tie bonleba lie u foagimu baa yaa tie nubadiyaagu u pianu moko baa yaa tie nubadiyaagu.
17Yin caligi tanbuoli naa, yaa tana n pia mayuli ke a dunga pa. Yaa tana n baa tieni u fuudi kpialu baa tie saliduani, topasi leni emelodi. 18U fuudi lielu baa tie esikabukili, safili leni diama. 19U fuudi taalu baa tie opali, agati leni ametisi. 20U fuudi naalu baa tie kilisoliti, onigisi leni jasipe. Yin ŋuuni laa tana kuli ti wula tuadi nni. 21Tanyenli po kuli yin diani Isalele bijua yendo yaa yeli nani yin maani ki dangi a tana po yi yula po maama yeni. Tanyenli kuli baa yaa tie Isalele piiga n buoliedi buoyendu yaa maalime.
22Li benliadili po yin lu i laani leni wulamoano laa naani leni i baabi. 23Yin go tieni wula ñoagibila lie benliadili cilima leni li juodima kuli kani. 24Ŋan tuuni wula baabiliedi a ñoagibilieda yeni nni ya n ye li benliadili cilima leni li juodima. 25Ŋan taa i wula-baabiliedi ki tuuni i yaa wula n tiebi yaa tanbimu n maa o kopadiciamo boacabili po benŋuunu yaa tanbimu yeni ki ye nintuali. 26Ŋan go duadi wula ñoagibila lie ki tieni a li benliadili cilima leni li juodima ke li dieni u benŋuunu. 27Ŋan go duadi wula ñoagibila lie ki tieni a li benliadili cilima leni li juodima tugu po a ñoagibilieda yeni baa dieni u benŋuunu. 28Ŋan loli ki tugini benliadili ñoagibila leni u benŋuunu yaa ñoagibila leni yaa baabu n moani ki suudi ki teni li benliadili n yaa tuugi leni u benŋuunu yaa gbanñagidigu lani leni u benŋuunu n da paadi biyaba.
29Alono yaa baa kua u *kaangagidiŋamu nni o baa yaa laa o benli po Isalele bijaba yaa yela, ya n diani li benliadili po. Lani n baa tie mini Li Miali Diedo po mi tiadima bonla yogunu kuli po. 30Fini Musa, ŋan kpieni li benliadili ŋuunu nni yaa tiadi ke bi yi ti *Ulima leni Tumima. Ti baa yaa maa Alono benli po. Alono baa yaa laa laa tiade, o yaa baa kua Li Miali Diedo nintuali yaa yogunu kuli lan tie wan bandi Li Miali Diedo yanbuama Isalele yaaba po.#Coa 27.21; Tia 33.8; Esd 2.63; Neh 7.65
Yaa tiadi n sieni ki moko gagidi ki ŋani
31Ŋan tieni u benŋuunu liadili li kukuli n yaa moani ki suudi. 32Li yuli yaa po ŋan jiadi u liadinialu siiga nni. Li yaa puoli ŋan lu ki kpa li bonli yeni bonŋanla lan tie lan da padi. 33Li liadili yeni tiipo ŋan teni ban lu ki tagi *gelenadie bonluonkaala leni ti pekobidi yaadi n moani ki suudi ki ŋmadi leni yaadi moani colicoli, ŋan ŋoadi ki joanjoani ki sagini gelenadie bonluonkaala siiga wula coolonbimu, 34ki gadi gelenadie bonluonkaala leni wula coolonbimu hali ki ban gaani ki cebini. 35Alono baa yen laa laa liadile li tuonli po. Mu coolonmu yeni yen baa mua o yaa kua u kaangagidiŋamu nni n nintuali yaa yogunu bi o yaa ña, lan tie wan da kpe.
36Baa wulamoano ki duadi bonla lan yaa naani leni mi puuma ki diani lipo “Bi gagidi la Li Miali Diedo po yo.” Lan yaa tie nani o nilo n yen tieni o maalima maama yeni. 37Baa yaa baabu n moani ki suudi ki loli wula puuma ti finfinjuadi po man yaa goa li yutunli po. 38Laa bonla baa ye Alono yutunli po. Alono baa tugi Isalele yaaba tagili a pada po, li baa yaa ye o yutunli po wan baa cua Li Miali Diedo nintuali yaa yogunu kuli lan tie wan fidi ki tuo bi miabu.
39Ŋan lu li liadili leni len tiidi gaali yi n ñili ki ŋani, ŋan go lu ki kpa ku gbanñagidigu. 40Alono bijaba moko yaa po ŋan lu bipo yaa tiadi n tie na: ti tialakaadi, ti gbanñagiditi leni ti finfinjuadi. Laa tiadi baa doagidi ban tie yaaba leni bi jilima.
41Fini Musa, ŋan lani a kpelo Alono leni o bijaba laa tiadi. Ŋan wuli bi yula po mi kpama ki puogi baa bi tuonli. A baa tieni yene ki gagidi ki ŋanbi ba ban yaa tuuni npo a pada tuonli. 42Yin lu bipo a banda ban yie ki pigini bi mubima. Laa banda baa yaa foagi ki cili ki ciaga ki ban sedi a pana. 43Alono leni o bijaba baa yie laa tiade ki kua u *Kadikaanu gbandieli nni bi ki pundi li *padibinbinli kani u kaangagidiŋamu nni, bi yaa baa padi yaa yogunu li padili lan baa teni ke bi kan kpe kelima baa se mubima n nintuali. Laa *balimaama baa waagi ki ye Alono leni o puoliŋuani kuli po hali yaa yogunu kuli.
Bi kopadicianba gagidiŋanbima
Currently Selected:
:
Highlight
Share
Copy
Want to have your highlights saved across all your devices? Sign up or sign in
Gulmancema Bible © Bible Society of Burkina Faso, 2003.