MI ÑAMA 3
3
1Musa den kpaa o cuado Madiana kopadiciamo Jetilo yangoli. Musa den gedini li yangoli hali mi fanpienma pendima ki pundi U Tienu yaa juali Holebi kani.
2Li Miali Diedo yaa maleki den doagidi o kani u mupienu nni ki ye ku fatuugu nni. Musa den diidi ki sua ke ku fatuugu co ki naa buodi.
3Musa den yedi: «N baa jadi ki le laa bonlidikaala n tie yaala ki go le yaala n teni ke ku fatuugu naa buodi.» 4Li Miali Diedo n den laa ke o jadi ki baa le yaala, U Tienu den yini o ku fatuugu siiga nni ki yedi o: «Musa, Musa.» O den goa ki yedi: «Mini n na.» 5U Tienu den yedi: «Ŋan da nagini nekanba, piti a cacaadi kelima ŋan se yaa kaanu yeni tie tingagidikaaga.» 6O go den yedi o: «N tie a baa yaa Tienu, ki go tie Abalahama Tienu, Isaaka Tienu leni Jakobo yaa Tienu.» Musa den pii o nunga kelima o den jie ki naa bua ki diidi ki le U Tienu.
7Li Miali Diedo den yedi: «N laa n niba fala Ejipiti nni. N gbadi ban buudi yaa bubula yaaba n faligi ba n teni ke bi buudi maama kelima n bani bi fala. 8N jiidi ki baa faabi ba Ejipiti yaaba yaa nuu nni, ki teni ban ña laa diema nni ki kua yaa diema n ŋani ki go yaba yaa niinni. Mi naaŋanma leni ti siadi n dua naani. Li tie Kanana yaaba, Heta yaaba, Amola yaaba, Felesa yaaba, Hefa yaaba leni Jebusa yaaba n ye yaa diema nni. 9Diidi, Isalele yaaba yaa bubula pundi hali n kani ke n laa Ejipiti yaaba n wangi ba yaa falaciamo. 10Moala gedi, n baa soani a *Falono kani ŋan teni ke n niba Isalele yaaba n ña Ejipiti diema nni.»#JTT 7.30-34
U Tienu waani Musa o yeli
11Musa den yedi U Tienu: «N mo tie ŋme yo ki baa fidi ki gedi Falono kani ki teni Isalele yaaba n ña Ejipiti diema nni?» 12U Tienu den yedi: «N baa ye leni a, line n baa tie apo mi maalima ke mini n soani a. A yaa teni ke bi niba ñani Ejipiti nni, yi baa tuuni U Tienu po li naa juali kani.»
13Musa den yedi U Tienu: «Lanwani n baa gedi Isalele yaaba kani ki yedi ba: Yi baanba yaa Tienu n soani nni yikani. Ama bi yaa buali nni o yi lede? N baa guani ba be?»#Ñam 6.2-3 14U Tienu den yedi Musa: «N tie min tie yua.» O go den yedi: «Ŋan maadi Isalele yaaba yaa maama n tie na: ‹Yua n tie “N YE” wani n soani nni yikani.› »#Doa 1.4,8 15U Tienu go den yedi Musa: «A go baa maadi leni Isalele yaaba ki yedi ba yaa maama n tie na: ‹Li Miali Diedo yi baanba yaa Tienu yua n go tie Abalahama Tienu, Isaaka Tienu leni Jakobo Tienu, wani n soani nni yikani.› N yeli n yeni yaa yogu n tu yaa yogu min bua ban yaa yi nni maama n yeni nifiima n tu nifiima. 16Gedi ki taani Isalele yaaba nikpeliba ki yedi ba: ‹Li Miali Diedo yi baanba yaa Tienu den doagidi n kani wani yua n tie Abalahama leni Isaaka leni Jakobo yaa Tienu. O den yedi: N nua yi ki go nua ban tiendi yi yaala Ejipiti nni. Lani n teni 17ke n yedi ke n baa teni yin ña Ejipiti nni yin laadi fala naankani, ki teni yin kua Kanana yaaba, Heta yaaba, Amola yaaba, Felesa yaaba, Hefa yaaba leni Jebusa yaaba yaa diema nni, mi naaŋanma leni ti siadi n dua naani.› 18Bi baa cengi a yedima, lanwani a baa gedi, fini leni Isalele yaaba nikpeliba ki pundi Ejipiti bado kani ki yedi o: ‹Li Miali Diedo, Ebilu yaaba yaa Tienu, den doagidi tikani. Pa ti u sanu tin gedi mi fanpienma nni hali dana taa yaa cenli banlu ki ban padi a pada Li Miali Diedo ti Tienu po.›
19N bani ke Ejipiti bado kan tuo yin gedi li yaa tie ke n paaciamu tieni o u paalu yaaka. 20N baa tandi n nuu ki pua Ejipiti leni mi bancianma buoli kuli, min baa tieni yaama mi diema nni. Lani yaa pendi o baa tuo yin gedi.
21N baa teni bi niba yeni n baa li *ŋanbili Ejipiti yaaba kani, ke yi yaa fii yi kan fii nikuomi. 22Pua kuli baa mia o kuantalielo leni o yieninlielo yaa tiadi n tie ŋanjilifa, leni wula tiadi leni ti tiayiekaadi yi bijaba leni yi bisiaba po. Yene ke yi baa fagi Ejipiti yaaba.»#Ñam 12.35-36
U Tienu doagidi o paaciamu Musa po
Currently Selected:
MI ÑAMA 3: GUX03
Highlight
Share
Copy
Want to have your highlights saved across all your devices? Sign up or sign in
Gulmancema Bible © Bible Society of Burkina Faso, 2003.
