MI ÑAMA 30
30
1Ŋan tieni li *padibinbinli yaali yaa po ke bi baa juugi tulale. Ŋan tieni li leni akasia yaa daadi.#Ñam 37.25-28 2Ŋan teni li pianu leni li foagimu n yaa de. Li foagimu baa yaa tie nukpandunyenli, li kpedima mo baa yaa tie nukpanduna lie. Lani leni li padibinbinli ñoakunnaadi yi n yugidi kuli baa taani ki yaa tie yenma. 3Ŋan boali li padibinbinli tanpoli, li kali, leni li ñoakunnaadi yi n yugidi yeni kuli leni wulamoano, ŋan kugini likuli leni wula ki ban cebini.
4Ŋan duadi wula ñoagibila bona lie ki tieni a, ŋan kugini li padibinbinli yaa wula tiipo i kaliliedi kuli kani. Laa ñoagibila yaa niinne ke i dopandi baa tuuni li padibinbinli tugima po. 5Ŋan kpie i dopandi yeni kuli leni akasia yaa daadi ki yuandi ki boali i leni wula. 6Ŋan bili li padibinbinli ki tegini bu *kpalidoaginkaabu yaabu n ye ku *ŋantaadikpaku nintuali ki tiegi leni li biili yaali n maa ku ŋantaadikpaku po min baa kadi leni a naani. 7Tiŋaagu kuli, Alono baa juu tulale padili, o yaa kua ki baa ŋanbi mu fidisanmu. 8Yenjuogu kuli mo wan yen juu tulale o yaa baa cuoni mu fidisanmu yaa yogunu. Ŋan yaa juugi tulale n yeli kpiagidi po ki da cedi nifiima n tu nifiima.
9Yin da padi li padibinbinli po tulale fano, bi padijuukaali, bi bu paabu padili yin da cabi li padibinbinli po liba kuli mo. 10Li binli nni yenma, Alono baa padi ti *tuonbiadi sugili padili ki wuli ki padiyanga soama li padibinbinli yina po. Binli kuli laa padili baa tieni nifiima n tu nifiima. Li padibinbinli baa yaa tie Li Miali Diedo nintuali yaa bonla n gagidi ki ŋani hali bonŋanla.»
Li lubili u kaangagidiŋamu po
11Li Miali Diedo go den maadi leni Musa ki yedi: 12«A yaa fiini Isalele yaaba coali, nilo kuli baa pa yi o miali *daafaabima po i panpaani. Lani n tie falaba kuli n da baa yi li coali yogunu. 13Bi yaa coadi yua kuli o baa pa kujapienli boagidima nani ban bili maama U Tienu diegu po. Yi baa ga laa ligi Li Miali Diedo po.#Ñam 38.25-26; Mat 17.24 14Isalele niba yaaba n pundi bi ki cie bina piilie danba kuli baa taani li nicoali nni, bi go baa teni ban gaani yaa paabu Li Miali Diedo po mo. 15O piado kan pa ki cie, o luodo mo kan pa yaala n ki pundi kujapienli boagidima. Yua kuli baa pa mini Li Miali Diedo o daafaabima po. 16Ŋan ga Isalele yaaba kani bi miana daafaabima ligi. Ŋan taa laa ligi ki yaa ŋanbidi u *Kadikaanu gbandieli. Li baa yaa tie Isalele yaaba po mi tiadima bonla Li Miali Diedo nintuali bi miana daafaabima po.»
Ti kumoandi tadigu n tie maama
17Li Miali Diedo den maadi leni Musa ki yedi o: 18«Ŋan duadi ti kumoandi tadigu, ku tuankaanu moko n yaa tie kumoandi ŋan sieni gu u Kadikaanu gbandieli leni li padibinbinli yaa siiga ki gbieni gu leni mi ñima lan tua mi nigidiŋanbima po.#Ñam 38.8 19Alono leni o bijaba baa nigidi ki ŋanbi bi taana leni bi nii leni laa ñima. 20Bi yaa baa kua u Kadikaanu gbandieli nni, li baa yaa tie Isalele yaaba po mi tiadima bonla Li Miali Diedo nintuali bi miana daafaabima po. 21Bi baa nigidi bi nii leni bi taana, lani n tie ban da kpe. Li baa yaa tie Alono leni o puoliŋuani po yaa mabilikaama n baa yaa ye yaa yogu n tu yaa yogu.»
Mi kpagagidikaama
22Li Miali Diedo den maadi leni Musa ki yedi: 23«Ŋan lingi tulalemoano yua n yi tulale militi, yua n tie bonñima ke o kpiagu tie kilo bonba muu, sinamomi leni o nuulimanu kilo bonba lie leni boagidima, kaneli leni o nuulimanu kilo bonba lie leni boagidima, 24kase kilo bonba muu ki ŋoadi nani u *kaangagidiŋamu nni ban biigidi maama. Ŋan go baa *olifie tiidi yaa kpama moko litidi bonba luoba.
25Yua n tuuni tulale tuonli baa kaali likuli ki ñani mi kpagagidikaama ban yen soani leni yaama mi gagidiŋanbima bogida. 26A baa taa mane ki wuli ki gagidi ki ŋanbi u Kadikaanu gbandieli leni ku ŋantaadikpaku. 27Tabili leni li tiabibidi, u fidisantuankaanu leni u tiabibidi, tulale padibinbinli, 28a padijuukaana padibinbinli leni li tiabibidi, ku kumoantadigu leni ku tuankaanu. 29A yaa gagidi ki ŋanbi laa bonla kuli, li baa gagidi ki yaa ŋani cain, yaala n sii laa bonla kuli baa gagidi. 30Ŋan wuli Alono leni o bijaba yula po mi kpagagidikaama lan gagidi ki ŋanbi ba baa tuuni npo.
31Li yaa puoli ŋan yedi Isalele yaaba: yaa kpama n tie na tie mi gagidiŋanbima yaa kpame yaa yogu n tu yaa yogu po. Laa kpama baa ye Li Miali Diedo tuonli po bebe. 32Oba kuli n da sogi laa kpama, oba kuli mo n da tieni laa kpama buolu. Laa kpama gagidi ki ŋani, moko tilade yin fangi yi yula leni ma. 33Yua n ŋoali laa kpama buolu, bi yua n taa ma ki sogi nilamo#30.33 Yua n ki tie kopadicianbuolu. bi baa ñani o o buolu siiga.»
Tulale yua n gagidi ki ŋani n bogidi maama
34Li Miali Diedo go den yedi Musa: «Lingi yaa tiidi yaa nuulu n mani, lan tie sitakite, onigisi, leni galibanumi. Ŋan go pugini ŋan baa yaa tiidi yeni po a *dugibila mo lan yaa de yeni. 35Yua tuuni tulale tuonli baa kaali likuli leni mi yaama lan tua yaa bonla n ki pia joagindi ki go gagidi ki ŋani. 36Ŋan nugi ki baa li bonyoma ki sieni ma ku ŋantaadikpaku kani u Kadikaanu gbandieli nni min baa bili tin kadi naankani. Li baa yaa tie yipo yaa bonla n gagidi ki ŋani cain.
37Oba kuli n da tagi laa tulale buolu ŋantaaditoa po. Yin bili yi yama nni ke o li ye mini yaa ŋantaado po bebe yo. 38Nilo yaa tagi laa tulale buolu ki baa yaa gba u nuulu manu, yi baa ñani o li nitaanli nni.»#Ñam 37.29
U kaangagidiŋamu tuonsoanba
Currently Selected:
MI ÑAMA 30: GUX03
Highlight
Share
Copy
Want to have your highlights saved across all your devices? Sign up or sign in
Gulmancema Bible © Bible Society of Burkina Faso, 2003.
MI ÑAMA 30
30
1Ŋan tieni li *padibinbinli yaali yaa po ke bi baa juugi tulale. Ŋan tieni li leni akasia yaa daadi.#Ñam 37.25-28 2Ŋan teni li pianu leni li foagimu n yaa de. Li foagimu baa yaa tie nukpandunyenli, li kpedima mo baa yaa tie nukpanduna lie. Lani leni li padibinbinli ñoakunnaadi yi n yugidi kuli baa taani ki yaa tie yenma. 3Ŋan boali li padibinbinli tanpoli, li kali, leni li ñoakunnaadi yi n yugidi yeni kuli leni wulamoano, ŋan kugini likuli leni wula ki ban cebini.
4Ŋan duadi wula ñoagibila bona lie ki tieni a, ŋan kugini li padibinbinli yaa wula tiipo i kaliliedi kuli kani. Laa ñoagibila yaa niinne ke i dopandi baa tuuni li padibinbinli tugima po. 5Ŋan kpie i dopandi yeni kuli leni akasia yaa daadi ki yuandi ki boali i leni wula. 6Ŋan bili li padibinbinli ki tegini bu *kpalidoaginkaabu yaabu n ye ku *ŋantaadikpaku nintuali ki tiegi leni li biili yaali n maa ku ŋantaadikpaku po min baa kadi leni a naani. 7Tiŋaagu kuli, Alono baa juu tulale padili, o yaa kua ki baa ŋanbi mu fidisanmu. 8Yenjuogu kuli mo wan yen juu tulale o yaa baa cuoni mu fidisanmu yaa yogunu. Ŋan yaa juugi tulale n yeli kpiagidi po ki da cedi nifiima n tu nifiima.
9Yin da padi li padibinbinli po tulale fano, bi padijuukaali, bi bu paabu padili yin da cabi li padibinbinli po liba kuli mo. 10Li binli nni yenma, Alono baa padi ti *tuonbiadi sugili padili ki wuli ki padiyanga soama li padibinbinli yina po. Binli kuli laa padili baa tieni nifiima n tu nifiima. Li padibinbinli baa yaa tie Li Miali Diedo nintuali yaa bonla n gagidi ki ŋani hali bonŋanla.»
Li lubili u kaangagidiŋamu po
11Li Miali Diedo go den maadi leni Musa ki yedi: 12«A yaa fiini Isalele yaaba coali, nilo kuli baa pa yi o miali *daafaabima po i panpaani. Lani n tie falaba kuli n da baa yi li coali yogunu. 13Bi yaa coadi yua kuli o baa pa kujapienli boagidima nani ban bili maama U Tienu diegu po. Yi baa ga laa ligi Li Miali Diedo po.#Ñam 38.25-26; Mat 17.24 14Isalele niba yaaba n pundi bi ki cie bina piilie danba kuli baa taani li nicoali nni, bi go baa teni ban gaani yaa paabu Li Miali Diedo po mo. 15O piado kan pa ki cie, o luodo mo kan pa yaala n ki pundi kujapienli boagidima. Yua kuli baa pa mini Li Miali Diedo o daafaabima po. 16Ŋan ga Isalele yaaba kani bi miana daafaabima ligi. Ŋan taa laa ligi ki yaa ŋanbidi u *Kadikaanu gbandieli. Li baa yaa tie Isalele yaaba po mi tiadima bonla Li Miali Diedo nintuali bi miana daafaabima po.»
Ti kumoandi tadigu n tie maama
17Li Miali Diedo den maadi leni Musa ki yedi o: 18«Ŋan duadi ti kumoandi tadigu, ku tuankaanu moko n yaa tie kumoandi ŋan sieni gu u Kadikaanu gbandieli leni li padibinbinli yaa siiga ki gbieni gu leni mi ñima lan tua mi nigidiŋanbima po.#Ñam 38.8 19Alono leni o bijaba baa nigidi ki ŋanbi bi taana leni bi nii leni laa ñima. 20Bi yaa baa kua u Kadikaanu gbandieli nni, li baa yaa tie Isalele yaaba po mi tiadima bonla Li Miali Diedo nintuali bi miana daafaabima po. 21Bi baa nigidi bi nii leni bi taana, lani n tie ban da kpe. Li baa yaa tie Alono leni o puoliŋuani po yaa mabilikaama n baa yaa ye yaa yogu n tu yaa yogu.»
Mi kpagagidikaama
22Li Miali Diedo den maadi leni Musa ki yedi: 23«Ŋan lingi tulalemoano yua n yi tulale militi, yua n tie bonñima ke o kpiagu tie kilo bonba muu, sinamomi leni o nuulimanu kilo bonba lie leni boagidima, kaneli leni o nuulimanu kilo bonba lie leni boagidima, 24kase kilo bonba muu ki ŋoadi nani u *kaangagidiŋamu nni ban biigidi maama. Ŋan go baa *olifie tiidi yaa kpama moko litidi bonba luoba.
25Yua n tuuni tulale tuonli baa kaali likuli ki ñani mi kpagagidikaama ban yen soani leni yaama mi gagidiŋanbima bogida. 26A baa taa mane ki wuli ki gagidi ki ŋanbi u Kadikaanu gbandieli leni ku ŋantaadikpaku. 27Tabili leni li tiabibidi, u fidisantuankaanu leni u tiabibidi, tulale padibinbinli, 28a padijuukaana padibinbinli leni li tiabibidi, ku kumoantadigu leni ku tuankaanu. 29A yaa gagidi ki ŋanbi laa bonla kuli, li baa gagidi ki yaa ŋani cain, yaala n sii laa bonla kuli baa gagidi. 30Ŋan wuli Alono leni o bijaba yula po mi kpagagidikaama lan gagidi ki ŋanbi ba baa tuuni npo.
31Li yaa puoli ŋan yedi Isalele yaaba: yaa kpama n tie na tie mi gagidiŋanbima yaa kpame yaa yogu n tu yaa yogu po. Laa kpama baa ye Li Miali Diedo tuonli po bebe. 32Oba kuli n da sogi laa kpama, oba kuli mo n da tieni laa kpama buolu. Laa kpama gagidi ki ŋani, moko tilade yin fangi yi yula leni ma. 33Yua n ŋoali laa kpama buolu, bi yua n taa ma ki sogi nilamo#30.33 Yua n ki tie kopadicianbuolu. bi baa ñani o o buolu siiga.»
Tulale yua n gagidi ki ŋani n bogidi maama
34Li Miali Diedo go den yedi Musa: «Lingi yaa tiidi yaa nuulu n mani, lan tie sitakite, onigisi, leni galibanumi. Ŋan go pugini ŋan baa yaa tiidi yeni po a *dugibila mo lan yaa de yeni. 35Yua tuuni tulale tuonli baa kaali likuli leni mi yaama lan tua yaa bonla n ki pia joagindi ki go gagidi ki ŋani. 36Ŋan nugi ki baa li bonyoma ki sieni ma ku ŋantaadikpaku kani u Kadikaanu gbandieli nni min baa bili tin kadi naankani. Li baa yaa tie yipo yaa bonla n gagidi ki ŋani cain.
37Oba kuli n da tagi laa tulale buolu ŋantaaditoa po. Yin bili yi yama nni ke o li ye mini yaa ŋantaado po bebe yo. 38Nilo yaa tagi laa tulale buolu ki baa yaa gba u nuulu manu, yi baa ñani o li nitaanli nni.»#Ñam 37.29
U kaangagidiŋamu tuonsoanba
Currently Selected:
:
Highlight
Share
Copy
Want to have your highlights saved across all your devices? Sign up or sign in
Gulmancema Bible © Bible Society of Burkina Faso, 2003.