MI ÑAMA 31
31
1Li Miali Diedo den maadi leni Musa ki yedi: 2«Diidi, n gandi Betisaleeli Uli bijua, Huli yaabili, Juda buolu yua. 3N gbieni o leni U Tienu Fuoma leni mi yanfuoma, mi banma leni i tuonbuoli kuli banma. 4O bani a tuona boncianla n baa cuoni maama, o bani ki duadi wula, ŋanjilifa leni ti kumoandi. O bani a tanmoana leni ti daadi n baa kpie maama. 5O bani a tana ya n pia mayuli ke a dunga pa n baa kpie maama, ti daadi n baa kpie maama, o bani tuonli kuli n baa soani maama. 6N teni ke Ahisamaka bijua Oholiabi, Dana buolu yua baa tua opo todika. N puni mi yanfuoma a tuonsoanbanda ke ban taani ki soani min puogi a yaa tuonli kuli. 7Laa tuona n tie na: U *Kadikaanu gbandieli, ku *ŋantaadikpaku, ku ŋantaadikpaku biili, u Kadikaanu gbandieli nni tiadi kuli, 8tabili yua n gagidi ki ŋani, u fidisantuankaanu yu n tagi leni wulamoano leni u tiabibidi, tulale *padibinbinli, 9li padibinbinli leni li tiabibidi, ku tadigu leni ku tuankaanu, 10u badu tiadi, o kopadiciamo Alono leni o bijaba n baa laa yaa tiadi ki yaa tuuni ke ti gagidi ki ŋani, 11mi kpagagidikaama yaama n ŋani, u *kaangagidiŋamu tulaleŋamo. Bi baa tieni likuli nani min bili maama yeni.»
Yin baa jigini U Tienu fuodima daali maama
12Li Miali Diedo den maadi leni Musa ki yedi: 13«Maadi leni Isalele yaaba ki yedi ba: Li tie yipo tilade yin jigini n fuodima dana, kelima yaa yogu n tu yaa yogu, n fuodima dana n baa yaa tie siedi min kuani yaa ñoabonli leni yinba po. Lani n baa teni ban bandi ke n tie Li Miali Diedo Yua n Gagidi ki ŋanbidi yi. 14Yin yaa jigindi mani mi *fuodima daali kelima laa daali baa yaa gagidi ki ŋani yipo. Yua n fali laa daali bi baa kpa o. Yaa nilo kuli n soani tuonliba laa daali bi baa ñani o o buolu siiga. 15Yi baa soani dana luoba ama li daleleeli tie mi fuodima daali, *jaanma yaa daali yaali n gagidi ki bili Li Miali Diedo po. Yua n soani tuonliba kuli mi fuodima daali, bi baa kpa o.#Ñam 20.8-11; 23.12; 34.21; 35.2; Lef 23.3; Tia 5.12-14 16Isalele yaaba n tieni U Tienu fuodima daali po lan bili maama. Nifiima n tu nifiima ban bogini U Tienu fuodima daali badu. Lani n tie min kuani leni ba yaa ŋantaadipaano yaa yogu n tu yaa yogu po. 17Laa daali baa yaa tie siedi mini leni Isalele yaaba siiga yaa yogu n tu yaa yogu kelima dana luoba Li Miali Diedo den tagi tanpoli leni ki tinga li daleleeli o den sieni o tuonli ki fuodi.»#Ñam 20.11
18Li Miali Diedo n den maadi ki gbeni leni Musa Sinayi juali po, o den teni o siedi tanpabiliedimu U Tienu wani oba n den diani yaamu yaa po o *bali maama.
Wula naabiga
Currently Selected:
MI ÑAMA 31: GUX03
Highlight
Share
Copy
Want to have your highlights saved across all your devices? Sign up or sign in
Gulmancema Bible © Bible Society of Burkina Faso, 2003.
MI ÑAMA 31
31
1Li Miali Diedo den maadi leni Musa ki yedi: 2«Diidi, n gandi Betisaleeli Uli bijua, Huli yaabili, Juda buolu yua. 3N gbieni o leni U Tienu Fuoma leni mi yanfuoma, mi banma leni i tuonbuoli kuli banma. 4O bani a tuona boncianla n baa cuoni maama, o bani ki duadi wula, ŋanjilifa leni ti kumoandi. O bani a tanmoana leni ti daadi n baa kpie maama. 5O bani a tana ya n pia mayuli ke a dunga pa n baa kpie maama, ti daadi n baa kpie maama, o bani tuonli kuli n baa soani maama. 6N teni ke Ahisamaka bijua Oholiabi, Dana buolu yua baa tua opo todika. N puni mi yanfuoma a tuonsoanbanda ke ban taani ki soani min puogi a yaa tuonli kuli. 7Laa tuona n tie na: U *Kadikaanu gbandieli, ku *ŋantaadikpaku, ku ŋantaadikpaku biili, u Kadikaanu gbandieli nni tiadi kuli, 8tabili yua n gagidi ki ŋani, u fidisantuankaanu yu n tagi leni wulamoano leni u tiabibidi, tulale *padibinbinli, 9li padibinbinli leni li tiabibidi, ku tadigu leni ku tuankaanu, 10u badu tiadi, o kopadiciamo Alono leni o bijaba n baa laa yaa tiadi ki yaa tuuni ke ti gagidi ki ŋani, 11mi kpagagidikaama yaama n ŋani, u *kaangagidiŋamu tulaleŋamo. Bi baa tieni likuli nani min bili maama yeni.»
Yin baa jigini U Tienu fuodima daali maama
12Li Miali Diedo den maadi leni Musa ki yedi: 13«Maadi leni Isalele yaaba ki yedi ba: Li tie yipo tilade yin jigini n fuodima dana, kelima yaa yogu n tu yaa yogu, n fuodima dana n baa yaa tie siedi min kuani yaa ñoabonli leni yinba po. Lani n baa teni ban bandi ke n tie Li Miali Diedo Yua n Gagidi ki ŋanbidi yi. 14Yin yaa jigindi mani mi *fuodima daali kelima laa daali baa yaa gagidi ki ŋani yipo. Yua n fali laa daali bi baa kpa o. Yaa nilo kuli n soani tuonliba laa daali bi baa ñani o o buolu siiga. 15Yi baa soani dana luoba ama li daleleeli tie mi fuodima daali, *jaanma yaa daali yaali n gagidi ki bili Li Miali Diedo po. Yua n soani tuonliba kuli mi fuodima daali, bi baa kpa o.#Ñam 20.8-11; 23.12; 34.21; 35.2; Lef 23.3; Tia 5.12-14 16Isalele yaaba n tieni U Tienu fuodima daali po lan bili maama. Nifiima n tu nifiima ban bogini U Tienu fuodima daali badu. Lani n tie min kuani leni ba yaa ŋantaadipaano yaa yogu n tu yaa yogu po. 17Laa daali baa yaa tie siedi mini leni Isalele yaaba siiga yaa yogu n tu yaa yogu kelima dana luoba Li Miali Diedo den tagi tanpoli leni ki tinga li daleleeli o den sieni o tuonli ki fuodi.»#Ñam 20.11
18Li Miali Diedo n den maadi ki gbeni leni Musa Sinayi juali po, o den teni o siedi tanpabiliedimu U Tienu wani oba n den diani yaamu yaa po o *bali maama.
Wula naabiga
Currently Selected:
:
Highlight
Share
Copy
Want to have your highlights saved across all your devices? Sign up or sign in
Gulmancema Bible © Bible Society of Burkina Faso, 2003.