MI CILIMA 25
25
1Abalahama go den taa o pua ke o yi Ketula. 2O den mali opo Similana, Yokisana, Medana, Madiana, Yisibaka leni Sua. 3Yokisana den mali Seba leni Dedana. Dedana yaa bila n den tie Asula yaaba leni Letusima yaaba leni Leuma yaaba. 4Madiana yaa bila den tie Efa, Efela, Enoka, Abida leni Elida. Bani kuli den tie Ketula yaabila.
5Abalahama den puni Isaaka o piama kuli. 6O den puni o potuada yaa bila bu paabu. Hali wan den fo, o den cabi ba ke bi foagidi leni o bijua Isaaka ki gedi puoli po ki pundi puoli po yaa diema. 7Abalahama miali dana kuli den tie kobiga n piilele n bina muu lan yuandi o den kpe. 8Abalahama den podi ki gbadi o miali dana manu o den kpe ki guani o danba kani. 9Isaaka leni Isimayeli o bijaba den piini o Makipela yaa tanlongu nni Efilona yua n den tie Heta yua Tisoala yaa bijua yaa kuanu nni yu n tiegi Mamile. 10Li den tie Abalahama n den da yaa kuanu Heta yaa bijaba kani. Lankane ke bi den piini Abalahama leni o pua Sala.#Cil 23.3-16 11Abalahama kuuma puoli U Tienu den seligi o bijua Isaaka. O den kali Lakayi-Loi yaa caali kani.
12Bine n tie Abalahama yaa bijua Isimayeli yaa yaabila. O den tie Ejipiti yua Agala, yua n den tie Sala yaa potuado n den mali yua Abalahama po. 13Bine n tie Isimayeli yaa bila yaa yela ki ŋoadi bi yela leni bi nifiima, o bijakpelo Nebayoti leni 14Kedala leni Adibeli leni Mibisama leni Misima leni Duma leni Masa leni 15Hadadi leni Tema leni Yetuli leni Nafisa leni Kedima. 16Bani n tie Isimayeli bijaba leni bi yela yaaba n den kali leni bi naga leni bi dogi. Bi den pia piiga n badijaba lie nani bi buoli n den de maama. 17Isimayeli miali dana kuli den tie kobiga n piitaa n bina lele. O den kpe ki guani o danba kani. 18O bila den kali Hafila dogu ki pundi hali Sula yu n tiegi Ejipiti, a yaa cuoni ki cuubi Asili diema po. O den kaa yeni o kpiiba kuli nintuali.
Esayu leni Jakobo
19Bine n tie Abalahama yaa bijua Isaaka yaa bila. 20Abalahama den mali Isaaka. Isaaka den pia bina piinaa wan den taa o pua Lebeka yaa yogunu, yua n den tie Betuela yaa bisalo. O den tie Alama buolu ki kaa Padana-Alama dogu nni. 21Isaaka den jaandi Li Miali Diedo o pua po kelima o den tie ŋoaliga. Li Miali Diedo den gbadi o miabu ke o pua Lebeka den punbi. 22A bila den bobini biyaba o tugu nni ke o yedi: «Be baa nni da?» O den gedi ki mia Li Miali Diedo.
23Li Miali Diedo den yedi o:
«Nibuoli lie n ye a tugu nni.
Nibuoli lie n baa ña a tugu nni ki paadi leni biyaba.
Bi siiga nni nibuoyendu baa yaa pia u paalu ki cie u yu,
Yua n yaba ki cie baa miini o yuli ki ŋoadi yua n wa ki cie.»#Lom 9.12
24O maadaali n den pundi bila lie n den ye o tugu nni. 25Ki bikpiaga den ñani ki moani cain ke o kobidi den tie opo nani bu kpalibu ki pini o. Bi den yini o yeli Esayu.#25.25 Esayu bundima tie o kobidaano. 26Lanpendi o waalo den ñani ke o nuu muubi Esayu yaa taajentindili. Bi den cili o mo yaa yeli Jakobo.#25.26 Jakobo bundima tie yua n ga o lielo kaanu. Isaaka den pia bina piiluoba ban den mali ba yaa yogunu.
27Laa bilieda den fandi. Esayu den tua tuado ki fidi ki toa hali bonŋanla ki tie yua n ye ku muagu nni yogunu kuli, ama Jakobo den tie yaa nilo n dingi ki kaa a gbandiena nni. 28Isaaka den bua Esayu kelima o den ŋmani ti moanandi ama Lebeka den bua Jakobo yo ki cie.
29Dayenli Esayu den ñani ku muagu nni ki pundi ki coagi hali boncianla. O den sua ke Jakobo ŋaani a tuuna. 30Esayu den yedi Jakobo: «N mia ŋa cedi min ŋmani ku tumoangu na kelima n coagi.» Lan teni ke bi yini Esayu yaa yeli n tie Edomi.#25.30 Edomi bundima tie o nimoano.
31Jakobo den yedi o: «Kuadi npo a nikpedi dinla.»
32Esayu den goa ki yedi: «Diidi mi koma baa kpa nni, n nikpedi baa fuoni nni be?»
33Ama Jakobo den yedi: «Se ŋan poli.» O den poli ki kuadi o nikpedi Jakobo po.#Ebl 12.16 34Lanwani Jakobo den puni Esayu dupen leni a tuuna. O den ŋmani ki ñuni ki fii ki ban caa. Li den tieni yene ke Esayu den fali o nikpedi.
Isaaka leni Abimeleka
Currently Selected:
MI CILIMA 25: GUX03
Highlight
Share
Copy
Want to have your highlights saved across all your devices? Sign up or sign in
Gulmancema Bible © Bible Society of Burkina Faso, 2003.
