MI CILIMA 36
36
1Bine n tie Esayu ban yi yua Edomi yeni yaa puoliŋuani. 2Esayu den taa o puoba Kanana yaaba bisiaba siiga, lani n tie Heta yua Elona yaa bisalo Ada leni Hefa yua Tisibeona bijua Ana bisalo Oholibama#Cil 26.34 3leni Isimayeli bisalo Basimati, Nebayoti yaa waalo yeni.#Cil 28.9 4Ada den mali Esayu po Elifasa, Basimati den mali opo Lewuyeli. 5Oholibama den mali opo Yeusa, Jalama leni Kole. Bani n tie Esayu yaa bijaba, ban den mali opo yaaba Kanana diema nni.
6Esayu den taa o puoba leni o bijaba leni o bisiaba leni wan den pia yaa niba o diegu nni, leni o yangola leni o yandi kuli leni wan den baa yaa piama kuli Kanana diema nni ki gedi dietoama naankani n foagi leni o waalo Jakobo kani. 7Kelima bi piama den yaba ke li kan tuo ban yaa ye kaanyendu. Ban den ye yaa diema nni naa go den dagidi bi yangola kuli po. 8Esayu den kali ki baa ye Seyila yaa juali kani. Esayu go den yi Edomi.
Esayu puoliŋuani
9Bine mo n tie Edomi yaaba Esayu yaa yaabila wan mali yaaba Seyila juali kani. 10Esayu bijaba yaa yela n tie na. Esayu pua Ada yaa bijua den tie Elifasa. Esayu pua Basimati yaa bijua den tie Lewuyeli.
11Elifasa yaa bijaba den tie Temana, Omali, Tisefo, Gaetama leni Kenasa. 12Esayu bijua Elifasa yaa potuado Timina den mali Elifasa po Amaleki. Bani n tie Esayu yaa pua Ada yaa bijaba.
13Bine mo n tie Lewuyeli yaa bijaba: Nahati, Sela, Sama leni Misa. Bani mo n tie Esayu pua Basimati yaa bijaba. 14Bine mo n tie Esayu pua Oholibama yua n tie Tisibeona bijua Ana yaa bisalo bijaba. O den mali Esayu po Yeusa, Jalama leni Kole.
15Bine mo n tie Esayu puoliŋuani siiga bi yudanba: Temana, Omali, Tisefo, Kenasa, Kole, 16Gaetama leni Amaleki. Bani n tie yaa yudanba n den ñani Elifasa niinni, Edomi diema nni, Esayu pua Ada yaa bijaba.
17Bine n tie Esayu bijua Lewuyeli yaa puoliŋuani siiga bi yudanba: Nahata, Sela, Sama leni Misa. Bani n tie yaa yudanba n den ñani Lewuyeli niinni Edomi diema nni, Esayu pua Basimati yaa bijaba.
18Bine mo n tie Esayu pua Oholibama yaa bijaba siiga bi yudanba: Yeusa, Jalama leni Kole. Bani mo n tie yaa yudanba n den ñani Esayu pua Oholibama niinni, yua n tie Ana yaa bisalo. 19Bani n tie Esayu bijaba, ki tie bi buoli kuli yaa yudanba. Esayu n tie Edomi.
20Bine mo n tie Holi yua Seyila yaa bijaba. Bani n tie laa diema yaa nikpiaba. Lani n tie Lotana, Sobali, Tisibeona, Ana, Disona, Etisela leni Disana, 21bani n tie Hola yaaba yaa yudanba, Seyila bijaba n yeni Edomi diema nni. 22Lotana yaa bijaba den tie Holi leni Hemami. Lotana naataanpuoga den tie Timina. 23Bine mo n tie Sobali yaa bijaba: Alifana, Manahati, Ebali, Sefo leni Onami. 24Bine mo n tie Tisibeona yaa bijaba: Afa leni Ana. Li den tie laa Ana yua yaa naa n den laa yaa ñinbuna n pia mi ñintonma mi fanpienma nni wan den kpaa o baa Tisibeona ŋunbi yaa yogunu. 25Bine mo n tie Ana yaa bila: Disona leni Oholibama, Ana yaa bisalo yeni. 26Bine mo n tie Disona yaa bijaba, Hemidana, Esibana, Yitilana leni Kelana. 27Bine mo n tie Etiseli yaa bijaba, Bilihana, Saafana leni Akana. 28Bine mo n tie Disana yaa bijaba, Utisi leni Alana. 29Bine mo n tie Hola yaaba yaa yudanba: Lotana, Sobali, Tisibeona, Ana, Sisona, Etisela leni Disana. 30Bani n tie Hola yaaba yaa yudanba, yaaba n den ye Seyila yaa diema nni.
31Bine mo n tie yaa badiba n den die Edomi yaa diema nni hali ke bado daa den kali ti gbandi po Isalele yaa bila yaa siiga. 32Beola yaa bijua Bela den tie Edomi, o dociamu den yi Dinihaba. 33Bela den guani ke Botisila yua Sela yaa bijua Yobabi den ga o yaa kaanu ki kali ti gbandi po. 34Jobabi den guani ke Temana yaaba diema yua Husama den ga o kaanu ki die. 35Husama den guani, ke Bedada yaa bijua Hadada den ga o kaanu ki kali ti gbandi po. Li den tie wani yua n den pua Madiana Moabi yaa fanpienma nni. O yaa dogu den yi Afita. 36Hadada den guani ke Maseleka yua Samila den ga o kaanu ki die. 37Samila den guani ke Lehoboti, yu n ye u kpenu kani yua Sayula den ga o kaanu ki kali ti gbandi po. 38Sayula den guani ke Akibola bijua Baali-Hanani den ga o kaanu ki kali ti gbandi po. 39Akibola bijua Baali-Hanani den guani ke Hadala den ga o kaanu ki die. O yaa dogu den yi Pau. O pua den yi Mehetabeeli, ki tie Matileda bijua Mesahaba yaa bisalo.
40Bine n tie yaa yudanba n den ñani Esayu niinni yaa yela, nani bi buoli leni bi dogi leni bi yela kuli n tie maama: Timina, Alifa, Yeteta, 41Oholibama, Ela, Pinoni, Kenasa, 42Temana, Mibitisali, 43Magidieli leni Ilami. Bani n tie Edomi yaa yudanba nani bi diedi n den tie maama ban die yaa diema nni. Lani n tie Esayu Edomi yaaba yaa yaaja.
Jakobo leni o niba yaa maama
Currently Selected:
MI CILIMA 36: GUX03
Highlight
Share
Copy
Want to have your highlights saved across all your devices? Sign up or sign in
Gulmancema Bible © Bible Society of Burkina Faso, 2003.
