MI CILIMA 48
48
1Laa bonla n den pendi, bi den cua ki yedi Josefi: «A baa yia.» Josefi den taa o bijaliediba Manase leni Efilayima ki gedi o kani. 2Bi den waani Jakobo ki yedi o: «Diidi a bijua Josefi cua a kani.» Jakobo den moandi leni o fidu kuli ki fii ki kali o duanu po. 3Jakobo den yedi Josefi: «U Tienu yua n pia u paalu kuli den doagidi n kani Lusa dogu nni Kanana diema nni ki seligi nni. 4O den yedi nni: ‹N baa teni ŋan yaa maa a bila ki pugidi. N baa teni ŋan tua i nibuoli boncianla. N baa pa mi naa diema a yaa yaabila a puoli po ban yaa die ma yaa yogunu kuli.›#Cil 28.13-14 5Moala a bijaliediba, ŋan den mali yaaba Ejipiti diema nni ke n daa cua a kani Ejipiti nni, bi baa tua n yaa yaaba. Efilayima leni Manase baa tie npo n yaaba nani Lubena leni Simeyono n tie maama. 6Ama ŋan den mali yaa bila bi yaa puoli, baa tie a yaa yaaba. Bi baa ga bi kpeliba yaa yela kelima li faali po. 7Min den ñani Padana dogu nni ki goa, Lasela den kpe n kani u sanu nni Kanana diema nni ke ti daa pundi Yufilata. N den piini o lankani Yufilata yu n go yi Betelema yaa sanu nni.»#Cil 35.16-19 8Jakobo den diidi Josefi bijaba ki yedi: «Ŋmenba nne?» 9Josefi den goa ki yedi o baa: «Bi tie n bijaba, U Tienu n den puni nni yaaba nekanba.» Jakobo den yedi: «N mia ŋa teni ban nagini n kani ke min gaali ba.» 10Jakobo yaa nuni den tadigi kelima wan den podi maama yaa po ke o naa go nua. Josefi den teni ke bi nagini o kani ke Jakobo den bibi ba ki gobini ba. 11Jakobo den yedi Josefi: «Mii den tama ke n go baa le a nunga. Ama diidi, U Tienu teni ke n laa baa a bila moko.» 12Josefi den teni ke o bijaba fuadi o baa duna kani ke wani oba den labini tiipo o nintuali. 13Lanwani Josefi den taa bani bonba lie kuli, Efilayima den ye o yaa jienu po ke li tie Isalele ganu po. Manase den ye o yaa ganu po ke li tie Isalele yaa jienu po ke Josefi den teni ke bi nagini Jakobo kani. 14Jakobo den tandi o nijienu ki maani Efilayima yaa yuli po wani yua n den tie o bonwaalo ki den maani o niganu Manase yaa yuli po mo. O den poandi poandi o nii yeni kelima Manase n den tie o nikpelo. 15O den gaali Josefi ki yedi:
«U Tienu, n baanba Abalahama leni Isaaka n cuoni yua yaa nintuali,
U Tienu yua n gobidi nni ki cili min mali yaa yogunu ki pundi hali moala,
16Yaa maleki n den da ki faabi nni n fala kuli nni
Wani n seligi a naa bila.
Ban yini ba n yaa yeli
Leni n baanba, Abalahama leni Isaaka yaa yela.
Ban yaa pugidi hali boncianla mi diema nni.»
17Josefi den laa ke o baa maani o nijienu Efilayima po, laa den mangi o. O den cuo o baa yaa nuu ki fuadi u Efilayima yaa yuli po ki maani Manase yaa yuli po. 18Josefi den yedi o baa: «N baa yen kaa ba. O ne n tie o nikpelo maani a nijienu o yaa yuli po.» 19O baa den yie ki yedi: «N bani, n bijua, n bani wani moko baa tua nibuolu ki tua niciamo. Ama o waalo baa tua niciamo ki cie o. O yaa bila baa tua i nibuoli boncianla.» 20O den gaali ba laa daali ki yedi:
«Li tie fini yaa po ke Isalele yaaba baa gaaliti ki tua:
U Tienu n teni ŋan tua nani Efilayima leni Manase.»
O den teni ke Efilayima ga Manase liiga.#Ebl 11.21 21Jakobo den yedi Josefi: «Diidi n baa kpe. Ama U Tienu baa ye leni a. O baa teni yin guani yi baanba yaa diema nni. 22N puni fini yaa biinu n cie min puni a kpeliba yaala min den ga yu Amola yaaba kani leni ki jugisiega leni n dabanli.»
Jakobo gaali o piiga n bijaliediba
Currently Selected:
MI CILIMA 48: GUX03
Highlight
Share
Copy
Want to have your highlights saved across all your devices? Sign up or sign in
Gulmancema Bible © Bible Society of Burkina Faso, 2003.
